ئێمە لە تۆرە کۆمەڵایەتیەکان

کوردستان

چیا و نما نەوشیروان مستەفا پەیامێكیان بڵاوكردەوە

خەڵك- بەشی هەواڵ
هەردوو كوڕەكەی نەوشیروان مستەفا، ڕێكخەری كۆچكردووی بزوتنەوەی گۆڕان ڕایدەگەیەنن، نەچون بۆ دەنگدان ڕێگا بۆ دەسەڵات خۆش دەكات، درێژە بەم سیستمە گەندەڵە بدات، درێژە بە پاشەكەوتی موچە و دزینی نەوت و داهات بدات.

چیا و نما نەوشیروان مستەفا لە پەیامێكدا ئاماژەیان بەوەكردووە، بزوتنەوەی گۆڕان وەك ھێزێكی مەدەنی بە پشتیوانی خوای گەورە و ھاوڵاتیان، چوو بە گژ دەسەڵاتێكدا كە جگە لە پشتیوانی هەرێمی، حكومەت و ھێزی ئەمنی و سامانی وڵاتەكەمانی لەبەردەستدایە و ئەمانەشی ھەموی بەكارهێناوە و بەكاری دەیهێنێت بۆ درێژەدان بەدەسەڵاتی خۆی و تێكشكاندنی پڕۆژە سیاسیەكەی نەوشیروان مستەفا.

ڕاشیانگەیاندووە، بزوتنەوەی گۆڕان تەنها بە ٢٤ كورسی پەرلەمانی كوردستانەوە، كە كەمینەیە، توانیویەتی دەسكەوتی سیاسی گەورەی ھەبێت، توانیویەتی ڕێگری لە تێپەڕینی دەستورێكی خراپ بكات و نەهێڵێت سەرۆكی ھەتا ھەتایی دروست بێت، ھەمووشی بێ بەكارھێنانی چەك و لە ڕێگای خەباتی مەدەنی و پەرلەمانیەوە.

دەقی پەیامەكەی چیا و نما نەوشیروان مستەفا:

ھاوڵاتیانی ھەرێمی كوردستان
‏‎دەنگدەرانی خۆشەویست

‏‎سڵاوێكی گەرم…

‏‎ لە ۲٠۱۸/۹/۳٠ لە هەرێمی كوردستان هەڵبژاردنی پەرلەمان دەكرێت. لە چەند ساڵی رابردودا تا ئێستا بەهۆی سیاسەتە هەڵەكانی هەردو حیزبی دەسەڵاتدارەوە، كوردستان لە قەیرانی حكومڕانی و سیاسی و دارایی قوڵدایە. لە هەمان كاتدا ئەزمونی نیمچە دیموكراسی لە كوردستاندا، ئەمڕۆ لە ژێر هەڕەشەكی گەورەدایە.

‏‎ نەچون بۆ دەنگدان ڕێگا بۆ دەسەڵات خۆش دەكات، درێژە بەم سیستمە گەندەڵە بدات، درێژە بە پاشەكەوتی موچە و دزینی نەوت و داهات بدات و درێژە بە نەبونی دادی كۆمەڵایەتی بدات و زەمینە بۆ دەستورێكی خراپ و نادیموكراتی خۆش دەكات كە دەسەڵاتی حیزب و كەسەكانی رەها بێت و بەبێ بونی چاودێری و بەربەست.

‏‎ھاونیشتیمانیانی بەڕێز

‏‎بزوتنەوەی گۆڕان وەك ھێزێكی مەدەنی بە پشتیوانی خوای گەورە و ھاوڵاتیان، چوو بە گژ دەسەڵاتێكدا كە جگە لە پشتیوانی هەرێمی، حكومەت و ھێزی ئەمنی و سامانی وڵاتەكەمانی لەبەردەستدایە و ئەمانەشی ھەموی بەكارهێناوە و بەكاری دەیهێنێت بۆ درێژەدان بەدەسەڵاتی خۆی و تێكشكاندنی پرۆژە سیاسیەكەی نەوشیروان مستەفا. ئەوان كار بۆ ئەوە دەكەن كەخەڵك بێ ئومێد بێت لە پرۆسەی ھەڵبژاردن و خەباتی مەدەنی، و زۆرترین سوود لە نەچوونی خەڵك وەرئەگرن بۆ دەنگدان. بەشداریی نەكردن لە هەڵبژاردن و دەنگ نەدان دەبێتە هۆی مانەوەی ئەم دەسەڵاتە نادادپەروەرە. بۆیە پێویستە هەموومان بەو پەڕی ئومێد و بەگڕوتینەوە بچین بۆ دەنگدان، كە تەنها نیو كاتژمێر لە كاتمان دەبات.

