ئێمە لە تۆرە کۆمەڵایەتیەکان

کوردستان

زۆرینەی ڕاپرسیەكی (تۆڕی میدیایی خەڵك)، وەزارەتی شارەوانیان لاپەسەندە

خەڵك

لە ڕاپرسیەكی هەفتانەی تۆڕی میدیایی خەڵكدا، زۆرینەی بەشداربوان كارەكانی وەزارەتی شارەوانی و گەشت و گوزاری حكومەتی هەرێمیان لاپەسەندە.

تۆڕی میدیایی خەڵك، لە گۆشەی ڕاپرسیدا، كە لەسەر پێگەی فەرمی دامەزراوەكە دایدەنێت، هەفتانە راپرسی سەبارەت بە پرسە سیاسی و ئابوری و كۆمەڵایەتی و … هتد، دەكات، لە رێی بەشداری راستەوخۆی هاوڵاتیان بە وەڵامدانەوەی لایەنی دڵخوازیان بۆ كار و خزمەت یان باشی و خراپی هەر دیاردەیەك، لە ڕاپرسی ئەمجارەیدا، كە تەرخانی كردووە بۆ وەرگرتنی ڕای هاوڵاتیان لەسەر خزمەت و دیار بوونی جێگە دەستی وەزارەتەكانی كابینەی 8ی حكومەتی هەرێم، ڕاپرسی لە نێوان هەرسێ‌ وەزارەتەكانی (شارەوانی، سامانەسروشتیەكان، پلاندانان) ئەنجام دا.

بە پێی ئەنجامی راپرسییەكە،  %76ی دەنگەكانی بەشداری ڕاپرسیەكە، دەنگیان بە “وەزارەتی شارەوانی و گەشت و گوزار” داوە و پێیان وابووە كە ئەو وەزارەتە جێ دەستی لە خزمەتكردن بە هاوڵاتیان دیار بووە.

هاوكات، دوای وەزارەتی شارەوانی  %14ی  دەنگەكانی راپرسیەكە، وەزارەتی سامانە سروشتیەكانیان لاپەسەند بووە.

هەرچی وەزارەتی پلاندانانی حكومەتی هەرێمیشە كە یەكێك لە وەزارەتە بەشدارەكانی نێو ڕاپرسیەكەبووە، لە پلەی سێیەمی راپرسیەكەدایە .

وەزارەتی شارەوانی و گەشتوگوزار، لە كابینەی 8ی حكومەتی هەرێم لە پشكی پارتی دیموكراتی كوردستان بوو، لە ماوەی چوار ساڵی كاری ئەو وەزارەتەدا كە رێكەوت بوو لەگەڵ قەیرانی دارایی هەرێم، بە پێی ئامارەكانی دەستەی گەشتوگوزار، ساڵانە هاتنی گەشتیار بۆ هەرێمی كوردستان زیادیكردووە و هۆكار بووە بۆ زیاد بوونی داهاتی وەزارەتی شارەوانی و گەشتوگوزار.


نەورۆز مەولود محەمەدئەمین گەردی‌
– لەدایكبوون: 1970.
– نەتەوە: كورد.
– ڕەگەزنامە: عێراقی‌.
– بڕوانامە: ماستەر لە بەڕێوەبردنی‌ كار، 2010 – زانكۆی‌ سەلاحەدین.
– ئەزموون: بەڕێوەبەری‌ گشتیی‌ وەبەرهێنانی‌ هەولێر -2013.
– وەزیری‌ شارەوانی‌.

نەورۆز مەولود محەمەدئەمین گەردی‌، تاكە وەزیری ژنی (پارتی) لە كابینەی هەشتی حكومەتی هەرێم لە رێكەوتی 18-6-2014 لە رێی پارلەمانی كوردستانەوە ، متمانەی پێدراو بووە وەزیری شارەوانی ‌و گەشتوگوزار.

دەتوانن لە رێی ئەم لینكەوە ئاگاداری چالاكیەكانی وەزیری شارەوانی و گەشتوگوزار بن.

کوردستان

پزیشكێكی دەرمانساز؛ ڤاكسینێكی دیكەی دژە كۆڕۆنا لە بەریتانیا دەچێتە قۆناغی كۆتایی تاقیكردنەوەوە

خەڵك – بەشی هەواڵ

پزیشكێكی دەرمانساز لە دامەزراوەی كۆنتڕۆڵی جۆریی دەرمان لە هەرێم ڕایدەگەیەنێت ، مانگی داهاتوو ڤاكسینێكی دیكەی دژەكۆڕۆنا لە بەریتانیا، بە بەشداری دە هەزار خۆبەخش، دەچێتە قۆناغی كۆتایی تاقیكردنەوە.

د. عیسا ئال عیسا، پزیشكی دەرمانساز لە دامەزراوەی كۆنتڕۆڵی جۆریی دەرمان لە هەرێم لە هەژماری تایبەتی خۆی ڕایگەیاندووە، لە ماوەی چوار بۆ شەش هەفتەی داهاتوو، ڤاكسینێكی دیكەی دژەكۆڕۆنا لە بەریتانیا، بەناوی ڤاكسینی نۆڤاڤاكس، بە بەشداری دە هەزار خۆبەخش، دەچێتە قۆناغی كۆتایی تاقیكردنەوە وە .

