ئێمە لە تۆرە کۆمەڵایەتیەکان

کوردستان

هاتوچۆ لە خاڵی سنوری باشماخ قەدەغە دەكرێت

خەڵك-بەشی هەواڵ

سەرپەرشتیاری خاڵی سنوری باشماخ رایدەگەیەنێت، بەھۆی بەڕێوەچونی پرۆسەی دەنگدانی پەرلەمانی كوردستان هاتوچۆ لەو خاڵە سنورییە قەدەغە دەكرێت.

ئەزوەر محمود ساڵح سەرپەرشتیاری كۆمەڵگای دەروازەی نێودەوڵەتی باشماخ ڕایگەیاند، ئاگاداری سەرجەم گەشتیاران و شۆفێران و بازرگانان و ھاونیشتمانیان دەكەینەوە كە لە شەوی ( ٢٩ لەسەر ۲۰۱۸/٩/٣٠ واتە شەوی شەممە لەسەر یەك شەممە) لەكاتژمێر ۱۲شەو بەدواوە بە هەموو شێوەیەك سەرجەم هاتووچۆیەكی گەشتیاری و بازرگانی ڕادەگیرێت و بەردەوام دەبێت تاكو شەوی ٣٠/9 لەسەر ۲۰۱۸/١٠/١) كاتژمێر ۱۲ی شەوی ( یەك شەممە لەسەر دوو شەممە) و كۆتایی هاتنی پرۆسەی دەنگدان.

وتیشی” وەك تێبینییەك تەنھا ئەو گەشتیارە عێراقیانەی لە ووڵاتی كۆماری ئیسلامی ئێرانن دەتوانن بگەڕێنەوە بۆ ھەرێمی كوردستان، لە ھەمانكاتتدا گەشتیارانی ئێرانیش كە لە ھەرێمی كوردستانن دەتوانن بگەڕێنەوە بۆ ووڵاتی ئێران”.

ئاماژەی بۆ ئەوەش كرد، هیوادارین چۆن پرۆسەی بانگەشەی هەڵبژاردن بەشێوەیەكی سەردەمیانەو بەئارامی كۆتای پێهات بە ھەمانشێوە پرۆسەی دەنگدانیش بەشێوەیەكی سەردەمیانەو بەئارامی ئەنجام بدرێت.

کوردستان

بەشی سێیەمی “ستایش” بە دۆبلاژی كوردی دەستپێدەكات

خەڵك – بەشی هەواڵ
یەكێك لە پڕ بینەرترین دراماكانی ئێران لە هەرێمی كوردستان “زنجیرە درامای ستایشە” كە تا ئێستا دوو بەشی پەخش كراوە و سەرەتای هەفتەی داهاتوو یەكەم ئەڵقە لە بەشی سێیەمی بە دۆبلاژی كوردی پەخش دەكرێت.

بەشی سێیەمی دراماكە لە 40 ئەڵقە پێكهاتووە و هەر یەك لە حیشمەتی فیردەوس، ستایش، محەمەد، ئەنیس، پەری سیما ڕۆڵی تێدا دەبیننەوە.

دوای ئەوەی بەشی سێیەمی زنجیرە درامای ستایش، لە (كەناڵ 3)ی فەرمی ئێران لە چەند مانگی ڕابردوودا پەخش كرا، لە ئێستادا لە هەرێمی كوردستان داواكارییەكی زۆری لەسەرە و بڕیارە هەفتەی داهاتوو لە ڕۆژی شەممەوە لە كاتژمێر 10:00ی شەو لە كەناڵی ئاسمانی سپێدە بە دۆبلاژی كوردی پەخش بكرێت و لە كاتژمێر 12:00ی نیوەڕۆ دووبارە دەكرێتەوە.

بەشەكانی یەكەم و دووەمی زنجیرە درامای ستایش پڕ لە چیرۆك و ڕووداوی تاڵ و خەمهێنەر بوو، بەڵام بەشی سێیەمی ستایش ڕووداوی دڵخۆشكەر و شادی زیاتر تێدایە، لە هەمان كاتدا لە ڕووداوی ناخۆش خاڵی نییە.

زنجیرە درامای ستایش لە دەرهێنانی سەعید سوڵتانی-یە، بۆ بەشی سێیەمی دراماكە زۆرێك لە ئەكتەرە دیارەكانی درێژە بە ڕۆڵ بینین دەدەن، لەوانە: داریوش ئەرجومەند (حیشمەتی فیردەوس)، نێرگس محەمەدی (ستایش)، مەهدی سلوكی (محەمەد)، سیما تیرئەنداز (ئەنیس)، فەریبا نادری (پەری سیما) و چەندینی دیكەش. لەگەڵ ئەوەشدا ژمارەیەك ئەكتەری نوێ‌ بەشدارییان لە دراماكەدا كردووە.

بەردەوام بە لە خوێندنەوە

کوردستان

بەڤیدیۆ؛ پەكەكە كوژرانی 7 سەربازی توركیای ڕاگەیاند

خەڵك – بەشی هەواڵ
ناوەندی ڕاگەیاندن و چاپەمەنی هێزەكانی پاراستنی گەل ڕایدەگەیەنێت، لە چالاكیەكەدا سەنگەرەكانی دوژمن كرانە ئامانج و هەڵوەشێنران، ٧ سەربازی سوپای توركیا كوژران، دەشڵێت: “سوپای توركیا بە هەلیكۆپتەر كوژراو و بریندارەكانی گواستەوە، هێزەكانمان لە هەلیكۆپتەرەكانیشیان دا”.

ناوەندی ڕاگەیاندن و چاپەمەنی هێزەكانی پاراستنی گەل لە ڕاگەیەنراوێكدا، ئاماژەی بەوەكردووە، لە هەرێمی پاراستنی مەدیا لە چوارچێوەی هەنگاوی شۆڕشگیری جەنگی حەفتانیندا هێزەكانی یەژاستار لە ٢ی كانوونی دووەمدا لەدژی سوپای داگیركەری توركیا لە گردی كۆنفڕانس چالاكیان ئەنجامدا.

دەشڵێت: “ئەمڕۆ گەریلا تیڤی دیمەنی چالاكیەكەی بڵاوكردەوە، لە دیمەنەكەدا دەردەكەوێت، گورزێكی گەورە لە سەنگەرەكانی سەربازانی دەوڵەتی توركیا دەدرێت و تەقینەوەیەكی گەورە ڕوودەدات”.

هەپەگە ڕاشیگەیاندووە، لە چالاكیەكەدا، كە سەنگەرەكانی دوژمن كرانە ئامانج، سەنگەرەكان هەڵوەشێنران، لە چالاكیەكەدا ئەوەندەی ئاشكرابوو ٧ سەرباز كوژراون، دوای چالاكیەكە سوپای داگیركەری تورك بە هەلیكۆپتەر كوژراو و بریندارەكانی گواستەوە، هێزەكانمان لە هەلیكۆپتەرەكانیشیان دا و هەلیكۆپتەرەكان بە ناچاری لە ناوچەكە دووركەوتنەوە.

بەردەوام بە لە خوێندنەوە

کوردستان

وتاری هەینی بۆ دیاردەی تەڵاق تەرخان دەكرێت

خەڵك – بەشی هەواڵ
وەزارەتی ئەوقاف و كاروباری ئایینی هەرێم ناونیشانی وتاری هەینی ئەم هەفتەیە بۆ تەڵاق تەرخان دەكات و دەشڵێت،”خاڵی سەرەكی لەوە دەستپێدەكات، كە پێویستە هەموو بە خۆماندا بچینەوە”.

لیژنەی باڵای ئامادەكردنی وتاری هەینی لە وەزارەتی ئەوقاف و كاروباری ئایینی حكومەتی هەرێم لە ڕاگەیەنراوێكدا، كە وێنەیەكی دەست (خەڵك) كەوتووە ناونیشانی وتاری هەینی ڕێكەوتی 24-1-2020ی بڵاوكردەوە و ڕایگەیاندووە، مەترسی كێشە سەردەمییەكانی كۆمەڵگە و چارەسەركردنی لە نمونەی تەڵاق، مامۆستایانی ئاینی ئەتوانن قسەی لەسەر بكەن.

ڕایگەیاندووە، هەموو كۆمەڵگەیەك تووشی كێشە و گیروگرفت دەبێتەوە، بەڵام كاتێك تەشەنە دەكەن و زۆر دەبن، دەبێتە مەترسییەكی گەورە و هەڕەشە بۆ سەر ئاسایشی كۆمەڵایەتی، واتە پچڕانی شیرازەی خێزان.

ئاماژەی بۆ ئەوەشكردووە، بەپێی ئامارێكی فەرمی لە ساڵی ڕابردوودا 8 هەزار و 381 حاڵەتی تەڵاق لە هەموو شاركانی هەرێم تۆمار كراوە لە بەرامبەر 32 هەزار و 432 حاڵەتی مارەكردن.

بەردەوام بە لە خوێندنەوە

کوردستان