ئێمە لە تۆرە کۆمەڵایەتیەکان

ڕاپۆرت و شیکاری

کام یاریزانه‌ به‌ر ڕاداری یانه‌ گه‌وره‌کانی ئه‌وروپا که‌وتووه‌؟ یانه‌ به‌ یانه‌ یاریزان به‌ یاریزان بخوێنه‌ره‌وه‌….

خه‌ڵک سپۆرت

واده‌ی گواستنه‌وه‌کانی هاوینه‌ی ٢٠١٨ به‌فه‌رمی ده‌ستی پێکردووه‌ و گواستنه‌وه‌ی یاریزان تا ناوه‌ڕاستی مانگی هه‌شتی داهاتو به‌رده‌وام ده‌بێت، له‌ئێستاوه‌ تا ئه‌و واده‌یه‌ یانه‌ زه‌به‌لاحه‌کان له‌هه‌وڵی ئیمزاکردنی بۆندی نوێ و توندوتۆڵکردنه‌وه‌ی پێکهاته‌کانیاندا ده‌بن.

پرسیاره‌ گرنگه‌که‌ ئه‌وه‌یه‌: ئایا یانه‌ گه‌وره‌کانی ئه‌وروپا چاویان له‌ چ یاریزانێکه‌ و ده‌یانه‌وێت چ جۆره‌ یاریزانێک دابین بکه‌ن؟

له‌م باره‌یه‌وه‌ ڕۆژنامه‌ی “مارکا”ی ئیسپانی ته‌واوی ئه‌و یاریزانه‌ گه‌وره‌ و ناودارانه‌ی ده‌ستنیشان کردووه،‌ که‌ له‌میریکاتۆی هاوینه‌دا که‌وتونه‌ته‌ به‌ر ڕاداری یانه‌ زه‌به‌لاحه‌کان و به‌م شێوه‌یه‌ پۆلێنی هه‌ر یانه‌یه‌ک‌ و داواکاریه‌کانی کردووه‌:

ڕیاڵ مه‌درید: زه‌به‌لاحه‌که‌ی ئیسپانیا سه‌ره‌تا پێویستی به‌ دابینکردنی شوێنگره‌وه‌یه‌که‌ بۆ زینه‌دین زێدانی ڕاهێنه‌ر، هه‌روه‌ها ئه‌م یاریزانانه‌ش داواکراون، به‌ڵام به‌هۆی نه‌بونی ڕاهێنه‌ره‌وه‌ داواکارییه‌کانیان وه‌ستاندووه‌:

  • نایمار دا سیلڤا (پاریس سانت جێرمان)
  • خیمینێز (ئه‌تله‌تیکۆ مه‌درید)
  • ئالیسۆن (ڕۆما)
  • ئۆدریزۆلا (ڕیاڵ سۆسیداد)
  • ماریانۆ (لیۆن)
  • ئیریکسۆن (تۆتنهام)

به‌رشلۆنه‌: یانه‌ که‌ته‌لۆنیه‌که‌ پێویستی به‌ نوێکردنه‌وه‌ و گۆڕانکارییه‌ له‌هه‌ندێک له‌پێگه‌کاندا و ئه‌م یاریزانانه‌ داواکراون:

  • گریزمان (ئه‌تله‌تیکۆ مه‌درید)
  • کلیمێنت لانگلیت (سڤیلیه‌)
  • ئارسه‌ر (گریمیۆ)

ئه‌تله‌تیکۆ مه‌درید: یانه‌ مه‌دریدیه‌که‌ ده‌که‌وێته‌ به‌ر لێشاوی یانه‌ زه‌به‌لاحه‌کان و چه‌ند یاریزانێکی ڕووده‌که‌ یانه‌ی تر، به‌وهۆیه‌وه‌ پێویستیان به‌ چه‌ندین گواستنه‌وه‌ ده‌بێت و وا ده‌رده‌که‌وێت ئه‌م ناوانه‌ داواکراوی “هندیه‌ سوره‌کان” بێت له‌گواستنه‌وه‌کانی هاوینه‌دا:

  • جۆنی (سێلتا ڤیگۆ)
  • سارابیا (سڤیلیه‌)
  • سیدیبی (مۆناکۆ)

ڤالێنسیا: “شه‌مشه‌مه‌ کوێره‌کان” کورسیه‌کی خولی یانه‌ پاڵه‌وانه‌کانیان مسۆگه‌ر کردووه‌، له‌به‌رئه‌وه‌یه‌ پێویستیان به‌ توندوتۆڵکردنه‌وه‌ی پێکهاته‌که‌یان ده‌بێت و بۆ ئه‌و مه‌به‌سته‌ش ئه‌م ناوانه‌ دیاری کراون:

  • ڤاس (سێلتا ڤیگۆ)
  • گویدێس (پاریس سانت جێرمان)
  • پلییا (نیس)
  • مارکانۆ (پۆرتۆ)
  • فابیان (ڕیاڵ بیتیس)
  • تۆرگان هازارد (بوروسیا مونشنگلادباخ)

مانچسته‌ر سیتی: گواردیۆلا به‌رده‌وامه‌ له‌ تۆکمه‌کردنی پێکهاته‌که‌یی و له‌م هاوینه‌شدا چه‌ند ناوێکی گه‌وره‌ی ده‌ستنیشان کردووه‌، که‌ بریتین له‌:

  • مه‌حریز (لیسته‌ر سیتی)
  • لیمار (مۆناکۆ)
  • جۆرجینیۆ (ناپۆلی)

مانچسته‌ر یونایتد: هێشتا پێکهاته‌ی یونایتدی مۆرینیۆ له‌قۆناغی بونیادنانه‌وه‌دایه‌، له‌گواستنه‌وه‌کانی هاوینه‌دا چاوه‌ڕوان ده‌کرێت له‌ڕووی کڕین و فرۆشه‌وه‌ کاراترین یانه‌ بن، دوای گواستنه‌وه‌کانی دالۆت و فرێد له‌ پۆرتۆ و شاختاره‌وه‌ ئه‌م ناوانه‌ش داوا ده‌کرێن:

  • گاریس به‌یل (ڕیاڵ مه‌درید)
  • لیڤاندۆڤیسکی (بایرن میونشن)
  • لانگلێت (سڤیلیه‌)

چێڵسی: زۆر نزیکه‌ لۆران بلانی فه‌ره‌نسی ببێته‌ ڕاهێنه‌ری یانه‌ی چێڵسی، به‌پێی سه‌رچاوه‌کان، ڕاهێنه‌ری ناوبراو داوای ئه‌م یاریزانانه‌ ده‌کات:

  • لیڤاندۆڤیسکی (بایرن میونشن)
  • ئالیسۆن (ڕۆما)
  • جان میشێل سیری (نیس)

لیڤه‌رپوڵ: دۆڕاندنیان له‌ فاینه‌ڵی خولی یانه‌ پاڵه‌وانه‌کان ناچاریان ده‌کات له‌گواستنه‌وه‌کانی هاوینه‌دا چه‌ندین گواستنه‌وه‌ بۆ توندوتۆڵکردنه‌وه‌ی پێکهاته‌که‌یان ئه‌نجام بده‌ن، ئه‌م یاریزانانه‌ش ده‌ستنیشان کراون:

  • نه‌بیل فه‌کیر (لیۆن)
  • تالیسکا (به‌شیکتاش)
  • سیلیسین (به‌رشلۆنه‌)

یوڤانتۆس: زه‌به‌لاحه‌که‌ی ئیتاڵیا هاوشێوه‌ی ساڵانی ڕابردو پلانی بۆ چه‌ندین گواستنه‌وه‌ی ئاست مامناوه‌ند داڕشتووه‌، ئه‌م یاریزانانه‌ به‌ره‌و شاری تۆرینۆ داواکراون:

