ئێمە لە تۆرە کۆمەڵایەتیەکان

ناوخۆیی

عیراق ده‌بێته‌ چواره‌م باڵی (خولی دۆستانه‌ی سعودیه‌) و مانگی داهاتو ڕووبه‌ڕوی به‌رازیل و ئه‌رجه‌نتین ده‌بێته‌وه‌

خه‌ڵک سپۆرت

یه‌کێتی تۆپی پێی عیراق ڕه‌زامه‌ندی نیشانداوه‌ هه‌ڵبژارده‌ی وڵاته‌که‌ی‌ به‌شداری (خولی دۆستانه‌ی سعودیه‌) بکات‌، بڕیاریشه‌ ‌مانگی داهاتو ڕووبه‌ڕوی سێ هه‌ڵبژارده‌ی گه‌وره‌ ببنه‌وه‌.

تورکی ئال شێخ سه‌رۆکی ده‌سته‌ی وه‌رزشیی شانشینی سعودی له‌کۆنگره‌یه‌کی ڕۆژنامه‌وانیدا ڕایگه‌یاندووه‌، یه‌کێتی تۆپی پێی عیراق ڕه‌زامه‌ندی نیشانداوه‌ به‌شداری به‌ هه‌ڵبژارده‌ی عیراق بکات له‌ (خولی دۆستانه‌ی چوار هه‌ڵبژارده‌یی سعودیه‌)، که‌ خولێکی دۆستانه‌یه‌ و له‌نێوان چوار هه‌ڵبژارده‌ی گه‌وره‌دا ئه‌نجام بدرێت.

خوله‌که‌ له‌لایه‌ن یه‌کێتی تۆپی پێی سعودیه‌وه‌ ڕێکده‌خرێت و هه‌ردوو هه‌ڵبژارده‌ی به‌رازیل و ئه‌رجه‌نتین له‌ ئه‌مریکای لاتینه‌وه‌ ڕه‌زامه‌ندیان نیشانداوه‌ به‌شداری تێدا بکه‌ن، کۆتا هه‌ڵبژارده‌ش وه‌ک جه‌مسه‌ری چواره‌م په‌یوه‌ندی به‌ خوله‌که‌وه‌ کرد هه‌ڵبژارده‌ی “شێره‌کانی ڕافیده‌ین” بوو.

له‌م باره‌یه‌وه‌ یه‌کێتی تۆپی پێی عیراق له‌تۆڕی کۆمه‌ڵایه‌تی “تویته‌ر”ه‌وه‌ بڵاویکردۆته‌وه‌: هه‌ڵبژارده‌ی وڵاته‌که‌مان مانگی داهاتو ڕووبه‌ڕوی ئه‌رجه‌نتین و سعودیه‌ ده‌بێته‌وه‌ وه‌ک ئاماده‌کارییه‌ک بۆ پاڵه‌وانێتی ئاسیا.

به‌پێی ئه‌و زانیارییانه‌ی له‌ میدیا سعودیه‌کانه‌وه‌ بڵاوده‌کرێنه‌وه‌، ئه‌م خوله‌ دۆستانه‌یه‌ له‌ژێر چاودێری یه‌کێتی تۆپی پێی سعودیه‌ ئه‌نجام ده‌درێت و تیایدا هه‌ڵبژارده‌کانی عیراق و سعودیه‌ رووبه‌ڕوی ئه‌رجه‌نتین و به‌رازیل ده‌بنه‌وه‌، هه‌روه‌ها دوو زه‌به‌لاحه‌که‌ی ئه‌مریکای لاتین به‌هه‌مان شێوه‌ له‌کلاسیکۆیه‌کی نوێدا ڕووبه‌ڕوی یه‌کتر ده‌بنه‌وه‌.

یه‌که‌م ڕووبه‌ڕوبونه‌وه‌ له‌ڕێکه‌وتی ١٢/١٠ له‌نێوان سعودیه‌ و به‌رازیل ئه‌نجام ده‌درێت، له‌ ١٦ی هه‌مان مانگ به‌هه‌مان شێوه سعودیه‌کان‌ له‌شاری (جه‌دده‌) ڕووبه‌ڕوی ئه‌رجه‌نتین ده‌بنه‌وه‌.

ناوخۆیی

یه‌كێتی تۆپی پێی كوردستان چه‌ند بڕیار و راسپارده‌یه‌كی نوێی ده‌ركرد

خوڵک – یه‌کێتی تۆپی پێی کوردستان

ئه‌مڕۆ شه‌ممه‌ 2018/12/15 به‌ ئاماده‌بوونی سه‌رۆك و جێگری سه‌رۆك و سه‌رجه‌م ئه‌ندامه‌كانی، یه‌كێتی تۆپی پێی كوردستان كۆبوونه‌وه‌ی ئاسایی خۆی كرد و، چه‌ند بڕیار و راسپارده‌یه‌كی نوێی ده‌ركرد، كه‌ ئه‌مانه‌ی خواره‌وه‌ بوون:

1- هیچ یانه‌یه‌ك بۆی نییه‌ له‌ ده‌ره‌وه‌ی شار و پارێزگه‌كه‌ی خۆی یاری ئه‌نجام بدات، ته‌نیا به‌ بڕیاری گواستنه‌وه‌ و سزادان نه‌بێت.

2- ئاگاداری یانه‌ی ده‌ربه‌ندیخان ده‌كه‌ینه‌وه‌، پێویسته‌ شوێنی تایبه‌ت و شیاو بۆ میدیاكارانی وه‌رزشی دابین بكەن، چونكه‌ به‌ هیچ شێوه‌یه‌ك رێگه‌ نادرێت كامێرامان و رۆژنامه‌نووسان له‌ نێو یاریگه‌ ئاماده‌بن، ته‌نیا فۆتۆگرافه‌ری وه‌رزشی رێگه‌ پێدراون له‌ نێو یاریگه‌ بن، به‌ مه‌رجێك له‌ پشت گۆڵه‌كان جێگیر ده‌بن.

3- له‌ یاری نێوان خانه‌قین و خاك له‌ خولی پله‌یه‌كی كوردستان، به‌ هۆی ره‌خنه‌ گرتن و ناڕه‌زایی له‌ بڕیاری ناوبژیوان له‌ لایه‌ن (ئاراس حوسێن) راهێنه‌ری گۆڵپارێزانی یانه‌ی خانه‌قین بڕیاردرا به‌:

  • یاوه‌ری نه‌كردنی تیپه‌كه‌ی له‌ یاری داهاتوو.
  • غه‌رامه‌كردنی به‌ بڕی 250000 دوو سه‌د و په‌نجا هه‌زار دینار.

4- ئاگاداری یانه‌ی هه‌ڵه‌بجه‌ی شه‌هید ده‌كه‌ینه‌وه‌، پێویسته‌ له‌ یارییه‌كانی داهاتووی نێو یاریگه‌ی خۆیان، به‌ شێوه‌یه‌كی جوان و شایسته‌ ژووره‌كانی سه‌رپه‌رشتیاری یاری و ستافی ناوبژیوانان ئاماده‌ بكه‌ن، به‌ پێچه‌وانه‌وه‌ یارییه‌كانیان بۆ یاریگه‌یه‌كی دیكه‌ ده‌گوازرێته‌وه‌.

5- بڕیاردرا به‌ زیادكردنی (3) سێ یاریزان له‌ لیستی ناوی یاریزانانی یانه‌ پله‌یه‌كه‌كانی كوردستان، واته‌ لیستی یاریزانان ده‌بێته‌ (28) یاریزان، به‌ڵام ئه‌م بڕیاره‌ له‌سه‌ر یاریزانانی ده‌ره‌وه‌ی هه‌رێم جێبه‌جێ نابێت.

6- ئاگاداری سه‌رجه‌م سه‌رپه‌رشتیارانی یاری و ستافی ناوبژیوانانی كوردستان ده‌كه‌ینه‌وه‌، پێویسته‌ پێش ده‌ستپێكردنی یارییه‌كان به‌ وردی پشكنین بۆ یاریزانان بكه‌ن له‌ هه‌ر شتێك، كه‌ ببێته‌ هۆی برینداركردنی یاریزانان به‌ تایبه‌ت (نینۆك) ـی یاریزانان، هه‌روه‌ها پشكنین بۆ یاریزانانی یه‌ده‌گ بكرێت، كاتێك دێنه‌ نێو یاریگه‌ و یاری ده‌كه‌ن.

