ئێمە لە تۆرە کۆمەڵایەتیەکان

کوردستان

پۆلیسی سلێمانی: 21 تۆمەتبار دەستگیركران

خەڵك- بەشی هەواڵ
پۆلیسی سلێمانی دەڵێت، هێزەكانی بنكەی پۆلیسی سەرچنار 21 تۆمەتباریان دەستگیركردووە، بەشێك لەو تۆمەتبارانە لەساڵانی رابردوودا فەرمانی دەستگیركردنیان هەبووە.

بەشی راگەیاندن و پەیوەندییەكانی بەڕێوەبەرایەتی پۆلیسی پارێزگای سلێمانی لە راگەیەندراوێكیدا دەڵێت” لەماوەی 4 رۆژی رابردوودا هێزەكانی بنكەی پۆلیسی سەرچنار 21 تۆمەتباریان دەستگیركردووە كە پێشتر فەرمانی دەستگیركردنیان هەبووە بەپێی ماددەكانی ( 405-31 ، 406-31 ، 431 ، 343 ، 453 و 21 ی چەك) و لەلایەن دادگاوە داواكراو بوون”.

بە وتەی پۆلیسی سلێمانی”بەشێك لەو تۆمەتبارانە فەرمانی دەستگیركردنیان هەبووە لەساڵانی (2013 و 2014 و 2015 ) و لەچەندین بنكەی سەر بە بەڕێوەبەرایەتی پۆلیسی پارێزگای سلێمانی و بە پێی چەند ماددەیەك داواكراو بوون، بۆیە هێزەكانی بنكەی پۆلیسی سەرچنار بە هاوكاری هێزەكانی پۆلیسی كەلار تۆمەتبارێكیان لە شارۆچكەی كەلار دەستگیركرد كە پێشتر لەلایەن بنكەی پۆلیسی سەرچنارەوە لەساڵی 2014 ەوە داواكراو بووە.

هەر بەپێی راگەیەندراوەكە”لە هەڵمەتی دەستگیركردنەكاندا، دەست بەسەر سەرجەم ئەو چەكانەدا گیراوە كە لەو رووداوانەدا بەكارهاتوون، لەئێستاشدا بەفەرمانی دادوەر سەرجەم تۆمەتبارەكان راگیراون”.

کوردستان

شەنگال.. ئۆتۆمبێلێكی بۆمبڕێژكراو تەقییەوە

خەڵك – بەشی هەواڵ

ئۆتۆمبێلێكی بۆمبڕێژكراو لە باكووری شەنگال تەقییەوە.

بەپێی زانیارییەكان، كاتژمێر 9:30 خولەكی‌ ئەمشەو ئۆتۆمبێلێكی بۆمبڕێژكراو لەجۆری ئۆپڵ لە باكووری شەنگال تەقییەوە.

تەقینەوەكە كیلۆمەترێك لە مەزارگەی شێخ شەرەفەدین دوورە و تا ئێستا زیانەكانی ئەو تەقینەوەیە ئاشكرا نەكراوە.

پاش ڕووداوەكەش هێزە ئەمنییەكان گەیشتوونەتە ناوچەكە و لێكۆڵینەوە لە ڕووداوەكە دەستیپێكردووە.

بەردەوام بە لە خوێندنەوە

کوردستان

سلێمانی.. مامۆستایانی ناڕازی و ئەنجومەنی فشار و مامۆستایانی زانكۆ هەڵوێست ڕادەگەیەنن

خەڵك – بەشی هەواڵ

مامۆستایانی ناڕازی و ئەنجومەنی فشار و مامۆستایانی زانكۆ و پەیمانگاكان لە ئاگادارینامەیەكدا ڕایدەگەیەنن، سبەینێ‌ دووشەممە ڕێكەوتی 21/9/2020 كاتژمێر 11ی پێش نیوەڕۆ لە بەردەم پەروەردەی ڕۆژئاوا، ئەنجومەنی فشار، مامۆستایانی ناڕازی، مامۆستایانی زانكۆ و پەیمانگاكان، بەیەكەوە لەكۆنگرەیەكی ڕۆژنامەوانیدا هەڵوێستی هاوبەش ڕادەگەیەنن.

مامۆستا دڵشاد بابانی ئەندامی ئەنجومەنی فشار بە (تۆڕی میدیایی خەڵك)ی ڕاگەیاند، سبەینێ‌ لەو كۆنفڕانسە ڕۆژنامەوانییەدا ڕاگەیەنراوێكدا بۆ ڕای گشتی بڵاودەكەنەوە لە هەمان كاتدا چەند داواكارییەك دەخەنەڕوو.

مامۆستا دڵشاد بابانی وتیشی، لەو كۆنفڕانسە ڕۆژنامەوانییەدا بە هەماهەنگی لەگەڵ مامۆستایانی ناڕازی و مامۆستایانی زانكۆ و پەیمانگاكان وادەی ئەنجامدانی خۆپیشاندانی سەرتاسەری ڕادەگەیەنن.

بەردەوام بە لە خوێندنەوە

کوردستان

هاوسەری جەعفەر شێخ مستەفا جێگری سەرۆكی هەرێم كۆچی دوایی كرد

خەڵك – بەشی هەواڵ

كەمێك پێش ئێستا پرشنگ ڕەشید عەبدولكەریم خێزانی شێخ جەعفەر شێخ مستەفا جێگری سەرۆكی هەرێمی كوردستان كۆچی دوایی كرد.

بەردەوام بە لە خوێندنەوە

کوردستان