ئێمە لە تۆرە کۆمەڵایەتیەکان

کوردستان

یەكێتی بۆ پێكهێنانی حكومەتی هەرێم یەكەم هەنگاو دەنێت

خەڵك- بەشی هەواڵ
ئەمڕۆ چوار شەممە، كۆتا كۆبوونەوەی خولی چوارەمی پەرلەمانی كوردستان ئەنجام درا و بڕیارە بەم نزیكانە پەرلەمانی نوێ‌ یەكەم كۆبوونەوە بكات و لیستی یەكەمی هەڵبژاردن، كە پارتییە بۆ پێكهبَنانی حكومەت دەست بە گفتوگۆ بكات، وتەبێژی یەكێتی-ش دەڵێت: “لەگەڵ لایەنەكان كۆدەبینەوە”.

سەعدی ئەحمەد پیرە، وتەبێژی فەرمی یەكێتیی نیشتمانیی كوردستان بۆ (خەڵك) لەبارەی چۆنیەتی بەشداری كردنی حزبەكی لە حكومەتی داهاتووی هەرێمی كوردستان، وتی، “لەماوەی چەند ڕۆژی داهاتوودا لەگەڵ لایەنەكان كۆدەبینەوە و لەپاش گفتوگۆ و گۆڕینەوەی ڕاوبۆچوونەكان لەسەر شێوازێك بۆ پێكهێنانی حكومەتی داهاتوو پێكدێین”.

پێشتر چەندین بەرپرسی پارتی دیموكراتی كوردستان، كە بە بەدەستهێنانی 45 كورسی بوونە براوەی یەكەمی هەڵبژاردنی پەرلەمانی كوردستان ڕایانگەیاندووە، كە لەسەر بنەمای شایستەی هەڵبژاردن پۆست بە لایەنەكان دەدرێت و حكومەتی زۆرینە پێكدەهێنرێت.

سەبارەت بەو پرسە، سەعدی ئەحمەد پیرە ڕەتیكردەوە پارتی دیموكراتی كوردستان بەشێوەیەكی فەرمی باسی لە پێكهێنانی حكومەتی هەرێم كردبێت لەسەر بنەمای دەستكەوتەكانی هەڵبژاردن و سەبارەت بەو لێدوانانەش، وتی، “نابێت ئەو جۆرە قسانە ببنە مایەی تێكدانی ژینگەی پێكەوە كاركردن”.

ئەمە لەكاتێكدایە، كە ئاراس حسۆ میرخان، ئەندامی ئەنجومەنی سەركردایەتیی پارتی دیموكراتی كوردستان بە ماڵپەڕی فەرمی حزبەكەی ڕاگەیاندووە، بڕیارە سەرەتای ھەفتەی داھاتوو ئەنجومەنی سەركردایەتی پارتی دیموكراتی كوردستان كۆبوونەوەیەك ئەنجام بدات و وەفدی حزبەكەی بۆ گفتوگۆكردن لەگەڵ لایەنەكان بۆ پێكهێنانی حكومەتی نوێ و كاندیدی پارتی بۆ سەرۆكی حكومەت دیاری دەكرێت و دەست بە گفتوگۆی پێكهێنانی حكومەتی نوێ دەكرێت.

وتوشیەتی، “گفتوگۆكانی پارتی لەگەڵ لایەنەكان لەسەر ئیستحقاقی هەڵبژاردن دەبێت و هەر لایەنێك بە پێی قەبارەی خۆی مامەڵەی لەگەڵ دەكرێت سەردانی هەموو لایەنەكانیش دەكەین، حكومەتی ئەمجارەش زۆرینە دەبێت و بنكەفراوان نابێت”.

کوردستان

مەلا بەختیار لەبارەی دامەزراندنی حزبەوە ڕوونكردنەوە دەدات

خەڵك- بەشی هەواڵ

مەلا بەختیار بەرپرسی دەستەی كارگێڕی مەكتەبی سیاسی یەكێتی نیشتمانی كوردستان و سەرپەرشتیاری گشتی پلاتفۆڕمی دابڕان ڕایگەیاند، مەكتەبی سیاسی، سەركردایەتی، ئەنجومەنی ناوەندی و سەرجەم ئۆرگانەكانی یەكێتی دڵنیا دەكەنەوە، كە ناوەندی دابڕان ناكەنە حزب.

مەلا بەختیار لەگوتارێكدا لە دووهەم ڕۆژی كۆنفڕانسی پلاتفۆڕمی دابڕاندا ئاماژەی بەوەكرد، ئەوانەی ئەو دەنگوباسانە بڵاودەكەنەوە، كە ناوەندی بڕیار دەكرێت بە حزب، ڕاست نین، ئەو دەنگۆیانە بۆ ترساندنی لایەنگرانی یەكێتییە، كە نزیك نەبنەوە لە دابڕان.

