ئێمە لە تۆرە کۆمەڵایەتیەکان

تەندروستی

هەوكردنی گوێی ناوەڕاست هۆكار و نیشانەكان و چارەسەركردنی

خەڵك – تەندروستی
پسپۆرێكی هەناوی و ڕۆماتیزم و فەقەرات ڕایدەگەیەنێت، بەهۆی هەوكردنی جۆگەی ئۆستاكی گیرانی شلە لەناویدا بەكتریا گەشە دەكات و هەوكردنی گوێی ناوەڕاست ڕوودەدات، دەشڵێت: “ئازاری گوێ، تێكچونی خەو، تێكچونی هاوسەنگی، تــا، دروست بونی كێشە لە بیستن هەندێك لەو نیشانانەن بۆ ئەو نەخۆشیە”.

د. سۆران محەمەد، پسپۆڕی هەناوی و ڕۆماتیزم و فەقەرات بە (خەڵك)ی ڕاگەیاند، هەوكردنی گوێی ناوەڕاست ڕوودەدات بەهۆی هەوكردنی ڤایرۆس یان بەكتریا كاتێك جۆگەی ئۆستاكی دەگیرێت بە هۆی كۆبونەوەی شلە لەناویدا و بەمەش بەكتریا گەشە دەكەن لەناو ئەو شلەیەدا.

وتیشی، “هەوكردنی گوێی ناوەڕاست بەزۆری لە منداڵاندا ڕودەدات بەزۆری لە زستان و سەرەتای وەرزی بەهاردا” .

ڕاشیگەیاند، پێویستە نەخۆش هیچ دەرمانێك لەخۆیەوە و بێ پرسی پزیشك بەكارنەهێنێت، جگە لەو دەرمانانەی لە خوارەوە باسمان كردوون، كە چەند جۆرێكن و چەند دەرمانێكی دیكەش هەن، كە بۆ ئەو مەبەستە بەكاردێن بە پێی توندی نەخۆشییەكە و تەمەنی تووش بووەكە.

وەك ئەو پزیشكە دەڵێت، نیشانەكانی هەوكردنی گوێی ناوەڕاست ئەمانەن:
ئازاری گوێ، تێكچونی خەو، تێكچونی هاوسەنگی، تــا، دروست بونی كێشە لە بیستن، ڕشانەوە، سەرسوڕان، كەم بونەوەی حەزی خواردن و خوێن هاتن لە گوێ.

دیاری كردنی نەخۆشیەكە :
ئەو نەخۆشیە دیاری دەكرێت لە دكتۆری تایبەت بەهۆی بەكارهێنانی ئامێری Otoscope و tympanometry

چارەسەرەكان بریتین لە:
چارەسەر لەكەسێكەوە بۆ كەسێكیتر دەگۆڕێ، بەڵام زۆر كات بەبێ بەكارهێنانی دەرمان نەخۆشیەكە خۆی چارەسەر دەبێ، بەڵام ئەگەر نەخۆشیەكە زۆر پەرەی سەندبێ پێویستە دەرمان بەكاربێت هەندێ دەرمان لەوانە:
1.Amoxiclav
2.ampiclox
3.ceftriaxon
4.claforan
5.suprax

ئەگەرە خراپەكان بەهۆی هەوكردنی گوێی ناوەڕاست ئەگەر چارەسەر نەكرێ:
1. بڵاو بونەوەی نەخۆشیەكە بۆ ئێسكی گوێ.
2. بڵاوبونەوەی نەخۆشیەكە بۆ شلەی دەوری دەماخ و دڕكەپەتك.
3. كەڕبونی هەمیشەی.
4. پچڕانی پەردەی گوێ.

چۆن خۆمان بپارێزیـــن؟
– شوشتنی دەستی خۆت و مناڵەكانت بە بەردەوامی.
– خۆپاراستن لە كەلوپەلی پیس.
– دوركەوتنەوە لەو شوێنانەی جگەرەیان تێدا دەكێشرێت و لەو كەسانەی جگەرە كێشن.
– شیرپێدانی دایك بە تەواوەتی بە منداڵ لەماوەی قۆناغی شیرپێدان بۆ بەهێز بونی بەرگری منداڵ.

