ئێمە لە تۆرە کۆمەڵایەتیەکان

کوردستان

(خەڵك) یەكگرتنی دوو حزبی ئیسلامی ئاشكرا دەكات

خەڵك-بەشی هەواڵ

دوای هەڵبژاردنەكانی هەرێمی كوردستان و نزیكبوونەوەیان لە یەكتری دوو حزبی ئیسلامی دەیانەوێ یەك بگرن و بەرپرسێكی باڵای یەكێك لەو حزبانەش بە پێویستییەكی ساحەی سیاسی كوردستانی دەزانێت.

محەمەد بازیانی رێكخەری گشتی بزاڤی چاكسازی و گەشە بە (خەڵك)ی راگەیاند، بزاڤی چاكسازی و گەشە هەر لە هەماهەنگییەوە تاكو یەكگرتن بۆ ئەو لایەنانەی نزیكین لەیەكەوە ئامادەباشیمان هەیە بەتایبەت لەگەڵ لایەنە ئیسلامیەكان و بەتایبەتر لەگەڵ یەكگرتووی ئیسلامی كوردستان كە مێژوویەكی دوورمان هەیە لەگەڵ كەسایەتییەكانیان.

وتیشی”دەتوانم بڵێم نزیكترین حزبی سیاسی ئیسلامی لە ئێمەوە یەكگرتووە، بەڵگەشمان ئەوەیە كە لە دوو قۆناغی هەڵبژاردن پێكەوە بووین و هەموو ئامادەییەكمان هەبووە بۆ سەرخستنی ئەو لیستە هاوبەشەی هەمانبوو لەگەل یەكگرتوو و بزووتنەوەی ئیسلامی.

ئاماژەی بۆ ئەوەش كرد، ئێستای كوردستان لەهەموو كاتێك زیاتر پێویستی بەوە هەیە هێزە ئیسلامییەكان نزیك ببنەوە لەیەكتر تەنانەت یەكگرتنیشیان، چونكە دەتوانین بڵێین هێرشێكی زۆر دڕندانە هەیە لەبەرانبەر بزووتنەوە ئیسلامییەكان لە هەموو دونیادا، تێكەڵبوونیشیان حاڵەتێكی سروشتییە.

ئاشكراشیكرد، زۆرینەی بەرپرسانی یەكگرتوو، زۆر دڵخۆش بوون بە بوونی ئێمەو پاڵشتیمان بۆ لیستەی بەرەو ئیسڵاح، ئێمە بە ئەركی خۆمانی دەزانین‌و هەست دەكەین لەم قۆناغەدا یەكگرتوو نزیكە لە ئێمەوە، بەڵام هێشتا بڕیاری كۆتایی نەدراوە‌و بۆچونەكە هەیە و دەمێنێتەوە رێكارەكانی دواتر.

کوردستان

بەهۆی بۆردوومانی فڕۆكەكانی توركیا لە سنووری گرێ سپی دوو هاووڵاتی شەهید بوون

خەڵك – بەشی هەواڵ

بەهۆی بۆردوومانی فڕۆكەی بێفڕۆكەوانی توركیا لە گوندەكانی ڕۆژئاوای شاری گرێ سپی ڕۆژئاوای كوردستان، دوو هاووڵاتی مەدەنی شەهید بوون و ژمارەیەكی تریش برینداربوون.

بەهۆی هێرشی فڕۆكەیەكی بێفڕۆكەوانی توركیا بۆسەر ئۆتۆمبێلێكی هاووڵاتیانی مەدەنی لەگوندی قەرەنفول لە ڕۆژئاوای گرێ سپی، دوو هاووڵاتی شەهید بوون و ژمارەیەكی تریش بریندار بوون و ڕەوانەی نەخۆشخانەكانی مەنبەج و كۆبانێ‌ كراون.

بەردەوام بە لە خوێندنەوە

کوردستان

خەبات.. كچە خوێندكارێك گیانیلەدەستدا

خەڵك – بەشی هەواڵ

لە شارۆچكەی خەباتی سەر بە پارێزگای هەولێر كچە خوێندكارێك لەكاتی دابەزین لەو پاسەی هاتوچۆی خوێندنگەی پێدەكات، بەهۆی بێ ئاگایی شۆفێری پاسەكەیەوە كەوتووەتە ژێر تایەی پاسەكە و دەستبەجێی گیانی لەدەستداوە.

مقەدەم فازڵ حاجی وتەبێژی پۆلیسی هاتوچۆی هەولێر لەلاپەڕەی تایبەتی خۆی لە تۆڕی كۆمەڵایەتی فەیسبوك بڵاویكردەوە: ئێوارەی ئەمڕۆ چوارشەممە 20/11/2019 لە شارۆچكەی خەبات خوێندكارێكی كچ بەهۆی بێ ئاگایی و خەمساردی شۆفێرەكەیەوە كە هاتوچۆی خوێندنگەی پێدەكات كەوتە ژێر تایەكانی ئەو پاسەی كە لێی دابەزیوە.

وتەبێژی پۆلیسی هاتوچۆی هەولێر ئاماژەی بەوەشداوە، بەهۆی ڕووداوەكەوە كچە خوێندكارەكە دەستبەجێ گیانی لەدەستداوە.

بەردەوام بە لە خوێندنەوە

کوردستان

“بێ‌ ڕێزی بەرامبەر لیژنەكانی تەندروستی دەكرێت”

خەڵك – بەشی هەواڵ
بەڕێوەبەرایەتی گشتی تەندروستی هەڵەبجە ڕایدەگەیەنێت، وەك ئەوەی تێبینی كراوە لە لایەن زۆرینــەی خاوەنكارەكانەوە بێ ڕێزی بەرامبەر ئەندامانی لیژنە تەندروستیەكان دەكرێت، دەشڵێت: “هەر خاوەنكــارێك بێ ڕێزی بەرامبەریان بكات ڕێكاری یاسایی توند لەدژیان دەگیرێتەبەر و ڕووبەڕووی یاسا دەكرێنەوە”.

بەڕێوەبەرایەتی گشتی تەندروستی هەڵەبجە لە ئاگادارییەكدا، كە وێنەیەكی بۆ (خەڵك) نێردراوە ڕایگەیاندووە، وەك هـەمـوو لایەكتان ئاگـادارن لیـژنەكانی چاودێری تەندروستی و خۆپاراستنی تەندروستی سەر بە بەڕێوبەرایەتیمان شەو و ڕۆژ بەبێ وچان و ماندوبوون بە سەرما و گەرما لە خزمەت هاووڵاتیاندان لە پێناو پاراستنی تەندروستیان.

ڕاشیگەیاندووە، وەك ئەوەی تێبینی كراوە لە لایــەن زۆرینەی خاون كارەكانەوە بێ ڕێزی بەرامـبـەر ئەندامانی لیژنە تەندروستیەكان دەكرێت، كە كوڕ و كچی ئەم شارەن.

جەختیشی كردۆتەوە، ئاگاداری تەواوی خاوەنكارەكان دەكەینەوە بۆ داهاتوو ئەگەر بێتو هەر خاوەن كـارێك بێ ڕێزی بەرامبەر بە ئەندامانی هەر لیــژنەیەك بكـات ئاوا ڕێكاری یاسایی توند دەگیرێتەبەر و ڕووبەڕووی یاسا دەبێتەوە.

بەردەوام بە لە خوێندنەوە

کوردستان