ئێمە لە تۆرە کۆمەڵایەتیەکان

کوردستان

یەكێتی: تا ئێستا بودجەی سەرۆكایەتی هەرێم خەرج دەكرێت و بودجەی مانگانەی دیوان 3 ملیۆن دۆلارە

خەڵك – بەشی هەواڵ

ماڵپەڕی فەڕمی یەكێتی نیشتمانی كوردستان بڵاویكردەوە “تائێستا مەسعود بارزانی مووچەو بودجەو نەسریەی سەرۆكی هەرێم وەردەگرێت و ئەو پاسەوانانەشی كە بەچەند لیوایەك مەزەندە دەكرێت بەهەمان خەرجی و بودجەوە لەخزمەتی پۆستە حزبییەكەی بەكار دەهێنرێت كە سەرۆكی پارتی دیموكراتی كوردستانە”.

قادر رەزگەیی پەرلەمانتاری فراكسیۆنی یەكێتی لەپەرلەمانی كوردستان بە ماڵپەڕی فەڕمی حزبەكەی راگەیاند “تائێستاش مەسعود بارزانی كە نزیكەی 8 مانگەی لەپۆستەكەی نەماوەو پەرلەمانیش دەسەڵاتەكانی دابەشكردووە، بەڵام مووچەو بودجەو نەسرییەی مانگانەی خۆیی و راوێژكارو كارمەندو پاسەوانەكانی كە بەچەند لیوایەك مەزەندە دەكرێت بەردەوامە”.

وتیشی:” تائێستاش هەموو شتەكان وەك خۆیەتی، راستە وەك پەرلەمان بەیاسا پۆستی سەرۆكی هەرێمان سڕكردووەو دەسەڵاتەكانمان داوەتە دامەزراوەكانی دیكە، بەڵام دەسەڵاتە كارگێڕی و ئیدارییەكانی سەرۆكایەتی هەرێم بەردەوامەو ژمارەی راوێژكارو فەرمانبەرەكانی و ئەو بودجەی پێشتر بۆی خەرجدەكرا وەك خۆی ماوەتەوە”.

ئەوەشی وت: “حكومەتی هەرێم بەكەیفی خۆی بودجەی سەرۆكایەتی هەرێم دیاریدەكات، وەك پەرلەمانتاران ئاگادارنین چەندی بۆ دابین دەكرێت، بەڵام ملیۆنان دۆلارە”.

سەرچاوەیەكی ئاگاداریش لەسەرۆكایەتی هەرێم تایبەت بە PUKmediaی راگەیاند: كە تائێستاش دیوانی سەرۆكایەتی هەرێم نەسرییەی مانگانە وەردەگرێت كە بڕەكەی 3 ملیۆن دۆلارەو بەبێ چاودێری و وردبینی خەرجدەكرێت كە فوئاد حسێن سەرۆكی دیوانەكەیە.

ماڵپەڕەكە نوسیوێـتی “كۆتایی مانگی دەی ساڵی ڕابردوو، دەسەڵاتەكانی سەرۆكایەتی هەرێم لەلایەن پەرلەمانی كوردستانەوە دابەشكران، بەڵام لە واقیعدا ئەوەی دەبیندرێت تەنها مەسعود بارزانی، لەسەر كارەكەی نەماوەو تەواوی فەرمانگەو فەرمانبەرو راوێژكارو پاسەوانەكان لەشوێنی خۆیان ماون ‌و بودجەی مانگانەی سەرۆكایەتییەكەش وەك خۆی ماوەتەوەو دەدرێت”.

هەر لەوبارەیەوە پێشتریش هەفتەنامەی ژیان لە راپۆرتێكیدا رایگەیاندبوو: راوێژكارەكانی سەرۆكایەتی هەرێم زیاتر لە 40 راوێژكارن كە كوردو عەرەب‌و بیانیشی تێدایەو موچەی مانگانەیان هەیە، هاوكات خەڵكی تر هەیەو فەرمانبەرەو بە پلەو موچەی ڕاوێژكار دامەزرێندراوەو نزیكەی 150 فەرمانبەریش لە سەرۆكایەتییەكەدا دەوام دەكەن. ئەمە لەكاتێكدا لەیاسای سەرۆكایەتی هەرێمدا نە باسی پاسەوان كراوە نە فەرمانبەرو نەڕاوێژكار.

