ئێمە لە تۆرە کۆمەڵایەتیەکان

کوردستان

دڵشاد شەهاب: پێویستە دوای هەڵبژاردنەكان لایەنەكان بەخۆیاندا بچنەوە

خەڵك-بەشی هەواڵ

ئەندامێكی سەركردایەتی پارتی دیموكراتی كوردستان رایدەگەیەنێت، هیچ شتێكی سەعدی پیرە بەشایستەی وەڵامی نازانم، چونكە زۆر حەز بە”تصعید” دەكات جار بەجار ون دەبێت لەگۆڕەپانەكە.

دڵشاد شەهاب ئەندامی ئەنجومەنی سەركردایەتی پارتی دیموكراتی كوردستان بە دەنگی ئەمریكای راگەیاند، ئەوكاتەی ئێمـە 30 كورسیمان هەبوو ماڵی خۆمان لەگەڵ یەكێتی كردبووە یەك كیسەوە، بەڵام دواتر ئەوە دەركەوت ئەو تێكەڵكردنە ڕاست نەبوو، ئێـمە هەموكات بەحكومی بەرپرسیارێتیمان خۆمان بەبەرپرس زانیوە بەچاكە و خراپەی دۆخی ئەم وڵاتە، بەڵام جیاوازی ئێمـە لەگەڵ لایەنەكانی تر ئەوەیە كە قەیران و كێشە دروست بێت پارتی خۆی لەمیللەت نەشاردۆتەوە، بەڵكو شانمان داوەتە بەر و تووشی قەیران هاتین خۆڕاگربوین قەیرانمان بەڕێكرد.

وتیشی”ئەوكاتەی میللەتی ئێمە سزا درا لەسەر ڕادەربڕین لەگەڵ ئەوەشدا وتمان خۆڕاگر بن ڕووبەڕووی ئەو “تەحەدیات”ە بوینەوە، وەك پارتی شەرەفی ئەوەمان پێبڕا شكۆی كوردستانمان پاراست، بەڵام خەڵكی تر فڕكان فڕكانی بوو تا بچێتە بەغداد، تا بەغداد گەمارۆی زیاتر بخاتەسەر هەرێم”

ئاماژەی بۆ ئەوەش كرد، پارتی پێشڕەوی ئەو ڕۆحی “تەحەدیات و نەتەوایەتیە”ی میللەتی كردووە، بۆیە ئێـمە زۆر دڵخۆشین میللەت تەقدیری هەڵوێستی ئێمەی كرد، وایلێكردین بەوەفا بین هەتاسەر پێشەنگی ئەو ڕۆحیاتە بكەین.

سەبارەت بە زیادكردنی كورسییەكانیان دڵشاد شەهاب رایگەایند، ئەو 45كورسیەی پارتی هێناوێتی بەكەمی نازانین‌و بەزۆریشی نازانین، بەمافی خۆمانی دەزانین كەمیللەت پێی داوین، لە 100%بەمافی خۆمانی دەزانین.

سەبارەت بەتۆماركردنی سكاڵا لەلایەن پارتییەوە دژی ئەولایەنانەی بە ئەنجامدانی ساختەكاری تۆمەتباریان دەكنە ئەو سەركردەیەی پارتی رایگەیاند، ئێمـە لەم وڵاتە بەرپرسیارێتیمان هەیە‌و ئەركمان هەیە، سەری ئەو خەڵكە نایەشێنین، ئاسانترین شت لەم وڵاتە تۆمەتباركردنە، نوێنەری ئەو لایەنانە سكاڵایان لەسەر تۆماركردین لەكۆمسیۆن دەنگێكی زۆری پارتی سوتا، بەڵام ئێـمە هیچ “ئیعترازێك”مان نەبوو وتمان مادام بەپێی بڕیارەكانی كۆمسیۆنە ئەو سندوقە بسوتێت با بسوتێت و ملكەچی بڕیار و ڕێكارەكانی كۆمسیۆن بووین.

وتیشی”ئەوانەی ئێستا گلەییان هەیە ڕێگایەكی تر ماوە ئەویش دادگایە، دەرگای دادگاش كراوەیە ئێمـە بڕیارەكانی دادگاش بەسنگی فراوانەوە وەردەگرین، بەڵام حەقە دوای بڕیاری دادگا ئەو لایەنانەش بەخۆیاندا بچنەوە”.

دوای كۆتاییهاتنی هەڵبژاردنەكانی 30/9 سەعدی پـیرە وتەبێژی یەكێتی رایگەیاند، تا لێكۆڵینەوە نەكرێت یەكێتی ئەنجامەكانی هەڵبژاردنەكە قبوڵ ناكات، چونكە ساختەكارییەكی بێ سنوور لە هەردوو پارێزگای دهۆك و هەولێر كراون، ئەمەش هەڕەشەیە لە پـرۆسەی هەڵبژاردن و دیموكراسی، بۆیە زەحمەتە یەكێتی نیشتمانی ئەو پـرۆسەیە قبوڵ بكات و ئیمزای ئەنجامەكانی ناكات، لەبەرانبەردا دڵشاد شەهاب ئاشكرایكرد، سەعدی ماوەیەكە حەزی لەو “تصعید”ەیە، ئێـمە وەڵامی نادەینەوە، هیچ شتێكی سەعدی من بەشایستەی وەڵامی نازانم، چونكە زۆر حەز بە”تصعید” دەكات جار بەجار ون دەبێت لەگۆڕەپانەكە، دەیەوێت بەهۆی” تصعید”ێكەوە خۆی بێنێتەوە ناو گۆڕەپانەكە بۆیە ئێـمە وەڵامی سەعدی نادەینەوە.

کوردستان

مەلا بەختیار لەبارەی دامەزراندنی حزبەوە ڕوونكردنەوە دەدات

خەڵك- بەشی هەواڵ

مەلا بەختیار بەرپرسی دەستەی كارگێڕی مەكتەبی سیاسی یەكێتی نیشتمانی كوردستان و سەرپەرشتیاری گشتی پلاتفۆڕمی دابڕان ڕایگەیاند، مەكتەبی سیاسی، سەركردایەتی، ئەنجومەنی ناوەندی و سەرجەم ئۆرگانەكانی یەكێتی دڵنیا دەكەنەوە، كە ناوەندی دابڕان ناكەنە حزب.

مەلا بەختیار لەگوتارێكدا لە دووهەم ڕۆژی كۆنفڕانسی پلاتفۆڕمی دابڕاندا ئاماژەی بەوەكرد، ئەوانەی ئەو دەنگوباسانە بڵاودەكەنەوە، كە ناوەندی بڕیار دەكرێت بە حزب، ڕاست نین، ئەو دەنگۆیانە بۆ ترساندنی لایەنگرانی یەكێتییە، كە نزیك نەبنەوە لە دابڕان.

ڕوونیشیكردەوە، پلاتفۆڕمی دابڕان دامەزراوەیەكی ڕۆشنبیریی عەلمانییە، بڕوای بە ئازادی ویژدان هەیە، بەڵام ئیلحاد نییە.

بەردەوام بە لە خوێندنەوە

کوردستان

توركیا جارێكی دیكە ڕێگەی بە دیداری ئۆجالان نەدا

خەڵك- بەشی هەواڵ

محەمەد ئۆجالانی برای عەبدوڵڵا ئۆجالان و مەزڵووم دینچ-ی وارسی، بۆ ئەوەی بچنە ئیمڕاڵی دوێنێ لە ڕێی پارێزەرانەوە داواكارییەكی دیكەیان پێشكەشی سەرۆكایەتیی داواكاری گشتیی شاری بوورسا كرد، بەڵام ئەم جارەش داواكارییەكەیان ڕەتكرایەوە.

ئاژانسی فوڕاتنیوز بڵاویكردەوە “هەروەها خانەوادەی ٣ زیندانیی دیكەی بەندیخانەی ئیمڕاڵی؛ هامیلی یڵدرم، عومەر خەیری كۆنار و ڤەیسەل ئاكتاش بۆ هەمان مەبەست لە ڕێی پارێزەرانەوە داواكارییەكیان پێشكەش كرد، بەڵام ئەمجارەش بە بیانووی «سنوورداركردنی پەیوەندیی سزادراوان» مۆڵەتی چاوپێكەوتنیان نەدا”.

عەبدوڵا ئۆجالان لە ١١ی ئەیلوولی ٢٠١٦-ەوە ڕێگری لێ دەكرێت چاوی بە خانەوادەكەی بكەوێت. بەڵام دوای دەستپێكردنی مانگرتنەكان بۆ هەڵگرتنی گۆشەگیریی سەر ئیمڕاڵی، لە ١٢ی كانوونی دووەمی ٢٠١٩ ڕێگە درا كە محەمەد ئۆجالان سەردانی ئیمڕاڵی بكات و چاوپێكەوتنێكی كورت بكات.

لە لایەكی دیكەوە لە ٢٧ی تەمووزی ٢٠١١-ەوە توركیا ناهێڵێت پارێزەرانی ئۆجالان سەردانی ئیمڕاڵی بكەن و چاویان بە ئۆجالان بكەوێت. لەوكاتەوە تا ئێستا ٧٩٢ جار داواكاریی پارێزەران ڕەتكراوەتەوە.

بەردەوام بە لە خوێندنەوە

کوردستان

سەعدی ئەحمەد پیرە: داوای پۆستی سەرۆكی هەرێممان نەكردووە

خەڵك- بەشی هەواڵ

ئەندامێكی مەكتەبی سیاسی یەكێتی نیشتمانی كوردستان ڕایگەیاند، یەكێتی داوای پۆستی سەرۆكی هەرێمی نەكردووە و هیچی وای نەبیستووە، بەڵام لەگەڵ ڕۆیشتنی ئاڕاستەی پرۆسەكە بە ناتەندروست، ئەوا خەڵك هەوڵ دەدەن قسەی وا بكەن و كێشە دروست ببێت.

سەعدی ئەحمەد پیرە بە كەناڵی ڕووداو-ی ڕاگەیاندووە، دووئیدارەیی تەواو بوو، پێشتر تاقییان كردووەتەوە، یەكێتی هەرگیز باسی دووئیدارەیی نەكردووە.

هاوكات دوێنێ مەلا بەختیار بەرپرسی دەستەی كارگێڕی مەكتەبی سیاسی یەكێتی بابەتی دووئیدارەیی ڕەتكردەوە.

لەبەرامبەردا وەستا ڕەسوڵ و فەرید ئەسەسەرد ئەندامانی سەركردایەتی یەكێتی وەك ئەگەرێك باسیان لەدووئیدارەیی و لامەركەزی بۆ سلێمانی كردبوو.

دوای شكستی ڕێككەوتنی پارتی و یەكێتی و كۆبوونەوەی پەڕلەمان، لەتیف شێخ عومەر وتەبێژی یەكێتی ڕایگەیاند، یەكێتی لە دوای كۆبوونەوەی پەڕلەمان قسەی نوێی دەبێت.

هاوكات سەرچاوە نێوخۆییەكان ئاشكرایان كرد یەكێتی پۆستی سەرۆكی پەڕلەمانی ناوێت و سەرۆكی هەرێمی دەوێت.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان