ئێمە لە تۆرە کۆمەڵایەتیەکان

چاوپێکەوتن

سه‌ڵاح: وه‌ڵامه‌که‌ی ڕامۆس پێکه‌نیناویه‌، که‌واته‌ پێی بڵێ بزانه‌ بۆ مۆندیال ئاماده‌ ده‌بم یان نا؟

خه‌ڵک سپۆرت – مارکا

موحه‌مه‌د سه‌ڵاحی میسڕی ئه‌ستێره‌ی یانه‌ی لیڤه‌رپوڵ چاوپێکه‌وتنێک له‌گه‌ڵ ڕۆژنامه‌ی “مارکا” ئه‌نجام ده‌دات، وه‌ڵامی چه‌ندین بابه‌تی تایبه‌تی و گرنگ ده‌رباره‌ی پێکانه‌که‌ی و یانه‌ی لیڤه‌رپوڵ هه‌ڵبژارده‌ی میسڕ له‌ مۆندیالی ٢٠١٨ی ڕوسیا ده‌داته‌وه‌.

پێکانه‌که‌ت چۆنه‌؟ فریای یه‌که‌م یاریی مۆندیال ده‌که‌ویت؟

ئێستا باشم، هیوادارم فریای یه‌که‌م رووبه‌ڕوبونه‌وه‌ بکه‌وم به‌رامبه‌ر هه‌ڵبژارده‌ی ئورۆگوای، به‌ڵام ئه‌وه‌ش له‌سه‌ر بارودۆخی پێکانه‌که‌ و هه‌ستی من وه‌ستاوه‌ پێش له‌رووبه‌ڕوبونه‌وه‌که‌.

پێکانه‌که‌ی کیێڤ ناخۆشترین ساتی ژیانت بوو؟

به‌ڵێ وابوو.

له‌ مۆندیالی ڕوسیا ده‌تبینین، به‌ڵام کاتی پێکانه‌که‌ له‌وه‌ نه‌ده‌ترسایت مۆندیالیش له‌ده‌ست بده‌یت؟

کاتێک که‌وتم به‌زه‌ویدا ئازاری جه‌سته‌یی و دڵه‌ڕاوکێم به‌یه‌که‌وه‌ توشبوو، توڕه‌ و دوودڵ بووم که‌ نه‌مده‌توانی یاریی کۆتایی خولی یانه‌ پاڵه‌وانه‌کان ته‌واو بکه‌م، له‌هه‌مان کاتدا بیرم له‌ ئه‌گه‌ره‌کانی له‌ده‌ستدانی مۆندیال ده‌کرده‌وه‌، بیرکردنه‌وه‌یه‌کی تێکشکێنه‌ر بوو.

له‌باره‌ی که‌وتنه‌که‌ی تۆ و ڕامۆسه‌وه‌ زۆر وترا، پێتوایه‌ که‌وتنێکی ئاسایی بوبێت؟

نازانم، ڕه‌نگه‌ وابێت…

له‌چه‌ند ڕۆژی ڕابردودا ڕامۆس ڕایگه‌یه‌ند، که‌ تۆ سه‌ره‌تا قۆڵی ئه‌وت ڕاکێشاوه‌ و له‌گه‌ڵ ئه‌وه‌شدا قۆڵه‌که‌ی ترت ئازاری پێگه‌یشتووه‌، ڕات چییه‌؟

ئه‌وه‌ پێکه‌نیناوییه‌…

هه‌روه‌ها باسی له‌وه‌ش کردووه‌ که‌ ئه‌گه‌ر دانت به‌خۆتدا بگرتایه‌ ده‌تتوانی تایمی دووه‌م بگه‌ڕێیته‌وه‌ و به‌شداری بکه‌یت، له‌گه‌ڵ بۆچونه‌کانی ڕامۆس-دایت؟

(به‌پێکه‌نینه‌وه‌) وه‌ڵامی من ئه‌وه‌یه‌: ئاساییه‌ که‌سێک له‌سه‌ره‌تاوه‌ بتخاته‌ گریان و دواتر بتهێنێته‌‌ پێکه‌ین، ڕه‌نگه‌ بتوانیت پرسیاری ئه‌وه‌شی لێبکه‌یت که‌ ئایا من پێش مۆندیال ئاماده‌ ده‌بم یان نا؟

ڕامۆس هیچ نامایه‌کی بۆ ناردیت؟

نامه‌یه‌کی بۆ ناردم، به‌ڵام من هه‌رگیز پێم نه‌وت شته‌که‌ ئاساییه‌ و “ئۆکه‌ی” (واتا لێی خۆش نه‌بووه‌)

با باسی مۆندیال بکه‌ینه‌وه‌، چۆن گرنگی سه‌رکه‌وتنی هه‌ڵبژارده‌ی میسڕ به‌ره‌و مۆندیال بۆ ئه‌وروپیه‌کان ڕوون ده‌که‌یته‌وه‌؟

دوای ٢٨ ساڵ توانیمان خۆمان بگه‌یه‌نینه‌ مۆندیال، ئه‌وه‌ش شتێکی ئاسایی نییه‌، چونکه‌ ئێمه‌ حه‌وتجار نازناوی پاڵه‌وانیتی نه‌ته‌وه‌کانی ئه‌فریقامان به‌ده‌ست هێناوه‌، پاڵه‌وانی ساڵانی ٢٠٠٦ و ٢٠٠٨ و ٢٠١٠ بووین و شتێکی ئاسایی نییه‌ نه‌گه‌یته‌ مۆندیال! بۆیه‌ ئه‌مجاره‌ هه‌موو ده‌مانوت “پێویسته‌ بگه‌ینه‌ مۆندیال، پێویسته‌ ئه‌وکاره‌ بکه‌ین”، هێنده‌ی نه‌خایاند توانیمان خه‌ونه‌که‌مان بهێنینه‌ دی، ئه‌وه‌ش خه‌ونی گه‌وره‌ی گه‌لی میسڕه‌ وه‌ک چۆن مۆندیالی ٢٠١٠ خه‌ونی هه‌موو ئیسپانیه‌کان بوو.

ئامانجی میسڕ له‌ مۆندیالدا چییه‌؟

پێموایه‌ خاوه‌نی پێکهاته‌یه‌کی مه‌زن و ڕاهێنه‌رێکی مه‌زنین، هاتوین تا به‌ره‌و قۆناغه‌ پێشکه‌وتووه‌کان سه‌ربکه‌وین، ده‌مانه‌وێت کارێکی باش بکه‌ین له‌ مۆندیالی ٢٠١٨ی ڕوسیا.

ئامانجی تایبه‌تی خۆت چییه‌؟

ته‌نها یارمه‌تیدانی هه‌ڵبژارده‌ی وڵاته‌که‌مه‌ بۆ گه‌یشتن به‌قۆناغه‌ پێشکه‌وتووه‌کان و تۆمارکردنی گۆڵ، به‌ڵام به‌شێوه‌یه‌کی گشتی یاریده‌ی پێکهاته‌که‌ ده‌ده‌م ئاستێکی باشتر پێشکه‌ش بکات.

ڕاسته‌ ده‌ڵێن هیکتۆر کوپه‌ری ڕاهێنه‌ری میسڕ که‌سێکی تونده‌؟

(به‌پێکه‌ینه‌وه‌) خاوه‌نی ئه‌زمونێکی زۆره‌ و ڕاهێنه‌رێکی باشه‌، یاریده‌مان ده‌دات تواناکانمان به‌ره‌وپێش ببه‌ین و ئاستمان به‌رزتر بکه‌ینه‌وه‌، ئه‌و که‌سێکی توندوتیژ نییه‌، به‌ڵکو پێموابێت ڕاهێنه‌رێکی باش و پیاوێکی باشه‌‌، ئێمه‌ هه‌موو یاریده‌ی یه‌کتر ده‌ده‌ین.

له‌ چ بوارێکی تۆپی پێدا کوپه‌ر یارمه‌تی داویت؟

له‌ڕووی تاکتیکیه‌وه‌ یاریده‌ده‌رم بووه‌ باشتر به‌رگری بکه‌م، به‌ڵام هه‌میشه‌ ڕێگه‌یه‌کی گونجاوم بۆ ده‌دۆزێته‌وه‌ تا باشتر بتوانم هێرش بکه‌مه‌ سه‌ر ڕکابه‌ران، پێموابێت سودێکی گه‌وره‌م لێوه‌رگرتووه‌.

