ئێمە لە تۆرە کۆمەڵایەتیەکان

ی.سلایدەر

رەنگە ئەمڕۆ پەناهی لە سێدارە بدرێت

خەڵك- بەشی هەواڵ

رێكخراوی مافی مرۆڤی هەنگاو بڵاویكردەوە “دوای ئەوەی دێكۆمنتارییەك بەناوی تیرۆر لە دەنگ و ڕەنگی پارێزگای سنە بڵاو كرایەوە، ئەگەری لەسێدارەدانی رامین حوسێن پەناهی بەندكراوی سیاسی مەحكوم بە سێدارە لە بەندیخانەی رەجایی شاری كەرەج لەئارادایە”.

رێكخراوەكە لە راگەیەندراوێكدا رونیكردەوە “دەنگ و ڕەنگی پارێزگای سنە شەوی یەكشەممە ١١ی خەرمانان ١٣٩٧، دێكۆمنتاری تیرۆری بڵاو كردەوە كە تایبەت لە سەر بنەماڵەی حوسێن پەناهی بەرهەم هاتبوو”.

بە وتەی سەرچاوەیەكی ئاگادار، حكومەتی ئێران بە بڵاو كردنەوەی ئەم دێكۆمنتارییە، دەیهەوێ ڕامین حوسێن پەناهی پێش لە مانگی موحەڕەم و سەفەر لەسێدارە بدات و بە پێی ئەوەی كە لە ڕۆژانیی چوارشەممە لە بەندیخانەی رەجایی سزای سێدارە جێبەجێ دەكرێت، ئەگەری ئەوە هەیە كە چوارشەممە رامین لەسێدارە بدرێت.

لەلایەكی دیكەوە ئەمجەد حوسێن پەناهی برای رامین ڕایگەیاند “ بەرپرسانی بەندیخانە سەڕەڕایی ئەوەی كە ڕامینیان داوەتە بەر لێدان و كوتان، پێیان ڕاگەیاندووە كە بە زویی لە سێدارە دەدرێت”.

رامین لە حاڵێكدا دراوەتە بەرلێدان كە نۆهەمین ڕۆژی مانگرتنی خۆی تێپەردەكات.

رامین حوسێن پەناهی بەندكراوی سیاسی كوردی مەحكوم بە سێدارە، دوو حەفتە پێش لە بەندیخانەی شاری سنە بۆ بەندیخانەی رەجایی شاری كەرەج گوازراوەتەوە و لەو ڕۆژە ڕامین بە دورینەوەی لێوی دەستی داوەتە مانگرتن.

ڕامین حوسێن پەناهی ڕۆژی دووی پووشپەڕێ ٢٧١٧ی كوردی لەلایەن هێزە ئەمنییەكانی ئێرانەوە دەستبەسەر كراو و لە ڕێكەوتی (٥ی ڕێبەندانی ٢٧١٧ / ٢٥ی ژانویەی ٢٠١٨) لە حاڵێكدا كە تەنیا یەك دانیشتنی دادگاییەكەی بەڕێوە چوبوو، لەلایەن لقی یەكەمی دادگای شۆڕشی سنەوە بە دادوەری سەعیدی بە تۆمەتی هەوڵدان دژی ئاسایشی نەتەوەیی و ئەندامەتی لە حیزبی كۆمەڵە سزای سێدارەی بەسەردا سەپێندرا.

حوكمی سێدارەی ئەو بەندكراوە كوردە لەحاڵێكدا سەپێندراوە ڕاگەیێندراوە كە ناوبراو هەموو ئەو تۆمەتانەی كە خراونەتە پاڵی بەتایبەت بەشداری لە شەڕی چەكدارانە ڕەد كردووەتەوە و پارێزەری ناوبراویش ئەو حوكمەی چاوەڕوان نەكراو و نا دادپەروەرانە ناو بردووە.

کوردستان

شاندی پارتی سەردانی ماڵی كۆسرەت ڕەسوڵی كرد

سلێمانی- نزار جەزا

پاشنیوەڕۆی ئەمڕۆ چوار شەممە شاندی پارتی دیموكراتی كوردستان لەشاری سلێمانی سەردانی ماڵی كۆسرەت ڕەسوڵی كرد.

بەپێی زانیارییەكانی (خەڵك)، ئەمڕۆ شاندەكەی پارتی سەردانی ماڵی كۆسرەت ڕەسوڵ جێگری یەكەمی سكرتێری گشتی یەكێتی لەشاری سلێمانی كرد.
كۆسرەت رەسوڵ جێگری سكرتێری گشتی یەكێتی و حاكم قادر ئەندامی مەكتەبی سیاسی لە كۆبونەوەكەدا لەگەڵ شاندی پارتیدا بەشدارن.

بەپێی زانیارییەكانی گەیشتوو بە (خەڵك) ئامانج لەسەردانەكەی شاندی پارتی بۆ ماڵی كۆسرەت رەسوڵ باسكردنە لە پێكهێنانی كابینەی نوێی حكومەت و ئەو لەمپەرانەی لەبەردەمیدان و لە كۆبونەوەكەی دوێنێدا لەسەریان رێكنەكەوتوون.

ئەمە لەكاتێكدایە، دوێنێ‌ دوو شەممە شاندێكی باڵای پارتی دیموكراتی كوردستان سەردانی شاری سلێمانی كرد و لەگەڵ یەكێتی نیشتیمانیی كوردستان كۆبۆوە، ئەمڕۆش لەگەڵ بزوتنەوەی گۆڕان كۆبۆوە.

هەر بەپێی زانیارییەكان، لەكۆبونەوەكاندا كە تایبەت بووە بەباسكردنی پێكهێنانی كابینەی نوێی حكومەت، نەگەیشتونەتە ئەنجامێك.

بەردەوام بە لە خوێندنەوە

کوردستان

یەكێتی هەڕەشەی ئۆپۆزسیۆن بوون دەكات

خەڵك- بەشی هەواڵ

ئەندامێكی سەركردایەتی یەكێتی نیشتمانی كوردستان رایگەیاند “ئێمە پێشبینیمان نەدەكرد پڕۆسەی پێكهێنانی حكومەت بەم شێوەیە ئاڵۆز بێت هەروامان دەزانی وەك كۆبونەوەكانی پێشترە بە ئاسانی كابینەی نوێی لێدەكەوتەوە، بەڵام ئێستا هەلومەرجێكی نوێ هاتۆتە ئاراوە كە مەسەلەكەی زۆر ئاڵۆزكردووە، لەبەر ئەوە پێشبینی ناكرێت كابینەی نوێی حكومەت لەكوردستان بەم نزیكانە پێكبهێنرێت ئەگەر لایەنەكان بەتایبەت سێ لایەنە سەرەكیەكە نەتوانن زاڵ بن بەسەر ئەو تەگەرانەی هاتونەتە بەردەم پڕۆسەكە.”

فەری ئەسەسەرد بۆ دەنگی ئەمریكا ڕونیكردەوە “پەیوەندی هەیە بەو نەخشە سیاسیە تازەیەی لەكوردستان هاتۆتە ئاراوە كە تێڕوانینی تازە دێنێتە ئاراوە لەگەڵ نەریتی 25 ساڵدا ناگونجێت لەسەردەمی بەرەی كوردستانیەوە واهاتووە كەهەمووان پێكەوە بەهاوبەشی حكوم بكەن بەڵام ئەنجامەكانی هەڵبژاردن كەهەندێك حیزب زۆرینەیە هەندێكیش مام ناوەند هەندێك كەمینە تێڕوانینی نوێی هێناوەتە ئاراوە كە ڕەوشەكەی ئاڵۆز كردووە، هەروەها پەیوەندییەكانیش لە پێش هەڵبژاردن و لەدوای هەڵبژاردن گۆڕانكاری لەپەیوەندییەكان هێناوەتە ئاراوە لەسەر ئاستی هەرێم و كەركوك هەروەها بەغداد لە قۆناغی پێشتر ڕاستە جیاوازی لەنێوان لایەنە سیاسیەكان هەبوو بەڵام نەگەیشتبووە ئاستی ڕكابەری و دژایەتی ئێستا ڕكابەری لەنێوان لایەنەكان تا ڕادەی دژایەتی هەم لەسەر كەركوك هەم لەبەغداد هەم لەهەرێم هەیە كە پێشتر تا ڕادەیەك لەسەر كەركوك و بەغداد لایەنەكان هاوڕا بوون، جگە لەوەی هێنانە پێشەوەی بابەتی كاراكردنەوەی سەرۆكایەتی هەرێم لەلایەن پارتی دیموكراتی كوردستانەوە زیاتر ڕەوشەكەی ئاڵۆزتر كردووە.”

فەرید ئەسەسەرد دەڵێت “بێگومان بابەتی سەرۆك كۆمار و پێنەدانی وەزارەتی داد و ئەو بابەتانە بەشێكی گرنگی ئەو كێشانەیە كە ئێستا ڕەنگدانەوەی هەیە لەسەر ئەو پڕۆسەیەی كە لە ئارادایە، ناكرێت لەهەرێم گفتوگۆی بەشداری دەسەڵات و حكومڕانی بكرێت باسی دۆستایەتی بێت بەڵام لەكەركوك و بەغداد ڕكەبەرایەتی و دژایەتی هەبێت، بۆیە هەوڵ دەدرێت هەموو ئەوانە بەیەك پاكێج چارەسەر بكرێت كە بابەتیش بووە پاكێج بەدڵنیایی چارەسەركردنی قورسە هەرچەندە دەرچە هەیە بەڵام بە ئاسانی نا.”

ئەسەسەرد دەشڵێت “پارتی مەرجی نیە بۆ لایەنەكان بەڵام تێڕوانینەكانی بۆ پێش ئەم كابینەیە دەگەڕێتەوە، بۆ پێش پێكهێنانی حكومەت لەبەغداد ئێمە تێروانینمان وایە پارتی دەیەوێت تۆڵەی خۆی لەیەكێتی نیشتمانی بكاتەوە هەم لەم هەوڵانەی ئێستای لەناوخۆی هەرێم كە نایەوێت شەریكایەتی ڕاستەقینە لەنێوان حیزبەكانی ناو دەسەڵات بێتە ئاراوە ئەمە بەدڵنیاییەوە هەلومەرجێكی ئاڵۆزی دروست كردووە ئەگەر پارتی دەستبەرداری ئەم ڕەفتارەی نەبێت پێم وایە هەرێم بەرەو هەلومەرجێكی نادیار دەچێت، كە حكومەتی هەرێم زۆر درەنگ پێكدێت.”

ئەو ئەندامەی سەركردایەتی یەكێتی نیشتمانی كوردستان ئاماژەی بەهەڵوێستی یەكێتی كرد “ئەگەر ئێـمە لەم قۆناغە نەبوین بە ئەندامێكی دیاریكراو بۆ جێ بەجێ كردنی شەریكایەتیەكی ڕاستەقینە لەحكومڕانیدا لەهەرێمی كوردستان و چارەسەركردنی ناكۆكیەكانمان مەبەستم ناكۆكیەكانی نێوان یەكێتی و پارتی لەكەركوك و بەغداد بەدڵنیایەوە دەبێت بیر لەوە بكەینەوە بەشداری لەحكومەتدا نەكەین ئەو كاتە بەدڵنیاییەوە هەلومەرجێكی تازە دێتە ئاراوە پارتی دیموكراتی كوردستان بەتەنها یا لەگەڵ هەندێك حیزبی بچوكدا دەبێت حكومەت پێكبهێنێت و ئەوە بەدڵنیاییەوە بۆ هەرێمی كوردستان كێشەیەكی زۆر گەورە دەبێت.”

فەرید ئەسەسەرد ڕونیشیكردەوە “بژاردەی یەكەم لەبەردەم یەكێتی بەشداری كردنە لەكابینەی نوێی حكومەتی هەرێم بەڵام ئەگەر ئەو داواكارییانەی خۆمان هەمانە كە بریتیە لە بەشداری ڕاستەقینە جێ بەجێ نەكرێت بەدڵنیاییەوە دەچینە سەر بژاردەی دووەم.”

ئەسەسەرد ئاشكراشیكرد ” لەكۆبونەوەی ئەنجومەنی سەركردایەتی و كۆبونەوە تایبەتیەكانی خۆمان كە بەرنامەمان دانا بۆ لیژنەی دانوستانكار بۆ پێكهێنانی كابینەی تازە لەوێش هەروا باسمان كردووە كە بژاردەی دووەممان بەشداری نەكردنە لەحكومەت.”

بەوتەی فەرید ئەسەسەرد “پارتی لەبەغداد تۆڵە لەیەكێتی دەكاتەوە كاتێك یەكێتی لەگەڵ عادل عەبدولمەهدی ڕێككەوت بۆ وەرگرتنی پۆستی وەزارەتی داد، بەڵام دوای سەردانەكەی بارزانی بۆ بەغداد پەشیمان بوەوە، هەتا لەبەغداد پێیان وتین پارتی ڕازی بووە كە واز لەو پۆستە بهێنێت تەنانەت بدرێتە هەر كەس و لایەنێكی تر یا كوردێك بەس نەدرێتە یەكێتی.”

وتیشی “بابەتی تۆڵەكردنەوە لەكوردستان زۆر ڕون نییە بەڵام ئێمە دەمانەوێت بابەتی شەراكەت ڕاستەقینەیی بێت، بڕیارەكان لە ئەنجومەنی وەزیران و پەرلەمان بە شەراكەت بێت نەك بەزۆرینە و كەمینە پارتی دیموكراتی كوردستان دەتوانێت هەموو یاسایەك ئەگەر دژی ئێمەش بێت تێپەڕێنێت، و لە ئەنجومەنی وەزیرانیش ئەگەر بەزۆرینە و كەمینە كاربكات.”

فەرید ئەسەسەرد ئەوەشی وت “ئەگەر یەكێتی بەشداری حكومەت نەكات و لەدەرەوەی دەسەڵات بێت ببێتە ئۆپۆزسیۆن من پێم وایە حكومەتێك دروست دەبێت لەكوردستان كە دەسەڵاتی بەسەر هەموو كوردستاندا نابێت ئەمە كێشەیەكی گەورەیە لەكاتێكدا ئێمە حكومەتێكمان دەوێت لەزاخۆ تا خانەقین دەسەڵاتی هەبێت، پێم وایە ئەگەر دۆخەكە بگاتە ئەو ڕادەیەی كە یەكێتی لەدەرەوەی دەسەڵات بێت و ببێتە ئۆپۆزسیۆن و بەشداری حكومەت نەكات لەهەرێمی كوردستان دۆخێكی تایبەت دێتە ئاراوە دەتوانم بڵێم نیو حكومەت لە ئارادا دەبێت و ناتوانرێت حكومەتی سەرتاسەری بێت.”

سەبارەت بەوەی ئەگەر یەكێتی بەشداری حكومەت نەكات ئایا حكومەتی داهاتووی هەرێم دەسەڵاتی نابێت بەسەر ناوچەی سلێمانی؟ ئەسەسەرد ڕایگەیاند “لەڕووی ڕەسمیەوە كوردستان هەمووی یەك پارچەیە بەڵام لەڕووی فیعلییەوە ئەم ناوچەیە ئێـمە خۆمان دەیزانین لەگەڵ ئەوەی حكومەت یەكی گرتۆتەوە بەشێكی زۆر لەدامودەزگاكانیش یەكیان گرتۆتەوە بەڵام ئێستاش شوێنەواری دوو ئیدارەیی هەر لە ئارادایە، خۆ ئەگەر دوو حیزبە سەرەكیەكەی دەسەڵات یەكیان لەدەسەڵات بوون ئەوی تریان لەدەرەوەی دەسەڵات بێت پێم وانیە شتێك بونی هەبێت ناوی حكومەتی هەرێم، هەتا ئەگەر بزوتنەوەی گۆڕانیش بەشداری بكات، ئەوكاتە دەبێتە هێزی یەكەم و سێیەم كە حكومەت پێكدەهێنن بەڵام ئەمە دەبێتە هۆی ئەوەی ڕەنگە گۆڕانیش بەشداری لەحكومەتدا نەكات، هەرچەندە لێكتێگەیشتنێكی لەوجۆرەمان لەگەڵ گۆڕان نییە بەڵام ئەگەر مەسەلەكە هاتە ئەو ڕادەیە من پێم وانیە ئەوانیش خۆیان تێوەبگلێنن لەكێشەیەكی زۆر گەورە .”

هەروها ئەسەسەرد لەبارەی جیاوازییەكانی پارتی و یەكێتی وتی “كاتێك كە ئێمە پێناسەی شەراكەتی ڕاستەقینە دەكەین تێڕوانینی ئەوان تەواو جیاوازە لەهی ئێمە ئەوان باس لەوە دەكەن لەبەر ئەوەی ئەوان زۆرینەن، دەبێت زۆربەی زۆری مەسەلەكان لای ئەوان بێت ئێمە دانمان بەوەدا ناوە كە دوو پۆستە سەرەكییەكە پۆستی سەرۆكی هەرێم و سەرۆكی حكومەت لای ئەوان بێت بەڵام لەخوار ئەوانەوە دەیێت شەراكەتی ڕاستەقینە هەبێت لەپڕۆسەی دروستكردنی بڕیار لەناو ئەنجومەنی وەزیران وە پەیوەندی لەگەڵ بەغداد و وڵاتانی دەرەوە ئەمە كێشەیەكی سەرەكیە لەنێوانمان ئەگەر چارەسەری نەكەین بەدڵنیاییەوە هەرێمی كوردستان دەچێتە دۆخێكی نالەبارەوە.”

بەردەوام بە لە خوێندنەوە

کوردستان

شەڕی مێدیایی كۆمەڵ و یەكگرتوو بە چڕی دەستپێدەكاتەوە

خەڵك-بەشی هەواڵ
شەڕی هێرشبردنەسەر یەكدی لایەنگرانی یەكگرتووی ئیسلامی و كۆمەڵی ئیسلامی جارێكی دیكە دەستیپێكردەوە و رێكخەری بزاڤی چاكسازی و گەشەش داوا لە ئەمیری كۆمەڵ و یەكگرتوو دەكات، ئەندامانیان لە تۆڕە كۆمەڵایەتییەكان رابگرن كە پڕیان كردووە لە قسەی نەشیاو و دروستكردنی دووبەرەكی.

دوای هەڵبژاردنەكانی هەرێمی كوردستان و بوونی یەكگرتووی ئیسلامی كوردستان بە ئۆپۆزسیۆن و بڕیارنەدانی كۆمەڵی ئیسلامی لە چوونە نێو حكومەت یان نەچوونی، گرژی خستوەتە نێو ئەندامانی ئەو دوو لایەنەوە و لە تۆڕە كۆمەڵایەتییەكان هێرشی توند دەكەنەسەر یەكتری.

محەمەد بازیانی رێكخەری گشتی بزاڤی چاكسازی و گەشە لە پەیامێكیدا كە بۆ هەر یەك لە سەلاحەدین بەهادین ئەمینداری گشتی یەكگرتووی ئیسلامی و عەلی باپیر ئەمیری كۆمەڵی ئیسلامی ناردووە ئاماژە بۆ ئەوە دەكات، ماوەیەكە تۆڕە كۆمەڵایەتییەكان پڕە لە قسەی نەشیاو بە یەك و كورەی دووبەرەكی لە نێوان هەوادارانی یەكگرتوو و كۆمەڵ خۆش دەكات.

دەشنوسێت، ئەگەر چارەسەری نەكەن گوناهتان لە هەوادارانتان زیاتر دەبێت.

ئاماژە بۆ ئەوەش دەكات، وەك هەستكردن بە مەترسی ئەم بارودۆخەی ئیسلامخوازانی كوردستان داواكارم سنوورێك بۆ ئەم قسەو قسەلۆكە دابنێن و پڕۆژەی حاڵەتی ئیسلامی ئەكتیڤ بكەنەوە.

لە وەڵامی داواكارییەی بازیانیدا، ئەمینداری یەكگرتوو رایدەگەیەنێت، ئێوە ئەركی برایەتی خۆتان بەجێهێناوە كە بیرمان دەخەنەوە لەجیاتی یەكڕیزی و یەكبون بۆ لەیەكخوێندن.

وتیشی”ئێمە زوو دەركمان كردووە وانابێ و بەتوندی تەعلیماتمان داوە كە نابێت سەرقاڵ ببین بەخۆمانەوە، بەڵام هەیە فاوڵ دەكات”.

ئاماژە بۆ ئەوەش دەكات، ڕێگریدەكەین لە تەشەنە و زیادبوون و وشك دەكرێ، بەڵام خروقات لەئاستی باڵاوە بنبڕكردنی ئاسان نییە.

پێشتر مەڕوان گەلاڵی سەرۆكی پێشووی فراكسیۆنی كۆمەڵ لە پەرلەمانی كوردستان لە هەژماری خۆی لە تۆڕی كۆمەڵایەتی فەیسبوك ڕایگەیاند، دەكرێت هەر سێ لایەنی كۆمەڵ و یەكگرتوو و بزووتنەوە بكەینە كەشتی نوح و بپەڕینەوە بۆ بەهەشتی نەبڕاوە.

وتیشی “هەندێ كەس سواری كەشتییەكە بوون، بەڵام بەهۆی كردەوە قێزەونەكانی ڕۆژانەیان لە میدیا و تۆڕەكۆمەڵایەتییەكان نەك نەیانتوانیوە ئەو سێ لایەنە بكەنە كەشتی نوح، بەڵكو كردویانەتە چیاكەی كوڕەكەی نوح، كە سەرەنجامەكەی خنكان بوو”.

لایەنە ئیسلامییەكان لە ساڵانی رابردوودا چەندین هەوڵیانداوە بۆ دروستكردنی بەرەیەكی ئیسلامی لە هەرێمی كوردستان، بەڵام لە سەرجەمیاندا شكستیانخواردووە و دابەشبوون بەسەر بەرەی لایەنەكانی ئۆپۆزسیۆن و دەسەڵاتدا.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین