ئێمە لە تۆرە کۆمەڵایەتیەکان

جیهانی

(پلانی یه‌ده‌گ) پلانی به‌رشلۆنه‌ له‌ گواستنه‌وه‌کانی زستانه‌دا له‌ یه‌که‌وه‌ بۆ سێ گۆڕانکاری به‌سه‌ردا هاتووه‌

خه‌ڵک سپۆرت

ئیداره‌ی یانه‌ی به‌رشلۆنه‌ هیچ مه‌ودایه‌ک بۆ هه‌ڵه‌ی کارگێڕی ناهێڵێته‌وه‌ و له‌ گواستنه‌وه‌کانی زستانه‌دا هه‌وڵ بۆ دابینکردنی سێ یاریزان ده‌ده‌ن له‌ سێ پێگه‌ی جیاوازدا.

ڕۆژنامه‌ی “مارکا” ئاشکرای کردووه‌، گواستنه‌وه‌کانی زستانه‌ی داهاتو بۆ یانه‌ که‌ته‌لۆنیه‌که‌ گرنگ و چاره‌نوساز ده‌بێت، به‌وپێیه‌ی له‌پاڵ هه‌وڵه‌کانیان بۆ دابینکردنی به‌رگریکارێکی باڵی ڕاست، به‌هه‌مان شێوه‌ پێویستیان به‌ به‌رگریکارێکی باڵی چه‌پ ده‌بێت و ڕه‌نگه‌ به‌گواستنه‌وه‌ی یاریزانێک له‌ پێگه‌ی سه‌نته‌ری به‌رگریش قایل ببن.

به‌پێی سه‌رچاوه‌که‌، ئیریک ئه‌بیدالی به‌ڕێوه‌به‌ری وه‌رزشیی و لێپرسراوی گواستنه‌وه‌کان له‌سه‌ر ڕاسپارده‌ی جوسێپ ماریا بارتومیۆ و هاوه‌ڵانی نایه‌وێت هیچ هه‌ڵه‌یه‌ک ڕووبدات، بۆ ئه‌م مه‌به‌سته‌ش هه‌وڵه‌کانی بۆ گواستنه‌وه‌ی دوو یاریزانی تر له‌ پێگه‌ی دڵێ هێرشبه‌ر و گۆڵپارێز ده‌ست پێکردووه‌.

یه‌که‌مین هه‌وڵه‌کان بۆ دابینکردنی شوێنگره‌وه‌ی لویس سوارێز ده‌بێت، که‌ ته‌مه‌نی بۆ ٣٣ ساڵ هه‌ڵکشاوه‌ و له‌ماوه‌ی ڕابردودا ڕایگه‌یاند :” نه‌ده‌بوو به‌ر له‌ڕووبه‌ڕوبونه‌وه‌ی ڕۆما یاریی بکه‌م، ماندوبونمان پێوه‌ دیاربوو”، واتا ئه‌م ئه‌ستێره‌یه‌ به‌هۆی ته‌مه‌وه‌ توانای ئه‌نجامدانی ته‌واوی خول و پاڵه‌وانێتیه‌کانی نه‌ماوه‌ و پێویستی به‌ “ڕۆته‌یشن”ه‌، واتا سیستمی خولانه‌وه‌، ته‌واوی پڕۆسه‌که‌ش له‌سه‌ر ئاستی مونیر حه‌دادی وه‌ستاوه‌، ئه‌گه‌ر ئه‌م یاریزانه‌ ئاستی به‌پێی پێویست بێت ئه‌وا هه‌وڵه‌کانیان تا گواستنه‌وه‌ی هاوینه‌ هه‌ڵده‌سه‌پێرن.

له‌لایه‌کی تره‌وه‌ ئه‌بیدال هه‌وڵ بۆ دابینکردنی گۆڵپارێزکی یه‌ده‌گ بۆ تێر شتیگن ده‌دات، هۆکاره‌که‌ش ئه‌وه‌یه‌ که‌ جاسپه‌ر سیلیسن له‌ بارودۆخی خۆی له‌سه‌ر کورسی یه‌ده‌گ قایل نییه‌ و ئیداره‌ی بارسا ترسی هه‌یه‌ له‌گواستنه‌وه‌کانی زستانه‌دا بۆندی پێبگات و کتوپڕ ماڵئاواییان لێبکات، بێگومان ئه‌وه‌ش تا کۆتایی وه‌رز دووچاری ئاسته‌نگیان ده‌کات.

“مارکا” جه‌خت ده‌کاته‌وه‌، یه‌که‌م یاریزانی ده‌ستنیشان کراو له‌لایه‌ن ئیداره‌ی “ئازولگرانا”وه‌ بۆ پێگه‌ی هێرشبه‌ر بریتیه‌ له‌ کریستۆف پیاتیکی لاوی به‌هره‌مه‌ندی یانه‌ی جێنه‌وا و هه‌ڵبژارده‌ی پۆڵه‌ندا، به‌ڵام بۆ پێگه‌ی گۆڵپارێز تائێستا هیچ ناوێک دیاری نه‌کراوه‌.

جیهانی

ڕۆیشتنی کریستیانۆ کاریگه‌ری له‌ڕێژه‌ی هانده‌رانی یانه‌ی شاهانه‌ و یاریگای “سانتیاگۆ بێرنابیۆ” کردووه‌!

خه‌ڵک سپۆرت

هاوینی ڕابردو کریستیانۆ ڕۆناڵدۆی پورتوگالی به‌شێوه‌یه‌کی چاوه‌ڕوان نه‌کراو یانه‌ی ڕیاڵ مه‌دریدی به‌ره‌و یانه‌ی یوڤانتۆسی ئیتاڵی چۆڵ کرد، ئه‌و جموجۆڵه‌ش کاریگه‌ری له‌سه‌ر ڕێژه‌ی هانده‌رانی یانه‌ی شاهانه‌ دروست کردووه‌.

به‌پێی ئه‌و داتایانه‌ی له‌لایه‌ن ڕۆژنامه‌ی “ئاس”ی ئیسپانیه‌وه‌ بڵاوکراوه‌ته‌وه‌، له‌کۆتا ڕووبه‌ڕوبونه‌وه‌ی نێوان ڕیاڵ مه‌درید به‌رامبه‌ر ڕایۆ ڤالیکانۆ ٥٥.٢٢٩ هانده‌ر له‌ سانتیاگۆ بێرنابیۆ ئاماده‌ بوون به‌ڕێژه‌ی له‌سه‌دا ٨١.٠٤٤، ئه‌و ڕێژه‌یه‌ش یه‌کێکه‌ له‌ڕێژه‌ نزمه‌کان هاوشانی ڕووبه‌ڕوبونه‌وه‌کانی میلیله‌ وسسکا مۆسکۆ.

له‌کۆی گشتی ئه‌و (١٠) یارییه‌ی له‌م وه‌رزه‌دا له‌یاریگای سانتیاگۆ بێرنابیۆ ئه‌نجامدراون، ته‌نها له‌ حه‌وت یارییدا ڕێژه‌ی هانده‌ران له‌ ٦٠ هه‌زار تێپه‌ڕی کردووه‌ و ته‌نها له‌ یه‌ک یارییشدا سنوری ٧٠ هه‌زار هانده‌ری تێپه‌ڕاندووه‌ ئه‌ویش دێربی مه‌درید بووه‌ (به‌رامبه‌ر ئه‌تله‌تیکۆ مه‌درید ڕێژه‌ی هانده‌ر ٧٨.٦٤٢ بووه‌، واتا به‌ڕێژه‌ی له‌سه‌دا ٩٧).

هۆکاری که‌مبونه‌وه‌ی ڕێژه‌ی هانده‌رانی ڕیاڵ چییه‌؟

ڕۆیشتنی کریستیانۆ ڕۆناڵدۆ یه‌کێکه‌ له‌ هۆکاره‌ سه‌ره‌کیه‌کان، له‌پاڵ ئه‌وه‌شدا ئیداره‌ی شاهانه‌ نرخی بلیته‌کانی ئه‌م وه‌رزه‌ی به‌ڕێژه‌ی له‌سه‌دا ١٠ زیاد کردووه‌، جگه‌ له‌وه‌ش پێکهاته‌که‌ ئاستێکی لاواز پێشکه‌ش ده‌کات و زینه‌دین زێدانیش به‌هه‌مان شێوه‌ ڕاهێنه‌ری یانه‌ی ڕیاڵمه‌درید نه‌ماوه‌، ئه‌مانه‌ هه‌مووی هۆکارن و به‌وهۆیه‌وه‌ سه‌رچاوه‌کان به‌به‌رده‌وامی باس له‌ڕێژه‌ی که‌مبونه‌وه‌ی هانده‌رانی یانه‌که‌ ده‌که‌ن له‌ تۆڕه‌ کۆمه‌ڵایه‌تیه‌کانه‌وه‌.

له‌م قۆناغه‌ی وه‌رزدا، وه‌رزی ڕابردو ڕێژه‌ی هانده‌ران ٨١٩.٥٦٩ که‌س بووه‌ له‌ ١٢ یارییدا، به‌ نێوه‌ندی ٦٨.٢٩٧ هانده‌ر له‌هه‌ر یارییه‌کدا، به‌ڵام له‌م وه‌رزه‌دا ڕێژه‌که‌ بووه‌ به‌ ٧٥٣.٤٦٢ هانده‌ر به‌نێوه‌ندی ڕێژه‌ی ٦٢.٧٨٨ هانده‌ر له‌هه‌ر یارییه‌کدا که‌می کردووه‌، به‌شێوه‌یه‌کی گشتی ته‌نها له‌ ململانێکانی جامی شای ئیسپانیا ڕێژه‌که‌ وه‌ک خۆی ماوه‌، به‌ڵکو له‌ خولی ئیسپانیا و خولی یانه‌ پاڵه‌وانه‌کان ڕێژه‌که‌ بۆ هه‌ر یارییه‌ک له‌ پێنج هه‌زاره‌وه‌ بۆ ١١ هه‌زار هانده‌ر دابه‌زیوه‌.

بەردەوام بە لە خوێندنەوە

جیهانی

ئیسکۆ کڕیاری له‌سه‌ره‌ و سۆلاری هاوکێشه‌ی گواستنه‌وه‌ی دوو کۆڵۆمبیه‌که‌ی ئاڵۆز کردووه‌ !

خه‌ڵک سپۆرت

ئیسکۆ ئالارکۆنی ئه‌ستێره‌ی ئیسپانی یانه‌ی ڕیاڵ مه‌درید له‌ یانه‌یه‌کی گه‌وره‌ی ئینگلته‌راوه‌ بۆندی پێگه‌یشتووه‌ و له‌به‌رامبه‌ردا یاریزانه‌ کۆڵۆمبیه‌کان ده‌یانه‌وێت جێگه‌ی بگرنه‌وه‌.

پۆرتاڵی “دۆن بالۆن”ی ئیسپانی له‌زاری مارکۆس ڕۆدریگێزی ڕۆژنامه‌نوسی ئیسپانیه‌وه‌ و له‌ سێ هه‌واڵی جیاوازدا ئاشکرای کردووه‌، له‌هه‌فته‌ی ڕابردودا جوزێ مۆرینیۆی پورتوگالی ڕاهێنه‌ری یانه‌ی مانچسته‌ر یونایتد بۆندی پێشکه‌شی ئیسکۆ ئالارکۆن کردووه‌ و ئاماده‌یی نیشانداوه‌ له‌ ڕیزه‌کانی یونایتد ته‌واوی خه‌ونه‌کانی بهێنێته‌ دی، به‌ڵام یاریزانه‌که‌ وه‌ڵامێکی ئه‌رێنی نه‌داوه‌ته‌وه‌.

سه‌رچاوه‌که‌ ئاماژه‌ی کردووه‌، جه‌یمس ڕۆدریگێزی کۆڵۆمبی هیواخوازه‌ جێگه‌ی ئیسکۆ بگرێته‌وه‌ و بۆ ئه‌و مه‌به‌سته‌ش په‌یوه‌ندی به‌ فلۆرنتینۆ پێرێزه‌وه‌ کردووه‌ تا بزانێت له‌ گواستنه‌وه‌کانی زستانه‌وه‌ چانسی گه‌ڕانه‌وه‌ و به‌شداریکردنی هه‌یه‌ له‌ڕیزه‌کانی یانه‌ی شاهانه‌؟ به‌ڵام سه‌رۆکی یانه‌ جه‌ختیکردۆته‌وه‌، مه‌سه‌له‌که‌ وه‌رزشییه‌ و سانتیاگۆ سۆلاری ڕاهێنه‌ر پێی وایه‌ گه‌ڕانه‌وه‌ی له‌ئێستادا کێشه‌ی زیاتر به‌دوای خۆیدا ده‌هێنێت و له‌حاڵی بونی ئیسکۆ و ئاسینسیۆدا هیچ سودێکی نابێت.

ڕۆژنامه‌نوسه‌که‌ ئاماژه‌ی به‌وه‌ش کردووه‌، به‌هه‌مان شێوه‌ خوان کینتێرۆی ئه‌ستێره‌ی کۆڵۆمبی یانه‌ی ڕیڤه‌رپله‌یت چاوه‌ڕوانی ئۆفه‌رێکه‌ له‌ یانه‌ی شاهانه‌وه‌، ته‌نانه‌ت چاوه‌ڕوانی یاریزانه‌که‌ گه‌یشتۆته‌ ئه‌و ئاسته‌ی هه‌فته‌ی ڕابردو بۆندێکی یانه‌ی ڕۆمای ئیتاڵی ڕه‌ت کردۆته‌وه‌.

بەردەوام بە لە خوێندنەوە

جیهانی

مۆرینیۆ شایه‌تی بۆ موحه‌مه‌د سه‌ڵاح ده‌دات، به‌ڵام دان به‌هه‌ڵه‌ی خۆیدا نانێت !

خه‌ڵک سپۆرت

جوزێ مۆرینیۆی پورتوگالی ڕاهێنه‌ری یانه‌ی مانچسته‌ر یونایتد جه‌خت ده‌کاته‌وه‌، له‌ئێستادا موحه‌مه‌د سه‌ڵاح یاریزانێکی ناوازه‌ و گه‌وره‌یه‌ و ده‌توانێت له‌ یانه‌کانی ڕیاڵ مه‌درید و به‌رشلۆنه‌ یاریی بکات.

ڕاهێنه‌ره‌ پورتوگالیه‌که‌ به‌ ڕۆژنامه‌ی “ده‌یلی میره‌ر”ی به‌ریتانی ڕاگه‌یاندووه‌ :” موحه‌مه‌د سه‌ڵاح له‌ئێستادا یه‌کێکه‌ له‌باشترین یاریزانه‌کانی جیهان، پێموایه‌ له‌پێشودا یاریزانێکی ئاسایی بوو، به‌ڵام له‌ئێستادا ئه‌ستێره‌یه‌کی جیهانی نمره‌ یه‌که‌، ئێستا ده‌توانێت له‌ هه‌ر یانه‌یه‌ک و به‌رامبه‌ر هه‌ر یانه‌یه‌ک یاریی بکات، زۆر جیاوازه‌ له‌ڕابردو و زۆریش به‌ره‌وپێش چووه‌، هه‌رگیز له‌و یاریزانه‌ ناچێت که‌ له‌یانه‌ی بازلی سویسریه‌وه‌ گواستمانه‌وه‌ بۆ یانه‌ی چێڵسی”.

“مۆو” ڕونکردنه‌وه‌ی زیاتر ده‌رباره‌ی سه‌ڵاح ده‌دات و له‌هه‌مان کاتیشدا دان به‌هه‌ڵه‌ی خۆیدا نانێت که‌ له‌پێشودا به‌درێسی چێڵسی-یه‌وه‌ پشتی پێنه‌به‌ستووه‌ و ده‌ڵێت :” سه‌ڵاح زۆر به‌ره‌وپێش چووه‌، له‌پێشودا ڕێکخراو و ئاست هاوسه‌نگ نه‌بوو، به‌ڵام ئێستا خێرایه‌ و به‌هێزیشه‌، له‌پێشودا که‌ له‌ بازله‌وه‌ کڕیمان نه‌یتوانی به‌خێرایی له‌ ئینگلته‌را خۆی بگونجێنێت، به‌رامبه‌ر تۆتنهام به‌شداریم پێکرد هه‌ستم کرد یارییه‌که‌ زۆر گه‌وره‌ بوو بۆی، به‌ڵام دواتر له‌ ئیتاڵیا ئه‌زمونی ته‌واوی به‌ده‌ست هێناوه‌ و پێموابێت ئێستا له‌توانایدایه‌ بۆ یانه‌ی ڕیاڵ مه‌درید و به‌رشلۆنه‌ یاریی بکات”.

موحه‌مه‌د سه‌ڵاحی میسڕی ساڵی ٢٠١٤ له‌یانه‌ی بازلی سویسریه‌وه‌ په‌یوه‌ندی کرد به‌ یانه‌ی چێڵسیه‌وه‌، له‌و کاته‌دا مۆرینیۆ راهێنه‌ری “بلوزی له‌نده‌ن” بوو، به‌ڵام یاریزانه‌که‌ ئاستی به‌پێی پێویست نه‌بوو بۆیه‌ له‌ساڵی ٢٠١٦ ڕوویکرده‌ فیورنتینا و پاشان ڕۆما و چیتر له‌ڕیزه‌کانی ڕۆما بووه‌ ئه‌ستێره‌یه‌کی به‌توانا، له‌کۆتا جوڵه‌شدا په‌یوه‌ندی به‌ لیڤه‌رپوڵه‌وه‌ کردو حاڵی حازر یه‌کێکه‌ له‌ باشترین یاریزانه‌کانی جیهان.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 84%, 32
    32 84%
    32 - 84% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 8%, 3
    3 8%
    3 - 8% هەموو دەنگەکان

کوردستان

دوایین