ئێمە لە تۆرە کۆمەڵایەتیەکان

ژینگە

ژمارەكانی گەیاندنی هاوكاری بڵاوكرایەوە
كه‌مپینێك بۆ قه‌ره‌بووكردنه‌وه‌ی بناری قه‌ندیل ڕاگه‌یه‌ندرا


خەڵك- بەشی هەواڵ
كه‌مپینێكی یەك مانگی بۆ قه‌ره‌بووكردنه‌وه‌ی بناری قه‌ندیل ڕاگه‌یه‌ندرا و بەپێی ڕاگەیەنراوی كەمپینەكە، “تۆش هاوكار بە لە ئاوەدانكردنەوەی بناری قەندیل” و بۆ ئەو مەبەستەش چەند ژمارە مۆبایل و ژمارە حسابی بۆ گەیاندنی كۆمەك و هاوكارییەكان بڵاوكرایەوە.

هاوسەرۆكایەتی شارەوانی بناری قەندیل و ئەنجومەنی گەلی بناری قەندیل كەمپینێكیان ڕاگەیاند و لە ڕاگەیەنراوێكدا ئاماژەیان بەوەكردووە، بناری قەندیل ئەو بنارەیە، كە لە بەرامبەر هەموو هێرشە داگیركاریەكانی دوژمنان ‌و داگیركەرانی كوردستان بەرخودانی كردووە‌ و دەكات و دەشڵێت: “كوردستان بەهۆی پێكهاتە سروشتیەكەیەوە زۆر جار ڕووبەڕووی كارەساتی سروشتی دەبێتەوە”.

ڕاشیانگەیاندووە، لە بەرواری 26 ـ 10 ـ 2018 كارەساتێكی سروشتی بەهۆی بارینی بارانێكی بەخوڕ، كە بە گوێرەی كەسە شارەزاكانی ناوچەكە نزیكەی 100 ساڵە كارەساتی وای بە خۆیەوە نەبینیوە، لە بنارەكەماندا ڕوویدا لە هەرسێ ناوچەی سورەدێ، ناودەشت ‌و باڵاییان. لە ئەنجامی ئەم كارەساتەدا لەگەڵ ئەوەی خۆشبەختانە زیانی گیانی لێ نەكەوتەوە، بەڵام بەداخەوە زەرەر و زیانێكی زۆری ماددی لە هەموو ڕوەكەوە لەم بنارە كەوت.

هاوسەرۆكایەتی شارەوانی و ئەنجومەنی گەلی بناری قەندیل پەیامیان ئاڕاستەی، “حكومەتی هەرێمی كوردستان، حكومەتی عێراق، لایەنە سیاسیەكان، رێكخراوەكانی كۆمەڵگەی مەدەنی، كەسایەتیە خاوەن هەڵوێست ‌و گەلەكەمان دەكەین هاوكاربن بۆ ئاوەدانكردنەوە‌ و سڕینەوە‌ و نەهێشتنی تەواوی كاریگەری زیانەكانی ئەم كارەساتە، بۆ ئەوەی هەموومان ببینە هاوكار بۆ تێپەڕاندنی ئەو بارودۆخەی، كە بەسەر خەڵك‌ و دانیشتوانی بنارەكەمان هاتووە. كەمپینەكەمان لە ئێستادا بۆ ماوەی مانگێك ڕادەگەنین”.

دەقی ڕاگەیەنراوی كەمپینەكە:

كەمیپینی هاوكاری بۆ كارەساتی سروشتی بناری قەندیل
وەك دەزانن بناری قەندیل ئەو بنارەیە كە لە بەرامبەر هەموو هێرشە داگیركاریەكانی دوژمنان‌و داگیركەرانی كوردستان بەرخودانی كردووە‌ و دەكات. لە هەر كات‌ و ساتێك لەم بنارە خۆڕاگرەدا هێرشێك پێك هاتبێت هەم گەلی بناری قەندیل، هەمیش گەلەكەمان لە چوارپارچەی كوردستان خاوەن هەڵوێست ‌و ئیرادە ‌و خۆڕاگری، بە ویژدان بووە‌و ئەركی سەردەمیانە‌و نەتەوەیی‌و مرۆیی خۆیان پێك هێناوە، تا ئێستا هەموومان دەست لە ناودەست بناری قەندیلمان پاراستووە‌و لێرە بەدوایشەوە دەیپارێزین.
بێگومان كوردستان بەهۆی پێكهاتە سروشتیەكەیەوە زۆر جار رووبەڕووی كارەساتی سروشتی دەبێتەوە. لە ئەمڕۆشدا وەك دانیشتوانی بناری قەندیل، رووبەڕووی كارەساتێكی سروشتی بوینەوەتەوە.
لە بەرواری 26 ـ 10 ـ 2018 كارەساتێكی سروشتی بەهۆی بارینی بارانێكی بەخوڕ كە بە گوێرەی كەسە شارەزاكانی ناوچەكە نزیكەی 100 ساڵە كارەساتی وای بە خۆیەوە نەبینیوە، لە بنارەكەماندا روویدا لە هەرسێ ناوچەی سورەدێ، ناودەشت‌و باڵاییان. لە ئەنجامی ئەم كارەساتەدا لە گەڵ ئەوەی خۆشبەختانە زیانی گیانی لێ نەكەوتەوە، بەڵام بەداخەوە زەرەرو زیانێكی زۆری ماددی لە هەموو روێكەوە لەم بنارە كەوت. كە زەرەرو زیانەكان بە گشتی بریتین لە: لە كەرتی گشتی:
1 ـ رێگای (27) گوند پەكی كەوتووە.
2 ـ (12) پرد روخاون.
3 ـ كارەبای نیشتمانی هەرسێ ناوچەكە بە تەواوی پچڕاوە.
4 ـ ئاوی خواردنەوەی زیاتر لە (15)گوند پەكی كەوتووە.
5 ـ (3) بنكەی تەندروستی،(2) قوتابخانە‌و(3) مزگەوت روخاون.
6 ـ بە دەیان جۆگەی ئاودێری وێران بوون.
لەگەڵ ئەوانەدا زیانە ماڵیەكانی خەڵك: بە دەیان ماڵ وێران بون‌و ڕوخاون، هەروەها لە رەزوباخ، ئاژەڵ، مێش هەنگ، موڵك، ئۆتۆمبێل، دوكان. كە سەرچاوەی داهات‌و بژێوی ژیانی خەڵكن وێران بوون‌و لەناوچوو.
بۆیە وەك شارەوانی بناری قەندیل‌و ئەنجومەنی گەلی بناری قەندیل لە چوارچێوەی كەمپین (تۆش هاوكار بە لە ئاوەدانكردنەوەی بناری قەندیل) بانگەوازی ئاراستەی حكومەتی هەرێمی كوردستان، حكومەتی ئێراق، لایەنە سیاسیەكان، رێكخراوەكانی كۆمەڵگەی مەدەنی كەسایەتیە خاوەن هەڵوێست‌و گەلەكەمان دەكەین هاوكاربن بۆ ئاوەدانكردنەوە‌و سڕینەوە‌و نەهێشتنی تەواوی كاریگەری زیانەكانی ئەم كارەساتە. بۆ ئەوەی هەموومان ببینە هاوكار بۆ تێپەڕاندنی ئەو بارودۆخەی كە بەسەر خەڵك‌و دانیشتوانی بنارەكەمان هاتووە. كەمپینەكەمان لە ئێستادا بۆ ماوەی مانگێك رادەگەنین، بە گوێرەی گەیشتنی هاوكاریەكان‌و هەنگاوەكانی ئاوەدانكردنەوە‌و قەرەبووكردنەوەی دانیشتوان ئەنجام‌و سوپاسی‌و پێزانیمان رادەگەیەنین.
بۆیە داوا لە هەر دام‌و دەزگا، رێكخراوو كەسێك دەكەین كە دەیەوێت هاوكاریمان پێ بگەیەنێت كە بریتین لە پێداویستیەكانی ئاوەدانكردنەوە كە بگەیەنرێنە شارەوانی بناری قەندیل، هەروەها هاوكاری ماددی كە بگەیەنرێن بەم ناوو نیشانانە.
حساب بانكی لە سلێمانی، هەولێر، زاخۆ، بە ناوو نیشانی بانكی: 14652
گەرمیان: 07702907764
سلێمانی: 07701564418
راپەڕین: 07509983793
هەولێر: 07736945757
كەركوك: 07701323245
شارەزوور: 07507370695
شارەوانی بناری قەندیل:07708947677
سوپاسی بێ پایانمان بۆ هەموو ئەوانەی كە بەدەم كەمپینەكەمانەوە دێن ‌و هاوكاریەكانیان بۆ تێپەڕاندنی كاریگەریەكانی ئەم كارەساتە دەگەیەنن.

هاوسەرۆكایەتی شارەوانی بناری قەندیل
ئەنجومەنی گەلی بناری قەندیل

هاوكاریتان ئه‌ركێكی ویژدانی و مرۆییه‌
لەگەڵ سڵاو رێز

ژینگە

لەگەڵ نزیكبوونەوەی هاوین نزمترین پلەی گەرما لە هەرێم تۆماركرا


خەڵك- بەشی هەواڵ
بەپێی ڕاپۆرتێكی كەشناسی هەرێم، ئەمڕۆ پلەكانی گەرما بەشێوەیەكی بەرچاو ڕوو لە نزمبوونەوە دەكەن و لە چەند ناوچەیەك پلەی گەرما بۆ 7 پلە دابەزی.