‏‎ ھاوڵاتیانی خۆشەویست،
‏‎ئەگەر دەنگ نەدەن، ئەوەی كە بە هەشت ساڵی خەباتی مەدەنی دەستمانكەوتوە بە ڕۆژێك لە دەستی ئەدەین. ئەوەی نەوشیروان مستەفا خەباتی بۆ كردوە شكست دەهێنێت، نەچونی ئێوە بۆ دەنگدان، سزادانی دەسەڵات نییە، بەڵكو سزادانی خۆتانە بە پلەی یەكەم و سزادانی بزوتنەوەكەتانە كەتاكە هیوای خەڵكە و بەدیلی نییە و هەروەها لاواز كردنی پڕۆژەی سیاسی بزوتنەوەی گۆڕانە كە بەرهەمی تێكۆشانی ئێوە و خەڵكی كوردستان و نەوشیروان مستەفایە كە ھەموو تەمەنی خۆی بۆ خزمەتی خەڵكی كوردستان تەرخانكردبوو.

‏‎بزوتنەوەی گۆڕان تەنها بە ٢٤ كورسی پەرلەمانی كوردستانەوە، كە كەمینەیە، توانیویەتی دەسكەوتی سیاسی گەورەی ھەبێت، توانیویەتی ڕێگری لە تێپەڕینی دەستورێكی خراپ بكات و نەهێڵێت سەرۆكی ھەتا ھەتایی دروست بێت، ھەمووشی بێ بەكارھێنانی چەك و لە ڕێگای خەباتی مەدەنی و پەرلەمانیەوە، ئەگەر چەند كورسییەكی زیاترمان ھەبوایە ئەمانتوانی زۆر كێشە چارەسەر بكەین، بەتایبەتیش گۆڕینی سیستمی حكومڕانی هەرێم.
‏‎بزوتنەوەی گۆڕان لە پێناو بەدیهێنانی داواكارییەكانی خەڵك و پابەندبونی بە بەڵێنەكانی، قوربانیدا بە ھەمو پلەو پۆستەكانی لە حكومەتی ھەرێم و سەرۆكایەتی پەرلەمان، چونكە ئامانجی بزوتنەوەی گۆڕان گۆڕانكاری و خزمەتكردنی خەڵكە، نەك دەسەڵات و پۆست.

‏‎ھاونیشتیمانیانی بەڕێز،
‏‎ڕێگە مەدەن دەسەڵات یاری بە دوا رۆژی ئێوە بكات، ڕێگە مەدەن دەسەڵات ئیرادەتان بشكێنێت، ڕێگە مەدەن بە بێ ئامادەیی خۆتان دەنگی ئێوە پڕ بكەنەوە، ھەتا خەڵك زیاتر بچن بۆ دەنگدان، كەمتر دەرفەتی گزی ئەبێت، چونكە ئەم جارە دەنگدان پێچەوانەی ۱۲ی ٥ی ۲٠۱۸ ئەلیكترۆنی نیە و بە دەست دەنگەكان دەژمێردرێن. هەمان رۆژ ئەنجامەكان رادەگەیەندرێن.

‏‎نەوشیروان مستەفا خۆی ئەڵێت شاڕێی گۆڕانكاری سندوقەكانی دەنگدانە و ئەم رێگایەش سەختە و پڕە لەهەوراز و نشێوی و بەربەست. بزوتنەوەی گۆڕان ئاڵاهەڵگری خەباتی مەدەنی و چاكسازی و گۆڕانكارییە و خەباتی مەدەنیش رێگەیەكی درێژە و پێویستی بە ئیرادەیەكی بەردەوام و پشودرێژییە. بۆیە نابێت بێ ئومێد بین لە پرۆسەی ھەڵبژاردن و گۆڕانكاری.