  • ماتیا پیرین (جێنه‌وا)
  • ئیمیری جان (لیڤه‌رپوڵ)
  • مۆراتا (چێڵسی)
  • سێرجی میلینکۆڤیچ ساڤیچ (لازیۆ)

پاریس سانت جێرمان: سه‌رمایه‌دارانی قه‌ته‌ر سورن له‌سه‌ر چنینه‌وه‌ی نازناوی خولی یانه‌ پاڵه‌وانه‌کان و بۆ ئه‌و مه‌به‌سته‌ش بڕیاریانداوه‌ چه‌ندین گواستنه‌وه‌ی تر ئه‌نجام بده‌ن، داواکراوان ئه‌م ناوانه‌ن:

  • بوفۆن ( یوڤانتۆس)
  • کاسیمێرۆ (ڕیاڵ مه‌درید)
  • جولیان ڤایگڵ (دۆرتمۆند)

بایرن میونشن: یانه‌ی بایرن میونشن هاوشێوه‌ی وه‌رزه‌کانی ڕابردو، پێویستی به‌ چه‌ند گواستنه‌وه‌یه‌ک ده‌بێت بۆ پڕکردنه‌وه‌ی که‌لێنه‌کان و له‌زاری سه‌رۆکایه‌تی یانه‌که‌شه‌وه‌ ئه‌گه‌ر یاریزانی گه‌وره‌ به‌نرخی گونجاو بونی هه‌بێت ئاماده‌ن بیگوێزنه‌وه‌ بۆ ڕیزه‌کانیان، ئه‌مانه‌ش داواکراوه‌کانن:

  • هیگواین (یوڤانتۆس)
  • مارکۆ ڕیۆس (دۆرتمۆند)
  • لوکاس دین (به‌رشلۆنه‌)

ڕاپۆرت و شیکاری

ئه‌و (٧) یاریزانه‌ی شایسته‌ی خه‌ڵاتی ‘بالۆن دۆر’ نه‌بوون و مافی یاریزانێکی تریان خوارد!

خه‌ڵک سپۆرت
خه‌ڵاتی “بالۆن دۆر” یاخود تۆپی ئاڵتونی، یه‌کێکه‌ له‌هه‌ره‌ به‌رزترین خه‌ڵاته‌کانی ‌بواری تۆپی پێ و ساڵانه‌ پێشکه‌شی باشترین یاریزانه‌کانی جیهان ده‌کرێت.
له‌ساڵانی ڕابردودا کریستیانۆ و مێسی کۆنترۆڵی ئه‌م خه‌ڵاته‌یان کرد‌، پێشتریش چه‌ندین ئه‌ستێره‌ی جیهانی توانیویانه‌ به‌ده‌ستی بهێنن که‌ له‌نێوانیاندا حه‌وت یاریزانیان شایسته‌ی خه‌ڵاته‌که‌ نه‌بوون، به‌ڵکو مافی یه‌کێک له‌ باشترینه‌کانی بواره‌که‌یان خواردووه‌!
هه‌موو کێشه‌کان به‌هۆی پێوه‌ره‌کانه‌وه‌ دروست ده‌بن،‌‌ زۆرینه‌ی شاره‌زایان و ده‌نگده‌ران ده‌نگ به‌و یاریزانانه‌ ده‌ده‌ن که‌ خاوه‌نی گۆڵی زیاتر، ده‌رکه‌وتنی زیاتر، یاخود له‌خول و یانه‌یه‌کی گه‌وره‌ یاریی ده‌که‌ن.
شه‌وی ڕابردو لوکا مۆدریچی کرواتی خه‌ڵاتی ساڵی ٢٠١٨ی به‌ده‌ست هێنا، هه‌ندێک له‌ شاره‌زایان پێیان وایه‌ “مایسترۆی به‌ڵقان” شایسته‌ی خه‌ڵاته‌که‌ نه‌بووه‌ و هاوشێوه‌ی وه‌رزه‌کانی ڕابردو به‌ شایسته‌ی کریستیانۆ ڕۆناڵدۆ، یاخود ئه‌نتوان گریزمانی فه‌ره‌نسی بووه‌ که‌ نازناوی خولی ئه‌وروپی “یوروپا لیگ” و مۆندیال و سوپه‌ری ئه‌وروپای به‌ده‌ست هێناوه‌.