سۆران عومەر، پەرلەمانتاری كۆمەڵی ئیسلامی لەپەرلەمانی كوردستانیش بە هەفتەنامەكەی راگەیاندبوو: جگە لەچەند فەرمانبەرێكی كەمی یەكێتی هیچ فەرمانبەرێكی لایەنەكانی تر لەسەرۆكایەتی هەرێم نەبوون، بەمەرجێك پێشتر ڕێككەوتن هەبوو فەرمانبەری لایەنەكان لەسەرۆكایەتی هەرێم دابمەزرێندرێن.

هەفتەنامەی ژیان ئاشكراشیكردبوو: یەك لیوا كە نزیكەی 1500 پاسەوانن پاسەوانی سەرۆكایەتی هەرێم ‌و فەرمانگەكانی‌و بەرپرس‌و راوێژكارەكانی دیكەی سەرۆكایەتی دەكەن‌و لەگەڵ پاسەوانەكانی بارزانی دەگەنە نزیكەی پێنج هەزار پاسەوان.

ئێستا سەرۆك‌و جێگری سەرۆكی هەرێم بوونیان نەماوە، بەڵام سەرۆكی دیوان كە فواد حسێن-ە لەكارەكەی بەردەوامەو هەریەكە لەبەڕێوەبەرایەتییەكانی: كارگێڕی‌و دارایی، هەماهەنگی‌و بەدواداچوون، كاروباری یاسایی، پەیوەندییەكان، كاروباری كۆمەڵایەتی‌و سكاڵاو راگەیاندن بەدیوانی سەرۆكایەتیی هەرێمەوە بەستراونەتەوەو دەوامی ئاسایی خۆیان دەكەن.

مەسعود بارزانی، ساڵی 2005 بووە سەرۆكی هەرێم‌و لەپەرلەمان متمانەی پێدرا، ساڵی 2009 بەهەڵبژاردنی ڕاستەوخۆی خەڵك بووەوە بەسەرۆكی هەرێم‌و ساڵی 2013 لەپەرلەمانی كوردستان بۆ دوو ساڵ ماوەكەی درێژ كرایەوە، ساڵی 2015 ئەنجومەنی شوورای هەرێم ماوەكەی بۆ درێژكردەوەو كێشەی یاسایی لەپۆستەكەیدا دروستبوو، دوای ڕیفراندۆمی هەرێم‌و لە مانگی 10ی 2017دا دەستی لەكار كێشایەوە.

کوردستان

یەكێتی لەبارەی ئێزدییەكانەوە داوایەك لە حكومەتی عیراق دەكات

خەڵك- بەشی هەواڵ
فراكسیۆنی یەكێتیی نیشتمانیی كوردستان لە پەرلەمانی عیراق، داوای لە حكومەتی بەغدا دەكات، پاشماوەی ئێزدییە ڕفێنراوەكان لە چنگی داعش ڕزگار بكات و شنگال ئاوەدان بكاتەوە.

ئەمڕۆ سێ‌ شەممە، فراكسیۆنی یەكێتی لە پەرلەمانی عیراق، لە بەیاننامەیەكدا ڕایگەیاندووە، “پیرۆزبایی لە ئێزدییەكان بەشێوەیەكی گشتی و نادیە موراد چالاكوانی بوێر دەكەین، كە خەڵاتی نۆبڵی ئاشتی بەدەستهێنا”، بەپێویستیشی زانیوە ئەو چالاكوانە ئێزدییە لەلایەن حكومەتی عیراقیشەوە ڕێزی لێبگرێت و تیشك بخرێتە سەر ئەو خەڵاتەی وەریگرتووە، كە بە ڕووداوێكی بێ‌ پێشینە لە مێژووی عیراقدا دادەنرێت.

فراكسیۆنی یەكێتی لە بەیاننامەكەیدا، داوای لە حكومەتی بەغدا كردووە،” بكەوێتە خۆی و بە هەماهەنگی لەگەڵ هاوپەیمانی نێودەوڵەتی و ڕێكخراوە نێودەوڵەتییەكان، كار بۆ ئازادكردنی پاشماوەی ژن و كچە ڕفێنراوە ئێزدییەكان بكات، كە تائێستاش لەژێر چنگی چەكدارانی ڕێكخراوی داعشدا ماون، ئەمەش لە دوای تێپەڕینی ساڵێك بەسەر ڕاگەیاندنی سەركەوتن بەسەر ڕێكخراوی تیرۆریستی داعش”.

یەكێتی جەحتی لەسەر “گرنگی كۆتایی هێنان بە ئازار و ئەندێشەی ئێزدییەكان و پشتیوانی كردن لێیان و بۆ تێپەڕندنی كاریگەریی كارەساتە گەورە” كردۆتەوە، ئەمەش لەڕێی ئاوەدانكردنەوەی ناوچەكانیان، بە تایبەتیش قەزای شنگال، كە دەبێتە ڕێخۆشكردن بۆ گەڕانەوەی ئاوارەكان و دەستپێكردنەوەی ژیانی ئاسایی، وێڕای پێویستی كاركردن بۆ چارسەركردنی دەرونی ئەو ژن و منداڵانەی ڕووبەڕووی ڕفاندن و دەستبەسەركردن بونەوە لەلایەن داعشەوە، ئەمەش بەپێی بەیاننامەكەی فراكسیۆنی یەكێتی نیشتمانی كوردستان لە پەرلەمانی عیراق.

بەردەوام بە لە خوێندنەوە

کوردستان

ناوەڕۆكی وتاری هەینی مامۆستایانی ئایینی دیاریكرا

خەڵك- بەشی هەواڵ
وەزارەتی ئەوقاف و کاروباری ئایینی حكومەتی هەرێم دوو ناونیشان بۆ وتاری هەینی ئەم هەفتەیە 12ی كانونی یەكەم دیاری دەكات و مامۆستایانی ئایینی-ش سەرپشك دەكات لە هەڵبژاردنی تەوەرێكیان.

بەپێی ناونیشانە پێشنیازکراوەکان بۆ وتاری ئایینی ئەم هەفتەیە، کە وێنەیەکی دەست (خەڵک) کەوتووە، دوو ناونیشان پێشنیاركراوه‌ بۆ وتاری هه‌ینی تا مامۆستایانی ئایینی لەسەری بوەستن و بۆ موسڵمانانی باس بكەن.

بەپێی ناونشانەکان، مامۆستایانی ئاینی دەتوانن بۆ ئەم هەینییە یەکێک لەم ناونیشانانە هەڵبژێرن:
1. ڕاستگۆیی و دەرهاویشتەكانی لەژیانی مرۆڤ و لەنێو كۆمەڵگادا.
2. قورئانی پیرۆز و ڕۆڵی لە چەسپاندنی بەها ئیمانییەكان.

بەردەوام بە لە خوێندنەوە

کوردستان

پولیسێك بەهۆی كارەباوە گیانی لەدەستدا

خەڵك- بەشی هەواڵ

كارمەندێكی چالاكیە مەدەنیەكانی گەرمیان بەهۆی تەزووی كارەباوە گیانی لەدەستدا.

بەپێی ڕاگەیاندراوێكی پۆلیسی گەرمیان، كە وێنەی دەست (خەڵك) كەوتووە، “ئێوارەی ئەمڕۆ سێ شەممە لەگەڕەكی سیروانی قەزای كەلار، كارمەندێكی چالاكییە مەدەنیەكانی گەرمیان بەهۆی تەزووی كارەباوە، گیانی لەدەستدا”.

هەر لە ڕاگەیەندراوەكەدا هاتووە، “ئەو پۆلیسە ناوی ( ج. ع. ر)ە و لەدایكبووی 1972وە، لەكاتی پشووی فەرمی خۆیدا و لەماڵی خۆیان كارەبا گرتویەتی و لەئەنجامدا گیانی لەدەستداوە”.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین