کارکردن لە پرۆژەی یەکتربڕی باخی بەختیاری بەردەوامە و ئەمرۆش شەقامێکی تری کرایەوە.
شارەوانی سلێمانی بڵاویکردەوە، دوای نیوەرۆی ئەمڕۆ ٤ شەممە ، سەرۆکی شارەوانیی سلێمانی سەردانی پڕۆژەی یەکتربڕی لای باخی بەختیاری کرد و بەشێكی تری شەقامەكە كرایەوە بەڕووی هاوڵاتیان بەتایبەتی بۆ دانیشتوانی سنوری بەكرەجۆ،
شارەوانی سوپاسی هاووڵاتیانی کرد و لەهەمانکاتدا داوای لێبوردنیان لێ کردن كە ئەم ماوەیە ئاستەنگیی زۆری هاتوچۆیان بۆ دروست ببوو.
لە ئێستادا، کارکردن لە پڕۆژەکەدا لە کۆتا قۆناغیدایە و سەرۆکی شارەوانیش لیلی عمرداوایکرد بەردەوام بن لە کارکردن بۆ ئەوەی لە نزیکترین ماوەدا پڕۆژەکە بکرێتەوە بە ڕووی شۆفێران و هاوڵاتیان و خزمەتێکی باش بە بواری هاتووچۆ بکات لە شاری سلێمانی.
هەفتەی ڕابردوو بۆ ماوەیەک کارکردن لەو پرۆژەیەدا ڕاگیرا، هۆکارەکەش بۆ لێکتێنەگەشتنی نێوان کۆمپانیای جێبەجێکار و تەکییەی کەسنەزانی گەڕایەوە، دواتر دوای لێکتێگەشتن دوبارە کارکردن لە پرۆژەکەدا دەستیپێکردەوە و ئەمڕۆش شەقامێکی تری بە ڕووی شۆفێراندا کرایەوە.