ڕوونیشیكردەوە، پلاتفۆڕمی دابڕان دامەزراوەیەكی ڕۆشنبیریی عەلمانییە، بڕوای بە ئازادی ویژدان هەیە، بەڵام ئیلحاد نییە.

بەردەوام بە لە خوێندنەوە

کوردستان

توركیا جارێكی دیكە ڕێگەی بە دیداری ئۆجالان نەدا

خەڵك- بەشی هەواڵ

محەمەد ئۆجالانی برای عەبدوڵڵا ئۆجالان و مەزڵووم دینچ-ی وارسی، بۆ ئەوەی بچنە ئیمڕاڵی دوێنێ لە ڕێی پارێزەرانەوە داواكارییەكی دیكەیان پێشكەشی سەرۆكایەتیی داواكاری گشتیی شاری بوورسا كرد، بەڵام ئەم جارەش داواكارییەكەیان ڕەتكرایەوە.

ئاژانسی فوڕاتنیوز بڵاویكردەوە “هەروەها خانەوادەی ٣ زیندانیی دیكەی بەندیخانەی ئیمڕاڵی؛ هامیلی یڵدرم، عومەر خەیری كۆنار و ڤەیسەل ئاكتاش بۆ هەمان مەبەست لە ڕێی پارێزەرانەوە داواكارییەكیان پێشكەش كرد، بەڵام ئەمجارەش بە بیانووی «سنوورداركردنی پەیوەندیی سزادراوان» مۆڵەتی چاوپێكەوتنیان نەدا”.

عەبدوڵا ئۆجالان لە ١١ی ئەیلوولی ٢٠١٦-ەوە ڕێگری لێ دەكرێت چاوی بە خانەوادەكەی بكەوێت. بەڵام دوای دەستپێكردنی مانگرتنەكان بۆ هەڵگرتنی گۆشەگیریی سەر ئیمڕاڵی، لە ١٢ی كانوونی دووەمی ٢٠١٩ ڕێگە درا كە محەمەد ئۆجالان سەردانی ئیمڕاڵی بكات و چاوپێكەوتنێكی كورت بكات.

لە لایەكی دیكەوە لە ٢٧ی تەمووزی ٢٠١١-ەوە توركیا ناهێڵێت پارێزەرانی ئۆجالان سەردانی ئیمڕاڵی بكەن و چاویان بە ئۆجالان بكەوێت. لەوكاتەوە تا ئێستا ٧٩٢ جار داواكاریی پارێزەران ڕەتكراوەتەوە.

بەردەوام بە لە خوێندنەوە

کوردستان

سەعدی ئەحمەد پیرە: داوای پۆستی سەرۆكی هەرێممان نەكردووە

خەڵك- بەشی هەواڵ

ئەندامێكی مەكتەبی سیاسی یەكێتی نیشتمانی كوردستان ڕایگەیاند، یەكێتی داوای پۆستی سەرۆكی هەرێمی نەكردووە و هیچی وای نەبیستووە، بەڵام لەگەڵ ڕۆیشتنی ئاڕاستەی پرۆسەكە بە ناتەندروست، ئەوا خەڵك هەوڵ دەدەن قسەی وا بكەن و كێشە دروست ببێت.

سەعدی ئەحمەد پیرە بە كەناڵی ڕووداو-ی ڕاگەیاندووە، دووئیدارەیی تەواو بوو، پێشتر تاقییان كردووەتەوە، یەكێتی هەرگیز باسی دووئیدارەیی نەكردووە.

هاوكات دوێنێ مەلا بەختیار بەرپرسی دەستەی كارگێڕی مەكتەبی سیاسی یەكێتی بابەتی دووئیدارەیی ڕەتكردەوە.

لەبەرامبەردا وەستا ڕەسوڵ و فەرید ئەسەسەرد ئەندامانی سەركردایەتی یەكێتی وەك ئەگەرێك باسیان لەدووئیدارەیی و لامەركەزی بۆ سلێمانی كردبوو.

دوای شكستی ڕێككەوتنی پارتی و یەكێتی و كۆبوونەوەی پەڕلەمان، لەتیف شێخ عومەر وتەبێژی یەكێتی ڕایگەیاند، یەكێتی لە دوای كۆبوونەوەی پەڕلەمان قسەی نوێی دەبێت.

هاوكات سەرچاوە نێوخۆییەكان ئاشكرایان كرد یەكێتی پۆستی سەرۆكی پەڕلەمانی ناوێت و سەرۆكی هەرێمی دەوێت.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان