ئێمە لە تۆرە کۆمەڵایەتیەکان

کوردستان

پەرلەمانتارێكی كورد: كاریگەریی مەترسیدارییان هەیە
داوای هەڵگرتنی خاڵە گومرگییەكانی نێوان كەركوك و هەرێم دەكرێت

خەڵك- بەشی هەواڵ
پەرلەمانتارێكی كورد لە پەرلەمانی عیراق، داوای هەڵگرتنی خاڵە گومرگییەكانی نێوان پارێزگاكانی كەركوك- هەولێر و كەركوك سلێمانی دەكات، و پێیوایە ئەو خاڵە گومرگیانە دەرهاویشتەی مەترسیدارییان دەبێت.

كاوە مەحمود پەرلەمانتاری كورد لە پەرلەمانی عیراق لە لێدوانێكی تایبەت بە (خەڵك) رایگەیاند:”لەدوای رووداوەكانی تشرینی یەكەمی 2017، و بە رێكەوتن لەنێوان حكومەتی فیدراڵ و حكومەتی هەرێم، چەند خاڵێكی گومرگی لەنێوان پارێزگاكانی هەرێم و پارێزگای كەركوك دانران، ئەمەش لەهیچ دەوڵەتێكدا نییە كە لەنێوان پارێزگاكاندا خاڵی گومرگی دابنرێت”.

بە وتەی كاوە مەحمود”بە نوسراوێكی فەرمی كە رەوانەی سەرۆكایەتییەكانی كردووە، داوای كردووە ئەو خاڵە گومرگیانە هەڵبگیرێن، چونكە بوونی ئەو خاڵە گومرگیانە كاریگەریی نەرێنییان لەسەر كۆمەڵگە و ژیانی رۆژانەی هاوڵاتییان دەبێت و دەبنە مایەی بەرزكردنەوەی نرخی مەوادە خۆراكییان”.

ئەو پەرلەمانتارە كوردە، باسی لە دەرهاویشتەی مەترسیداری بوونی ئەو خاڵە گومرگیانەش كرد، بەو پێیەی “لەم ماوەیەی دواییدا رێگە لە تێپەڕبوونی كتێبە كوردییەكانی پرۆگرامی خوێندنی كوردی بۆ پارێزگای كەركوك گیراوە”، بۆیە جەختی لەسەر هەرچی زوو هەڵگرتنی ئەو خاڵە گومرگیانە كردەوە و بە نایاسایی وەسفی كردن.

لەم ماوەیەی دواییدا، حكومەتی فیدراڵ و ئیدارەی پارێزگای كەركوك، دوو خاڵی گومرگییان لەنێوان پارێزگاكە و هەردوو پارێزگای سلێمانی و هەولێر دانا، ئەمەش بە بۆچوونی زۆرێك سەرلەنوێ‌ جیاكردنەوەی پارێزگای كەركوك لە هەرێمی كوردستان و دەستپێكردنەوەی هەڵمەتێكی تری تەعریبكردنی كەركوك دەگەیەنێت.

کوردستان

لە (خەڵك)ەوە دەنگۆی دەستگیركردنی پارێزگاری كەركوك ڕەتدەكرێتەوە

خەڵك-بەشی هەواڵ
ئەندامێكی ئەنجومەنی پارێزگای كەركوك هەواڵێك ڕەتدەكاتەوە، كە لە زاری ئەوەوە بڵاوكراوەتەوە و تێیدا ئاماژە بە هەوڵی دەستكیركردنی پارێزگای كەركوك بە وەكالەت كراوە لەلایەن مەفزەرەكانی پۆلیسی نەزاهەی كەركوك.

ئەحمەد عەسكەری، ئەندامی ئەنجومەنی پارێزگای كەركوك لە فراكسیۆنی یەكێتی لە لێدوانێكی تایبەت بە (خەڵك) ڕایگەیاند، “ئەو هەواڵەی لە زاری ئەوەوە بڵاوكراوەتەوە، كە گوایە ئاماژەی بە هەوڵی دەستگیركردنی ڕاكان سەعید جبوری، پارێزگاری كەركوك بە وەكالەت كردووە، دوورە لە ڕاستییەوە”.

ئەحمەد عەسكەری وتی، “ئەمڕۆ دەوامم نەكردووە و نەچومەتە ئەنجومەنی پارێزگا تا زانیارییەكی وەها بە میدیاكان ڕابگەیەنم، باشتر وابوو ئەو میدیایانە لەبری بڵاوكردنەوەی ئەو هەواڵە، پەیوەندییان بە پۆلیسەوە بكردایە بۆ تەئكیدبوونی زیاتر، بەڵام لەخۆیانەوە بەبێ‌ پشتبەستن بە ئیتیكەكانی ڕۆژنامەوانی، هەواڵەكەیان داڕشتووە و بە ناوی منەوە بڵاویانكردۆتەوە”.

