ئێمە لە تۆرە کۆمەڵایەتیەکان

ئابوری

چەند شارێكی نیشتەجێبوون لە سنوری گەرمیان دروست دەكرێن


خەڵك- بەشی هەواڵ
جێگری سەرپەرشتیاری ئیدارەی گەرمیان بۆ كاروباری هونەری ڕایگەیاند، ئیدارەی گەرمیان پلانی هەیە بۆ دروستكردنی چەند شارێكی نیشتەجێبوون لە نزیك قەزای كەلار بۆ ئەوەی كێشەی نیشتەجێبوون سنوردار بكرێت.

یونس جاف بە (خەڵك)ی ڕاگەیاند، بەپێی ڕێكەوتنێك لە نێوان حكومەت و چەند كۆمپانیایەك زەوی تەرخانكراوە بۆ دروستكردنی چەند شارێك و پلانی ئەوەیش هەیە كاری زیاتر لەوبارەوە بكرێت.

وتیشی، “مەبەستی دروستكردنی ئەو شارانە بۆ ئەوە كێشەی نیشتەجێبون سنوردار بكرێت، دوو شاریان لەلایەن كۆمپانیای بەڕێز-ەوە دەكرێن و ئەوانی تریش لەلایەن چەند كۆمپانیایەكی ترەوە كاریان تێدا دەكرێت”.

سەبارەت بەوەی ئایا ئەو پڕۆژانە بۆ خەڵكی ئاساین یان بۆ دەوڵەمەندەكانن، ناوبراو وتی، “پرۆژەكان جیاواز و نرخەكانیشیان جیاوازن، بەڵام بۆ هەموو چین و توێژێكیان تێدایە”.

جێگری سەرپەرشتیاری ئیدارەی گەرمیان بۆ كاروباری هونەری ڕوونیشی كردەوە، كە كارێكی وادەكەن، كۆمپانیاكان خۆیان ڕیكلام بكەن بۆ یەكەكانی نیشەجێبوون، هاوشێوەی كۆمپانیاكان لە سلێمانی و هەولێر.

ئابوری

پێدانی كارەبای نیشتمانی لە 24 كاتژمێر نزیكدەبێتەوە


خەڵك- بەشی هەواڵ
وەزارەتی كارەبای حكومەتی هەرێم ئاشكرای دەكات، كە لە ڕۆژانی جەژندا 20 كاتژمێر كارەبا درا بە هاووڵاتیان و بۆ مانگی داهاتووش بڕیاری پێویست دەدرێت.

بەڕێوەبەرایەتی كۆنتڕۆڵی كارەبای هەرێم لە ڕاگەیەنراوێكدا ئاماژەی بەوەكردووە، لەڕۆژانی جەژندا توانرا بە سیستەمێكی ڕێكوپێك و بە هەوڵ و ماندووبوونی ئێشكگرانی كارەبا 20 كاتژمێر كارەبا بدرێت بەهاووڵاتیان، ئەمەش بەسوود وەرگرتن لە بەرهەمهێنانی 3000 مێگاوات كارەبا، كە بەشێوەیەكی ڕێكوپێك وزەی كارەبا بەسەر پارێزگاكانی هەرێمی كوردستاندا دابەشكرا.

ڕاشیگەیاندووە، بڕیارە تا ڕۆژی شەممە بەمشێوەیە كارەبا بە هاووڵاتیان بدرێت.

ئاشكراشی كردووە، بۆ مانگی حوزەیرانیش كۆبوونەوەیەك ئەنجام دەدرێت بۆ ئەوەی بارودۆخی بەرهەمهێنانی كارەبا و هەڵكشانی خواستی بەكارهێنان هەڵبسەنگێنرێت و بڕیار بدرێت.

بەردەوام بە لە خوێندنەوە

ئابوری

نرخی نەوت لە بازاڕەكانی جیهان


خەڵك-بەشی هەواڵ

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەتەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ چوار شەممە، 27ی‌ ئایاری 2020 كەمێك بەرز بووەتەوە، بەشێوەیەك نرخی‌ نەوتی برێنت بە 36 دۆلار و 2 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 34 دۆلارو 15 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

ئابوری

بانكی نێودەوڵەتی: كۆرۆنا ملیۆنان كەس بەرەو هەژاری دەبات


خەڵك – بەشی هەواڵ

بانكی نێودەوڵەتی كە قەرز و مینحەی دارایی پێشكەشی هەژارترین وڵاتانی جیهان دەكات، ئەوەی خستەڕوو بڵاوبوونەوەی ڤایرۆسی كۆرۆنا 60 ملیۆن كەس بەرەو هەژاری لەجیهاندا دەبات.

دەیڤد مالباس سەرۆكی بانكی نێودەوڵەتی پێشبینی دەكات، ئەمساڵ جیهان هەنگاوێكی مێژوویی پاشەكشە بكات بەرەو دواوە ئەوەی پەیوەندی بەنەبوونی یەكسانییەوە هەیە و پێدەچێت بڵاوبوونەوەی ڤایرۆسی كۆرۆنا ببێتە هۆی یەكەم زیادبوونی هەژاری لەجیهان لەساڵی 1998وە تائێستا.

سەرۆكی بانكی نێودەوڵەتی ئاماژەی بەوەشكرد: پێشبینییەكانی ئەم دواییە تێكچوون و لەپاشەكشەدان بەهۆی بڵاوبوونەوەی ڤایرۆسی كۆرۆنا و وەستانی چالاكییە ئابوورییەكان كە بە هۆیەوە زۆرینەی ئەو پێشكەوتنانەی وەستاند كەلەبواری كەمكردنەوەی هەژاری بەدەست هاتبوون.

بەردەوام بە لە خوێندنەوە

کوردستان