تەندروستی هەرێم؛ هەڵمەتێكی نوێی كوتانی فرەڤاكسین بۆ منداڵان دەست پێدەكات

  • 842 بینین

وەزارەتی تەندروستی حكومەتی هەرێمی كوردستان ڕایدەگەیەنێت، دەستیان بە هەڵمەتێكی نوێی كوتانی فرەڤاكسین بۆ منداڵان لەسەرانسەری هەرێمی كوردستان كردوە و بۆ ماوەی 10 رۆژ بەردەوام دەبێت.

وەزارەتی تەندروستی حكومەتی هەرێمی كوردستان لە ڕاگەیەنراوێكدا بڵاویكردەوە، كە هەڵمەتی 10 رۆژەی كوتانی فرەڤاكسینی 18-12ـەوە بۆ ئەو منداڵانە دەستیپێكردوە، كە پێشتر ڤاكسینیان وەرنەگرتووە، داواش لە دایك و باوكان دەكات بۆ پاراستنی منداڵەكانیان لە نەخۆشییە مەترسیدارەكان، بەشداری لە هەڵمەتەكەدا بكەن و ئەركی خۆیان لە بەرامبەر منداڵەكانیان جێبەجێ بكەن.

ئاماژە بۆ ئەوەشكراوە، كە هەڵمەتەكە یارمەتیدەرێكی گەورەیە بۆ پاراستنی منداڵ و نەوەكانی داهاتوو لەو نەخۆشییە پەتایی و گوازراوانەی، كە تەنها بە كوتان خۆپارێزییان لێ دەكرێت.

هاوكات وەزارەتی تەندروستی داوا لە بەڕێوەبەرە گشتییەكانی تەندروستی لە پارێزگاكان و ئیدارە سەربەخۆكانیش دەكات، بۆ هاندانی هاووڵاتیان لەسەر كوتانی منداڵەكانیان لە رێگەی راگەیاندنەكانیانەوە بەشداری لە هەڵمەتەكەدا بكەن و پەیامی تەندروستیی تایبەت بە هەڵمەتی كوتانی فرەڤاكسین بڵاو بكەنەوە.

مووچەی خانەنشینان زیادكرا
پێشتر مووچەی خانەنشینان زیادكرا
حكومەتی هەرێم بۆ 400 ملیارەكە داوایەك لە حكومەتی عێراق دەكات
دواتر حكومەتی هەرێم بۆ 400 ملیارەكە داوایەك لە حكومەتی عێراق دەكات
پەیوەندیدار