پێشتر چەند ماڵپەڕێكی هەواڵی ناوخۆیی هەرێم لە زاری ئەحمەد عەسكەری، ئەندامی ئەنجومەنی پارێزگای كەركوك بڵاویانكردەوە، كە “ئەمڕۆ چوار شەممە 19ی كانوونی یەكەمی 2018، مەفرەزەیەكی پۆلیسی نەزاهەی كەركوك بۆ جێبەجێكردنی فەرمانی دەستگیركردنی ڕاكان جبوری، پارێزگاری كەركوك بەوەكالەت هاتونەتە ناو بینای پارێزگا، بەڵام پارێزگاری كەركوك بە وەكالەت لە بەغدابووە و لە دەوام نەبووە”، هەر لە زاری ئەوەوە، هۆكاریی هەوڵی دەستگیركردنەكەی بۆ “تێوەگلانی جبوری لە دۆسێكانی گەندەڵیدا”، گەڕاندبۆوە.

بەردەوام بە لە خوێندنەوە

کوردستان

ناوەڕۆكی كۆبوونەوەی وەفدی پارتی و كۆسرەت ڕەسوڵ ئاشكراكرا

خەڵك – بەشی هەواڵ
جێگری سكرتێری گشتی یەكێتی نیشتمانی كوردستان لەبارەگای تایبەتی خۆی لەشاری سلێمانی پێشوازی لە وەفدی دانوستكاری پارتی دیموكراتی كوردستان كرد و هەردوولا باسیان لە هەنگاوەكانی پێكهێنانی كابینەی نوێی حكومەتی هەرێم و كێشەكانی نێوان هەرێم و حكومەتی ناوەند كرد.

نوسینگەی جێگری سكرتێری گشتی یەكێتی نیشتمانی كوردستان لە ڕاگەیەنراوێكدا، كە وێنەیەكی بۆ (خەڵك) نێراوە، ڕایگەیاندووە، پاشنیوەرۆی ئەمڕۆ چوار شەممە 19-12-2018 كۆسرەت ڕەسوڵ عەلی، جێگری سكرتێری گشتی لەبارەگای تایبەتی خۆی لەشاری سلێمانی پێشوازی لە هۆشیاری زێباری، ئەندامی مەكتەبی سیاسی پارتی و سەرۆكی وەفدی دانوسكاری ئەو حیزبە بۆ پێكهێنانی كابینەی نوێی حكومەتی هەرێمی كوردستان و وەفدی هاوڕێی كرد.

ئاماژە بۆ ئەوەشكراوە، لەدانیشتنێكی دۆستانەدا، كە بە ئامادەبوونی ژماریەك لە هەڤاڵانی مەكتەبی سیاسی و سەركردایەتی بەڕێوەچوو، هەردوولا باسیان لە هەنگاوەكانی پێكهێنانی كابینەی نوێی حكومەتی هەرێم و كێشەكانی نێوان هەرێم و حكومەتی ناوەند بە گشتی و بە تایبەتی كێشەكانی شاری كەركووك و هەنگاوەكانی پێكهێنانی حكومەتی ناوەندی عێراقی فیدڕاڵ كرد.

لە ڕاگەیەنراوەكەدا هاتووە، “هەردوولا هاوڕابوون لەسەر هەنگاونانی خێرا بۆ چارەسەركردنی كێشەكان و ڕێككەوتنی سیاسی نوێ و بونیادنانی بنەماكانی حكومەتی شەڕاكەتی ڕاستەقینە لە نێوان لایەنە بەشداربووەكانیدا، بەجۆرێك كە ببێتە حكومەتێكی بەهێز و خزمەتگوزار بۆ تەواوی خەڵكی كوردستان”.

بەردەوام بە لە خوێندنەوە

کوردستان

خێزانێكی سیدەكان داوای بەهاناوەچوون دەكەن
داڕمانی گردێك مەترسی لەسەر ژیانی خێزانێك دروست دەكات

خەڵك- نزار مستەفا
لەئەنجامی باران بارینی زۆر و داڕمانی گردێك لە گوندی كەژەكی سەر بەشارەدێی سیدەكان، مەترسی لەسەر ڕوخانی خانوو و ماڵی هاوڵاتیەك دروست كردووە.

سەفین سەدرەدین، دانیشتویی گوندی كەژەكی سەر بەشارەدێی سیدەكان بە (خەڵك)ی ڕاگەیاند، بەهۆی زۆری باران بارین و داڕمانی گردێك لە پشت خانوەكەم، ژیانمان لە مەترسیدایە.

وتیشی، “داواكارین لەلایەنی پەیوەندیدار و خێرخوازان بەهاناوەمان بێن و جگەلە مەترسی ڕوخانی خانوەكەمان، ژیانی خۆم و منداڵەكانم لە مەترسیدایە”.

لەماوەی پاییزی ئەمساڵدا چەندین شەپۆلی باران و لافاو ناوچە جیاجیاكانی هەرێمی كوردستانی گرتۆتەوە و بەهۆیەوە چەند پڕدێك ڕووخان و ڕیچگای چەندین ناوچە گیرا و ئاویش چۆتە چەندین ماڵەوە و زیانیان پێ‌ گەیشتووە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین