ئێمە لە تۆرە کۆمەڵایەتیەکان

کوردستان

“ئەگەر ناوی بەرەو ئیسڵاح نەمێنێت، لێدانە لە شەرعیەت و رێكەوتنی دوو حزب‌و لێكترازانی لێدروست دەبێت”

خەڵك-بەشی هەواڵ
ئەندامێكی ئەنجومەنی جێبەجێكردنی یەكگرتووی ئیسلامی كوردستان رایدەگەیەنێت، لە رووی یاساییەو ناوی فراكسیۆنی بەرەو ئیسڵاح یەكلایی دەكرێتەوە.
هاوپەیمانی بەرەو ئیسڵاح لەنێوان بزووتنەوەی ئیسلامی و یەكگرتووی ئیسلامی پێكهێنراو دوای ئەنجامەكانی هەڵبژاردنیش هیچ كاندیدێكی بزووتنەوە نەیتوانی سەركەوتوو بێت و لە ئێستاشدا ژمارەیەك لە ئەندامانی بزووتنەوە لە هەڵوێستی تاك لایەنەی یەكگرتوو نیگەرانن و داوا دەكەن ناوی بەرەو ئیسڵاح لە فراكسیۆنە هاوبەشەكەیان نەكەنەوە.

موستەفا عەبدوڵڵا ئەندامی ئەنجومەنی جێبەجێكردنی یەكگرتوو بە (خەڵك)ی راگەیاند، پێش رۆژێك لە راگەیاندنی ئۆپۆزسیۆنبوونمان، رابەری بزووتنەوەی ئیسلامی و ئەمینداری یەكگرتوو كۆبونەوە، ئێمە لەگەڵ بزووتنەوە لێكتێگەیشتنی دۆخەكەمان هەیە، بەڵام چەند كادیرێكی بزووتنەوە ناڕەزایەتیان دەربڕیوەو هەر خۆشیان لە مەڵبەندەكانەوە روونكردنەوەیان بۆ دراوە لەسەر ئەو بابەتانەی رەخنەیان هەیە.

وتیشی” لەگەڵ بزووتنەوە كارێكی هاوبەشمان دروست كرد و لیستێكمان دروست كرد و سەركەوتنی بەدەست نەهێنا، چەند كاندیدێك دەرچوون و ئەوانەی ئەوان دەرنەچوون، هۆكارەكەشی ئەوەیە كە كۆی دەنگی لیستەكە كەم بوو”.

ئاماژەی بۆ ئەوەش كرد، لیستەكە كراوەیەو چ كاندیدیك زۆری هێنا ئەو دەچێتە پەرلەمان، بەڵام پەیوەندییەكانی ئێمەو بزووتنەوەی ئیسلامی گەورەتر و فراوانترە لە بابەتێكی لەو شێوەیە.

ئاشكراشیكرد، بزووتنەوە هەماهەنگن و پێشمان راگەیاندوون كە لەم خولەدا ئۆپۆزسیۆن دەبین و ئەوانیش لێمان تێدەگەن.

سەبارەت بە گۆڕینی ناوی فراكسیۆنەكە ناوبراو رایگەیاند، لە رۆژانی داهاتوودا لە رووە یاساییەكەوە یەكلایی دەبێتەوە.

لای خۆشییەوە ئاری عەبدوللەتیف سەرۆكی فراكسیۆنی بزووتنەوەی ئیسلامی بە (خەڵك)ی راگەیاند، كۆمسیۆن پەیوەندی بە بابەتی ناو گۆڕینەوە نییە، بەڵكو پەیوەندی بە حزبەكەوە هەیە.

وتیشی”قەوارەكە چۆن بوو لەسەرەتادا، بەو چەشنە لەناو پەرلەماندا فراكسیۆنی پێدەدرێت، بەپێی پەیڕەو بەو ناوەوە توانای بڕیاری هەیە و ئەگەر بیگۆڕێت ئەوكاتە ناوی بەرەو ئیسڵاح نامێنت و دەیكەن بە یەكگرتوو.

ئاشكراشیكرد، یەكگرتوو دەتوانن ئەمە بكەن، بەڵام ئەوە لێدانە لە شەرعیەت و رێكەوتنی ئەو دوو حزبە كە قەوارەكەیان دروست كرد‌و لێكترازانی لێدروست دەبێت.

رونیشیكردەوە، ئەگەر بەرەو ئیسڵاح نەما واتە بزووتنەوە نەماوە، بۆیە تاكو چوار ساڵ مافی هەر ئەندام و دەنگدەرێكی بزووتنەوەیە كە ماف و ئیمتیازاتی هەبێت لەنێو ئەو فراكسیۆنەدا.

کوردستان

مەلا بەختیار لەبارەی دامەزراندنی حزبەوە ڕوونكردنەوە دەدات

خەڵك- بەشی هەواڵ

مەلا بەختیار بەرپرسی دەستەی كارگێڕی مەكتەبی سیاسی یەكێتی نیشتمانی كوردستان و سەرپەرشتیاری گشتی پلاتفۆڕمی دابڕان ڕایگەیاند، مەكتەبی سیاسی، سەركردایەتی، ئەنجومەنی ناوەندی و سەرجەم ئۆرگانەكانی یەكێتی دڵنیا دەكەنەوە، كە ناوەندی دابڕان ناكەنە حزب.

مەلا بەختیار لەگوتارێكدا لە دووهەم ڕۆژی كۆنفڕانسی پلاتفۆڕمی دابڕاندا ئاماژەی بەوەكرد، ئەوانەی ئەو دەنگوباسانە بڵاودەكەنەوە، كە ناوەندی بڕیار دەكرێت بە حزب، ڕاست نین، ئەو دەنگۆیانە بۆ ترساندنی لایەنگرانی یەكێتییە، كە نزیك نەبنەوە لە دابڕان.

ڕوونیشیكردەوە، پلاتفۆڕمی دابڕان دامەزراوەیەكی ڕۆشنبیریی عەلمانییە، بڕوای بە ئازادی ویژدان هەیە، بەڵام ئیلحاد نییە.

بەردەوام بە لە خوێندنەوە

کوردستان

توركیا جارێكی دیكە ڕێگەی بە دیداری ئۆجالان نەدا

خەڵك- بەشی هەواڵ

محەمەد ئۆجالانی برای عەبدوڵڵا ئۆجالان و مەزڵووم دینچ-ی وارسی، بۆ ئەوەی بچنە ئیمڕاڵی دوێنێ لە ڕێی پارێزەرانەوە داواكارییەكی دیكەیان پێشكەشی سەرۆكایەتیی داواكاری گشتیی شاری بوورسا كرد، بەڵام ئەم جارەش داواكارییەكەیان ڕەتكرایەوە.

ئاژانسی فوڕاتنیوز بڵاویكردەوە “هەروەها خانەوادەی ٣ زیندانیی دیكەی بەندیخانەی ئیمڕاڵی؛ هامیلی یڵدرم، عومەر خەیری كۆنار و ڤەیسەل ئاكتاش بۆ هەمان مەبەست لە ڕێی پارێزەرانەوە داواكارییەكیان پێشكەش كرد، بەڵام ئەمجارەش بە بیانووی «سنوورداركردنی پەیوەندیی سزادراوان» مۆڵەتی چاوپێكەوتنیان نەدا”.

عەبدوڵا ئۆجالان لە ١١ی ئەیلوولی ٢٠١٦-ەوە ڕێگری لێ دەكرێت چاوی بە خانەوادەكەی بكەوێت. بەڵام دوای دەستپێكردنی مانگرتنەكان بۆ هەڵگرتنی گۆشەگیریی سەر ئیمڕاڵی، لە ١٢ی كانوونی دووەمی ٢٠١٩ ڕێگە درا كە محەمەد ئۆجالان سەردانی ئیمڕاڵی بكات و چاوپێكەوتنێكی كورت بكات.

لە لایەكی دیكەوە لە ٢٧ی تەمووزی ٢٠١١-ەوە توركیا ناهێڵێت پارێزەرانی ئۆجالان سەردانی ئیمڕاڵی بكەن و چاویان بە ئۆجالان بكەوێت. لەوكاتەوە تا ئێستا ٧٩٢ جار داواكاریی پارێزەران ڕەتكراوەتەوە.

بەردەوام بە لە خوێندنەوە

کوردستان

سەعدی ئەحمەد پیرە: داوای پۆستی سەرۆكی هەرێممان نەكردووە

خەڵك- بەشی هەواڵ

ئەندامێكی مەكتەبی سیاسی یەكێتی نیشتمانی كوردستان ڕایگەیاند، یەكێتی داوای پۆستی سەرۆكی هەرێمی نەكردووە و هیچی وای نەبیستووە، بەڵام لەگەڵ ڕۆیشتنی ئاڕاستەی پرۆسەكە بە ناتەندروست، ئەوا خەڵك هەوڵ دەدەن قسەی وا بكەن و كێشە دروست ببێت.

سەعدی ئەحمەد پیرە بە كەناڵی ڕووداو-ی ڕاگەیاندووە، دووئیدارەیی تەواو بوو، پێشتر تاقییان كردووەتەوە، یەكێتی هەرگیز باسی دووئیدارەیی نەكردووە.

هاوكات دوێنێ مەلا بەختیار بەرپرسی دەستەی كارگێڕی مەكتەبی سیاسی یەكێتی بابەتی دووئیدارەیی ڕەتكردەوە.

لەبەرامبەردا وەستا ڕەسوڵ و فەرید ئەسەسەرد ئەندامانی سەركردایەتی یەكێتی وەك ئەگەرێك باسیان لەدووئیدارەیی و لامەركەزی بۆ سلێمانی كردبوو.

دوای شكستی ڕێككەوتنی پارتی و یەكێتی و كۆبوونەوەی پەڕلەمان، لەتیف شێخ عومەر وتەبێژی یەكێتی ڕایگەیاند، یەكێتی لە دوای كۆبوونەوەی پەڕلەمان قسەی نوێی دەبێت.

هاوكات سەرچاوە نێوخۆییەكان ئاشكرایان كرد یەكێتی پۆستی سەرۆكی پەڕلەمانی ناوێت و سەرۆكی هەرێمی دەوێت.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان