وەزارەتی کستوکاڵ و سەرچاوەکانی ئاوی حکومەتی هەرێم ڕایگەیاند،لەپێناو پاڵپشتی جوتیاران و پاڕێزگاری لەبەروبوومە خۆماڵییەکان هاوردەی پەتاتە و تەماتە و شووتی قەدەگەیە،
وەزارەتەکە لە راگەیەندراوێکدا دەڵێت، لەپێناو پاڵپشتی جوتیاران و پاڕێزگاری لەبەروبوومە خۆماڵییەکانی هەرێمی کوردستان ،دوابەدوای نوسراوی داواکاری وەزارەتمان و هەوڵەکانمان لەگەڵ وەزارەتی کشتوکاڵی عێراق ، بەخۆشحاڵیەوە لەلایەن ئەنجومەنی وەزاری ئابوری ،بڕیاڕدرا لەسەر قەدەغەکردنی هاوردەکردنی بەرهەمەکانی (تەماتە و پەتاتە و شووتی)لەدەروازە و مەرزەکانی سنوری ناوەراست و خوارووی عێراق ،
وەارەتەکە ئاماژە بەوەش دەکات،ئەم هەنگاوە گرنگە وادەکات کەبەردەوامبین لەسەر هەماهەنگی و بەیەکەوە کارکردن بۆ یەکخستنی (ڕۆژنامەی کشتوکاڵی) لەپێناو ڕەخساندنی بەرژەوەندی و سوودی گشتی جوتیارانی هەرێمی کوردستان و عێراق.
وەزیری کشتوکاڵ دەڵێت،هیوادارم جوتیارانی بەڕێزمان سوود لەم بڕیارە وەربگرن و ببێتە مایەی کارئاسانی و ساغبونەوەی بەرهەمەکانیان و دابینکردنی پێویستیەکانی هاووڵاتیانی هەرێمی کوردستان و عێراق .
لەماوەکانی ڕابردوودا، وەزارەتی کشتوکاڵ هاوردەکردنی سەرجەم بەرهەمە خۆراکییەکانی لە دەروازە سنووری و مەرزەکانەوە قەدەغەکرد، ئەمەش وەک ناڕەزایەتییەک بەرامبەر عێراق، کە وەک خۆیان ئاماژەیان پێدابوو، عێراق پابەندی ڕێککەوتنەکانی نێوان وەزارەتی کشتوکاڵی هەرێم و بەغدا نییە، بەم پێیەش جوتیارانی کورد زەرەرمەند دەبن لە ساغ نەبوونەوەی بەرهەمە ناوخۆییەکان.
