ئێمە لە تۆرە کۆمەڵایەتیەکان

عێراق

بە ڤیدیۆ؛ سەرجەم پەرلەمانتارە كورد و عەرەبەكان بە كوردی سوێندیان خوارد

خەڵك- بەشی هەواڵ
ئەمڕۆ یەكەم كۆبوونەوەی پەرلەمانی نوێی عیراق بۆ خولی چوارەم ئەنجام درا و تێیدا سەرجەم پەرلەمانتاران بە (كوردی و عەرەبی) سوێندی دەستورییان خوارد.

بەختیار شاوەیس، ئەندامی پەرلەمانی عیراق لە فراكسیۆنی یەكێتی لە هەژماری خۆی لە فەیسبووك بڵاویكردەوە، “ئێستا بەزمانی كوردی سوێندمان خوار”.

دەشڵێت: “هەرچەند ویستیان تەنها بەعەرەبی بێت، بەڵام نەمانهێشت و بەكوردیش گشت پەرلەمانتارانی عیراق سوێندیان خوارد”.

دوابەدوای مەرسومی كۆماری بۆ كۆبوونەوەی پەرلەمان، لە كاتژمێر 11ی پێشنیوەڕۆی ئەمڕۆ دوو شەممە، پەرلەمانی نوێی عیراق بەكەم كۆبوونەوەی خولی چوارەمی ئەنجام دا و پەرلەمانتاران سوێندی دەستورییان خوارد و هەریەكە لە فوئاد مەعسوم، سەرۆك كۆمار و حەیدەر عەبادی، سەرۆك وەزیران و سەلیم جبوری، سەرۆكی پێشووی پەرلەمان وتارین پێشكەش كرد.

ئێستا بەزمانی کوردی سوێندمانخوارهەرچەند ویستیان تەنها بەعەرەبی بێت ، بەڵام نەمانهێشت و بەکوردیش گشت پەرلەمانتارانی عیراق سوێندیان خوارد

Posted by Baxtyar Shaways on Monday, September 3, 2018

عێراق

داڤۆس.. ترەمپ بەجیا لەگەڵ بەرهەم ساڵح و نێچیرڤان بارزانی كۆدەبێتەوە

خەڵك – بەشی هەواڵ

كۆشكی سپی بەرنامەی كۆبوونەوەكانی سەرۆكی ویلایەتە یەكگرتووەكانی ئەمریكای لە داڤۆس بڵاوكردەوە و بەپێی بەرنامەكە لەگەڵ ژمارەیەك سەرۆك كۆدەبێتەوە لەوانە: سەرۆك كۆماری عیراق و سەرۆكی هەرێمی كوردستان.

ئاژانسی ڕۆیتەرز بڵاویكردەوە، كۆشكی سپی بەرنامەی سەردانەكەی دۆناڵد ترەمپ سەرۆكی ویلایەتە یەكگرتووەكانی ئەمریكای بڵاوكردووەتەوە كە بەجیا لەگەڵ بەرهەم ساڵح سەرۆك كۆماری عیراق، نێچیرڤان بارزانی سەرۆكی هەرێمی كوردستان، سیمۆنێتا سۆماروگا سەرۆكی سویسرا و عیمران خان سەرۆك وەزیرانی پاكستان كۆدەبێتەوە.

پێشتر سەرۆكایەتیی هەرێمی كوردستان ڕاگەیەنراوێكی بڵاوكردەوە و ڕایگەیاند، نێچیرڤان بارزانی سەرۆكی هەرێمی كوردستان بە بانگهێشتێكی فەڕمی بەشداری لە كۆڕبەندی ئابووریی جیهانیی (داڤۆس) دەكات و لەگەڵ دۆناڵد ترەمپ سەرۆكی ئەمریكا و ئەنتۆنیۆ گۆتێرێز، سكرتێری گشتیی نەتەوە یەكگرتووەكان كۆدەبێتەوە.

هاوكات بەپێی بەرنامەی كۆڕبەندەكە، بەرهەم ساڵح سەرۆك كۆماری عیراق ڕۆژی چوارشەممە 22/1/2020 لە كاتژمێر 18:00 وتاری دەبێت و دواتر لەلایەن فەرید زەكەریا، پێشكەشكاری (سی ئێن ئێن) چاوپێكەوتنی تەلەفزیۆنی لەگەڵ سازدەكرێت.

سبەینێ‌ سێشەممە 21/1/2020، كۆڕبەندی ساڵانەی ئابووریی (داڤۆس) لە شارۆچكەی داڤۆس لە ڕۆژهەڵاتی سویسرا دەستپێبكات، لە كۆڕبەندەكە دەیان سەركردە، گەورە بازرگان و چالاكوان بەشداریدەكەن، لەنێویاندا دۆناڵد ترەمپ، سەرۆكی ئەمریكا.

ك.ج

بەردەوام بە لە خوێندنەوە

عێراق

كەنەدا لەبارەی كێشەیەكی مەترسیدارەوە هۆشداری دەداتە عیراق

خەڵك – بەشی هەواڵ

باڵیۆزی كەنەدا لە بەغدا لەبارەی (كێشەیەكی مەترسیدار) هۆشداریداوەتە حكومەتی عیراق.

ئولریك شانۆن باڵیۆزی كەنەدا لە بەغدا لە هەژماری تایبەتی خۆی لە تۆڕی كۆمەڵایەتی تویتەر بڵاویكردووەتەوە، ئەمڕۆ دووشەممە 20/1/2020 لەگەڵ عادل عەبدولمەهدی كۆبووەتەوە.

باڵیۆزی كەنەدا لە بەغدا ئاماژەی بەوەشداوە:”لە كۆبوونەوەكەدا هۆشداریداوەتە حكومەتی عیراق دەربارەی پرسێكی گرنگ كە ناوی بردووە بە (كێشەی مەترسیدار)، كێشەكەش پەیوەندی بەوەوە هەیە كە حكومەتی عیراق تا ئێستا ڤیزا و مۆڵەتی كاركردنی بۆ ڕێكخراوە فریاگوزارییە نێودەوڵەتییەكان لە عیراق نوێ‌ نەكردووەتەوە”.

ئولریك شانۆن ئەوەشیخستووەتەڕوو:”ئەمە كێشەیەكی گەورەو مەترسیدارە، كێشەكەشی لەگەڵ عادل عەبدولمەهدی باسكردووە”.

ڕوونیشیكردووەتەوە:”كەنەدا وڵاتێكی كاریگەرە لەبواری فریاگوزاری مرۆیی لە عیراق، بەرنامەكانیشمان ڕۆڵی بەرچاوی هەبووە، لەگەڵ هاوبەشەكانیشمان بۆ چارەسەركردنی كێشەكە گوشار دەكەین”.

ك.ج

بەردەوام بە لە خوێندنەوە

عێراق

دەیانی تریش برینداربوون
رۆیتەرز: دوو خۆپیشاندەر لە بەغدا كوژران

خەڵك- بەشی هەواڵ
ئاژانسی (رۆیتەز) لە زاری پۆلیسی عیراقییەوە، ئاماژە بە كوژرانی دوو خۆپیشاندەر دەكات لە بەغدا، دوای ئەوەی لەلایەن هێزە ئەمنییەكانەوە گازی فرمێسكڕێژ و دەستڕێژی گوللـەيان لەدژ بەكارهێنرا، سەرچاوەكانی تریش ئاماژە بە برینداربوونی دەیانی تر دەكەن.

ئەمڕۆ دوو شەممە، ئاژانسی (رۆیتەرز) لە زاری پۆلیسی عیراقییەوە بڵاویكردەوە”دوو خۆپیشاندەر لە بەغدا كوژراون كە یەكێكیان گوللـە بەر سەری كەوتووە و ئەوی تر بەهۆی گازی فرمێسكڕێژەوە گیانی لەدەستداوە”.

بەوتەی ئەو سەرچاوەیە”هەردوو خۆپیشاندەرەكە لە نەخۆشخانە بەهۆی سەختی برینەكانیانەوە گیانیان لەدەستداوە”.

هەر لەو چوارچێوەیەدا، شانەی میدیای ئەمنی عیراقی ڕایگەیاندبوو، 14 ئەفسەر بە بەردی هەندێك لەوانەی خۆیان خزاندووەتە نێو خۆپیشاندەران و ئاژاوە دەنێنەوە، برینداربوون.

لە شارەكانی تری باشووری عیراقيش، سەدان خۆپیشاندەر تایەیان لەسەر شەقامەكان سوتاند و ڕێگە سەرەكییەكانیان لە شارەكانی ناسریە و كەربەلا و عەممارە داخست.

خۆپیشاندەران دەڵێت”عادل عەبدولمەهدی سەرۆك وەزیرانی كاربەڕێكەر، بەڵێنەكانی جێبەجێ‌ً نەكردووە، لەوانەش پێكهێنانی حكومەتێكی نوێ‌ كە جێگەی ڕەزامەندی عیراقییەكان بێت”.

پەیوەست بە خۆپیشاندانەكانی ئەمڕۆی عیراق، هێزەكانی پۆلیس لە بەغدا دەڵێن”هێزەكانیان توانیویانە هەموو ئەو ڕێڕەوانە بكەنەوە كە پێشتر لەلایەن خۆپیشاندەرانەوە داخرابوون”.

 

أ.ج

بەردەوام بە لە خوێندنەوە

کوردستان