ئایا هیچ فشارێکت له‌سه‌ر ماوه‌ بۆ ئه‌وه‌ی له‌مۆندیالی ٢٠١٨ ئاستێکی به‌رز پێشکه‌ش بکه‌یت؟

فشاره‌کان بۆ ئه‌وه‌بوو پاڵاوتنه‌کان تێپه‌ڕێنین و بگه‌ینه‌ مۆندیال، بێگومان که‌سانێک هه‌ن ده‌ڵێن (ئۆکه‌ی) گه‌یشتینه‌ مۆندیال و هه‌موو شتێک کۆتایی هات، به‌ڵام به‌نسبه‌ت منه‌وه‌ هه‌رگیز به‌وشێوه‌یه‌ نییه‌ و به‌پێویستی ده‌زانم مێژوو تۆمار بکه‌ین، ده‌بێت شتێکی جیاواز بکه‌ین، له‌مێشکی مندا فشاره‌کان بۆ ئه‌وه‌ن که‌ شتێکی باشتر و جیاوازتر ئه‌نجام بده‌ین، نه‌ک به‌ته‌نها بگه‌ینه‌ ڕوسیا و سێ یارییه‌که‌ بکه‌ین و خودا حافیزی بکه‌ین، ئه‌وه‌ به‌ مێشکی مندا ناچێت.

ده‌زانیت ئه‌گه‌ر قۆناغی کۆمه‌ڵه‌کان ببڕن له‌قۆناغه‌ پێشکه‌وتووه‌کان ڕووبه‌ڕوی ئیسپانیا ده‌بنه‌وه‌ (کۆمه‌ڵه‌کانیان به‌رامبه‌ره‌)؟

ڕه‌نگه‌ وابێت، ئیسپانیا یان پورتوگال. هیوادارم بگه‌ینه‌ ئه‌و قۆناغه‌، بێگومان ئه‌و دوو هه‌ڵبژارده‌یه‌ زۆر به‌هێزن و یارییکردن به‌رامبه‌ریان زۆر قورسه‌، به‌ڵام هه‌رگیز نازانیت له‌نێو یاریگای تۆپی پێدا چی ڕووده‌دات.

چ شتێکی هه‌ڵبژارده‌ی ئیسپانیات به‌لاوه‌ په‌سه‌نده‌؟ یاریزانێک هه‌یه‌ به‌تایبه‌ت سه‌رسامی بیت؟

له ‌چێڵسی له‌گه‌ڵ دیێگۆ کۆستا و ئازپیلیکوێتا یارییم کردووه‌، له‌گه‌ڵ ئالبێرتۆ مۆرینۆ له‌ لیڤه‌رپوڵ، ئیسپانیا خاوه‌نی چه‌ندین یاریزانی پله‌ باڵایه‌ و ناتوانم ته‌نها ناوی یاریزانێک دیاری بکه‌م، به‌ڵام زۆر حه‌زم به‌تواناکانی کۆستایه‌، کاتێک به‌یه‌که‌وه‌ یارییمان ده‌کرد زۆر نایاب بوو، ئه‌و پیاوه‌ له‌ لوتکه‌ی لوتکه‌ی لوتکه‌دایه‌، وه‌ک یاریزانیش زۆر باشه‌.

یه‌که‌م یادگاری له‌گه‌ڵ مۆندیال چی بوو؟

به‌بیرم دێت له‌ماڵه‌وه‌ له‌گونده‌که‌ی خۆمان فاینه‌ڵی مۆندیالی ٢٠٠٢م ته‌ماشا کرد، ناتوانم له‌وه‌ زیاتر بڵێم، به‌ڵام یارییه‌که‌م ته‌ماشا کرد به‌رازیل ٢ -١، نه‌خێر ٢ – ٠ بردنه‌وه‌ی به‌ده‌ست هێنا و هه‌ردوو گۆڵه‌که‌ش له‌لایه‌ن ڕۆناڵدۆوه‌ تۆمارکران.

چاوپێکەوتن

مایکڵ بالاک: مۆرینیۆ ڕاهێنه‌رێکی گه‌وره‌یه‌ و له‌توانایدایه‌ کێشه‌کانی پۆگبا و یونایتد چاره‌سه‌ر بکات

خه‌ڵک سپۆرت

مایکڵ بالاکی ئه‌ڵمانی ئه‌ستێره‌ی پێشوی یانه‌کانی بایرن میونشن و چێڵسی، چاوپێکه‌وتنێک له‌گه‌ڵ ماڵپه‌ڕی “فۆر فۆر تو”ی به‌ریتانی ئه‌نجام ده‌دات، له‌وه‌ڵامه‌کانیدا ئاماژه‌ به‌ بارودۆخی یانه‌ی مانچسته‌ر یونایتد و که‌سایه‌تی مۆرینیۆ و چه‌ندین بابه‌تی تایبه‌تی ده‌کات.

ئه‌مه‌ش کورته‌یه‌که‌ له‌ چاوپێکه‌وتنه‌که‌:

دوای وازهێنان به‌رده‌وام چاودێری بارودۆخی یانه‌کان و هه‌واڵه‌کان ده‌که‌یت، ڕای تۆ چییه‌ ده‌رباره‌ی کێشه‌کانی نێوان مۆرینیۆ و پۆگبا؟

به‌ر له‌وه‌ی باسی هیچ شتێک بکه‌م، پێویسته‌ ئه‌وه‌ بزانن که‌ ڕاهێنان له‌ژێر چاودێری مۆرینیۆ زۆر قورسه‌، یاریزان له‌گه‌ڵ “مۆو” ده‌بێت خاوه‌ن که‌سایه‌تیه‌کی به‌هێز بێت، هه‌روه‌ها له‌سه‌دا سه‌د پابه‌ندی مه‌شق و ئه‌رکه‌ سپێردراوه‌کان بێت، به‌وشێوه‌یه‌ نه‌بێت هه‌رگیز سه‌رکه‌وتو نابیت.

له‌ژێر چاودێری “مۆو” کارت کردووه‌، ئه‌م ڕاهێنه‌ره‌ چۆنه‌؟

به‌نسبه‌ت منه‌وه‌ ئاسان نه‌بوو، سه‌ره‌ڕای ئه‌وه‌ی ئاستێکی گونجاوم پێشکه‌ش ده‌کرد، به‌ڵام به‌رده‌وام دووچاری ڕه‌خنه‌ تونده‌کانی ده‌بومه‌وه‌، ده‌مه‌وێت په‌یامێک ئاڕاسته‌ی هه‌موو ئه‌و یاریزانانه‌ بکه‌م که‌ له‌گه‌ڵیدا کارده‌که‌ن، مۆرینیۆ ڕاهێنه‌رێکه‌ وزه‌ی له‌یاریزانه‌کانی ده‌وێت و به‌رده‌وام ڕه‌خنه‌ له‌یاریزانه‌کانی خۆی ده‌گرێت، به‌ڵام ڕه‌خنه‌کانی تایبه‌تی نین تا به‌هه‌ڵه‌ لێکدانه‌وه‌ی بۆ بکرێت.

که‌واته‌ بۆ ئه‌وه‌ی له‌گه‌ڵ مۆرینیۆ خۆیان بگونجێنن پێویستیان به‌چییه‌؟

پێویستیان به‌وه‌یه‌ خاوه‌ن که‌سایه‌تیه‌کی به‌هێز بن، من به‌وشێوه‌یه‌ بووم و سه‌رباری ئه‌وه‌ی سه‌ره‌تاکانم ئاسان نه‌بوو، به‌ڵام له‌گه‌ڵ ئه‌م ڕاهێنه‌ره‌ گه‌وره‌یه‌دا تاموچێژم له‌ تۆپی پێ وه‌رگرت.

چ شتێک ڕاهێنه‌ری ناوبراو بێزار ده‌کات؟

ماوه‌ی ساڵ زیاتر له‌ژێر چاودێری مۆرینیۆ یارییم کرد که‌ زیاتره‌ له‌ ٤٦ یاریی، هه‌میشه‌ داوای ئه‌وه‌ی ده‌کرد گرنگی به‌ مه‌شقه‌کان بدرێت و پابه‌ندبونیان نیشان بده‌ین، ئه‌وه‌ به‌لایه‌وه‌ زۆر گرنگ بوو، به‌پێچه‌وانه‌وه‌ هه‌ر یاریزانێک که‌مته‌رخه‌م بوایه‌ بێزار ده‌بوو.

ئایا ده‌توانێت کۆنترۆڵی کێشه‌کانی بکات له‌گه‌ڵ پۆگبا؟

مۆرینیۆ هه‌میشه‌ ڕه‌خنه‌ له‌ ناوه‌ گه‌وره‌کان ده‌گرێت به‌تایبه‌ت ئه‌وانه‌ی موچه‌ی خه‌یاڵی وه‌رده‌گرن، چونکه‌ ئه‌م یاریزانانه‌ ئه‌رکی زیاتریان له‌سه‌ر شانه‌ و به‌شدارن له‌پێکهاته‌ی سه‌ره‌کیدا، به‌ش به‌حاڵی خۆم ڕه‌خنه‌ی لێگرتوم و ڕه‌خنه‌کانیشی بۆ شکاندنی که‌سایه‌تی هیچ که‌سێک نییه‌ و نابێت یاریزان به‌وشێوه‌یه‌ وه‌ریبگرێت، مه‌سه‌له‌ی پۆگبا به‌وشێوه‌یه‌یه‌، پێموابێت ڕاهێنه‌رێکی گه‌وره‌ و به‌ئه‌زمونه‌ و ده‌توانێت کۆنترۆڵی هه‌موو کێشه‌کان بکات.

له‌ماوه‌ی ڕابردودا ده‌نگۆی ئه‌وه‌ هه‌بوو وه‌ک به‌ڕێوه‌به‌ری وه‌رزشیی ده‌گه‌ڕێیته‌وه‌ بۆ ستامفۆرد بریدج (یانه‌ی چێڵسی)، ئه‌وه‌ ڕاسته‌؟

ده‌رگای من هه‌میشه‌ به‌ره‌و ئینگلته‌را کراوه‌یه‌، هیچ ڕووینه‌داوه‌ تائێستا، به‌ڵام هیوادارم ئۆفه‌رێکی هاوشێوه‌ بخرێته‌ به‌رده‌ستم، بێگومان قبوڵی ده‌که‌م و ده‌گه‌ڕێمه‌وه‌، نازانم له‌ داهاتودا چی ڕووده‌دات، به‌ڵام وه‌ک وتم هه‌میشه‌ ده‌رگام بۆ چێڵسی کراوه‌یه‌ ئه‌گه‌ر وه‌ک به‌ڕێوه‌به‌رێکی وه‌رزشیی مامه‌ڵه‌م له‌گه‌ڵدا بکه‌ن.

بەردەوام بە لە خوێندنەوە

چاوپێکەوتن

کریستیانۆ: من و مێسی به‌ په‌نجه‌ی ده‌ست ده‌ژمێردرێین و (١٠) ساڵه‌ به‌و ئاسته‌وه‌ به‌رده‌وامین!

خه‌ڵک سپۆرت

کریستیانۆ ڕۆناڵدۆی پورتوگالی ئه‌ستێره‌ی یانه‌ی یوڤانتۆس له‌ چاوپێکه‌وتنێکدا چه‌ندین بابه‌تی گرنگ و نه‌بیستراو بۆ گۆڤاری “فرانس فوتباڵ”ی فه‌ره‌نسی ئاشکرا ده‌کات.

ئه‌مه‌ش کورته‌یه‌که‌ له‌چاوپێکه‌وتنه‌که‌:

پاڵێوراون بۆ خه‌ڵاتی باشترین

به‌ڕای من چه‌ندین ئه‌ستێره‌ی به‌توانای وه‌ک مۆدریچ، ڤاران، موحه‌مه‌د سه‌ڵاح، گریزمان، مباپێ له‌داهاتودا پاڵێوراو ده‌بن بۆ خه‌ڵاتی باشترینه‌کانی جیهان، به‌ دووریشی نازانم مێسی نه‌توانێت له‌نێو باشترینه‌کاندا بێت، چونکه‌ ئاستی یاریزانان له‌سه‌ر کۆی تواناکانیان وه‌ستاوه‌ له‌سه‌ره‌تا تا کۆتایی وه‌رز، هیچ شتێک به‌نسبه‌ت یاریزانانی تۆپی پێوه‌ مه‌حاڵ نییه‌.

کێ وه‌ک من و مێسی پێده‌کرێت؟

چه‌ند یاریزان توانیویانه‌ ماوه‌ی ده‌ وه‌رزی ته‌واو له‌ ترۆپکی تواناکانیاندا بمێننه‌وه‌ و به‌و ئاسته‌وه‌ به‌رده‌وام بن؟ به‌ په‌نجه‌کانی یه‌ک ده‌ست ده‌توانین بیانبژێرین، به‌ڵێ، با بڵێین ته‌نها دوو یاریزان بونیان هه‌یه‌ به‌و ئاست و شێوه‌یه‌: مێسی و من.

ته‌مه‌نی من و تۆپی پێ

له‌م ته‌مه‌نه‌ی مندا هیچ یاریزانێک به‌ سه‌د ملیۆن له‌ یانه‌یه‌کی مه‌زنه‌وه‌ ناچێته‌ یانه‌یه‌کی مه‌زنی تر، له‌گه‌ڵ ڕێزمدا بۆ هه‌موو ئه‌وانه‌ی هاوته‌مه‌نی منن، به‌ڵام هه‌ندێک له‌کۆتا ساته‌کانی ژیانی وه‌رزشییدا ڕووده‌کاته‌ چین و ئیمارات و هندستان، له‌وێ کۆتایی به‌ ژیانی وه‌رزشییان ده‌هێنن، چونکه‌ ناتوانن پارێزگاری له‌ تواناکانیان بکه‌ن و ناتوانن له‌و ئاسته‌ به‌رزه‌دا بمێننه‌وه‌.

