ئێمە لە تۆرە کۆمەڵایەتیەکان

کوردستان

(خەڵك) زانیاری لەسەر كۆبوونەوەی بەرهەم ساڵح‌و لایەنە عێراقییەكان ئاشكرا دەكات


خەڵك-بەشی هەواڵ

بە نوێنەرایەتی چوار لایەنی خاوەن كورسی لە هەرێمی كوردستان، بەرهەم ساڵح سەرۆكی هاوپەیمانی بۆ دیموكراسی و دادپەروەری سەردانی بەغدای كرد و بەپێی زانیارییەكانیش كاریگەری لەسەر تەواوكردنی رێژەی یاساییكۆبوونەوەی پەرلەمانی عێراق هەبووە.

سەرچاوەیەك كە نەیویست ناوی ئاشكرا بكرێت بە (خەڵك)ی راگەیاند، بەرهەم ساڵح تەواوی هەوڵەكانی لە بەغدا بۆ ئەوە بووە ساختەكارییەكانی هەڵبژاردنەكانی عێراق نەچێتەسەرو هەموو رێكارێكیشی بۆ ئەو مەبەستە گرتوەتەبەر.

ئەو سەرچاوەیە ئاشكراشیكرد، ناوبراو لەگەڵ سەرجەم قەوارەو لایەنە سیاسییەكانی عێراق كۆبووەتەوە تاكو پەرلەمانتارەكانیان بنێرنە پەرلەمان بۆ ئەوەی رێژەی یاسایی بۆ كۆبونەوە نائاساییەكەی پەرلەمان پێك بهێنن.

لای خۆشییەوە عوسمان عەبدوڵڵا گوڵپی ئەندامی ئەنجومەنی بەڕێوەبردنی هاوپەیمانی بە (خەڵك)ی راگەیاند، بەرهەم ساڵح وەك سەرۆكی قەوارەی هاوپەیمانی بە نوێنەرایەتی ئەو چوار لایەنەی هاوهەڵوێست بوون و خاوەنی كورسین لە پەرلەمانی عێراق لەگەڵ هێزە سیاسیەكانی عێراق كۆبووەتەوەو هەنگاوەكانیشی لەچوارچێوەی ئەو هەنگاوانەیە كە رێگاكان بگرنەبەر بۆ ئەوەی ساختەكاریەكان نەچێتەسەرو ئەو كەسانەشی دەستیان لە ساختەكاریەكاندا هەبووە رووبەرووی یاسا ببنەوە تاكو متمانە بۆ پڕۆسەی هەڵبژاردن‌و دیموكراسی بگەڕێتەوە.

وتیشی، بەرهەم ساڵح كاریگەری هەبووە لەسەر كۆبونەوەی نائاسایی پەرلەمان و تەواوكردنی رێژەی یاسایی پەرلەمانتاران.

دوێنێی ئەنجومەنی نوێنەرانی عێراق لە كۆبونەوەیەكی نائاساییدا كارەكانی كۆمسیۆنی هەڵبژاردنەكانی عێراقی هەڵپەسارد و 9 دادوەری لە بری كۆمسیاران دیاری كرد تاكو كارەكانی كۆمسیۆن رایی بكەن.

کوردستان

تووشبوویەكی دیكەی ڤایرۆسی كۆرۆنا گیانی لەدەستدا


خەڵك-بەشی هەواڵ

وەزارەتی تەندروستی ڕایدەگەیەنێت، تووشبوێكی دیكەی ڤایرۆسی كۆڕۆنا گیانی لەدەستدا …

وەزارەتی تەندروستی حكومەتی هەرێمی كوردستان لە ڕاگەیەنراوێكدا ئاماژە بۆ ئەوە دەكات، تووشبوویەكی نەخۆشی ڤایرۆسی كۆڕۆنای نوی COVID19 پیاو تەمەن 51 ساڵ، دانیشتووی قەزای دەشتی هەولێر/ بنەسڵاوە، هەڵگری نەخۆشی دیكەی كوشندە، بەهۆی بوونی نیشانەكانی نەخۆشی بەتوندی و توشبوونی بە ڤایرۆسی كۆڕۆنای نوێ COVD-19 لە 5/27 لە نەخۆشخانە خەوێندرا، دوای مانەوەی پێنج ڕۆژ لە بەشی چاودێری چڕ لە نەخۆشخانە گیانی لەدەستدا.

بەردەوام بە لە خوێندنەوە

کوردستان

مامۆستایانی ناڕازی: داواكارین تەواوی خەڵكی بڕژێنە سەرشەقامەكان


خەڵك-بەشی هەواڵ

 

ئەنجومەنی مامۆستایانی ناڕازی ڕایدەگەیەنێت، وەك هەمیشە بەشدار و پشتیوانی هەموو جۆرە خۆپیشاندان و ناڕازەیەتیەك دەبین.

ئەنجومەنی مامۆستایانی ناڕازی لە ڕاگەیەنراوێكدا ئاماژە بۆ ئەوە دەكات، داواكارین لەم ڕۆژانە تەواوی خەڵكی بڕژێنە سەرشەقامەكان و پەیامی توڕەیی و ناڕەزایی بدەن بەگوێی ئەم دەسەڵاتە ستەمكار و بێ باكەدا تا ناچاریان بكەین بیرێك لەژیان و بژێوی خەڵك بەگشتی و مووچەخۆرانی ڕاستەقینە بەتایبەت بكەنەوە.

ئاشكراشیدەكات، با چیتر یاری بەژیان و چارەنووسی خەڵكی زەحمەتكێشی ئەم هەرێمەوە نەكەن.

جەخت لەوەش دەكاتەوە، وەك هەمیشە بەشدار و پشتیوانی هەموو جۆرە خۆپیشاندان و ناڕازەیەتییەك دەبین كە بۆ گێڕانەوەی مافی خوراو شكۆی هاونیشتیمانیان بێت.

شەوی ڕابردوو بەهۆی جێبەجێكردنی بڕیاری قەدەغەی هاتوچۆ بەشێكی لە هاووڵاتیانی ڕانیە و قەلادزێ و دەربەندیخان دەستیان بە خۆپیشاندان كرد.

بەردەوام بە لە خوێندنەوە

کوردستان

هەڵسەنگاندن بۆ بڕیاری قەدەغەی هاتوچۆ و ڕێكارەكانی بەرەنگاربوونەوەی كۆرۆنا دەكرێت


خەڵك-بەشی هەواڵ

 

ئەمڕۆ وەزارەتە پەیوەندیدارەكانی حكومەتی هەرێمی كوردستان هەڵسەنگاندن بۆ مەترسییەكانی كۆرۆنا و قەدەغەی هاتوچۆ و ڕێكارەكانی بەرەنگاربوونەوەی ڤایرۆسەكە دەكەن.

بەپێی زانیارییەكان، ئەمڕۆ سێ شەممە 2-6-2020 لە دیوانی وەزارەتی ناوخۆ، كۆبوونەوەیەك دەربارەی مەترسییەكانی ڤایرۆسی كۆرۆنا بە سەرپەرشتی ڕێبەر ئەحمەد وەزیری ناوخۆ و بە ئامادەبوونی وەزیری تەندروستی و پارێزگارەكان و بەرپرسی ئیدارە سەربەخۆكان و بەڕێوەبەری گشتی تەندروستی لە پارێزگا و ئیدارە سەربەخۆكان بەڕێوەدەچێت.

هەر بەپێی زانیارییەكان، لایەنە پیوەندیدارەكان، مەترسییەكانی شەپۆلی دووەمی ڤایرۆسی كۆرۆنا خوێندنەوەی بۆ دەكرێت و هەڵسەنگاندن بۆ بڕیاری قەدەغەی هاتوچۆ و ڕێكارەكانی بەرەنگاربوونەوەی كۆرۆنا دەكرێت لە هەرێم.

ئەمەش لەكاتێكدایە شەوی ڕابردوو بەهۆی قەدەغەی هاتوچۆوە لە چەند شارێكی هەرێمی كوردستان خۆپیشاندان ئەنجامدرا.

بەردەوام بە لە خوێندنەوە

کوردستان