ئێمە لە تۆرە کۆمەڵایەتیەکان

عێراق

كۆبوونەوەی پەرلەمانی عێراق بۆ 15ی ئەیلول دواخرا

خەڵك-بەشی هەواڵ
پەرلەمانی عێراق ئەمڕۆ سێ‌ شەممە كۆبوونەوە كراوەكەی دەستپێكردەوە، بەڵام پەرلەمانتارە كوردەكان بایكۆتیان كردووە و هیچ بڕیارێكیش نەدرا، بۆیە كۆبونەوەكە بۆ 15ی ئەیلول دواخرا.

دوێنێ ئەنجومەنی نوێنەرانی عێراق یەكەمین كۆبونەوەی خۆی گرێداو كۆبونەوەكەی بە كراوەیی بۆ ئەمڕۆ هەڵگرت.

بەشیر خەلیل ئەندامی ئەنجومەنی نوێنەرانی عێراق لە فراكسیۆنی پارتی دیموكراتی كوردستان، بە (خەڵك)ی راگەیاند، بەشداری كۆبونەوەی ئەمڕۆمان نەكردووە.

وتیشی ” تا ئێستا كوتلەی گەورەی نێو پەرلەمان یەكلانەبوەتەوەو دیاریشە دوو كوتلە لەسەر ئەوە مشتومڕیانە كە كامیان كوتلەی گەورەیە و كێشەكە دراوەتە داگای فیدڕاڵی”.

ئاماژەی بۆ ئەوەش كرد، تاكو پێنج شەممە دەبێت دادگای فیدراڵی بابەتەكە یەكلایی بكاتەوە، چونكە ئەگەر یەكلانەكرێتەوە لەوانەیە كێشەی یاسایی بۆ پەرلەمان‌و سەرۆكایەتی پەرلەمان دروست ببێت.

سەبارەت بە بەشداری كورد لە كۆبونەوەی ئەمڕۆ ناوبراو رایگەیاند، هەردوو فراكسیۆنی یەكێتی‌و پارتی‌و هەندیك فراكسیۆنی دیكەی كورد بایكۆتی دانیشتنەكەیان كردووە، بۆ ئەوەی كورد نەبێتە لایەنداری یەكێك لەو دوو كوتلەی كە ململانێیان هەیە.
وتیشی “با ئەوان خۆیان یەكلابكەنەوە بۆ ئەوەی كورد بزانێت داواكارییەكانی پێشكەشی كێ بكات”.

سەبارەت بە لێكنزیكی كورد لەنێو ئەو دوو كوتلەیە، بەشیر خەلیل رایگەیاند، تاكو ئێستا لەنێوەندداین‌و ماوەتەوە، چونكە وەرەقەی داواكارییەكان دراوەتە هەردوو كوتلەو تا ئیستا وەڵام وەرنەگیراوەتەوە، لەوانەیە تا پێنج شەمە بابەتەكە یەكلایی ببێتەوە كامیان داواكارییەكانی كورد زیاتر جێبەجێ بكەن، لەگەڵ ئەوەدا دەبین، بەڵام تا ئێستا هیچ هۆكارێك نییە كە كورد لە كامیان نزیكترە.

عێراق

دانوستانەکانی هەرێم و بەغداد دەستپێدەکەنەوە

خەڵک – بەشی هەواڵ

 سەرۆكی فراكسیۆنی پارتی لە پەرلەمانی عیراق رایگەیاند، بڕیارە ئەم ھەفتەیە شاندی ھەرێمی كوردستان بۆ گفتوگۆكردن سەبارەت بە شایستە داراییەكانی ھەرێمی كوردستان سەردانی بەغدا بكەن و، لێكنزیكبوونەوەی باشیش ھەیە. سەركردەیەكی سوننەكانیش دەڵێت، چاوەڕێ دەكرێت ھەردوولا بگەنە رێككەوتن، چونكە رێككەوتنی ھەردوو حكوومەت، دەبێتە ھۆی سەقامگیری لە عیراقدا بە شێوەیەكی گشتی.

د. ڤیان سەبری، سەرۆكی فراكسیۆنی پارتی لە پەرلەمانی عێراق، بۆ ماڵپەڕی فەرمی حزبەکەی وتی: “بڕیارە ئەم ھەفتەیە شاندی حكومەتی ھەرێمی كوردستان سەردانی بەغدا بكات، چونكە بەردەوامبوونی دانوستان پێویستە و رێككەوتننامەش پێویستە بەپێی دەستوور بكرێت و بۆ سەقامگیریی ھەردوو حكومەت بێت، بۆیە گەر بگەنە رێككەوتن، دۆخەكەش سەقامگیر دەبێت”.

سەبری وتیشی: “لێكنزیكبوونەوەی باش ھەیە و تەنھا ھەندێك وردەكاری ماون، كە رەنگە ئەوانیش لەم چەند رۆژەدا یەكلا بكرێنەوە و بگەنە رێككەوتن”.

لای خۆشیەوە، د. عەلا مەكی، سەركردەی سوننەكان، رایگەیاند: “عێراق پێویستی بە سەقامگیری ھەیە بۆ ئەوەی بچێتە قۆناغێكی دیكە، تا گۆڕانكارییەكانی ناوچەكە كاریگەرییان لەسەر نەبێت و بتوانێت سەقامگیری دروست بكات، بۆیە پێویستە دانوستانەكانی نێوان ھەرێم و بەغدا بەردەوام بێت و بگەنە رێككەوتن، ئەمەش لە بەرژەوەندیی ھەموو لایەكە و ھەرێمی كوردستان ناوچەیەكە بۆتە ھۆی سەقامگیری بۆ ھەموو عیراق، هەروەها سەقامگیریی ھەرێم، واتا سەقامگیریی ھەموو عیراق، بۆیە پێویستە حكومەتی عیراق لەگەڵ ھەرێمی كوردستان بگاتە رێككەوتن”.

مەكی، وتیشی: “پێویستە دانوستانەكان دوانەكەون و پەلەیان لێ بكرێت، چونكە رێككەوتنی ھەرێم و بەغدا دەبێتە ھۆی سەقامگیریی عیراق بە گشتی، بۆیە پێشبینی دەكەم ئەمجارە ھەردوولا بگەنە رێككەوتن، چونكە بوونی كێشە لە نێوان ھەردوولا، دەبێتە ھۆی ناسەقامگیریی دۆخی عیراق”.

بەردەوام بە لە خوێندنەوە

عێراق

20ی ئەم مانگە كازمی سەردانی ئەمریكا دەكات

خەڵك-بەشی هەواڵ

 

كۆشكی سپی ئاشكرایدەكات، 20 ئەم مانگە دیاری كراوە بۆ سەردانەكەی موستەفا كازمی بۆ ئەمریكا.

كۆشكی سپی لە ڕاگەیەنراوێكدا ئاماژە بۆ ئەوە دەكات، مستەفا كازمی سەرۆك وەزیرانی عیراق لە 20ی ئەم مانگە سەردانی ئەمریكا دەكات و هەریەك لە پرسەكانی ئاسایش و وزە و ئابووری و ڤایرۆسی كۆرۆنا لەگەڵ بەرپرسانی ئەمریكا تاوتوێ دەكات.

ئەمەش لەكاتێكدایە، لە ڕاگەیەنراوەكەی كۆشكی سپیدا باسی كشانەوەی هێزەكانی ئەمریكا لە عیراق نەكراوە، لەكاتێكدا گفتوگۆكان بۆ ئەو مەبەستە ڕێكخراوە و پێش دوو مانگ گەڕی یەكەمی گفگۆكان لە عیراق ئەنجام دران.

بەردەوام بە لە خوێندنەوە

عێراق

زیاتر لە دوو هەزار تووشبووی کۆرۆنا لەعیراق چاکبوونەوە

خەڵک – بەشی هەواڵ

 

بەپێی نوێترین ئاماری تووشووانی کۆرۆنا لەعیراق لەماوەى ٢٤ کاتژمێری ڕابردوودا دوو هەزار و ١٧٢ تووشبووی کۆرۆنا چاکبوونەتەوە.

 

وەزارەتی تەندروستی عیراق ئاماری ٢٤ کاتژمێری ڕابردوودا بڵاوکردەوە، کە تێیدا سێ هەزار و ٤٦١ تووشبووی نوێی کۆرۆنا لەعیراق تۆمارکران و دوو هەزار و ١٧٢ تووشبووش چاکبوونەوە.

 

هەر بەپێی ئامارەکە، لەو ماوەیەدا ٧٥ تووشبووی کۆرۆنا گیانیان لەدەستدا.

 

بەردەوام بە لە خوێندنەوە

کوردستان