 

“هه‌ستم کرد یانه‌ی ڕیاڵ مه‌درید هیچ هه‌نگاوێک بۆ ڕاگرتن و هێشتنه‌وه‌م نادات، لێره‌وه‌ دڵنیابووم که‌ چیتر پێویستیان به‌ من نه‌ماوه‌”

 

شانازی ده‌که‌م من جیاوازم

من ده‌لێم که‌ جیاوازم و شانازی به‌وه‌شه‌وه‌ ده‌که‌م، ناڵێم که‌ باشترینم، به‌ڵکو ده‌ڵێم‌ جیاوازم، ڕه‌نگه‌ هه‌ر ئه‌وه‌ش بێت وایکردبێت چه‌ندین ساڵه‌ له‌ترۆپکی تواناکانمدا به‌رده‌وام بم.

وه‌ڵامێک بۆ ئه‌وانه‌ی پێیان وایه‌ کۆتایی هاتووه‌

که‌سانێک هه‌ن پێیان خۆشه‌ ببینن یاریزانێک کۆتایی به‌ژیانی وه‌رزشیی ده‌هێنێت، به‌ڵام به‌نسبه‌ت منه‌وه‌ به‌وشێوه‌یه‌ ناتوانن مامه‌ڵه‌ بکه‌ن، من هه‌میشه‌ لێره‌ ده‌بم بۆ خه‌ڵاتی باشترینه‌کان، شایسته‌ی ئه‌وه‌شم که‌ به‌ده‌ستی ده‌هێنم، ئه‌نجامه‌کانم بۆخۆیان ده‌ده‌وێن، هه‌رگیز ناتوانن من بکه‌نه‌ ده‌ره‌وه‌ی ململانێکه‌.

مه‌سه‌له‌ی ئابڕوچونه‌که‌

له‌گه‌ڵ خۆشه‌ویسته‌که‌م قسه‌م کردووه‌، کوڕه‌که‌م جونیۆر هێشتا منداڵه‌ و له‌و بابه‌ته‌ تێناگات، هه‌روه‌ها دایکم و خوشکه‌کانم له‌ئێستادا نغرۆی غه‌م بوون به‌هۆی پڕوپاگه‌نده‌کانه‌وه‌، من ته‌نها که‌سم که‌ ده‌بێت ئارامیان بکه‌مه‌وه‌ و ڕێگه‌یه‌ک بدۆزمه‌وه‌ بۆ به‌درۆخستنه‌وه‌ی ئه‌وانه‌ی ده‌یانه‌وێت زیانم پێبگه‌یه‌نن، دایکم به‌رده‌وام بێتاقه‌ته‌ و ناتوانم هیچ بکه‌م، زۆر قسه‌م له‌گه‌ڵ کردووه‌، خه‌فه‌ت ده‌خۆم کاتێک ده‌بینم بۆچونه‌کانی له‌گه‌ڵ بۆچونی خه‌ڵک جیاوازه‌ له‌باره‌ی منه‌وه‌، زۆرێکن ئه‌وانه‌ی منیان خۆشده‌وێت به‌هه‌مان شێوه‌ ئه‌وانه‌ش که‌ ڕقیان لێمه‌، به‌ڵام تا ئه‌وکاته‌ی به‌سه‌رکه‌وتویی کۆتایی به‌م بابه‌ته‌ ده‌هێنم بێده‌نگ ده‌بم، ده‌مه‌وێت بزانم دواتر ده‌ڵێن چی.

 

“لێره‌ هه‌مان موچه‌ی ڕیاڵ مه‌درید وه‌رده‌گرم و که‌متریش، ته‌نها جیاوازی ئه‌وه‌یه‌ یوڤانتۆس پێویستی پێمه‌ و ئه‌وه‌شیان له‌ڕاستیدا نیشان دام”

 

شانازی به‌ ژیانمه‌وه‌ ده‌که‌م و په‌شیمان نیم

ده‌زانم که‌ یه‌کێکم له‌هه‌ره‌ ناوداره‌کانی سه‌ر زه‌وی، ده‌زانم چی ده‌که‌م و ئه‌وه‌ی ده‌وترێت له‌باره‌ی منه‌وه‌ زیاتر گه‌یه‌نراوه‌ له‌که‌سانێکی تره‌وه‌، ده‌بیستم و ده‌مه‌وێت له‌سه‌رخۆبم و له‌ناخی خۆمدا بیهێڵمه‌وه‌، من شانازی به‌ژیانمه‌وه‌ ده‌که‌م، شانازی به‌وه‌ ده‌که‌م که‌ هه‌مه‌، ئه‌وه‌ی به‌ده‌ستم هێناوه‌.

بۆ پاره‌ نه‌چۆته‌ یوڤی

ئه‌گه‌ر وا ده‌زانن مه‌سه‌له‌ی په‌یوه‌ندیکردنم به‌ یانه‌ی یوڤانتۆسه‌وه‌ بۆ پاره‌ بێت بێگومان هه‌ڵه‌ ده‌که‌ن، ئه‌گه‌ر مه‌به‌ستم پاره‌ بوایه‌ په‌یوه‌ندیم به‌ یانه‌یه‌کی چینی-یه‌وه‌ ده‌کرد که‌ پێنج هێنده‌ی موچه‌ی ئێستایان بۆ ته‌رخان ده‌کردم، لێره‌ هه‌مان موچه‌ی ڕیاڵ مه‌درید وه‌رده‌گرم و که‌متریش، ته‌نها جیاوازی ئه‌وه‌یه‌ یوڤانتۆس پێویستی پێمه‌ و ئه‌وه‌شیان له‌ڕاستیدا نیشان دام.

سه‌رۆکی ڕیاڵ مه‌درید و ڕۆیشتنی بۆ ئیتاڵیا

هه‌ستم کرد له‌ناوخۆی ڕیاڵ مه‌درید به‌تایبه‌ت له‌جه‌مسه‌ری سه‌رۆکه‌وه‌ چیتر گرنگیم پێنادرێت، سه‌ره‌تا پێنج وه‌رز وه‌ک کریستیانۆ لێیان ده‌ڕوانیم و دواتر بارودۆخه‌که‌ به‌وشێوه‌یه‌ نه‌ما، ئه‌وه‌ی له‌ دڵه‌وه‌ بیریان لێده‌کرده‌وه‌ به‌ره‌وڕوو پێم نه‌ده‌وترا، وابیرم کرده‌وه‌ مه‌سه‌له‌که‌ به‌رده‌وامبونی بزنسه‌، به‌ڵام له‌کۆتاییدا هه‌ستم کرد ناڕاسته‌وخۆ پێم ده‌ڵێن‌ چیتر گرنگیت نه‌ماوه‌، کاتێک ئاشکرام کرد که‌ به‌نیازی ڕۆیشتنم یانه‌ی یوڤانتۆس گرنگیان پێدام، ئه‌وان به‌ دڵ و به‌کردار سه‌لماندیان که‌ پێویستیان پێمه‌.

ڕیاڵ ڕێگری لێنه‌کردم

له‌دوای ئاشکرابونی حه‌زه‌کانم بۆ ڕۆیشتن، هه‌ستم کرد یانه‌ی ڕیاڵ مه‌درید هیچ هه‌نگاوێک بۆ ڕاگرتن و هێشتنه‌وه‌م نادات، لێره‌وه‌ دڵنیابووم که‌ چیتر پێویستیان به‌ من نه‌ماوه‌.

بەردەوام بە لە خوێندنەوە

چاوپێکەوتن

ڕیڤاڵدۆ: که‌س ناتوانێت جێگه‌ی کریستیانۆ بگرێته‌وه‌ و کۆتینیۆ و سوارێز ده‌بێت به‌بێ مێسی خۆیان بسه‌لمێنن

خه‌ڵک سپۆرت – مارکا

ڕیڤاڵدۆی به‌رازیلی ئه‌ستێره‌ی پێشوی یانه‌ی به‌رشلۆنه‌ چاوپێکه‌وتنێک له‌گه‌ڵ ڕۆژنامه‌ی “مارکا”ی ئیسپانی ئه‌نجام ده‌دات و وه‌ڵامی چه‌ندین بابه‌تی گرنگ و گه‌رم ده‌رباره‌ی ڕووداوه‌کانی چه‌ند هه‌فته‌ی ڕابردوی خولی ئیسپانیا ده‌داته‌وه‌.