بەپێی ڕاپۆرتێكی كەشناسی هەرێم، “دوای ھاتنی بارستە ھەوایەكی فێنك بۆ سەر ناوچەكەمان كەوا پلەكانی گەرما بە نزیكەی ١١ تا ١٢ پلە نزم كردەوە بۆ سبەی بەیانی پێشبینی دەكەین نزمترین پلەكانی گەرما لە ھەندێ ناوچەی شاخاوی لە ژێر ١٠ پلەی سیلیزی بێت و سەنتەری پارێزگاكانیش لە ١٥ پلە نزیك دەبێتەوە”.

ئاشكراشی كردووە، كاریگەری ئەو بارستە ھەوایە فێنكەش سبەی كۆتای دێت و ڕۆژی چوار شەممە پلەكانی گەرما ڕوو لە بەرزبوونەوە دەكاتەوە .

جەختیشی كردۆتەوە، نزم بوونەوەی پلەکانی گەرما بەو ڕێژە زۆرە حالەتێکی دەگمەنە بە تایبەتی لەم وەرزە و مانگە.

هاوكات بەپێی خشتەیەك، كە كەشناسی بڵاویكردۆتەوە، ئەمڕۆ پلەی گەرما لە پێنجوێن لە سلێمانی و كانی ماسی لە دهۆك بۆ 7 پلە دابەزیوە.

بەردەوام بە لە خوێندنەوە

ژینگە

پلەکانی گەرما بەرز دەبنەوە


خەڵک ـ بەشی هەواڵ

تا سبەی کاریگەریی ئەو بارستە هەوا فێنکەی ناوچەکەی گرتووەتەوە دەمێنێ و لەڕۆژی چوارشەنەوە پلەکانی گەرما گۆڕانکاریی بەسەردا دێت و ڕوو لەبەرزبوونەوە دەکات.

بەپێی ڕاگەیەنراوی بەڕێوەبەرایەتی گشتی کەشناسی و بوومەلەرزەزانی هەرێم، دوای ھاتنی بارستە ھەوایەکی فێنک بۆ سەر ناوچەکە، کەوا پلەکانی گەرما بە نزیکەی 11 تا 12 پلە نزمکردەوە بۆ سبەی بەیانی پێشبینی دەکەن نزمترین پلەکانی گەرما لە ھەندێ ناوچەی شاخاوی لە ژێر 10 پلەی سیلیزی بێت .

ڕاگەیەنراوەکە، ئەوەی خستووەتەڕوو، سەنتەری پارێزگاکانیش پلەکانی گەرما لە 15 نزیک دەبێتەوە و کاریگەری ئەو بارستە ھەوا فێنکەش سبەی کۆتای دێت و ڕۆژی چوارشەممە پلەکانی گەرما ڕوو لە بەرزبوونەوە دەکاتەوە .

 

بەردەوام بە لە خوێندنەوە

ژینگە

گەشتوگوزاری هەرێم ؛ مەترسی كۆرۆنا زیاد نەكات دوای جەژن جوڵەی گەشتیاری دەست پێ دەكاتەوە


خەڵك – بەشی هەواڵ

وتەبێژی دەستەی گشتی گەشتوگوزاری هەرێم ڕایدەگەیەنێت ، دوو جەژنە كوردستان بێ گەشتیارە، چاوەرێین دەروازەی شارەكان بكرێنەوە ، تا بە شەپۆل گەشتیار بۆ كوردستان بێنەوە ، دەشڵێت،”ئەگەر مەترسی كۆرۆنا زیاد نەكات، مەزندە دەكرێت لە دوای جەژن جوڵەی گەشتیاری دەست پێ بكاتەوە”.

نادر ڕۆستی، وتەبێژی دەستەی گشتی گەشتوگوزاری هەرێم بە ڕاگەیەنراوێكدا ، كە وێنەیەكی دەست (خەڵك) كەوتووە ڕایگەیاندووە، دەستەكە ئامادەكاری كردوە بۆ هێنانی گەشتیاری ناوخۆی عیراق بە ژمارەیەكی زیاتر لە ساڵەكانی ڕابردوو، چونكە ئەو گەشتیارانەی پارساڵ بۆ وڵاتانی بیانی گەشتیان دەكرد، ئەمساڵ ڕوو لەهەرێمی كوردستان دەكەن، بۆیە شەپۆلی هاتنی گەشتیاران زیاتر دەبێت.

ڕاشیگەیاندووە، دوو جەژنە كوردستان بێ گەشتیارە، چاوەرێین دەروازەی شارەكان بكرێنەوە، تا وەك پار بە شەپۆل گەشتیار بۆ كوردستان بێنەوە، بۆیە دەستەی گشتی گەشتوگوزار بەردەوامە لە هەوڵەكانی بۆ ئاسایی كردنەوەی جوڵەی گەشتیاری، ئەگەر مەترسی كۆرۆنا زیاد نەكات، مەزندە دەكرێ لە دوای جەژن جوڵەی گەشتیاری دەست پێ بكاتەوە.

بەردەوام بە لە خوێندنەوە

کوردستان