لە سنوری ناحیەی سەرگەڕان بۆمبێکی چێنراو بەھەمەرێکی لیوای ٥١ ی فرقەی ١٤ ی سوپای عێراقدا تەقییەوە، بە گوێرەی زانیارییە سەرەتاییەکان سەربازێک کوژراوە و دوانی دیکە برینداربوون.
بە گوێرەی زانیارییەکان، سەرەتا بۆمبێکی چێنراو بە هەمەرێکی هێزەکانی سوپای عێراقدا تەقیەوەتەوە و دواتر چەکدارانی داعش هێرشییان دەستپێکردووە.
لای خۆشییەوە غازی فەیسەڵ فەرماندەی پێشمەرگە لەو سنوورە راگەیاندووە، لەکاتی تەقینەوەی بۆمبەکە داعش بۆسەیان داناوە و شەڕ لەنێوان سوپای عێراق و داعشدا ڕوویداوەو تا ئێستا بەردەوامە.
