ئێمە لە تۆرە کۆمەڵایەتیەکان

کوردستان

فڕۆكە جەنگییەكانی توركیا بناری قەندیل بۆردومان دەكەن

خەڵك – بەشی هەواڵ

ئەمڕۆ یەك شەممە فڕۆكە جەنگییەكانی توركیا بناری قەندیل و ناوچەی باڵەییانیان بۆردومان كرد.

بەپێی زانیارییەكانی گەیشتوو بە (خەڵك) فڕۆكە جەنگییەكانی توركیا دێیەكانی دۆڵی باڵەییان و نێودەشتی بناری قەندیلیان بۆردومان كردووە كە بۆردومانەكە دێیەكانی قەڵاتوكان، بۆكریسكان، گەلی بەدرێیان كردووەتە ئامانج.

ئەم بۆردوومانە ترس و دڵەڕاوكێی لە نێو دانیشتوانی ئەو دێیانەدا دروستكردووە بەتایبەت لەم وەرزەدا كە خەریكی كشتوكاڵ و ئاژەڵدارین.

تاكو ئێستا زیانەكانی ئەم بۆردومانە نەزاندراون و بەپێی سەرچاوەكان بۆردومان بەردەوامە.

ئەمە لەكاتێكدایە لە چەند رۆژی رابردوودا فڕۆكە جەنگییەكانی توركیا ناوچەكانی سنووری ئامێدی، ئاكرێ، برادۆستیان بۆردومان كردووە.

کوردستان

ناوەڕۆكی وتاری هەینی مامۆستایانی ئایینی دیاریكرا

خەڵك- بەشی هەواڵ
وەزارەتی ئەوقاف و کاروباری ئایینی حكومەتی هەرێم دوو ناونیشان بۆ وتاری هەینی ئەم هەفتەیە 12ی كانونی یەكەم دیاری دەكات و مامۆستایانی ئایینی-ش سەرپشك دەكات لە هەڵبژاردنی تەوەرێكیان.

بەپێی ناونیشانە پێشنیازکراوەکان بۆ وتاری ئایینی ئەم هەفتەیە، کە وێنەیەکی دەست (خەڵک) کەوتووە، دوو ناونیشان پێشنیاركراوه‌ بۆ وتاری هه‌ینی تا مامۆستایانی ئایینی لەسەری بوەستن و بۆ موسڵمانانی باس بكەن.

بەپێی ناونشانەکان، مامۆستایانی ئاینی دەتوانن بۆ ئەم هەینییە یەکێک لەم ناونیشانانە هەڵبژێرن:
1. ڕاستگۆیی و دەرهاویشتەكانی لەژیانی مرۆڤ و لەنێو كۆمەڵگادا.
2. قورئانی پیرۆز و ڕۆڵی لە چەسپاندنی بەها ئیمانییەكان.

بەردەوام بە لە خوێندنەوە

کوردستان

پولیسێك بەهۆی كارەباوە گیانی لەدەستدا

خەڵك- بەشی هەواڵ

كارمەندێكی چالاكیە مەدەنیەكانی گەرمیان بەهۆی تەزووی كارەباوە گیانی لەدەستدا.

بەپێی ڕاگەیاندراوێكی پۆلیسی گەرمیان، كە وێنەی دەست (خەڵك) كەوتووە، “ئێوارەی ئەمڕۆ سێ شەممە لەگەڕەكی سیروانی قەزای كەلار، كارمەندێكی چالاكییە مەدەنیەكانی گەرمیان بەهۆی تەزووی كارەباوە، گیانی لەدەستدا”.

هەر لە ڕاگەیەندراوەكەدا هاتووە، “ئەو پۆلیسە ناوی ( ج. ع. ر)ە و لەدایكبووی 1972وە، لەكاتی پشووی فەرمی خۆیدا و لەماڵی خۆیان كارەبا گرتویەتی و لەئەنجامدا گیانی لەدەستداوە”.

بەردەوام بە لە خوێندنەوە

کوردستان

سەعدی پیرە: پەیامی خۆمان گەیاندە پارتی

خەڵك- بەشی هەواڵ
وتەبێژی مەكتەبی سیاسی یەكێتيی نیشتمانیی كوردستان ڕایدەگەییەنێت، لەكۆبوونەوەی ئەمڕۆی مەكتەبی سیاسی یەكێتی و پارتی، جەخت سەر پتەوكردنی پەیوەندییەكانی نێوان هەردوولا كرایەوە، یەكێتیش لە كۆبوونەوەكەدا بە پارتی ڕاگەیاندووە، كە بە شەراكەتی ڕاستەقینە بەشداری حكومەتی داهاتووی هەرێمی كوردستان دەكات.

سەعدی ئەحمەد پیرە، وتەبێژی مەكتەبی سیاسی یەكێتی لە كۆنفرانسێكی ڕۆژنامەوانیدا ڕایگەیاند، “لەكۆبوونەوەی ئەمڕۆمان لەگەڵ مەكتەبی سیاسی پارتی دیموكراتی كوردستان، بە ڕاشكاوانە بەپارتیمان ڕاگەیاند، یەكێتی بە شەراكەتی ڕاستەقینە بەشداری حكومەتی داهاتووی هەرێمی كوردستان دەكات و لای یەكێتی شەراكەتی ڕاستەقینە بەمانای بەشداریكردنییەتی لەسەرجەم جومگە سەرەكییەكانی حكومەتی داهاتووی هەرێم، بە ئاسایش و كەرتی وزە و تەواوی بوارە گرنگەكانی تر”.

بە وتەی سەعدی پیرە، ” لە كۆبوونەوەكەدا باس لەباشتر ڕێكخستنەوەی پەیوەندییەكانی نێوان هەردوولا كرا و بڕیاردرا پڕۆژەیەك بۆ یەكهەڵوێستی هەردوولا لە بەغدا لەپێناو بەهێزكردنی ئامادەیی كورد بخرێتە كارنامەی هەردوو حزبەوە، یەكێكی دیكە لە تەوەرەكانی كۆبوونەوەكە تایبەت بوو بەچارەسەركردنی كێشەی كەركوك و دانانی پارێزگارێك بۆ ئەو شارە، لەگەڵ پێویستی چارەسەركردنی كێشەكانی ناوچە دابڕێنراوەكان”.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین