ئێمە لە تۆرە کۆمەڵایەتیەکان

عێراق

سەرۆك و دوو جێگر دەستنیشان دەكات
ئەمڕۆ پەرلەمانی عیراق كۆدەبێتەوە

خەڵك بەشی هەواڵ
وابڕیارە ئەمڕۆ پەرلەمانی عیراق كۆببێتەوە بۆ دەستنیشانكردنی دەستەی سەرۆكایەتی كە لە سەرۆكێك و دوو جێگر پێكدێت.

تائێستا لیستە براوەكانی هەڵبژاردن، هەڵوێستی خۆیان لەبارەی ئەو كاندیدانەوە رانەگەیاندووە كە بۆ سەرۆكایەتییەكانی (كۆمار- وەزیران- پەرلەمان) پێشكەش دەكرێن، ئەمەش ئامانجی دانیشتنەكەی ئەمڕۆ بێ‌ سود دەكات.

پێشتر موقتەدا سەدر رابەری رەوتی سەد كە سەركردایەتی هاوپەیمانی سائیرون دەكات رایگەیاندبوو، لەگەڵ (پیاوە گەورەكانی عیراق) گەیشتۆتە رێكەوتن بۆ كاندید كردنی ژمارەیەك كەسێتی سەربەخۆ و تەكنۆكرات بۆ سەرۆكایەتی وەزیران، ئاماژەی بە ئۆپۆزسیۆنبوونیش كردبوو، گەر ئەو ناوانە لەلایەن سیاسییەكانەوە رەتبكرێنەوە.

لە هەوڵەكانی دەستنیشانكردنی سەرۆكی پەرلەمانیش، هاوپەیمانی میحوەری نیشتمانی سوننەكان، محەمەد حەلبوسی بەشێوەی فەرمی بۆ سەرۆكایەتی پەرلەمان راگەیاندبوو، هاوكات پەرلەمانتارمحەمەد تەمیم لە كێبڕكێیە پاشەكشەی كرد و رایگەیاندبوو كە بەشێوەیەكی دیموكراتی و بەپێی ئەزمونی دەستاودەستپێكردنی ئاشتیانەی دەسەڵات كێبڕكێ‌ دەكات، خالید عوبەیدی كاندیدی هاوپەیمانی نەسریش لای خۆیەوە پێداگری كردبوو لەسەر چوونە نێو پێشڕكێكە و بەدەستهێنانی پۆستی سەرۆكی پەرلەمان.

سەبارەت بە پۆستی سەرۆك كۆماریش، دوێنێ‌ هەینی مشتومڕەكان سەرلەنوێ‌ لەنێوان لایەنە كوردستانییەكان دەستیانپێكردەوە، كە یەكێتیی نیشتمانیی كوردستان پۆستەكە بە پشكی خۆی دادەنێت، لەگەڵ ئەوەشدا هەندێك لە راپۆرتە رۆژنامەوانییەكان بەشێوەیەكی ناڕاستەوخۆ رەتیكردبۆوە یەكێتی لە گفتوگۆكانی لەو بارەیەوە لەگەڵ پارتی گەیشتبێتە ئەنجام.

عێراق

كازمی بۆ وەزارەتی ناوخۆ: ڕێز لە مافەكانی مرۆڤ بگرن

خەڵك – بەشی هەواڵ

سەرۆك وەزیرانی عیراق كە فەرماندەی گشتیی هێزە چەكدارەكانیشە سەردانی وەزارەتی ناوخۆی كرد و چەند ڕاسپاردەیەكی دەركرد.

لە سەردانەكەیدا مستەفا كازمی، فەرماندەی گشتیی هێزە چەكدارەكانی عیراق ڕایگەیاند: پیاوانی وەزارەتی ناوخۆ، نوێنەرایەتیی یاسا دەكەن، دەستدرێژیكردنەسەریان، مانای ئەوەیە دەستدرێژی كراوەتە سەر دەوڵەت.

مستەفا كازمی ڕاشیگەیاند: هێشتا هەلی ڕاستكردنەوەی هەڵەكان ماوە و دەكرێت هەڵەكان لەپێناو هەستانەوە ڕاستبكرێنەوە.

فەرماندەی گشتیی هێزە چەكدارەكانی عیراق دووپاتیشیكرەوە: ڕێگە بە گوشاری سیاسی لە حزب و كەسایەتییەكانەوە نادەن و بە كارمەندانی ناوخۆی ڕاگەیاند: ئەركیان پاراستنی هەمووانە بەبێ دەستتێوەردان لە كاروبارەكانیان.

مستەفا كازمی وەزارەتی ناوخۆی بۆ پاراستنی دۆخی هەڵبژاردنەكانی داهاتوو ڕاسپارد و داواشی لێكردن ڕێز لە مافەكانی مرۆڤ بگرن و پردی متمانە لەنێوان خۆیان و هاووڵاتیاندا دروست بكەن.

بەردەوام بە لە خوێندنەوە

عێراق

وێنە.. پەلامارێك بۆ سەر ناوچەی سەوزی بەغدا شكستی پێهێنرا

خەڵك – بەشی هەواڵ

شانەی ئەمنی‌ عیراق ئاشكرایكرد: لەسەر ڕێگەی خێرانی محەمەد قاسم لە باشووری بەغدا دەستیان بەسەر 7 گوللە كاتیۆشادا گرتووە كە ئامادەكرابوون ئاڕاستەی ناوچەی سەوزی بەغدا بكرێن.

شانەی ئەمنی‌ عیراق ئاماژەی بەوەشكردووە: هەر ئەمڕۆ گوللە كاتیۆشایەك لەناوچەی دۆرەوە ئاڕاستەی ناوچەی سەوز كراوە، بەڵام بەبێ هیچ زیانێكی مرۆیی كەوتووەتەخوارەوە و هیچ زیانێكی نەبووە. بەپێی زانیاریی میدیاكان دوای ئاڕاستەكردنی گوللە كاتیۆشاكە دەنگی تەقە بیستراوە و زەنگی ئاگادار كردنەوە لەباڵیۆزخانەكان لێدراوە.

لەسەرەتای ئەمساڵەوە بەتایبەت لەشەواندا گروپە چەكدارەكان لەدەوروبەری بەغداوە گوللە كاتیۆشا ئاڕاستەی ناوچەی سەوز و بەتایبەت باڵیۆزخانەی ئەمریكا دەكەن.

هاوكات بەردەوام هێزە ئەمنییەكان لەدەوروبەری بەغدا ئۆپراسیۆن بۆ دۆزینەوەی شوێنی ئاڕاستەكردن و دەستگیركردنی ئەنجامدەران ئەنجامدەدەن.

بەردەوام بە لە خوێندنەوە

عێراق

وێنە.. مستەفا كازمی چووە ناو خۆپیشاندانی دەرچووانی زانكۆ و پەیمانگاكان

خەڵك – بەشی هەواڵ

سەرۆك وەزیرانی عیراق بۆ یەكەمجار چووە ناو خۆپیشاندەران و بەڵێنی پێدان داواكارییە ڕەواكانیان جێبەجێ بكات.

ئەمڕۆ چوارشەممە خۆپیشاندانی بەشێك لە دەرچووانی زانكۆ و پەیمانگاكان لە بەغدا بەڕێوەچوو، مستەفا كازمی سەرۆك وەزیرانی عیراقیش چووە ناوخۆپیشاندەران.

كازمی گوێی لە داواكاری خۆپیشاندەران گرت و بەڵێنیدا داواكارییە رەواكانیان جێبەجێ بكات و لەهەمان كات باسی لەوەشكرد، حكومەت دوچاری كۆمەڵێك كێشەی كەڵەكەبوو بووە بەهۆی خراپیی بەڕێوەبردن و خراپ مامەڵەكردن لە ساڵانی ڕابردوودا.

سەرۆك وەزیرانی عیراق ئاماژەی بەوەشكرد، ئەو هەنگاوانەی لە ئێستادا حكومەت گرتوویەتەبەر دژ بە گەندەڵی و ڕێككردنەوەی شێوازی بەڕێوەبردن، كاریگەرییەكی ئەرێنی دەبێت بۆ چارەسەركردنی كێشەكان.

بەردەوام بە لە خوێندنەوە

کوردستان