ئێمە لە تۆرە کۆمەڵایەتیەکان

کوردستان

خەڵك؛ ناوی كاندیدەكەی پارتی ئاشكرادەكات
شوێنی ئەندامانی ئەنجومەنی پارێزگاكان كە بوونە پەرلەمانتاری عیراق پڕدەكرێتەوە

خەڵك- بەشی هەواڵ
بە پێی یاسا و دەستور ناكرێت كەسێك لە یەك كاتدا دوو پۆستی حكومی هەبێت، لە هەڵبژاردنی ئەنجومەنی نوێنەرانی عیراق دوو كاندیدی پارتی و گۆڕان لە ئەنجومەنی پارێزگای سلێمانی دەرچوون، كە لە ئێستادا كاندیدەكەی پارتی سوێندی خواردووە و ئەوەی گۆڕان هێشتا بەهۆی بایكۆتی دانیشتنەوە سوێندی نەخواردووە.

دانا جەزا، ئەندامی ئەنجومەنی نوێنەرانی عیراق لە پشكی پارتی بە (خەڵك)ی ڕاگەیاند، لەدوای سوێندخواردنی بەندە لە ئەنجومەنی نوێنەرانی عیراق بە پێی یاسا و دەستور مافی ئەندامێتیم لە ئەنجومەنی پارێزگای سلێمانی نەماوە، فراكسیۆنەكەم لەجیانی من كەسێكی دیكە بە پێی ڕیزبەندی هەڵبژاردن دەكاتە جێگرەوەم.

وتیشی، “بە پێی ڕیزبەندی هەڵبژاردنی ئەنجومەنی پارێزگاكان، لەدوای من، كاك بەرزان حامید لە دەڤەری هەڵەبجە دەبێتە ئەندامی ئەنجومەنی پارێزگای سلێمانی، كە فراكسیۆنەكەم لە ئێستادا كاری لەسەر دەكات”.

ڕاشیگەیاند، لەو ڕۆژەوەی من مافی ئەندامێتیم لە ئەنجومەن نەماوە، بەرزان حامید وەك ئەندامی ئەنجومەن شایستە داراییەكانی بۆ تەرخان دەكرێت، بەڵام نازانم بۆ كاری لیژنەكان چۆن دەبێت ئەوە كاری سەرۆكایەتی ئەنجومەنە.

ئەمە لەكاتێكدایە، د.غالب محەمەد، ئەندامی ئەنجومەنی پارێزگای سلێمانی، كە یەكێكە لە كاندیدە دەرچووەكانی ئەنجومەنی نوێنەرانی عیرق لە پشكی گۆڕان بەهۆی بایكۆتی گۆڕان لە كۆبوونەوەی پەرلەمانی عیراق هێشتا سوێندی نەخواردووە و مافی ئەندامێتی لە ئەنجومەنی پارێزگای سلێمانی لێ نەسەنراوەتەوە.

ئابوری

نرخی زێڕ و دراوەکان

خەڵک – بەشی هەواڵ

 

نرخی زێڕ و دراوەکان بۆ ئەمڕۆ شەممە لەبازاڕەکانی هەرێمی کوردستان بەم جۆرەى خوارەوەیە:

 

نرخی 100 دۆلاری ئەمریكی بەرامبەر 123هەزار و 200 دینارە.

نرخی 100 یۆرۆ بەرامبەر 144 هەزار دینارە.

نرخی 100 پاوەن بەرامبەر 156 هەزار دینارە.

نرخی 100 هەزار تمەن بەرامبەر ٥ هەزار و 750 دینارە.

نرخی 100 لیرەی توركی بەرامبەر 16 هەزار و 500 دینارە.

 

نرخی مسقاڵێک زێڕی عەیارە 18 بەرامبەر 289 هەزار دینارە.

نرخی مسقاڵێک زێڕی عەیارە 21 بەرامبەر 346 هەزار دینارە.

نرخی مسقاڵێک زێڕی عەیارە 24 بەرامبەر 385 هەزار دینارە.

بەردەوام بە لە خوێندنەوە

ئابوری

باندێکی ساختەکاری پارە دەستگیرکرا

 

خەڵک – بەشی هەواڵ

باندێکی ساختەکاری پارە لەڕەواندوز دەستگیرکران، کە لەدەرەوە هاتبوو و دەیانویست پارەى ساختە لەناو بازاڕەکانی هەرێمی کوردستان سافبکەنەوە.

 

حاتم زوبێر بەڕێوەبەری ئاسایشی ڕەواندوز لەکۆنفڕانسێکی ڕۆژنامەوانیدا ڕایگەیاند، باندێکی سێ کەسییان دەستگیرکرد، کە پارەی ساختەیان پێبووە و ویستوویانە ساغیبکەنەوە.

 

ئاماژەى بەئەوەشدا، ئەو پارە ساختانە بەشێوەیەکی زۆر ورد دروستکرابوو، کە زەحمەتبوو پارەکە بناسرێنەوە، بەڵام لەکاتی مامەڵەکردنیان بەپارەکەوە هەستیان پێکراوە، بۆ نمونە بۆ شەربەتێک ١٠٠ دۆلاریان بەشەربەت فرۆشکەداوە.

 

ئەوەشی خستەڕوو، شەو و ڕۆژ لەخزمەتى هاوڵاتییاندان و داوا لەهاوڵاتییانیش دەکات هەر شتێکی گوماناوییان بینی ئاگاداریان بکەنەوە.

 

بەردەوام بە لە خوێندنەوە

کوردستان

فراكسیۆنی گۆڕان: بە ئامێری پێشكەوتوو لە ئاسمانەوە زەوی لە سلێمانی ئیفراز دەكرێت

خەڵك-بەشی هەواڵ

سەرۆكی فراكسیۆنی گۆڕان ڕایدەگەیەنێت، پرسی داگیركاری زەوی لە سلێمانی، بۆ ئێمە پرسێكی گەورە و قورسی، بەهەدەردان و گەندەڵیە.
دابان محەمەد سەرۆكی فراكسیۆنی گۆڕان لە پەڕلەمانی كوردستان لە هەژماری خۆی بڵاویكردەوە، لێشاوێك لە داگیركردن، ئیفرازكردن، دابەشكردن و فرۆشتنی زەوی لە سلێمانی دەستی پێكردوە، تەنانەت گەیشتووەتە ئەوەی، زەوی تەرخانكراو بۆ سەوزایی گەڕەكەكان و شوێنی قوتابخانە و مزگەوت و نەخۆشخانە و خزمەتگوزارییەكانی دیكە، دەستی بۆ ببرێت! لە دوای خاڵە سنوورییەكان لەم سنوورەدا، ئەم پرسە بووە بە كەیسێكی قورسی بەهەدەردان و گەندەڵی و سەرچاوەی دارایی و دەوڵەمەندبوونی چەندین بەرپرسی ئەمنی، سەربازی، حزبی و حكومی، كە ناوی بەرپرسەكان و بازرگان و تەنانەت دەڵاڵەكانیش لای ئێمە ئاشكرایە.
ناوبراو ناوی ئەو شوێنانە ئاشكرا دەكات كە مامەڵەیان پێوە دەكرێت بەم شێوەیە:
-ئاوبارە (د.ت)
-ڕێگای تاسڵو، جە سوتاندی سنەوبەرەكان زیاتر لە 120 دۆنم
-تەنیشت و پشتی قەبرستانی عەواڵ بە هاوبەشی ( د.ت) (ه.ح)
-بەرامبەر محەمەتەی كارەباكە زیاتر لە هەزار دۆنم ( ه.ح)
-بەرامبەر دەرگای سەناعەی بەكرەجۆ ( ه.ح)
-تەنیشت مەتاری سلێمانی (د.ت)
-بەرامبەر دەرگای سەناعەی بەكرەجۆ (ه.ح)
-زەوی تەرخانكراو بۆ خزمەتگوزاری گەڕەكەكانی بیستەكان و …
-تەنیشت دەواجنەكان (د.ت)
-كانی گۆمە تا تانجەرۆ بە هاوبەشی (د.ت) (ه.ح)
-خوار بەكرەجۆ زەوییە كشتوكاڵیەكان (ه.ح)
-خەلیفاوا (ه.ح) كە زیاتر لە 100 پارچە زەوی كراوە بەناوی یەك یٔافرەتەوە

ئەوەش ڕووندەكاتەوە، بە ئامێری پێشكەوتوو و لە ئاسمانەوە زەوی ئیفراز دەكرێت! بە دەغڵ و دانەوە مامەڵە بە زەوییەوە دەكرێت، بە سەوزایی و دار و درەختەوە نەخشەی بازرگانی بۆ دەكێشرێت، فشار لە خاوەن زەوییە كشتوكاڵیەكان دەكرێت، یان ڕازیبن بە پارچە پارچەكردن و دابەشكردنی زەوییەكانیان، یان داگیر دەكرێت! ڕشتنی ئەم ئاوە سەرچاوەكەی دیارە، كە زۆر كەس پێی تێخستووە، خەم ساردی و بێ دەسەڵاتی و چاوپۆشی دەزگا پەیوەندیدارەكانی حكومەتی خۆجێی لە ئاست ئەم دەستدرێژی و داگیركارییە لە سلێمانی، ئێمە دەباتە قۆناغێكی تر بۆ ڕاگرتن و چارەسەر كە سیاسییە.

ئاشكراشیكرد، بۆ ئێمە پرسی وەبەرهێنان و زەوی و زار، پرسێكی گەورە و قورسی گەندەڵیە، زیاتر نەبێت كەمتر نیە لە پرسی نەوت و داهاتی ناوخۆ و قاچاغی سنوورەكان، داواكارم لە نوسینگەكانی خانوبەرە و هاووڵاتیانیش، مامەڵە لەگەڵ ئەم جۆرە زەویانەدا نەكەن، بە یاسا لەم خولەی پەڕلەمان زیادەڕۆ مەنع كراوە و زەرەرمەندی یەكەم و كۆتایی ئەوان دەبن.

بەردەوام بە لە خوێندنەوە

کوردستان