ریکلام

تەندروستی

بە ڕێجیمی (فەیس لێفت ) بە تیرێک دوو نیشانە بشکێنە، چۆن ئەنجامی دەدەیت؟

خێزان

بە ڕێجیمی Facelift (فەیس لێفت ) لە لایەن دکتۆری ئەستێرە بەناوبانگەکانی ئەمریکا Nicholas Perricone داندراوە، کە بەپێی ئەم ڕێجیمە دەتوانیت بە تیرێک دوو نیشانە بشکێنیت و هەم چەوری بسووتێنیت و کێش داببەزێنیت، هەم چرچی ڕوخسارت نەهێڵیت.

 

-ڕێجیمەکە پشت بە چەند خواردنێکی تایبەت وەک ماسی سەلەمون و سەوزەکان و هەندێک میوەی وەک تووتڕک و شلیک و کاڵەک و سێو و هەرمێ دەبەستێت.

 

چۆن دابەشی دەکەیت؟

بۆ نانی بەیانی: ١ هێلکەی کوڵاو یاخود ١٦٠ گرام ماسی سەلەموون و چەند قاشێک کاڵەک و ٢ پەرداخ ئاو.

بۆ نانی نیوەڕۆ: ١٥٠ گرام ماسی سەلەموون یان تونە، زەڵاتەیەک کە لە سەوزە و زەیتی زەیتوون و ئاوی لیمۆ درووستکرابێت، ٢ پەرداخ ئاو.

بۆ نانی ئێوارە: ١٥٠ گرام ماسی سەلەموون لەگەڵ زەڵاتەیەک کە لە سەوزە و زەیتی زەیتوون و ئاوی لیمۆ درووستکرابێت، لەگەڵ کەمێک سەوزەی کوڵاو (برۆکولی، سپێناخ) و ١ کوپ تووتڕک و شلیک و  ٢ پەرداخ ئاو.

پێش خەوتن: ١ سێو یاخود هەرمێیەک، ١٥٠ گرام ماستی سرووشتی، چنگێک بادام یاخود فستق.

 

-هەندێکجار دەتوانیت ماسیەکە بگۆڕیت بە سنگی مریشک، گەر حەزیشت لە چابوو پێویستە چای سەوز بخۆیت.

چەندین ئەستێرەی هۆلیۆد ئاماژەیان بەوە داوە کە لە ڕێگەی ئەم ڕێجیمەوە کێشی خۆیان دابەزاندووە.

 

 

بەردەوام بە لە خوێندنەوە

تەندروستی

سودەکانی یەک پەرداخ شەربەتی هەنار ڕۆژانە!

خێزان

هەریەک لەم سودانە لە ئەنجامی توێ ژینەوەی زانستی جۆراوجۆر سەلمێنراوە، بەهۆی بوونی ڕێژەیەکی ئێجگار زۆری د ژە هەوکردنو ڤیتامین و کانزاو پێکهاتەی کیمیایی زۆر گرنگ بۆ خانەکانی لەش:

۱_بەهێزترین شەربەتی میوەیە کە وەک دژە شێرپەنجە کار دەکات بەهۆی بونی ڕێژەیەکی ئێجگار زۆر دژە ئۆکسان و دژە هەوکردن antioxidant ،antiinflammation
بەتایبەتی بەسودە دژی شێرپەنجەی پڕۆستات و مەمک
۲_ رێگریکردن و باشتر کردنی نەخۆشیەکانی دڵ و گیران و تەسک بوونەوەی بۆریەکانی خوێن، لە ڕێگەی کەمکردنەوەی چەوری کۆلیستڕۆڵ و تڕایگیسراید و نەهێشتنی مەیین و خەست بونەوەی خوێن لە بۆری خوێندا
۳_ باشکردن و کۆنتڕۆڵی بەرزی پەستانی خوێن (زەخت) ، ڕۆ ژانە خواردنەوەی یەک پەرداخ بۆ ۲ هەفتە بە رێژەیەکی بەرجاو زەختی بەرز دادەبەزێت
٤_کەمکردن و باشتر کردنی ئازاری ئەژنۆو جومگەکان، بەتایبەتی بۆ ڕۆماتزمەو هەوکردن و ئازاری پشت و قاچ
٥_جوان کردنی پێست و قژ ، باشکردنی زیپکەو وپەڵەو ر ێگری لە چرچی و ووشکبونەوە، قژدرێژبونەوەو کەمکردەوەی رووتاندنەوە
٦_بۆ مێشک زۆر سودی هەیە: کەمکردنەوەی سترێس و هیلاکی و کۆنتروڵی هۆرمۆنی کۆرتیزۆل ، باشتر کردنی بیر چونەوەو رێگری لە ئەلزایمەر و کەمکردنەوەی دڵتوندیو دلەراوکێ،
۸_ چاکردنی کێشەکانی هەرس و کۆڵۆن، قەبزی و هەوکردنی ڕیخۆڵە
۹_ باشکردنی بەرگری لەش دژی بەکتریاو ڤایرۆس و کەروو هەمو جۆرە هەوکردنێک.
۱٠_سوودی زۆری بۆ ئەو کەسانەی وەرزش دەکەن، کەمکردنەوەی هیلاکی و بێهێزی و سەرئێشە، بەهۆی زیاکردنی سوری خوێنو ڕێژەی ئۆکسجین لەلە شدا.
۱۱_ یارمەتی کێش دابەزاندنو چەوری سوتانی وورگ و کەم کردنەوەی ئیشتیهای زۆر لە قە ڵەودا ئەگەر پێش نان خواردن بخورێت،
بێگومان لەگەڵ خەوی باش و جوڵەی ڕۆژانەو نەخواردنی شەکرو شیرینیو کەمکردنەوەی نانو صەمونو فاست فوود، دەتوانرێت سوود لە هەنار و شەربەتی هەنار وەربگیرێت لەم وەرزەدا بۆ هەریەک لەم کێشانە، ئەگەر بەردەوام ڕۆ ژانە بخورێت،
باشترین کات بەیانیان پێش خواردن پەرداخێک شەربەتەکەی و هەنار یش لە هەرکات یک بێت،باشترە بە دوایدا ئاو نە خورێتەوە تا نیو کاژمێر.

 

ئامادەکردنی:

د.بینایی کامەران
پسپۆری خۆراک.

بەردەوام بە لە خوێندنەوە

تەندروستی

٨ هۆکار کە وادەکات زۆر زووتر نیشانی پیری دیاری بدات لە ڕووت

خێزان

ئەمەی خوارەوە  کۆمەڵێک هۆکارە کە وادەکات زۆر زووتر نیشانی پیری دیاری بدات لە ڕووت:

 

-دانیشتنی زۆر وادەکات ٨ ساڵ پیرتر دەربکەویت وەک لە تەمەنی ڕاستەقینەی خۆت

 

-گەشتکردنی زۆر بە فڕۆکە زووتر پیرت دەکات، چونکە شێی ناو فڕۆکە ٢٠٪ کەمترە لە شێی ئاسایی و پێستت زووتر وشک دەبێتەوە

 

-خۆنەشۆردن لەپاش وەرزشکردن و عەرەقکردنەوە کە زیان بە پێستت دەگەیەنێت

 

-خواردنی شیرین و بەرهەمەکانی شیرەمەنی بەڕێژەی زۆر

 

-خواردنی ئاوی دەبە بە زۆری، کە توێژینەوەکان سەلماندویانە زوتر لێوت چرچ دەکات

 

-گۆشت خواردنی زۆر یەکێکی دیکەیە لە هۆکارەکان

 

-بەکارهێنانی کەرەستەی جوانکاری قورس  و گەورە بۆ ماوەی زۆر هۆیەکی سەرەکییە بۆ زوو پیربوونی جەستە

 

-نەبوونی هاوڕێی و تێکەڵاونەبوون بە خەڵک هۆیەکی دیکەیە

 

بەردەوام بە لە خوێندنەوە

کوردستان