ئه‌مه‌ش کورته‌یه‌که‌ له‌چاوپێکه‌وتنه‌که‌:

که‌س جێگه‌ی کریستیانۆ ناگرێته‌وه‌

” ڕۆناڵدۆ یاریزانێکه‌ له‌ لوتکه‌دایه‌، نه‌ک به‌ته‌نها له‌به‌رئه‌وه‌ی گۆڵی بێشومار تۆمار ده‌کات، به‌ڵکو له‌به‌رئه‌وه‌ی خاوه‌ن که‌سایه‌تیه‌کی به‌هێزه‌ و ڕقی له‌ دۆڕاندنه‌، ناوبراو یاریده‌درێکی گه‌وره‌بوو بۆ هاوڕێکانی له‌ ڕیاڵ مه‌درید، له‌نێو یاریگادا کاریگه‌ری به‌هێزی ده‌بوو و پێموایه‌ هیچ یاریزانێک ناتوانێت جێگه‌ی بگرێته‌وه‌ یاخود پێگه‌که‌ی پڕ بکاته‌وه‌”.

فشاره‌کانی سه‌ر لوپێتیگی

” له‌ڕاستیدا نازانم کاته‌که‌ گونجاوه‌ بۆ دوورخستنه‌وه‌ی لوپێتیگی یان نا، به‌ڵام ئه‌وه‌ی نکوڵی لێناکرێت ئه‌وه‌یه‌ که‌ ڕاهێنه‌ره‌که‌ ئه‌نجامه‌کانی خراپن و ئه‌وه‌ش فشاری قورسی له‌سه‌ر دروست کردووه‌”.

 

“کۆتینیۆ و سوارێز له‌ ڕووبه‌ڕوبونه‌وه‌ی ئینته‌ر و ڕیاڵ گرنگیان ده‌بێت، پێویسته‌ به‌بێ مێسی تواناکانیان نیشان بده‌ن”

 

ئیسپانیای له‌ده‌ستدا و دۆخه‌که‌ش ناله‌باره‌!

“هیوادارم لوپێتیگی بتوانێت بارودۆخه‌که‌ چاره‌سه‌ر بکات، هه‌ڵبژارده‌ی ئیسپانیای له‌پێناو چانسی راهێنانی یانه‌ی ڕیاڵ مه‌درید به‌جێهێشت و له‌ئێستاشدا دۆخی له‌ئاستێکی خراپدایه‌، ڕاهێنه‌ره‌که‌ چانسێکی باشی نه‌بوو، چونکه‌ له‌کاتێکدا پۆستی ڕاهێنه‌رایه‌تی ریاڵی وه‌رگرت که‌ باشترین یاریزانی یانه‌که‌یان له‌ده‌ستدا (کریستیانۆ)، ئه‌وه‌ش وا ده‌رده‌که‌وێت کاریگه‌ری له‌سه‌ر ئاست و ئه‌نجامه‌کان دروست کردبێت”.

به‌رشلۆنه‌ مێسی له‌ده‌ست ده‌دات

“به‌رشلۆنه‌ مێسی له‌ده‌ست ده‌دات، چونکه‌ ئه‌و یاریزانێکی ناوازه‌یه‌ و سه‌ره‌تایه‌کی به‌هێزی له‌م وه‌رزه‌دا تۆمار کردووه‌، هه‌میشه‌ به‌رپرسیارێتی ده‌گرێته‌ ئه‌ستۆ و جیاوازی دروست ده‌کات”.

 

“لوپێتیگی له‌به‌ر یانه‌ی ڕیاڵ مه‌درید پۆستی ڕاهێنه‌رایه‌تی هه‌ڵبژارده‌ی ئیسپانیای له‌ده‌ستدا، ئێستاش له‌ دۆخێکی خراپدایه‌”

 

کاتی کۆتینیۆ و سوارێزه‌

“له‌ده‌ستدانی مێسی ڕه‌نگه‌ هه‌لێکی گونجاو بێت بۆ یاریزانه‌کانی تری به‌رشلۆنه‌ تا به‌ره‌وپێش هه‌نگاو بنێن، پێویسته‌ له‌یارییه‌ گه‌وره‌کانی وه‌ک ئینته‌رمیلان و ڕیاڵ مه‌درید بیسه‌لمێنن چییان پێده‌کرێت، پێموایه‌ فیلیپی کۆتینیۆ و لویس سوارێز گرنگی زۆریان له‌و دوو رووبه‌ڕوبونه‌وه‌یه‌دا ده‌بێت”.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 86%, 31 دەنگ دان
    31 دەنگ دان 86%
    31 دەنگ دان - 86% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 6%, 2
    2 6%
    2 - 6% هەموو دەنگەکان

کوردستان

دوایین