‏‎بە دەنگدانی ئێوە دەتوانین بەردەوامی بە ڕێبازەكەی نەوشیروان مستەفا و خەباتی پەرلەمانی بدەین. نابێت رێگا بدەین دەسەڵات و شاگردەكانیان شكست بە خەباتی مەدەنی بھێنن و لەشەڕی ناو پەرلەمانەوە جارێكیتر بمانبەنەوە بۆ شەڕی ناوخۆ، سزای خۆتان و بزوتنەوەكەتان مەدەن، سزای ئەم دەسەڵاتە فاشلە گەندەڵە بدەن.

‏‎داواكاین لە رۆژی دەنگداندا، بە دەنگەكانتان وڵامی داخستنی پەرلەمان بدەنەوە…. بە دەنگەكانتان تۆڵەی قەیرانی سیاسی و ئابوری و برینی موچەكانتان بكەنەوە …. بەدەنگەكانتان تۆڵەی لەدەستدانی لە ٥١% خاكی هەرێمی كوردستان بكەنەوە…. بە دەنگەكانتان تۆڵەی تەزویر و توندوتیژی بكەنەوە.

‏‎لە ۳٠ی ۹ی ۲٠۱۸ بەشداری هەڵبژاردن بكەن و دەنگ بدەن بە لیستی ژمارە ۱٤۸ی بزوتنەوەی گۆڕان. دەنگ بدەن بۆ گۆڕانكاری، دەنگ بدەن بۆ سەرخستنی ئیرادەی راستەقینەی خەڵك، دەنگ بدەن بۆ ئاسودەكردنی رۆحی نەوشیروان مستەفا.

لەگەڵ رێز و حورمەتمان.

نما نەوشیروان مستەفا
هەڵسوڕاوی بزوتنەوەی گۆڕان

چیا نەوشیروان مستەفا
هەڵسوڕاوی بزوتنەوەی گۆڕان

۲٦ی ۹ی ۲٠۱۸
سلێمانی

جیهان

ڤیدیۆ.. مەزڵوم كۆبانێ‌ بۆ وەزیری بەرگری ڕوسیا: تێبینیمان لەسەر چەند خاڵێكی ڕێككەوتنەكەى سوچی هەیە

خەڵك – بەشی هەواڵ

لە كۆنفڕانسێكی ڤیدیۆییدا لەگەڵ وەزیری بەرگری ڕوسیا، فەرماندەی گشتی هێزەكانی سوریای دیموكرات (هەسەدە) ڕایدەگەیەنێت، تێبینیمان لەسەر چەند خاڵێكی ڕێككەوتنەكەی نێوان ڕوسیا و توركیا هەیە.

كەناڵی (ڕوسیا تودەی)بڵاویكردەوە، لە كۆنفڕانسێكی ڤیدیۆییدا مەزڵوم كۆبانێ‌ فەرماندەی گشتی هێزەكانی سوریای دیموكرات (هەسەدە) لەگەڵ سێرگی شویگۆ سوپاسالاری ڕوسیا و ڤالیری گیراسیمۆڤ تاووتوێی دواپێشهاتەكانی ڕۆژئاوای كوردستان (باكووری ڕۆژهەڵاتی سوریا) یان كردووە و گفتوگۆیان لەبارەی ڕێككەوتنەكەی سوچی لە نێوان ڤلادیمیر پۆتن سەرۆكی ڕوسیا و ڕەجەب تەیب ئەردۆغان سەرۆكی توركیا كردووە، كە دوێنێ‌ سێ شەممە 22/10/2019 ئەنجامدرا.

لەوبارەیەوە، مەزڵوم كۆبانێ‌ ڕاگەیاند:”سوپاسی ڤلادیمیر پوتن سەرۆكی ڕوسیا و حكومەتی ڕوسیای فیدڕاڵ دەكەین سەبارەت بە جەختكردنەوەیان لە ڕاگرتنی شەڕ لە ناوچەكانمان و پاراستنی گیانی هاووڵاتیانی سڤیل لەو نەهامەتیانەی كە چاوەڕێیانی دەكرد”.

