ئێمە لە تۆرە کۆمەڵایەتیەکان

ژینگە

وەرزی باران بارین دەستپێدەكات

خەڵك- بەیش هەواڵ
كەشناسی عیراق پێشبینییەكانی بۆ دۆخی كەشوهەوای ئەم هەفتەیە بڵاودەكاتەوە و ڕایدەگەیەنێت، باران بارین لە هەرێمی كوردستان دەستپێدەكات و بەرپرسێكی كەشناسی دەڵێت: “تەواوی عیراق دەكەوێتە ژێر كاریگەری باران لە ناوەڕاستی ئەم هەفتەیە و تەواوی ئەم مانگە”.

دەستەی كەشناسی و بوومەلەرزەزانی عیراق لە بەیاننامەیەكدا ئاماژەی بەوەكردووە، كە سبەینێ‌ یەك شەممە ئاسمانی تەواوی عیراق و هەرێمی كوردستان لە ساماڵەوە دەگۆڕێت بۆ نیمچە هەور و كەمێك پلەكانی گەرما دادەبەزن و خێرایی با مام ناوەند دەبێت.

ڕاشیگەیاندووە، ڕۆژی دوو شەممە پلەكانی گەرما و خێرایی با وەك خۆی دەمێنێتەوە و ئاسمانیش لە نیمچە هەورەوە دەگۆڕێت بۆ هەوری تەواو و نمە باران لە تەواوی عیراق و ناوچەكانی هەرێم دەستپێدەكات بەتایبەتی لە كاتەكانی ئێوارە و شەودا.

ئاماژەی بەوەشكردوە، كە ڕۆژی سێ‌ شەممە لە ناوەڕاست و باشووری عیراق ئاسمان نیمچە هەور دەبێت، بەڵام لە هەرێمی كوردستان ئاسمان هەوری باراناوی دەبێت و كەمێك پلەكانی گەرما بەرزدەبنەوە و ئاستی بینین نزیكەی 10 كیلۆمەتر دەبێت.

سەبارەت بە ڕۆژی چوار شەممە كەشناسی عیراق ڕوونی كردۆتەوە، كە دۆخەكە ئاسایی دەبێتەوە و ئسمان نیمچە هەور دەبێت و خێرایی با كەمتر دەبێتەوە.

لای خۆشیەوە، عەلی جابر زیادی، بەرپرسی كەشناسی پارێزگای موسەنا لە لێدوانێكی ڕۆژنامەوانیدا ڕایگەیاندووە، كە كەشوهەوای ناوچەكانی وڵات لە ەناوەڕاستی ئەم هەفتەیەوە باراناوی دەبێت و تەواوی مانگەكە باران بە بڕی جیاواز و لە ناوچە جیاوازەكان دەبارێت.

دەشڵێت: “لەمڕۆ شەممەوە كاریگەری با دروست دەبێت لەسەر ناوچەكانی وڵات و ئەگەری باران بارین هەیە لە چەندین ناوچەی وڵات بە تایبەتیش ناوچەكانی فوڕاتی ناوەڕاست و چەند ناوچەیەكی بیابانی سەماوە و شارەكانی باشووری وڵاتیش”.

ژینگە

باران ئاوی ژێرزەوی بوژاندووەتەوە

خەڵك- بەشی هەواڵ

بەپێی دواین ئامار ئاستی ئاوی ژێرزەوی لە سنورە جیاوازەكانی پارێزگای سلێمانیدا بەرێژەی بەرچاو زیادی كردووە، بەهۆی چەند شەپۆلێكی بارانەوە كە لە ماوەی رابردوودا روویانكردە هەرێم.

عەباس عەلی، بەڕێوەبەری فەرمانگەی ئاوی ژێرزەوی سلێمانی بە (خەڵك)ی راگەیاند، سنوری پارێزگای سلێمانی نزیكەی 12 حەوزی ئاوی ژێرزەوی هەیە و دابەش دەكرێت بەسەر ناوچە جیاوازەكاندا و هەموویان زیادیان كردووەتەوە بە بڕی جیاواز.

وتیشی”پشكنینی مانگانە و وەرزانەمان هەیە، بەپێی دواین پشكنین لە هەندێك شوێن نزیكەی 3 مەتر و لە چەند شوێنێكیش دوو مەتر زیادی كردووە”.

بەپێی قسەكانی ناوبراو باران بارینی ئەمساڵ دڵخۆشكەر بووە و تاڕادەیەكی باش توانیویەتی سودی بۆ ئاوی ژێرزەوی هەبێت.

هەرێمی كوردستان خاوەنی نزیكەی 10 ملیار مەتری سێجا ئاوی ژێرزەوییە كە دابەشكراوە بۆ سەر چەند ناوچەیەك و لە ماوەی رابردوودا بەهۆی دەیان هەزار بیری نایاساییەوە رێژەی ئاوەكەی بەشێوەیەكی مەترسیدار كەمیكرد.

بەردەوام بە لە خوێندنەوە

ژینگە

كەشناسی بڕی باران بارینی 24 كاتژمێری رابردووی بڵاوكردەوە

خەڵك- بەشی هەواڵ
بەڕێوەبەرایەتی گشتی كەشناسی و بومەلەرزەزانی هەرێمی كوردستان بڕی باران بارینی 24 كاتژمێری رابردووی بڵاوكردەوە.

بەپێی راگەیەندراوەكە لە زۆربەی ناوچەكانی هەرێمی كوردستان بەبڕی جیاواز باران باریوە.

بەردەوام بە لە خوێندنەوە

ژینگە

شەپۆلێكی سەرما و كڕێوە هەرێمی كوردستان دەگرێتەوە

خەڵك- بەشی هەواڵ
بەپێی پێشبینییە كەشناسییەكان، شەپۆلێكی سەرما و كڕێوە بەشێكی ناوچەكانی عیراق و هەرێمی كوردستان دەگرێتەوە.

سادق عەتیە، پسپۆڕی كەشناسی عیراقی لە هەژماری خۆی لە فەیسبووك ڕایگەیاندووە، پلەكانی گەرما دادەبەزن و شەپۆلێكی سەرمای بەهێز ناوچەكانی عیراق دەگرێتەوە بەتایبەت ناوچەكانی ناوەڕاست و ڕۆژئاوای وڵات و هەرێمی كوردستان.

ڕاشیگەیاندووە، ئەو شەپۆلە سەرمایە لە ڕۆژی هەینی-یەوە دەستپێدەكات و ڕۆژی شەممە بەهێزتر دەبێت.

ئاشكراشی كردووە، كە ئەو شەپۆلە سەرمایە هاوكاتە لەگەڵ هاتنی وەرزی زستان و لە هەرێمی كوردستان پلەكانی گەرما دەگاتە خوار سفری سەدی و لە هەندێك ناوچەی عیراق دەگاتە خوار 9 پلەی سەدی.

ڕۆژی هەینی 21-12-2018 هاوكاتە لەگەڵ یەكەم ڕۆژی وەرزی زستان لەڕووی گەردونییەوە و پێشی دەوترێت (وەرگەڕانی زستانە) كە شەوی 20 لەسەر 21ی 12 بە درێژترین شەوی ساڵ و ڕۆژەكەی 21ی 12، كە یەكەم ڕۆژی زستانە بە كورتریت ڕۆژی ساڵ دادەنرێت و لە هەرێمی كوردستان پێی دەوترێت (شەوی یەڵدا).

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 85%, 33
    33 85%
    33 - 85% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 8%, 3
    3 8%
    3 - 8% هەموو دەنگەکان

کوردستان

دوایین