بەردەوام بە لە خوێندنەوە

ناوخۆیی

کاپتنی هه‌ڵبژارده‌ی عیراق له‌ ئینستاگرامه‌وه‌ په‌یامێکی توندی ئاڕاسته‌ی کاتانیچ کرد !

خه‌ڵک سپۆرت

سه‌عد عه‌بد ئه‌ل ئه‌میری ئه‌ستێره‌ی هه‌ڵبژارده‌ی عیراق وکاپیتانۆی پێکهاته‌که‌ بۆ کۆتا دوو ڕووبه‌ڕوبونه‌وه‌ی تاقیکاری بانگهێشت نه‌کراوه‌ و ئه‌وه‌ش توڕه‌یی یاریزانه‌که‌ی گه‌یاندۆته‌ ترۆپک.

سریچکۆ کاتانیچی ڕاهێنه‌ری سلۆڤینی هه‌ڵبژارده‌ی “شێره‌کانی ڕافیده‌ین” ناوی ٢٨ یاریزانی بۆ ڕووبه‌روبونه‌وه‌ دۆستانه‌کانی چین و فه‌له‌ستین ده‌ستنیشان کردووه‌، دواتریش ئه‌و ژماره‌یه‌ بۆ (٢٣ یاریزان) که‌م ده‌کرێنه‌وه‌ و کاریان له‌سه‌ر ده‌کات بۆ جامی ئاسیای ٢٠١٩، سه‌یر له‌وه‌دایه‌ ڕاهێنه‌ره‌که‌ سه‌عد عه‌بد ئه‌ل ئه‌میری کاپتنی پێشوی بانگهێشت نه‌کردووه‌، واتا ناوبراو ناتوانێت به‌شداری ئاسیای ٢٠١٩ بکات.

ئه‌م بڕیاره‌ی ڕاهێنه‌ر توڕه‌یی یاریزانه‌ ٢٦ ساڵه‌که‌ی یانه‌ی شورته‌ی گه‌یاندۆته‌ ترۆپک،‌ له‌ تۆڕی کۆمه‌ڵایه‌تی ئینستاگرامه‌وه‌ پۆستێکی کردووه‌ و نوسیویه‌تی: مێژوویه‌کی پاک، به‌ پۆخڵێک ناشاردرێته‌وه‌، چاوه‌ڕوانیش ده‌کرێت به‌هۆی ئه‌م په‌یامه‌ تونده‌وه‌ کێشه‌ به‌ته‌واوی بکه‌وێته‌ نێوان یاریزانه‌که‌ و ڕاهێنه‌ری نوێ.

سه‌عد عه‌بد ئه‌ل ئه‌میر له‌ڕووبه‌ڕوبونه‌وه‌ی پاڵه‌وانێتی چواری سعودی به‌رامبه‌ر هه‌ڵبژارده‌ی ئه‌رجه‌نتین دووچاری پێکان هات ومانگێک له‌یاریی کردن دابڕا، دواتر گه‌ڕایه‌وه‌ و به‌درێسی شورته‌وه‌ به‌شداری چالاکیه‌کانی ئه‌م وه‌رزه‌ی کرد، هه‌ندێک له‌ میدیا و ڕۆژنامه‌نوسان پێیان وایه‌ له‌دوای ئه‌و پێکانه‌ ئاستی دابه‌زیوه‌ بۆیه‌ ڕاهێنه‌ر بانگهێشتی نه‌کردووه‌.

بەردەوام بە لە خوێندنەوە

ناوخۆیی

٢٠٠٧ دووباره‌ ده‌که‌نه‌وه‌‌؟ ڕاهێنه‌ری عیراق هێرشبه‌ری زۆره‌ و به‌ده‌ست نه‌بونی “مایسترۆ”وه‌ ده‌ناڵێنێت !

