سلێمانی؛ رێكخراوێكی ژنان بڵندگۆی بانگەشەی یەكسانی جێندەری لە ‏بەرامبەر مزگەوتی گەورە دانا


یەكێتی زانایانی ئاینی ئیسلامی كوردستان ڕایدەگەیەنێت ، ئەو بڵندگۆیانەی ‏رێكخراوێكی ژنان بەرامبەر مزگەوتی گەورەی سلێمانی داینابوون و بانگەشەیان بۆ “یەكسانی جێندەری” دەكرد لابراون، دەشڵێت،”رێگە نادەن ئەوانەی باسی جێندەر و هاوڕەگەزبازی دەكەن بەرنامەكانیان جێبەجێ بكەن”.

یەكێتی زانایانی ئاینی ئیسلامی كوردستان لقی سلێمانی ئەمڕۆ لە راگەیەنراوێكدا بڵاویكردەوە، كە رێگە نادەن ئەوانەی باسی جێندەر و هاوڕەگەزبازی دەكەن بەرنامەكانیان جێبەجێ بكەن، لەسەر ئەو بنەمایەش پەیوەندیان بە نووسینگەی تایبەتی جێگری سەرۆكی حكومەت و پارێزگاری سلێمانییەوە كردووە و بە سوپاسێكی زۆرەوە هەردوولایان خەمخۆرانە پاڵپشتی خۆیان بۆداواكەمان دەربڕی.

ئەوەش خراوەتەڕوو، ئەو بەرپرسانە سەرجەم دەزگا ئەمنییەكانی شاری سلێمانیان راسپارد كە هاوكار و پشتیوانیانبن لە پووچەڵكردنەوەی ئەو پیلانە ژەهراوییەی جێندەرێزم و هاوڕەگەزخوازەكان دەیانویست لە رێگای بڵنگۆوە لە ناوجەرگەی شار و بەرامبەر (مزگەوتی گەورەی شاری سلێمانی) سمبولی ئایینی و جوانی ئە م شارە لە سەر بازاڕەكانی كاسۆمۆڵ و ئاوباریك بانگەشەی بۆبكەن.

ئەمە لەكاتێكدایە، دوێنێ لە پارێزگای هەڵەبجە و ئیدارەی راپەڕین ‏رێكخراوێكی ژنان ژمارەیەك بڵندگۆی لەسەر باڵەخانە و شوێنە گشتییەكانی شارەكان دانا و دواتریش لەژێر فشاری هاووڵاتیاندا لابران، لە بڵندگۆكەوە كە بە دەنگی ژنێك دەگوترا ‏ئەم چەند راستەیە بوو، “شاخدارە گەورەكە و هاوڕێ نزیكەكەی شەیتان ‏هەر من بووم، ئیماندار و پیاوە نزیك لە خوداكەش هەر ئێوە بوون، من ئەو ‏توێژەم كە بیرتان لێنەدەكردەوە، شەرمەزار نابن، ئێوەی جەللاد، ئێوەی ‏دەستی باڵا، ئێوەی كێن؟ من دەنگی نەبیستراوی مێینەم”.

گەرمیان؛ لەڕووداوێكی هاتووچۆدا ژمارەیەك هاووڵاتی بوونە قوربانی
پێشت گەرمیان؛ لەڕووداوێكی هاتووچۆدا ژمارەیەك هاووڵاتی بوونە قوربانی
فشاری دەروونی بەیانیان (دڵەڕاوكێی بەیانیان)
دواتر فشاری دەروونی بەیانیان (دڵەڕاوكێی بەیانیان)
پەیوەندیدار