ڕاشیگەیاندووە، بەمەش ئەم جۆرە ڤاكسینە دەبێتە دووەمین ڤاكسین لە بەریتانیا و دەیەمین ڤاكسین لەسەر ئاستی جیهان لە قۆناغی كۆتایی تاقیكردنەوە كلینیكییەكان.

بەردەوام بە لە خوێندنەوە

کوردستان

هەڵەبجە ؛قاوشەكانی نەخۆشخانەی وەفا و بەركەوتووانی چەكی كیمیایی پڕ بوون لە نەخۆش

خەڵك – بەشی هەواڵ

وتەبێژی بەڕێوبەرایەتی گشتی تەندروستی هەڵەبجە ڕایدەگەیەنێت ، بەهۆی بەرزبوونەوەی ژمارەی توشبوون بە ڤایرۆسی كۆرۆنا قاوشەكانی كۆرۆنا لە نەخۆشخانەی وەفا و بەركەوتووانی چەكی كیمیایی پڕ بوون لەنەخۆش.

د. شاناز نەقشبەندی، وتەبێژی بەڕێوبەرایەتی گشتی تەندروستی هەڵەبجە لە ڕاگەیەنراوێكدا ڕایگەیاندووە، بە هۆی پڕبوونی قاوشەكانی كۆرۆنا لە ھەردوو نەخۆشخانەی وەفا و بەركەوتووانی چەكی كیمیایی، بە داوای لێبووردنەوە لە ئێستادا ئەو نەخۆشانەی لە دەرەوەی سنوری ئیدارەی پارێزگای ھەڵەبجەن لەوەرناگیرێن.

ڕاشیگەیاندووە، تەنها ئەو نەخۆشانەی دەرەوەی سنوری هەڵەبجە وەردەگیرێن، كە لە ڕێگەی فۆڕمی ڕەوانەكردنی نەخۆش و بە ئاگاداری بەڕێوەبەرایەتی گشتی تەندرووستی سنوورەكەیان وەردەگیرێن لە سەنتەرەكانی كۆرۆنا لە پارێزگای ھەڵەبجە.

بەردەوام بە لە خوێندنەوە

کوردستان

وەزارەتی خوێندنی باڵا؛ خولەكانی تەواوكاری و فێركاری زمانی ئینگلیزی بە شێوەی ئۆنلاین دەست پێدەكات

خەڵك – بەشی هەواڵ

وەزارەتی خوێندنی باڵاو توێژینەوەی زانستی حكومەتی هەرێم ڕایدەگەیەنێت ، خولەكانی تەواوكاری و فێركاری زمانی ئینگلیزی بە شێوەی ئۆنلاین لەڕۆژی یەكشەممە (٢٠٢٠/١٠/١٨) بە شێوەی ئۆنلاین دەست پێدەكات.

وەزارەتی خوێندنی باڵاو توێژینەوەی زانستی لە ڕاگەیەنراوێكدا بڵاویكردەوە، لەسەر راسپاردەی ئارام محەمەد قادر، وەزیری خوێندنی باڵاو توێژینەوەی زانستی، لیژنەی پێداچونەوە بە مەرج و رێنماییەكانی سەنتەرەكانی زمان، خولەكانی تەواوكاری و فێركاری زمانی ئینگلیزی بە شێوەی ئۆنلاین دەستپێدەكاتەوە.

ڕاشیگەیاندووە، پاش ئەنجامدانی چەندین كۆبونەوە بەسەرپەرشتی سەرۆكی دەزگای سەرپەرشتی و دڵنیایی جۆری و سەرۆكی لیژنەی پێداچونەوە بە مەرج و رێنماییەكانی سەنتەرەكانی زمان، بەمەبەستی دانانی ڕێكاری پێویست بۆ دەستپێكردنەوەی خولەكان بە پاراستنی كوالێتی و رێوشوێنی گونجاو و رەچاوكردنی رێكارە تەندروستیەكان، بڕیاردرا بەدەستپێكردنەوەی خولەكانی تەواوكاری و فێركاری بەشێوەی ئۆنڵاین.

لە ڕاگەیەنراوەكە داهاتووە، رۆژی یەكشەممە 27ی ئەیلولی 2020 ناونوسین لە گشت سەنتەرەكانی فێربونی زمانی ئینگلیزی زانكۆكانی كوردستان بۆ هەردوو خولەكە دەستپێدەكات، تا رۆژی دوو شەممە 5 -10 – 2020 بەردەوام دەبێت، هەروەها دوای پەسەندكردنی ناوەكان لەلایەن وەزارەتەوە لەڕۆژی یەكشەممە 18-10-2020 بە شێوەی ئۆنلاین دەستپێدەكات.

بەردەوام بە لە خوێندنەوە

کوردستان