مەزڵوم كۆبانێ‌ ئاماژەی بەوەشدا، تێبینییان لەسەر چەند خاڵێكی ڕێككەوتنەكە هەیە، پێویستە ئەو خاڵانە گفتوگۆی زیاتری لەبارەوە بكرێت بەمەبەستی لیكنزیكبوونەوەی بۆچوونەكان.

 

إلى الرأي العامأجرى وزير الدفاع الروسي السيد سيرغي شويغو و رئيس أركان الجيش الروسي السيد فاليري غيراسيموف اتصالا متلفزا مع القائد العام لقوات سوريا الديمقراطية الجنرال مظلوم عبدي تباحث فيه الطرفان ما تمخض عن اتفاقية سوتشي بين الرئيس الروسي السيد فلاديمير بوتين و الرئيس التركي رجب طيب أردوغان الذي انعقد في منتجع سوتشي يوم (22 تشرين أول الجاري).و قد أعرب القائد العام لقوات سوريا الديمقراطية ، عن شكره للرئيس فلاديمير بوتين و روسيا الاتحادية لحرصهم على العمل لنزع فتيل الحرب في مناطقنا و تجنيب المدنيين من ويلاتها.كما أعرب القائد العام عن تحفظه على بعض بنود الاتفاق و التي تحتاج إلى نقاشات و حوارات بغية تقريب وجهات النظر.القيادة العامة لقوات سوريا الديمقراطية23/تشرين الأول/2019

Posted by ‎قوات سوريا الديموقراطية‎ on Wednesday, October 23, 2019

بەردەوام بە لە خوێندنەوە

جیهان

ئیلهام ئەحمەد لە كۆنگرێس: توركیا قەتلوعامی كردووە

خەڵك – بەشی هەواڵ

سەرۆكی جێبەجێكاری ئەنجومەنی سوریای دیموكرات لە كۆنگرێسی ئەمریكاوە ڕایدەگەیەنێت: توركیا قەتلوعامی كردووەو جیاوازی لە نێوان پێكهاتەكان نەكردووە.

ئیلهام ئەحمەد سەرۆكی جێبەجێكاری ئەنجومەنی سوریای دیموكرات ، لە میانەی وتارێكیدا لەبەردەم لیژنەی ئاسایشی كۆنگرێسی ئەمریكا ڕایگەیاند:”سوپاسی كۆنگرێس دەكەم بۆ ئەو دەرفەتە، من لە سوریاوە هاتم ، ماوەی چەند ساڵیكە لە سوریا شەڕێكی سەخت بەڕێوەدەچێت و لەو ماوەیەدا ژیانێكی سەختمان بەڕێكرد، گەلانی ئێمە كورد و عەرەب و توركمان و كریستیانەكان بەشێكی بەرچاویان لە سوریا ئازاد كرد”.

سەرۆكی جێبەجێكاری ئەنجومەنی سوریای دیموكرات وتیشی، هیواداربووین لەدوای شەڕی داعش ژیانێكی ئارام بەسەر بەرین، چونكە لەشەڕی داعشدا 11 هەزار شەهیدمان پێشكەش بەخاك و نیشتمان كرد و 25 هەزار شەڕڤانمان بریندار بوو.

ئیلهام ئەحمەد ئاماژەی بەوەشدا، سوپاسی ئەمریكا دەكەین لەو شەڕەدا هاوكارمان بوو، ئەمریكا بە ئێمەی وت تا داعش مابێت ئێمە لە پشتتان دەبین و هاوكارتان دەبین، بەڵام كاتێك (عەفرین) كەوت وتیان سەربازمان كەمبوو لەو ناوچەیە، بۆیە ناتوانین یارمەتی بدەین و وتیان لە كوێ‌ هێزمان هەبوو ڕێگە نادەین هێرش بكرێتە سەرتان. بەڵام، بەداخەوە ڕۆژێك پێش هێرشەكەی توركیا بۆ سەر ڕۆژئاوای كوردستان (باكووری ڕۆژهەڵاتی سوریا) دۆناڵد ترەمپ سەرۆكی ئەمریكا لە پەیوەندییەكی تەلەفۆنیدا بە ڕەجەب تەیب ئەردۆغان سەرۆكی توركیای ڕاگەیاندووە، ئێمە پاشەكشە دەكەین. لەو كاتەدا ئێمە ئێمە تووشی شۆك بوین، بەڵام لە هەمان كاتدا كۆڵمان نەدا و شەڕمان كرد.

