ئێمە لە تۆرە کۆمەڵایەتیەکان

عێراق

پاش ئاماژەکەی ڕوسیا عیراق سنورەکانی خۆی لەگەڵ سوریا توند دەکاتەوە

خەڵک-

پاش ئەوەی یاریدەدەری وەزیری دەرەوەی ڕوسیا ئاماژەی بە ئەگەری گواستنەوەی چەکدارە توندڕەوەکان کردبوو لە ئیدلیبەوە بۆ عیراق، عیراق سنورەکانی خۆی توند دەکاتەوە.

ناوەندی ڕاگەیاندنی ئەمنیی عیراق ڕاگەیەنراوێکی بڵاوکردەوە و تیایدا ڕایگەیاندووە: “سنوری عیراق لەگەڵ سوریا ژمارەیەکی گەورە ھێزی تیادا کۆکراوەتەوە، جگە لە بوونی ژمارەیەکی زۆر خاڵی چاودێریی و خەنەک و دیواری خۆڵین، بەردەوامیش سنورەکان توندوتۆڵتر دەکرێن.”

ئەوەشی ڕاگەیاندووە: “سەرەڕای ئەوانە، چالاکیی ھەواڵگریی گەورە لە ناوچەکە ئەنجام دەدرێت، دانانی بۆسە و گەڕان بە سنورەکەدا بە درێژایی ٢٠٠ کیلۆمەتر بە ھاوکاریی ھێزی ئاسمانیی چڕتر کراوەتەوە، ئەوانەش ھەمووی بە مەبەستی ڕێگری کردن لە ھەر حاڵەتێکی دزەکردن دێت بۆ ناو سنوری عیراق.”

دوێنێ سێشەممە، ئۆڵینگ سیرۆمۆلۆتۆڤ یاریدەدەری وەزیری دەرەوەی ڕوسیا بۆ کاروباری رۆژھەڵاتی ناوەڕاست لە میانی وتووێژێکی لەگەڵ ئاژانسی “تاس” ـی ڕوسی وتبووی، گەورەترین ئاڵنگاریی ڕووبەڕووی رۆژئاوا و ڕوسیا بۆتەوە ئێستا ئەوەیە، چۆن ڕێگری بکەن لەوەی چەکدارە توندڕەوەکانی سوریا بگەڕێنەوە بۆ وڵاتانی خۆیان، بەڵام دەتوانرێت ڕەوانەی وڵاتێکی دراوسێی سوریا بکرێن.

عێراق

عادل عەبدولمەهدی بڕیارێكی نوێی دەربارەی ناوچەی سەوز دەركرد

خەڵك- بەشی هەواڵ
سەرۆك وەزیرانی عیراق بڕیاریدا كاتی كردنەوەی ناوچەی سەوز لە بەغدا درێژبكاتەوە تاوەكو كاتژمێر 5ی بەیانی.

بەپێی ڕأگەیەنراوێك، كە نووسینگەی سەرۆك وەزیرانی عیراق بڵاویكردۆتەوە، عادل عەبدولمەهدی، سەرۆك وەزیرانی عیراق و فەرماندەی گشتی هێزە چەكدارەكان بڕیاری داوە كاتی كردنەوەی ناوچەی سەوز لە كاتژمێر 5ی ئێوارەوە بەردەوام بێت تا كاتژمێر 5ی بەیانی.

لە 10ی ئەم مانگە و لەیادی تێپەڕبونی سالێك بەسەر تێكشكاندنی داعش، بە فەرمانی سەرۆك وەزیرانی عیراق ناوچەی سەوز بەڕووی هاوڵاتیان كرایەوە لە كاتژمێر 5ی ئێوارە بۆ 10ی شەو و دواتریش ماوەكەی درێژكرایەوە بۆ 1ی شەو.

بەردەوام بە لە خوێندنەوە

عێراق

بەرپرسێكی باڵای عیراق لە پۆستەكەی دوورخرایەوە

خەڵك- بەشی هەواڵ
بەپێی فەرمانێكی وەزارەتی گواستنەوەی عیراق، بەڕێوەبەری گشتی كۆمپانیای گشتی هێڵی فڕۆكەوانی عیراقی لە كارەكەی دووردەخرێتەوە و بەپێی نووسراوەكەش، فەرمانەكە لەمڕۆوە جێبەجێ‌ دەكرێت.

پاڵپشت بە فەرمانێكی وەزارەتی گواستنەوەی عیراق، ئەمڕۆ یەك شەممە 16-12-2018 بەڕێوەبەرایەتی گشتی فەرمانگەی كارگێڕی و دارایی ئەو وەزارەتە بڕیاری داوە (میران فەرید عەزیز) بەڕێوەبەری گشتی كۆمپانیای گشتی هێڵی فڕۆكەوانی عیراقی لە كارەكەی بەخشراوە و لە فەرمانگەی هونەری دەست بەكار دەبێت.

هەر بەپێی فەرمانەكە، (عەباس ناسر) بەڕێوەبەری گشتی كۆمپانیای گشتی خزمەتگوزاری هێزی ئاسمانی بە وەكالەت ئەو پۆستە بەڕێوەبەرێت.

جەختیش كراوەتەوە، كە فەرمانەكە لەمڕۆوە 16-12-2018 جێبەجێ‌ دەكرێت.

بەردەوام بە لە خوێندنەوە

عێراق

سەرۆك كۆماری عێراق دەستبەرداری رەگەزنامە بریتانییەكەی دەبێت

خەڵك- بەشی هەواڵ

لەڕوانگەی پابەند بوون بە دەستووری عێراقەوە، بەرهەم ساڵح سەرۆك كۆماری عێراق دەستبەرداری ڕەگەزنامە بریتانییەكەی دەبێت.

‏‎ئەمڕۆ یەك شەممە لوقمان فەیلی، وتەبێژ بە ناوی سەرۆكایەتی كۆماری عێراقەوە لە راگەیەندراوێكدا كە وێنەیەكی بۆ (خەڵك) نێردراوە ڕایگەیاند،‏‎ بەرهەم ساڵح لە ڕوانگەی پابەند بوون بە دەستووری عێراقەوە بە شێوەیەكی یاسایی دەستبەرداری ڕەگەزنامە (بریتانی)یەكەی بوو.

‏‎وتەبێژ بە ناوی سەرۆكایەتی كۆمارەوە دووپاتیكردەوە، ڕێوشوێنە یاساییەكانی پەیوەست بە ڕادەستكردنەوەی ڕەگەزنامە بریتانییەكەی تەواو بووە، سەرۆك كۆمار “لە كاتێكدا سوپاس و پێزانینی زۆری خۆی پێشكەش دەكات بە شانشینی بریتانیا كە ئەو ڕەگەزنامەیەی پێ بەخشیوە لەو رۆژگارانەی كە لە ڕیزەكانی ئۆپۆزیسیۆندا بووە دژی ڕژێمی لە ناوچوو ، هاوكات دەستبەردار بوونی بەڕێزیان لە ڕوانگەی پابەند بونیشیانە بە بڕگەی چوارەم لە مادەی ژمارە ۱۸ ی دەستووری عێراق كە بە دەق هاتووە، ڕێگە نادرێت بەو كەسانەی كە هەڵدەبژێرێن و پۆستی سیادییان پێ دەسپێردرێت لە كۆماری عێراقدا، ڕەگەز نامەی تریان هەبێت “.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 84%, 32
    32 84%
    32 - 84% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 8%, 3
    3 8%
    3 - 8% هەموو دەنگەکان

کوردستان

دوایین