د.شاڵاو عارف، سەرۆکی ڕێکخراوی ڤێتێرنەری لەپێناو ژیان دەڵێت، بۆئەوەی بزانین گۆشتێکی بەستوو تەندروستە پێویستە پێویستە چەند پشکنینێکی تەندروستی بۆ ئەنجامبدرێت.
پشکنینەکانیش ئەمانەی خوارەوەن:-
* سەرەتا هەر دەسەڵاتێک گۆشتی بەستوو بۆ ووڵاتەکەی دێنێت ، پێویستە تیمێکی پسپۆڕ ڕەوانەی ووڵاتی هاوردە بکات تاکو :
– لە کێڵگەوە بۆ بارکردن ، سەرپەرشتی پرۆسەی تەندروستی بەرهەم بکات نەک بدرێتە دەست بازرگان و ووڵاتی هاوردە
– دڵنیابوون لە ڕاستی و دروستی دۆکێۆمێنتە زانستیەکان
ئەمە ئەلف و بێی کارە دروستەکەیە
دواتر ، لەتاقیگە باوەڕپێکراوەکانی ناوخۆی هەرێم ئەگەر هەیە نەک لەدەرەوەی هەرێم !!! ئەم پشکنینانەی خوارەوەی بۆ بکرێت:
* گۆشتی هەناردە بۆ ڕێگرتن لەگەشەی مایکروب و هێشتنەوەی ڕەنگ و تام، پارێزبەندەکانی (مواد حافظة ) بۆ بەکاردێت ، بۆ دڵنیابوون پشکنین بۆ ڕێژەیی بوونیان دەکرێت، چونکە ئەو پارێزبەندانە زیانی بۆ تەندروستی دەبێت
*لەهەندێک کێڵگە لە پێناو پێدانی کێشی زیاتر بە ئاژەڵ هۆرمۆن بەکار دێت، پێویستە پشکنین بۆ ڕێژەیی پاشماوەیان بکرێت وەک هۆرمۆنی Oestradiol Ghr.p2 Ghr.p6 چونکە بوونیان زیانی بۆ تەندروستی مرۆڤ هەیە
* پشکنین بۆ ڕێژەیی پاشماوەی دەرمانەکان بکرێت وەک:
دەرمانی دژە مایکرۆبەکان
دەرمانی دژە مشەخۆرەکان
قڕکەرەکان
کانزا قورسەکان
ژەهرەکان
چونکە بوونیان زیانی بۆ تەندروستی مرۆڤ هەیە
* زۆر جار لە کاتی گواستنەوەدا بۆ ئەوەی مایکرۆبەکان لە سەر گۆشتەکە گەشە نەکەن، بەرهەمەکە بە پرۆسەی تیشکداندا دەبرێت ، بوونی پاشماوەی ئەم تیشکانە زیانی بۆ تەندروستی مرۆڤ دەبێت ، پێویستە پشکنینی بۆ بکرێت.
* پشکنین بۆ نیتریت بکرێت ، هەندێک کێڵگە بۆ بەرزکردنەوەی کێشی ئاژەڵ لەماوەیەکی کەمدا خۆراکێکی بۆ بەکار دێنن ڕێژەیی نیترتی بەرزە ، ئەم کێشە ڕەنگدانەوەی بۆ چەمکی بەهای خۆراکی نابێت.
*پشکنین بۆ بوونی فۆسفۆڕیس پێنتۆکساید ، ماددەیەکی ژەهراویە زیانی بۆ تەندروستی دەبێت.
* ڕێژەی گلدانەوەی ئاو لە گۆشت W.H.C یەکێک لە پشکنینە گرنگەکانە بۆ دڵنیابوون لەتەندروستی و کوالیتی ئەو ئاژەڵە کوشتارکەی بۆ کراوە.
*ڕێژەی پرۆتین لە گۆشتدا زۆر گرنگە دەبێت پشکنینی بۆ بکرێت ، بەرزی ڕێژەکەی پەیوەستە بە تەندروستی و کوالیتیەکەی.
* ڕێژەیی چەوری دەبێت لە نێوان ١٠ بۆ ٢٥ بێت ، ڕێژەیی چەوری پەیوەندی بەتەندروستی ئەو ئاژەڵەوە هەیە کوشتاری بۆ کراوە.
* ڕێژەیی ئاو لە گۆشتدا ، ئەگەر بەرز بێت واتە کوالیتی گۆشتی ئاو ئاژەڵەی کوشتاری بۆ کراوە ڕێگەپێدراو نەبووە.
*پێکهاتەی خوێی گۆشتەکە ، بەرزونزمی کاریگەری لەسەر کوالیتی گۆشتەکە دەبێت.
* ڕێژەی Dry matter دەبێت دیاری بکرێت چونکە هەر یەکێک لە کانزاکان بە نمونە Iron Zink بەهای خۆراکیان دیاریکراوە.
* پشکنینی دەرچوونی پێویستی خوێن لە گۆشت Bleeding Test.
هەرچەند دووپاتی دەکەمەوە ، هاوردەکردنی گۆشت بازرگانیەکی ئاسایی و ناردنە دەرەوەی پارەیە هیچ چارەسەرێک بۆ دابەزینی نرخەکەی ناخوڵقێنێت بەڵام ئەگەر بەم ڕێوشوێنانەدا گوزەر بکات ، بازرگانیەکە ئاسایی و سروشتیە.