ئیلهام ئەحمەد ئەوەشیخستەڕوو، لەو هێرشانەی توركیادا بۆ سەر ڕۆژئاوای سوریا 250 كەسی سڤیل كوژراون كە ژمارەیەكی زۆریان منداڵ بوون، شاری سەرێكانی بە تەواوی وێران بووە بەهۆی هێرشەكانی توركیاوە، سیاسەتمەدارمان كوژران كە یەكێك لەوانە (هێڤین خەڵەف)ە، توركیا تیرۆریستانەكانی بەكارهێناوە بۆ كوشتنی ئێمە و چەكی كیمیایی و چەكی فۆسفۆڕی بەكارهێناوە لە دژمان، داعشەكان بەناوی سوپای ئازادی سوریا بە هاوپەیمانی توركیا لەدژمان شەڕ دەكەن. وتشیی، ئێمە سوێند دەخۆین، ئەوەی توركیا دەیڵێت ڕاست نییە، ئەوەی دەگوزەرێت داعش دەیكات، بەڵام لە ژێر ناوێكی تر.

سەرۆكی جێبەجێكاری ئەنجومەنی سوریای دیموكرات لەو كۆبوونەوەیەی كۆنگرێسی ئەمریكادا ئاشكرایكرد، لە هێرشەكانی توركيا بۆ سەر ڕۆژئاوای كوردستان (باكووری ڕۆژهەڵاتی سوریا) 160 خێزانی داعش ڕایانكردووە و لە نێویاندا، 6 كەسیان فەڕەنسایین و 2ی تریشیان بەلژیكایی و 10ی تریشیان ناسنامەیان دیار نییە.

ئیلهام ئەحمەد هۆشداریشیدا، دۆخێكی ترسناك هەیە و جارێكی تر ئەمریكا و جیهان لە مەترسیدایە، چونكە یەكێك لەو كەسانەی كە تۆمەتبارە لە ئەنجامدانی تەقینەوەكەی نیویۆرك لای ئێمە زیندانی بوو و بەهۆی هێرشەكانی توركیاوە لە ئێستادا لە زینداندا ڕایكردووە، وتیشی، سەرەڕای ئەوەی لە ئێستادا جوگرافیای خاكی ئێمە دابەش بووە، دوێنێ‌ تەرمی شەڕڤانێكی ئێمە كە لە ڕووبەڕووبوونەوەكاندا شەهید بووە و كەوتووەتە دەستی هاوپەیمانانی سوپای توركیا تەرمەكەیان شێواندووە، ( لەگەڵ ئەو وتانەیدا وێنەی ڕووداوەكەی پیشانی ئامادەبوواندا).

بەردەوام بە لە خوێندنەوە

کوردستان

هاووڵاتیەكی كورد بە تەقەی هێزەئەمنییەكان كوژرا

خەڵك – بەشی هەواڵ
ڕێكخراوی مافی مرۆڤی هەنگاو ڕایدەگەیەنێت، ئێوارەی ئەمڕۆ هێزە ئەمنییەكانی ئێران لە شاری جوانڕۆ سەر بە پارێزگای كرماشان تەقەیان لە ئۆتۆمبێلی كاسبكارێكی كورد كرد و بەو هۆیەوە شۆفێرەكەی گیانی لەدەستدا .

ڕێكخراوی مافی مرۆڤی هەنگاو لە ڕاگەیەنراوێكدا، كە وێنەیەكی بۆ (خەڵك) نێردراوە ڕایگەیاندووە، ئێوارەی ڕۆژی چوارشەممە 23-10-2019 هێزەئەمنییەكانی ئێران ئۆتۆمبێلی كاسبكارێكی كوردیان كە باری ”مێوژ“ی پێ بووە داوەتە بەر دەستڕێژی گوللە.

ئاماژە بۆ ئەوەشكراوە، بەهۆی دەست ڕێژی گوللەوە شۆفێری ئۆتۆمبێلەكە بە ناوی نامدار ساڵح زادە گیانی لە دەستداوە.

بەردەوام بە لە خوێندنەوە

کوردستان