ئێمە لە تۆرە کۆمەڵایەتیەکان

کوردستان

زانكۆلاین دەكەوێتە كار و یەكەم رۆژی دەوامی زانكۆو پەیمانگاكان ئاشكرا كرا

خەڵك-ئارام سەردار

وەزارەتی خوێندنی باڵا ئاشكرای كرد سبەی زانكۆلاین كارا دەكرێتەوە و وەرگیراوەكان دەتوانن ناوەكانی خۆیان بدۆزنەوە، یەكەم رۆژی دەوامیش لەزانكۆ و پەیمانگاكان ٢١ی ئەم مانگە دەبێت.

خەتاب شێخانی سەرۆكی لیژنەی باڵای وەرگرتنی خوێندكارانی زانكۆ و پەیمانگاكان لەوەزارەتی خوێندنی باڵاو توێژینەوەی زانستی لەكۆنگرەیەكی رۆژنامەوانیدا رایگەیاند، بەشێوەیەكی گشتی نزیكەی مانگێك خێراتر ئەنجامی وەرگرتن رادەگەیەنن و كورسی خوێندنیش لەزانكۆ و پەیمانگاكان لە ٧٠% بۆ دەرچوانی خولی یەكەم دەبێت.

وتیشی “وەزارەت هەوڵی داوە بەشێوەیەكی گشتی كۆنمرەی وەرگرتن بۆ زانكۆ و پەیمانگاكان داببەزێت بۆ ئاستی ئاسایی خۆی بەشێوەك ئەگەر ساڵانی رابردوو بەشە پزیشكییەكان لە ٩٨% بوبێت، ئەمساڵ كۆلێژی پزیشكی كۆنمرەی 95ی وەرگرتووە و نزمترین رێژەی وەرگرتنیش دابەزیوە بۆ ٦٠% لە ئەنجامی چاكسازییەكانی وەزارەتی خوێندنی باڵا بووە.
ئەوەشی خستەڕوو، لە زانكۆ و پەیمانگاكانی كوردستان 39 هەزار و 57 كورسی خوێندن هەبووە و رێژەی پێشكەش كردن بریتی بووە لە 54 هەزار و 42 خوێندكار كە 28 هەزار و 609 خوێندكار وەرگیراون، بەمەش ڕێژەی وەرگرتن %53 بووە و بەرزیش دەبێتەوە تا %60، چونكە كورسی تر ماون ، جگە لەمەش 25 هەزار كورسی زانكۆ و پەیمانگا تایبەتەكان ماون لە هەفتەی داهاتوو ئەنجامەكان وەردەگیرێن.

راشیگەیاند، ئەوانەی سكاڵایان هەیە، تاوەكو ٢٠ی ئەم مانگە دەتوانن سكاڵاكان پێشكەش بكەن و ٢١ی ١٠ی ٢٠١٨ یەكەم ڕۆژی دەوامی قۆناغی یەك دەبێت.

کوردستان

مەکتەبی سیاسیی یەکێتی کۆبوونەوەیەک ئەنجام دەدات

خەڵک-

پاش کۆبوونەوەی ئەمڕۆی مەکتەبی سیاسیی پارتی لەبارەی دواین پێشھاتەکانی پێکھێنانی حکومەت، بۆ ھەمان مەبەست سبەینێ مەکتەبی سیاسیی یەکێتی کۆبوونەوەیەک ئەنجام دەدات.

بەپێی زانیارییەکانی دەست (خەڵک) کەوتووە، بڕیارە کاتژمێر ١١:٠٠ ـی پێشنیوەڕۆی سبەینێ دووشەممە ٢٠١٨/١١/١٧، بۆ تاوتوێکردنی دواین پێشھاتەکانی دۆخی سیاسیی کوردستان و عێراق بە سەرپەرشتیی کۆسرەت رەسوڵ عەلیی جێگری سکرتێری گشتیی ئەو حزبە، کۆبوونەوەیەک ئەنجام بدات.

 

 

بەردەوام بە لە خوێندنەوە

کوردستان

چەمچەماڵ.. ئاگر لە ماڵێک کەوتەوەوە و بەھۆیەوە سێ منداڵ گیانیان لەدەستدا

خەڵک-

ئەمشەو بەھۆی کەوتنەوەی ئاگر لە ماڵێک لە قەزای چەمچەماڵ، سێ منداڵ گیانیان لەدەستداوە و دایکیشیان بەهۆی رێژەی زۆری سووتاوییەکەیەوە رەوانەی نەخۆشخانە کراوە

ئەمشەو یەکشەممە ٢٠١٨/١٢/١٦، لە گەڕەکی ئاسوودەی قەزای چەمچەماڵ، ئاگر لە ماڵێک بەربوو، بەھۆیەوە سێ مندڵ گیانیان لەدەستدا و دایکیان بەھۆی سووتاوییەوە ڕەوانەی نەخۆشخانە کرا.

سێوە قادر نوری دایکی سێ منداڵەکەیە و تەمەنی ٢٣ ساڵە و ٨٠٪ ـی جەستەی سووتاوە، منداڵەکانیش دارین دیاری مەجید ٥ ساڵ و کارین دیاری مەجید ٢ ساڵ دەروون دیاری  مەجید ١ ساڵ و نیو تەمەنیانە.

بەڕێوەبەرایەتیی بەرگریی شارستانیی چەمچەماڵ ڕایگەیاندووە، بەپێی لێکۆڵینەوە سەرەتاییەکان ئاگرەکە بەھۆی شۆرتی کارەباییەوە کەوتۆتەوە و لێکۆڵینەوەکانیش بەردەوامن.

بەردەوام بە لە خوێندنەوە

کوردستان

تەڤگەری ئازادی: هەندێك كەسایەتی نێو یەكێتی دەیانەوێ پرسی داخستنی بارەگاكانمان چارەسەر بكەن

خەڵك-بەشی هەواڵ

هاوسەرۆكی تەڤگەری ئازادی كۆمەڵگای كوردستان ڕایدەگەیەنێت، هەندێك لە سەركردەكانی یەكێتی لە هەوڵدان بۆ كردنەوەی بارەگاكانمان.

بە بیانووی نەبوونی مۆڵەتی حزبی و بە بڕیاری قوباد تاڵەبانی، جێگری سەرۆكی حكومەتی هەرێمی كوردستان دەرگای بارەگاكانی تەڤگەری ئازادییان لە شارەكانی هەرێمی كوردستان داخست، ئەمەش لەكاتێكدایە ئەو حزبە لە حكومەتی عێراق مۆڵەتی فەرمی هەیە.

محەمەد عەبدوڵڵا، هاوسەرۆكی تەڤگەری ئازادی كۆمەڵگای كوردستان بە (خەڵك)ی ڕاگەیاند، هەوڵێك هەیە لەلایەن هەندێك كەسایەتی دڵسۆز و كەسایەتی نێو یەكێتی، كە دەیانەوێ ئەو دۆخە چارەسەر بكەن.

وتیشی، “ئەوە یارییەكە هەندێك هێز لە باشووری كوردستان دەیكات و لەناو باشوریش یاری بە یەكێتی دەكەن، لە ئەگەری هەر شتێكی خراپتر كورد و یەكێتیش زۆر زیانی بەردەكەوێت، لەبەرئەوە هەندێك خەڵكی دڵسۆزی نێو یەكێتی هەست بەو كارە دەكەن و ڕایانگرتووە”.

سەبارەت بە هەوڵەكانیان بۆ كردنەوەی بارەگاكانیان، ناوبراو ڕایگەیاند، سەردانی جێگری وەزیری ناوخۆی حكومەتی هەرێم-مان كردووە، ئەو وتویەتی وەرن بابەتەكە بجوڵێنن، چونكە 4 ساڵە ئێمە داوای مۆڵەتمان كردووە.

ئاماژەی بۆ ئەوەشكرد، ئێمە لە سلێمانییەوە دەستمان پێكردوە و دۆسیەكەمان لە ئەنجومەنی ئاسایشە و لەوێ نەجوڵێنراوە و ئێستا لە هەوڵداین بڕۆین بۆ وەزارەتی ناوخۆ و دۆسیەكە بجوڵێنین.

ئاشكراشی كرد، ئێمە لە عێراق بە فەرمی موڵەتمان پێدراوە لە هەموو پارێزگاكان بارەگامان هەبێت، لەبەرئەوە تەڤگەری ئازادی ڕەسمیەتی هەیە بەپێی یاسا، لەناو كۆمسیۆنیش هەوڵی ئەوەمان داوە ئەوان فشار بخەنەسەر ئەنجومەنی وەزیران و وەزارەتی ناوخۆی عێراق، كە ئەوانیش فشار بخەنەسەر دامودەزگاكانی هەرێمی كوردستان، كە ئەو بابەتە نایاساییە، چونكە تەڤگەر ڕێگای پێدراوە چالاكی سیاسی خۆی بكات، هیچ كێشەیەكی یاسایی نییە.

جەختی لەوەشكردەوە، ئەگەر پێویست بكات لەوانەیە كەیسەكە ببەینە دادگای فیدڕاڵی و لە هەمانكاتدا كونسوڵگەری و ناوەندە جیهانییەكانمان تێگەیاندووە و یاداشتێكمان نوسیوە و بە هەندێك لەوانەمان گەیاندووە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین