ئێمە لە تۆرە کۆمەڵایەتیەکان

خۆشەویستی

چۆن دەتوانیت کەسێک وا لێبکەیت تۆی زۆر خۆش بوێت؟

خێزان

زۆرێک پێیان وایە کە گەر کەسێک تۆی بەدڵ نەبوو ئیدی ئەستەمە خۆشی بوێیت، لەکاتێکدا لە ڕووی زانستیەوە ئەوە هەڵەیە، ئەمەی خوارەوە هەندێک ڕێگەیە بۆ ئەوەی کە  کەسێک وا لێبکەیت تۆی زۆر خۆش بوێت و دەرئەنجامی لێکۆڵینەوەی زانستییە:

 

 

– هەمیشە لەبیرت بێت چاوەکان بەهێزترین چەکە، کاتێک قسەی لەگەڵ دەکەیت چاو ببڕە چاوی

– توێژینەوە زانستیەکان ئەوەیان سەلماندووە کە باشترە لە یەکەم بینین باسی هەندێک بەسەرهاتی ناخۆشی خۆت بکەیت، یاخود هەندێک لایەنەی خراپی خۆت باسبکەیت، ئەوە وادەکات باشتر بکرێنەوە و خۆشەویستتر بیت.

 

– هەوڵبدە زمانی تایبەت دابنێیت لەگەڵیدا، بۆنمونە هەندێک وشە و دەستەواژە هەبێت کە تەنها خۆتان لە ماناکەی تێبگەن.

 

– تا گلێنەی چاوەکانت زیاتر کرابێتەوە باشتر کاریگەری درووستدەکەیت، بۆیە هەوڵبدە بە چاوی گەشەوە تەماشایی بکەیت.

 

– پاش ئەوەی چەندجارێک یەکتر دەبینن و یەک دەناسن، ماوەیەک کەمێک لێی دووربکەوەرەوە و پشتگوێی بخە، ئەم تاکتیکە بۆ ئەوە باشە کە مێشکی بە خۆتەوە مەشغوڵ بکەیت و زاتر قەدرت بزانێت.

– کاتێک هەڵەیەک دەکات یان شتێک نازانێت بەردەوام هەوڵبدە لایەنە باشەکەی ببینیت و زیاتر هاوکاری بکەیت.

خۆشەویستی

تەڵاق چییە و چۆن چاك دەكرێتەوە؟

خەڵك- بەشی هەواڵ
مەلا ئەحمەد قامیشی، تەڵاق بە نەخۆشییەكی كۆمەڵایەتی و خێزانی ناودەبات و دەڵێت: “لە دەرەوە و ناوەوەی دادگاكان دیاردەی تەڵاق زۆر زیاد بووە، كە ئەمەش كارەساتی زۆری لێ‌ دەكەوێتەوە”.

مەلا ئەحمەد قامیشی، مامۆستای ئایینی لە سلێمانی لە زنجیرە وتارێكدا، كە ڕۆژانە و لە مانگی ڕەمەزاندا لە (تۆڕی میدیایی خەڵك) بڵاودەبێتەوە و بەشێوەی ڤیدیۆیی تۆماركراوە تیشك دەخاتە سەر بابەتێكی شەرعی و فیقهی و لەڕووی ئایینییەوە شرۆڤە بۆ دیاردە كۆمەڵایەتییەكان دەكات.

مەلا ئەحمەد قامیشی لە وتاری تایبەت بە (زیاد بوونی ڕێژەى تەڵاق)دا دەڵێت: “دیاردەی تەڵاق گەڵێك زۆر بووە، كە ئەمەش كارەساتێكی زۆری لێ‌ دەكەوێتەوە، چونكە خێزان بەرەو هەڵوەشاندنەوە دەبات و بەوهۆیەشەوە كۆمەڵگە هەڵدەوەشێتەوە”.

وتیشی، “ئەو گرێبەستە هاوسەرگیرییەی لەنێوان هاوسەراندا هەیە، خوای گەورە لە قورئاندا بە (مِّيثَاقًا غَلِيظًا) باسی كردووە، واتە گرێیەكی توند، بۆیە تەڵاق لای خوای گەورە زۆر ناخۆشە”.

ئەو مامۆستا ئایینییە جەختیشی كردەوە، تەڵاق بەدەست پیاوە جا ژن قبوڵی بكات یان نا و دوو جاریش تەڵاق چاك دەكرێتەوە، بەڵام لە سێیەم جاردا چاك ناكرێتەوە و تەنها بۆ حاڵەتی ناچارییە”.

مەلا ئەحمەد ئامۆژگاری موسڵمانان دەكات، “دەبێت لەخوا بترسین و توڕە نەبین و خێزانەكانمان بەختەوەربكەین و نابێت بەئارەزووی خۆت وشەی تەڵاق بەدەمتدابێت، چونكە چاك كردنەوەی ئەستەمە و بەهۆیەوە خێزان هەڵدەوەشێت و منداڵ تێیدا دەبێتە قوربانی”.

سەبارەت بە هۆكارەكانی زیادبوونی تەڵاق وتیشی، “بەهۆی میدیای خراپ و زیادبوونی هەژاری و نەبوونی ڕۆشنبیری خێزانی لەناو هەندێك خەڵك و بوونی دەمەقاڵێ‌ و بێكاری و لاوازی ئیمان و زۆر و چەندین هۆكاری دیكە ڕۆژ بەڕۆژ ڕێژەی تەڵاق زیاد دەكات”.

مەلا ئەحمەد قامیشی/ بەشی حەڤدەیەم

تەڵاق چییە و چۆن چاك دەكرێتەوە؟ئەم وتارەی مەلا ئەحمەد قامیشی تایبەتە بە (خەڵك) و درێژكراوەی زنجیرە وتارێكە، كە ڕۆژانە لە مانگی ڕەمەزاندا بڵاودەكرێتەوە.

Posted by Xelk Media Network on Wednesday, May 22, 2019

بەردەوام بە لە خوێندنەوە

خۆشەویستی

کچێک وێنەی ئەو هاوسەرگیرییەی بڵاودەکاتەوە کە هەرگیز ڕوونادات

خێزان

کچێکی ئەمریکی لە هەمان ئەو ڕۆژەدا کە بڕیاربووە لەگەڵ خۆشەویستیەکەی هاوسەرگیری بکات، کۆمەڵێک وێنەی خەیاڵی هاوسەرگیریەکەیانی بڵاوکردەوە و کارەکەشی دەنگدانەوەی زۆری هەبوو.

ئەو کچە ناوی Debbie Gerlach و خەڵکی ئەریزۆنیایە، بڕیاربووە لەگەڵ خۆشەویستەکەی Randy هاوسەرگیری بکات.

بەڵام ئەو نوسویەتی:”بڕیاربوو ئەمڕۆ من ببم بە بووک، لەگەڵ خۆشەویستەکەم هاوسەرگیری بکەم و ئەڵقە بکاتە پەنجەم و ببمە خاوەنی مێرد، بەڵام ئەمڕۆ لە هەموو کات دڵشکاوترم،  بەتەنهام و هیچکام لەو ئاواتانەم نەهاتە دی”

ئەو کچە وتوشیەتی”هەموو ئەمە بەهۆی بڕیاری ماتۆڕسوارێکەوە بوو کە بڕیاردا لە ئاماژەی سوردا نەوەستێت و بڕوات، بەهۆی ئەو بڕیارەشیەوە هەموو ژیانی منی لەناوبرد و ڕووبەڕوو کێشای بە خۆشەویستەکەمدا و ژیانی لێسەندەوە”

Debbie لە کۆتایی پەیامەکەیدا تکای کردووە لە ماتۆڕسوارەکان کە پابەندی ڕێنماییەکانی هاتوچۆبن و بە هەڵەیەکی خۆیان ژیانی کەسانی دیکە وێران نەکەن.

 

ئەم کچە لە ئەو ڕۆژەدا کە بڕیاربووە هاوسەرگیری بکەن جلی بوکێنی لەبەر کردووە و بە فۆتۆشۆپ وێنەی خۆشەویستەکەی کردۆتە سەر:

 

بەردەوام بە لە خوێندنەوە

خۆشەویستی

چەند داواکاریەک کە ژن لە پیاوی دەکات و شەڕی بەدواوەیە، ئەم داوایانە مەکە!

خێزان

ئەمەی خوارەوە چەند داواکاریەکە کە ژن لە پیاوی دەکات و  هەموو کات شەڕی بەدواوەیە، بۆ یە باشترە خانمان ئەم داوایانە نەکەن:

 

-هاوڕێكانی نه‌بینێت

-هه‌رچه‌نده‌ په‌یوه‌ندیتان باشبێت، پیاوان پێویستیان به‌وه‌یه‌ كه‌ چه‌ند كاتێك له‌گه‌ڵ هاوڕێكانیان به‌سه‌ر به‌رن، هه‌ر بۆیه‌ داوای ئه‌وه‌ی لێمه‌كه‌ كه‌ واز له‌ هاوڕێكانی بهێنێت.

 

-وه‌ك هاوڕێكه‌ت گوێت بۆ بگرێت

-شتێكی ئاساییه‌ كه‌ چاوه‌ڕوانی ئه‌وه‌ له‌ هاوسه‌ره‌كه‌ت بكه‌یت كه‌ گوێێ له‌ ناڕه‌حه‌تی و داواكاریه‌كانت بگرێت، به‌ڵام چاوه‌ڕوانی ئه‌وه‌ مه‌كه‌ كه‌ وه‌ك كچه‌ هاوڕێكانت گوێ له‌ ورده‌كاریه‌كانی كێشه‌كانت بگرێت.

 

-له‌ هه‌موو خواسته‌كانتدا به‌شداریت بكات

-داوای ئه‌وه‌ی لێمه‌كه‌ كه‌ تۆ حه‌زت به‌چی بوو ئه‌ویش هه‌مان شت دوباره‌ بكاته‌وه‌، چونكه‌ ئه‌وه‌ بۆ پیاوان زۆر بێزاركه‌ره‌.

 

-خۆی بگۆرێت

-به‌ هاوسه‌ره‌كه‌ت مه‌ڵێ كه‌ كه‌سایه‌تی ئه‌وت به‌دڵنییه‌و پێویسته‌ خۆی بگۆڕێت، به‌ڵام ئاساییه‌ گه‌ر سفاتێكی تایبه‌تت به‌دڵ نه‌بێت نه‌ك ته‌واوی تایبه‌تمه‌ندیه‌كانی.

 

-له‌ نێوان تۆ و دایكیدا

-هه‌رگیز داوای ئه‌وه‌ له‌ هاوسه‌ره‌كه‌ت مه‌كه‌ كه‌ له‌ نێوان تۆ و دایكیدا یه‌كێكتان هه‌ڵبژێرێت.

 

-پاره‌ی زیاتر په‌یدابكات

-داوای ئه‌وه‌ له‌ هاوسه‌ره‌كه‌ت مه‌كه‌ كه‌ پاره‌یه‌كی زیاتر په‌یدا بكات، یاخود له‌وه‌ی كه‌ خۆی زیاتر پێده‌كرێت ئه‌نجامی بدات.

 

-كاتێك تۆ هه‌ڵه‌شه‌یت ئه‌و عاقڵانه‌ بیر بكاته‌وه‌

-نه‌بونی هاوسه‌نگی له‌ په‌یوه‌ندی هاوسه‌ریدا ده‌بێته‌ هۆی ئه‌وه‌ی له‌یه‌ك دوربكه‌ونه‌وه‌، بۆیه‌ وه‌ك ئه‌وه‌ی حه‌زده‌كه‌یت ئه‌و مامه‌ڵه‌ت له‌گه‌ڵدا بكات تۆش مامه‌ڵه‌ی له‌گه‌ڵ بكه‌.

 

-هه‌موو ساته‌ خۆشه‌كانی بیربێت

-ژنان ساته‌ ڕۆمانسیه‌كانیان زیاتر بیره‌ وه‌ك له‌ پیاوان، بۆیه‌ داوای ئه‌وه‌ی لێمه‌كه‌ كه‌ ئه‌و هه‌موو ساته‌ خۆشه‌كانتانی بیرمابێت.

بەردەوام بە لە خوێندنەوە

کوردستان