خه‌ڵک سپۆرت

هانده‌رانی تۆپی پێی عیراق هیوا ده‌خوازن له‌ پاڵه‌وانێتی ئاسیای داهاتودا که‌ بڕیاره‌ له‌ ئیمارات ئه‌نجام بدرێت ئه‌نجامێکی گه‌وره‌ هاوشێوه‌ی ئاسیای ٢٠٠٧ به‌ده‌ست بهێنن، به‌ڵام پێکهاته‌ی سه‌رده‌می نوێ هاوشێوه‌ی سه‌رده‌می ڕابردو نییه‌.

ماڵپه‌ڕی “کوره‌” ئاشکرای کردووه‌، سریچکۆ کاتانیچی ڕاهێنه‌ری نوێی “شێره‌کانی ڕافیده‌ین” له‌ئێستادا خاوه‌نی چه‌ندین هێرشبه‌ری به‌توانای وه‌ک موهه‌نه‌د عه‌لی (میمی) هێرشبه‌ری یانه‌ی شورته‌ و موحه‌مه‌د داودی هێرشبه‌ری نه‌فته‌ که‌ وه‌ک باشترین یاریزانی هه‌ڵکوتوی ئاسیا بۆ ساڵی ٢٠١٦ ده‌ستنیشانکراوه‌، ئه‌م دوو گه‌وهه‌ره‌ نوێیه‌ش چانسی ئه‌وه‌یان هه‌یه‌ جێگه‌ی یونس مه‌حمودی ناسراو به‌ (السفاح) پڕ بکه‌نه‌وه‌.

سه‌رچاوه‌که‌ جه‌خت ده‌کاته‌وه‌، ئه‌وه‌ی سه‌ری کاتانیچی ڕاهێنه‌ری قاڵ کردووه‌ پێگه‌ی ناوه‌ندسازی مایسترۆیه‌ که‌ پێشتر پێگه‌ی نه‌شئه‌ت ئه‌کره‌م بووه‌.

سه‌رباری بونی چه‌ندین ئه‌ستێره‌ی وه‌ک حسێن عه‌لی یاریزانی یانه‌ی قه‌ته‌ری قه‌ته‌ری و مه‌هدی کاملی ئه‌ستێره‌ی یانه‌ی شورته‌، به‌ڵام ئه‌م دوو لاوه‌ هه‌رگیز توانای پڕکردنه‌وه‌ی که‌لێنی نه‌شئه‌تیان نییه‌ که‌ له‌ساڵی ٢٠٠٧ یه‌کێک بووه‌ له‌ باشترینه‌کانی کیشوه‌ری ئاسیا، ئه‌مه‌ له‌کاتێکدایه‌ که‌ جه‌ستن میرام به‌شداریکردنی یه‌کلایی بۆته‌وه‌، به‌ڵام له‌م پێگه‌یه‌شدا عه‌لی حه‌سنی و هومام تاریق و به‌شار ڕوسن ده‌توانن پێگه‌که‌ی پڕ بکه‌نه‌وه‌.

کێشه‌ی هه‌ڵبژارده‌ی شێره‌کانی ڕافیده‌ین ته‌نها له‌ پێگه‌ی ناوه‌ندی یاریگادا نییه‌، به‌ڵکو باڵه‌کانی به‌رگریش به‌هه‌مان شێوه‌ کێشه‌ی بۆ ڕاهێنه‌ره‌که‌ دروست کردووه‌.

تائێستا کاتانیچ چه‌ندین ناوی بانگهێشت کردووه‌ و سوره‌ له‌سه‌ر تاقیکردنه‌وه‌ی تواناکان، به‌ڵام له‌گه‌ڵ ئه‌وه‌شدا هیچکام له‌ بانگهێشتکراوان نه‌یانتوانیوه‌ پێگه‌که‌یان مسۆگه‌ر بکه‌ن، بۆیه‌ هه‌موو هیواکان به‌ڕووبه‌ڕوبونه‌وه‌کانی داهاتودا هه‌ڵواسراون به‌رامبه‌ر هه‌ڵبژارده‌کانی فه‌له‌ستین و چین تا بتوانن به‌شێوه‌یه‌کی یه‌کجاره‌کی پێگه‌ بۆشه‌کان پڕ بکه‌نه‌وه‌.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 85%, 33
    33 85%
    33 - 85% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 8%, 3
    3 8%
    3 - 8% هەموو دەنگەکان

کوردستان

دوایین