ئێمە لە تۆرە کۆمەڵایەتیەکان

ژینگە

بەهۆی دابەشنەكردن و گرانی نەوت دیاردەی دار بڕین دەستی پێكردەوە

خەڵك- نزار مستەفا
بەهۆی دەستپێكردنی وەرزی سەرما و سۆڵه بەشێكی زۆری سنوری سۆران و دەڤەری برادۆست بەهۆی پێنەدانی سوتەمەنیەوە بەشێكی زۆری هاوڵاتیان پەنایان بردۆتە بەر بڕینی دار و ژینگەپارێزانی ناوچەكەش داوای پێدانی سوتەمەنی دەكەن.

عومەر عەبدوڵا برادۆستی، وەك ژینگەپارێزی دەڤەری سیدەكان بۆ (خەڵك) وتی، “هەموو ساڵێك لە سەرەتای وەرزی پایز دەبینین هاوڵاتیان دەست دەكەن بەبڕینی داری دێمەكار و زۆر بێویژدانانە دەیبڕنەوە، هەرچەندە هاوڵاتی ناحەقی نیە لەم قەیرانەدا بەناچاری پەنا بۆ داربڕین دەبات بۆ پەیداكردنی سەرچاوەی گەرمی بۆ ساردی زستان”.

وتیشی، “ڕۆڵی سەرەكی پاراستنی دارستانەكان بەر حكومەت دەكەوێ ئەویش بەدابین كردن و هەرزان كردنی نرخی سوتەمەنی، كە بەداخەوە تاكو ئێستا ڕۆڵی حكومەت زۆر لاوازە، بۆ ئەم پرسەش هیچ هەنگاوێكی كردەیی نابینرێ و هیوادارین حكومەت ئەم پرسە بەهەند وەربگرێ و بەزوترین كات نەوت و سوتەمەنی دابەش بكرێ و لەبازاڕیش نرخەكەی هەرزان بكرێ” .

لای خۆشیەوە، هەژار ماهیر، بەرپرسی ڕێكخراوی وار بۆ پاراستنی ژینگە بە (خە ڵك)ی ڕاگەیاند، بەهۆی درێژەكێشانی قەیرانی دارایی، كە باڵی بە سەر هەرێمی كوردستاندا كێشاوە و گرانی نرخی نەوت و دابەش نەكردنی سوتەمەنی وەك پیویست لە دەڤەری سۆران و بارزان و باڵەكایەتی و دەڤەری برادۆست و لە ئەنجامی زۆربوونی ژمارەی دانیشتوان، بەهۆی دواكەوتنی نەوتی ماڵان خەڵكێكی زۆر ڕوویان كردۆتە بڕینی دار و درەخت و لەباربردنی سروشتی كوردستان.

ناوبراو وتیشی، “ئێمە لەپەیوەندیداین وەك ڕێكخراوێكی ژینگەیی لەگەڵ لایەنە پەیوەندارەكان و لە ڕۆژانی ئایندەشدا بە گردبوونەوە و ئاڕاستەكردنی بانگەواز و ڕاگەیاندن و مامۆستایانی ئایینی فشارەكانمان دەست پێ‌ دەكەین بە تایبەت، كە پێویستە هەرچی زووە حكومەتی هەرێمی كوردستان چ لە ڕێگای وەزارەتی سامانە سرۆشتییەكان چ لە ڕێگای كومپانیاكانی نەوتی كەرتی تایبەت بیر لە ڕێگا چارەی خێرا پەیڕەو بكات بۆ دابین كردنی نەوت و بە نرخێكی هەرزان بیفرۆشێتەوە بە هاوڵاتیان.”

جەختیشی كردەوە، پێویستە وەزارەتی سامانە سرۆشتییەكان و لایەنە پەیوەندارەكان هەنگاوەكان خێراتر بكەن لە دابینكردنی سوتەمەنی بۆ هاوڵاتیان بە تایبەت ناوچەكانی سەر سنوور و سەختەكان، كە كەمتر نەبی لە 2 برمیل بە نرخیكی گونجاو.

ماوەی چەند ساڵێكە و لە سەرەتای سەرهەڵدانی قەیرانی داراییەوە حكومەتی هەرێم پاڵپشتی سەر نرخی سووتەمەنی هەڵگرتووە و نەوت-یش دابەش ناكات و ئەوەش بۆتە هۆی گرانی نرخەكەی و بارگرانی بۆ هاوڵاتیان بە تایبەت لە وەرزی زستاندا، هەرچەندە حكومەتی عیراق بڕێكی نەوت بۆ پارێزگاكانی هەرێم دەنێرێت، كە ئەوەش بڕێكی هێندە كەمە لە كۆی ساڵەكەدا هەر ماڵێك بەرمیلێك نەوتی بەرناكەوێت.

ژینگە

باران ئاوی ژێرزەوی بوژاندووەتەوە

خەڵك- بەشی هەواڵ

بەپێی دواین ئامار ئاستی ئاوی ژێرزەوی لە سنورە جیاوازەكانی پارێزگای سلێمانیدا بەرێژەی بەرچاو زیادی كردووە، بەهۆی چەند شەپۆلێكی بارانەوە كە لە ماوەی رابردوودا روویانكردە هەرێم.

عەباس عەلی، بەڕێوەبەری فەرمانگەی ئاوی ژێرزەوی سلێمانی بە (خەڵك)ی راگەیاند، سنوری پارێزگای سلێمانی نزیكەی 12 حەوزی ئاوی ژێرزەوی هەیە و دابەش دەكرێت بەسەر ناوچە جیاوازەكاندا و هەموویان زیادیان كردووەتەوە بە بڕی جیاواز.

وتیشی”پشكنینی مانگانە و وەرزانەمان هەیە، بەپێی دواین پشكنین لە هەندێك شوێن نزیكەی 3 مەتر و لە چەند شوێنێكیش دوو مەتر زیادی كردووە”.

بەپێی قسەكانی ناوبراو باران بارینی ئەمساڵ دڵخۆشكەر بووە و تاڕادەیەكی باش توانیویەتی سودی بۆ ئاوی ژێرزەوی هەبێت.

هەرێمی كوردستان خاوەنی نزیكەی 10 ملیار مەتری سێجا ئاوی ژێرزەوییە كە دابەشكراوە بۆ سەر چەند ناوچەیەك و لە ماوەی رابردوودا بەهۆی دەیان هەزار بیری نایاساییەوە رێژەی ئاوەكەی بەشێوەیەكی مەترسیدار كەمیكرد.

بەردەوام بە لە خوێندنەوە

ژینگە

كەشناسی بڕی باران بارینی 24 كاتژمێری رابردووی بڵاوكردەوە

خەڵك- بەشی هەواڵ
بەڕێوەبەرایەتی گشتی كەشناسی و بومەلەرزەزانی هەرێمی كوردستان بڕی باران بارینی 24 كاتژمێری رابردووی بڵاوكردەوە.

بەپێی راگەیەندراوەكە لە زۆربەی ناوچەكانی هەرێمی كوردستان بەبڕی جیاواز باران باریوە.

بەردەوام بە لە خوێندنەوە

ژینگە

شەپۆلێكی سەرما و كڕێوە هەرێمی كوردستان دەگرێتەوە

خەڵك- بەشی هەواڵ
بەپێی پێشبینییە كەشناسییەكان، شەپۆلێكی سەرما و كڕێوە بەشێكی ناوچەكانی عیراق و هەرێمی كوردستان دەگرێتەوە.

سادق عەتیە، پسپۆڕی كەشناسی عیراقی لە هەژماری خۆی لە فەیسبووك ڕایگەیاندووە، پلەكانی گەرما دادەبەزن و شەپۆلێكی سەرمای بەهێز ناوچەكانی عیراق دەگرێتەوە بەتایبەت ناوچەكانی ناوەڕاست و ڕۆژئاوای وڵات و هەرێمی كوردستان.

ڕاشیگەیاندووە، ئەو شەپۆلە سەرمایە لە ڕۆژی هەینی-یەوە دەستپێدەكات و ڕۆژی شەممە بەهێزتر دەبێت.

ئاشكراشی كردووە، كە ئەو شەپۆلە سەرمایە هاوكاتە لەگەڵ هاتنی وەرزی زستان و لە هەرێمی كوردستان پلەكانی گەرما دەگاتە خوار سفری سەدی و لە هەندێك ناوچەی عیراق دەگاتە خوار 9 پلەی سەدی.

ڕۆژی هەینی 21-12-2018 هاوكاتە لەگەڵ یەكەم ڕۆژی وەرزی زستان لەڕووی گەردونییەوە و پێشی دەوترێت (وەرگەڕانی زستانە) كە شەوی 20 لەسەر 21ی 12 بە درێژترین شەوی ساڵ و ڕۆژەكەی 21ی 12، كە یەكەم ڕۆژی زستانە بە كورتریت ڕۆژی ساڵ دادەنرێت و لە هەرێمی كوردستان پێی دەوترێت (شەوی یەڵدا).

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 85%, 34
    34 85%
    34 - 85% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 8%, 3
    3 8%
    3 - 8% هەموو دەنگەکان

کوردستان

دوایین