 

ئه‌مه‌ش نمونه‌یه‌که‌ له‌هه‌ڵه‌ی ده‌نگدان و به‌خشینی خه‌ڵاته‌که‌ به‌ یاریزانێک، له‌کاتێکدا یاریزانێکی تر شایسته‌ی بووه‌:

• فلۆریان ئالبێرت ١٩٦٧: به‌ ٢٨ گۆڵه‌وه‌ گۆڵکاری خولی هه‌نگاری بوو، نازناوه‌که‌ی به‌ده‌ستهێنا و بۆبی چارڵتۆنی ئه‌فسانه‌ی ئینگلیزی له‌ “بالۆن دۆر” بێبه‌ش کرد.

• ئیگۆر بیلانۆڤ ١٩٨٦: ئه‌ستێره‌یه‌کی باشی یانه‌ی دینامۆ کیێڤ بوو، نازناوه‌که‌ی به‌ده‌ستهێنا و گاری لینیکه‌ری ئه‌فسانه‌ی ئینگلته‌را و گۆڵکاری مۆندیالی له‌ “بالۆن دۆر” بێبه‌ش کرد، له‌و ساڵه‌دا ئیمیلۆ بوتراگینۆی ئه‌فسانه‌ی ئیسپانیا و خاوه‌نی نازناوی چامپیۆنز لیگ به‌هه‌مان شێوه‌ پاڵێوراو بوو، به‌ڵام ئه‌ویش‌ بێبه‌ش بوو.

• ماتیاس زامه‌ر ١٩٩٦: ئه‌ستێره‌ سورکاره‌که‌ی ئه‌ڵمانیا له‌و ساڵه‌دا نازناوی خولی یانه‌ پاڵه‌وانه‌کانی به‌درێسی دۆرتمۆنده‌وه‌ به‌ده‌ستهێنا، سه‌یر له‌وه‌دابوو به‌جیاوازی خاڵێک پێش ڕۆناڵدۆی دیارده‌ که‌وت که‌ له‌به‌رشلۆنه‌ جیهانی سه‌رسام کردبوو، هه‌روه‌ها ڕائول گۆنزالێسی ئیسپانیش یه‌کێک بوو له‌ کاندیده‌کان.

• مایکڵ ئۆون ٢٠٠١ : له‌و ساڵه‌دا هێرشبه‌ره‌ ئینگلزییه‌که‌ نازناوی خولی ناوخۆ و (فا کاپ) و (یوێفا کاپی) به‌ده‌ستهێنا و خه‌ڵاته‌که‌ی پێبه‌خشرا، له‌کاتێکدا ڕائول گۆنزالێسی ئیسپانی ئه‌ستێره‌ی یانه‌ی ڕیاڵ مه‌درید له‌ماوه‌ی سێ وه‌رزدا دوو نازناوی چامپیۆنزی به‌ده‌ستهێنابوو!

• پاڤێل نیدڤد ٢٠٠٣: ئه‌ستێره‌ چیکی-یه‌که‌ به‌درێسی یوڤانتۆسه‌وه‌ نازناوی “سکۆدیتۆ”ی به‌ده‌ست هێنا و جه‌مسه‌رێکی فاینه‌ڵی چامپیۆنز لیگ بوو بۆیه‌ خه‌ڵاته‌که‌ی وه‌رگرت، له‌هه‌مان وه‌رزدا تێری هێنری جیهانی به‌توانا سه‌رسوڕهێنه‌ره‌که‌ی سه‌رسام کردبوو که‌چی ده‌ستبه‌تاڵ ده‌رچوو!

• ئه‌ندرێ شیڤچینکۆ ٢٠٠٤: هێرشبه‌ره‌ ئۆکرانییه‌که‌ نازناوی “سیریا ئه‌ی” ئیتاڵی به‌ده‌ست هێنا و به‌درێسی میلانه‌وه‌ ١٤ گۆڵی تۆمار کرد و به‌وهۆیه‌وه‌ خه‌ڵاته‌که‌ی پێبه‌خشرا، له‌به‌رامبه‌ردا “دیکۆ”ی ئه‌ستێره‌ی پورتوگالی له‌گه‌ڵ پۆرتۆ نازناوی خولی ناوخۆ و سوپه‌ری پورتوگال و چامپیۆنزلیگ و جامی ئینته‌رناشناڵی به‌ده‌ستهێنا و ده‌ستبه‌تاڵ ماڵئاوایی له‌و وه‌رزه‌ کرد!

• فابیۆ کاناڤارۆ ٢٠٠٦: کاپتانۆی ئیتاڵیا نازناوی مۆندیالی به‌ده‌ستهێنا و گره‌وه‌ی “بالۆن دۆر”ی له‌ جیانلویجی بوفۆنی هاوڕێی و تێری هێنری گۆڵکاری پریمه‌رلیگ و دووه‌می خولی یانه‌ پاڵه‌وانه‌کان برده‌وه‌، له‌کاتێکدا ده‌بوو نازناوه‌که‌ بۆ “ئاسکه‌ فه‌ره‌نسییه‌که‌” بێت که‌ دووه‌مجار بوو کاندیدکرابوو بۆ خه‌ڵاته‌ گه‌وره‌که‌، له‌و ساڵه‌دا هه‌موو جیهان شایه‌تحاڵی ئه‌وه‌بوون له‌دونیای تۆپی پێدا یاریزانێکی تر نییه‌ له‌و به‌هێزتر و هونه‌ریتر بێت.

بەردەوام بە لە خوێندنەوە

ڕاپۆرت و شیکاری

(له‌ خه‌ڵا‌ته‌که‌ گه‌وره‌ترن) ئه‌و (١٠) ئه‌فسانه‌ی هه‌رگیز نه‌یانتوانی خه‌ڵاتی “بالۆن دۆر” به‌ده‌ست بهێنن

خه‌ڵک سپۆرت
له‌م سه‌رده‌مه‌ی تۆپی پێدا خه‌ڵاته‌ تاکه‌ که‌سیه‌کان (فه‌ردیه‌کان) بۆ یاریزانان گرنگی زۆری هه‌یه‌، به‌هۆیه‌وه‌ ده‌بنه‌ باشترینی جیهان و ناویان له‌مێژوودا به‌ ئاڵتون ده‌نوسرێته‌وه‌.
ئه‌وه‌ی جێی تێڕامانه‌، له‌سه‌رده‌می ڕابردودا ئه‌فسانه‌کانی بواری تۆپی پێ هه‌رگیز به‌وشێوه‌یه‌ له‌ خه‌ڵات و نازناوه‌ تاکه‌ که‌سییه‌کانیان نه‌ڕوانیوه‌ و له‌و ڕێگه‌یه‌وه‌ هه‌ڵیان نه‌داوه‌ خۆیان بناسێنن، به‌ڵکو به‌پێیه‌ جادوییه‌کانیان جیهانی تۆپی پێیان سه‌رسام کردووه‌ و مێژوویان بۆ هه‌ڵبژارده‌ و یانه‌کانیان نوسیوه‌ته‌وه‌، بۆیه‌ مێژوو ناچاره‌ له‌ خه‌ڵاتی “بالۆن دۆر” گه‌وره‌تر ئاماژه‌یان بکات، ئه‌و خه‌ڵاته‌ی هه‌رگیز به‌ده‌ستیان نه‌هێنا…
لیستی ئه‌و ئه‌فسانانه‌ی نه‌یانتوانی بۆ جارێکیش له‌ژیانی وه‌رزشیاندا خه‌ڵاتی تۆپی ئاڵتونی به‌ کۆپی کۆن و تازه‌ به‌ده‌ست بهێنن:

  • مارادۆنا: کێ هه‌یه‌ له‌ مارادۆنا گه‌وره‌تربێت له‌ بواری تۆپی پێدا؟ بێگومان ئه‌وه‌ی ئه‌م ئه‌فسانه‌یه‌ کردویه‌تی به‌هیچ یاریزانێک دووباره‌ ناکرێته‌وه‌، له‌گه‌ڵ ئه‌وه‌شدا تا ساڵی ١٩٩٥ یاریی کرد و نه‌یتوانی ته‌نها بالۆن دۆرێک له‌گه‌ڵ خۆی بباته‌وه‌ بۆ ماڵه‌وه‌، یاریزانه‌ ئه‌وروپیه‌کان ڕێگه‌یان پێنه‌دا.

  • پێلێ: گه‌وهه‌ره‌ ئه‌سمه‌ره‌که‌ی به‌رازیل به‌ ئه‌فسانه‌ی یه‌که‌می مێژوو ناوده‌برێت، که‌چی له‌ ژیانیدا ناوی نه‌چۆته‌ نێو کاندیدی باشترینه‌کانه‌وه‌، فیفا و گۆڤاری فرانس فوتباڵ به‌رامبه‌ر ئه‌م ناوه‌ گه‌وره‌یه‌ که‌مته‌رخه‌م بوون بۆیه‌ له‌ساڵی ٢٠١٣ و له‌ته‌مه‌نی پیریدا به‌شێوه‌یه‌کی شه‌ره‌فی خه‌ڵاتی “بالۆن دۆر”یان پێبه‌خشی.

  • ماڵدینی: دیواری به‌رگری ئیتاڵیا و یه‌کێک له‌و ئه‌فسانانه‌ی دروستبونه‌وه‌یان له‌ تۆپی پێدا مه‌حاڵه‌، سه‌یر له‌وه‌دایه‌ هه‌رگیز نازناوی باشترینی به‌ده‌ست نه‌هێناوه‌.

  • چاڤی:ئه‌و ئه‌فسانه‌یه‌ی به‌هۆی لیۆ مێسی یه‌وه‌ بێبه‌ش بوو له‌ خه‌ڵاتی بالۆن دۆر، چه‌ندین ساڵ پاڵێوراو بوو، به‌ڵام نه‌یتوانی به‌ده‌ستی بهێنێت.

  • ئینێستا:هاوشێوه‌ی چاڤی هاونیشتیمانیه‌تی، به‌هۆی گه‌وره‌یی و ناوداری مێسی یه‌وه‌ هه‌رگیز نه‌یتوانی خه‌ڵاته‌که‌ به‌ده‌ست بهێنێت، ته‌نانه‌ت له‌ساڵی  نازناوی مۆندیالی ٢٠١٠ی به‌ده‌ستهێنا و گۆڵی کۆتایی تۆمار کرد، به‌ڵام ئه‌وه‌ش شه‌فاعه‌تی بۆ نه‌کرد تا خه‌ڵاته‌که‌ به‌ده‌ست بهێنێت.

  • باریزی:به‌رگریکاره‌ سه‌رسه‌خته‌که‌ی ئیتاڵیا له‌گه‌ڵ گولێت و ڤان باستن چوار جار پاڵێوراو بووه‌ بۆ خه‌ڵاته‌که‌، ئه‌ویش هاوشێوه‌ی گه‌وره‌کانی تر نه‌یتوانی به‌ده‌ستی بهێنێت.

  • پوشکاش: به‌هێزترین گۆڵکار له‌مێژووی تۆپی پێدا خاوه‌نی پێنج نازناوی ئه‌وروپییه‌، تامی بالۆن دۆری نه‌کردووه‌.

  • دینۆ زۆف: یه‌کێکه‌ گۆڵپارێزه‌ جاڵجاڵۆکه‌ییه‌کان له‌بواری تۆپی پێدا و ئه‌فسانه‌ی سه‌رده‌می خۆیی و ئه‌م سه‌رده‌مه‌شه‌، به‌ڵام هه‌رگیز خه‌ڵاته‌که‌ی به‌ده‌ست نه‌هێناوه‌.

  • ڕائول: کێ هه‌یه‌ له‌م سه‌رده‌مه‌دا ڕائول نه‌ناسێت؟! ناو و ناوبانگی پێویستی به‌ باسکردن نییه‌، له‌گه‌ڵ ئه‌وه‌شدا هه‌رگیز خه‌ڵاتی باشترینی به‌ده‌ست نه‌هێناوه‌.

  • تێری هێنری: یه‌کێکه‌ له‌ به‌هره‌مه‌ندترین ئه‌ستێره‌کانی سه‌رده‌می نوێی تۆپی پێ، به‌بیر خۆتی بهێنه‌ به‌هۆی کاناڤارۆ و پاڤل نیدڤده‌وه‌ نه‌یتوانی خه‌ڵاتی بالۆن دۆر به‌ده‌ست بهێنێت!

بەردەوام بە لە خوێندنەوە

ڕاپۆرت و شیکاری

ئه‌ستێره‌کانی بواری تۆپی پێ یه‌که‌م موچه‌یان له‌ چیدا سه‌رف کرد؟ له‌ هه‌ژارییه‌وه‌ بۆ ده‌وڵه‌مه‌ند بون …

خه‌ڵک سپۆرت

زۆرینه‌ی ئه‌ستێره‌کانی بواری تۆپی پێ له‌ ژیانی ئاسایدا که‌سانێکی هه‌ژار بوون و له‌ڕووی داراییه‌وه‌ ڕوخاو یاخود نه‌دار بوون، له‌دوای ناوداربون و ده‌وڵه‌مه‌ندبونیان زۆرینه‌ی موچه‌کانیان له‌بواری بازرگانیدا به‌کارخستووه‌.

ئه‌و ئه‌ستێرانه‌ی له‌ خواره‌وه‌ ناویان هاتووه‌، حاڵی حازر سه‌رمایه‌دارن و ساڵانه‌ ملیۆنان یورۆ داهاتیان هه‌یه‌ و خاوه‌نی چه‌ندین کۆمپانیا و موڵک و ڤێلا و ئوتۆمبێلن، به‌ڵام پرسیاره‌که‌ ئه‌وه‌یه‌: ئایا یه‌که‌م موچه‌ی ژیانی پرۆفیشناڵیان له‌ چیدا به‌کارهێناوه‌؟

له‌م باره‌یه‌وه‌ ڕۆژنامه‌ی “ئاس”ی ئیسپانی زانیاری ده‌رباره‌ی یاریزانان به‌م شێوه‌یه‌ بڵاوکردۆته‌وه‌:

  • دیێگۆ گودین (ئۆرۆگوای – ئه‌تله‌تیکۆ مه‌درید): به‌ یه‌که‌م موچه‌ کارگه‌یه‌کی چیمه‌نتۆی به‌ناوی (سی ئای ئێم ئێس ئه‌ی) کڕیوه‌، له‌م پڕۆژه‌یه‌دا دیێگۆ لۆگانۆی هاونیشتیمانی هاوکاری بوو.

  • گاریس به‌یل (وێڵز – ڕیاڵ مه‌درید): به‌ یه‌که‌م موچه‌ له‌شاری کاردیف باڕێکی کڕیوه‌.

  • بوفۆن (ئیتاڵیا – پاریس سانت جێرمان): به‌ یه‌که‌م موچه‌ چه‌ند موڵکێکی کڕیوه‌، له‌نێوانیاندا ڕێستورانتێک له‌هه‌رێمی توسکانا.

  • لویس سوارێز (ئۆرۆگوای – به‌رشلۆنه‌): یه‌که‌م موچه‌ی له‌ بواری وه‌به‌رهێنان له‌گه‌ڵ کۆمپانیایه‌کی به‌ریتانیدا به‌کارخستووه‌.

  • کریستیانۆ ڕۆناڵدۆ (پورتوگال – یوڤانتۆس): یه‌که‌م موچه‌ی به‌ دیاری پێشکه‌شی دایکی کردووه‌، بۆ ئه‌وه‌ی چیتر له‌هیچ کارگه‌یه‌ک ئیش نه‌کات.

  • ئارتورۆ ڤیدال (چیللی – به‌رشلۆنه‌): به‌ یه‌که‌م موچه‌ی ٢ دۆنم زه‌وی له‌ سانتیاگۆی پایته‌ختی وڵاته‌که‌ی کڕیوه‌.

  • ماورۆ ئیکاردی (ئه‌رجه‌نتین – ئینته‌رمیلان): به‌ یه‌که‌م موچه‌ی ئوتۆمبێلێکی جۆری “هامه‌ر ئێچ ٢”ی کڕیوه‌.

  • خوان ماتا (ئیسپانیا – مانچسته‌ر یونایتد): یه‌که‌م موچه‌ی له‌ کۆمپانیایه‌که‌ی وه‌به‌رهێنانی بازرگانی له‌بواری ڕیکلام به‌گه‌ڕخستووه‌.

  • کاسیمێرۆ (به‌رازیل – ڕیاڵ مه‌درید): یه‌که‌م موچه‌ی داوه‌ به‌ خواردنه‌وه‌یه‌کی ناودار به‌ناوی “Yakult” که‌ له‌منداڵیه‌وه‌ خه‌ونی پێوه‌ بینیوه‌.

  • سێرجیۆ ئه‌گوێرۆ (ئه‌رجه‌نتین – مانچسته‌ر سیتی): نه‌زانراوه‌ یه‌که‌م موچه‌ی چی لێکردووه‌، به‌ڵام یه‌که‌م موچه‌ی له‌ یانه‌ی مانچسته‌ر سیتی داوه‌ به‌ ئوتۆمبێلێکی لامبۆرگینی.

  • چاڤی هێرناندێز (ئیسپانیا – به‌رشلۆنه‌): به‌ یه‌که‌م موچه‌ی له‌ ته‌مه‌نی لاوێتیدا فڕنێکی کاره‌بایی بۆ دایکی کڕیوه‌.

  • ئیدینسۆن کاڤانی (ئۆرۆگوای – پاریس سانت جێرمان): به‌ یه‌که‌م موچه‌ له‌ شاری سالتۆی ئۆرگوای چه‌ند خانویه‌کی کڕیوه‌ له‌گه‌ڵ باخێکدا که‌ مه‌وداکه‌ی ١.٧ دۆنم بووه‌.

  • ئاردا توران (تورکیا – ئیستانبوڵ باشاک شه‌هیر): به‌ یه‌که‌م موچه‌ی به‌نزینخانه‌یه‌کی بۆ باوکی کڕیوه‌ له‌گه‌ڵ پارچه‌یه‌ک زه‌وی له‌شاری ئیستانبوڵ.

  • فلۆید مایوێزه‌ر (بۆکسێنه‌ری ناوداری ئه‌مریکا): یه‌که‌م ده‌ستکه‌وتی زۆر بووه‌ و ڤێلایه‌کی له‌ لاس ڤیگاس پێ کڕیوه‌.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین