ئێمە لە تۆرە کۆمەڵایەتیەکان

ی.سلایدەر

چاوەڕوانن بۆ پێكهێنانی حكومەت ڕابسپێردرێت
مالكی و سەدر هەریەكەیان خۆیان بە خاوەنی كوتلە گەورەكە دەزانن

خەڵك- بەشی هەواڵ
كوتلەی “بنیاتنان” كە دەوڵەتی یاسا و فەتح لەخۆدەگرێت ڕایگەیاند، 153 پەرلەمانتار بە ئیمزا و بەشێوەیەكی ڕاستەوخۆ چونەتە نێو كوتلەكەیان، نەك لەڕێی سەرۆكی كوتلەوە، بۆیە لەئێستادا چاوەڕوانن بۆ پێكهێنانی حكومەت ڕابسپێرێت.

ئەحمەد ئەسەدی، وتەبێژی هاوپەیمانی فەتح لە كۆنفرانسێكی ڕۆژنامەوانیدا لە بارەگای پەرلەمانی عیراق ڕایگەیاند، “وەك بەدەنگەوەچوونی ئازارەكانی گەل و داخوازییەكانی خەڵك لە چوارچێوەی دەستور، هاوپەیمانی بنیاتنانمان پێكهێنا، چونكە ئێمە لەئێستادا لە قۆناغی بنیاتنانین لەپاش نەمانی دیكتاتۆری و كوتلەكەمان 153 پەرلەمانتار بە ئیمزای خۆیان بەشێوەیەكی ڕاستەوخۆ لەخۆدەگرێت نەك لەڕێی ئیمزای سەرۆكی كوتلەوە”.

ئاشكراشی كردووە، “هاوپەیمانییەكەش بەفتح و دەوڵەتی یاسا و 21 پەرلەمانتاری نەسر و 23ی هێزە عیراقییان و 9ی وەتەنیە و ئیرادە و سەڵاحەدین و هویتنا و شەبەك و توركمان لەخۆدەگرێت، بۆیە چاوەڕوانین بۆ پێكهێنانی حكومەت ڕابسپێردرێین”.

بە وتەی ئەسەدی، “دەرگامان كراوەیە، لەو بڕوایەداین بوونی ئەوانی تریش پێویستە بۆ بەرژەوەندی عیراق، ئەوەی دەیەوێت ڕێگریش بكات، یاسا لەنێوانماندایە”، ئاماژەی بەو بەڵێنەش كردووە، كە پێشتر پێشكەشیان كردووە سەبارەت بەوەی دەبێت كوتلەكەیان نیشتمانی بێت.

ئەمڕۆ دوو شەممە كوتلەی “چاكسازی و ئاوەدانكردنەوە”ی (سائیرون و نەسر و وەتەنیە و حیكمە) خۆی وەك گەورەترین كوتلەی پەرلەمانی عیراق ڕاگەیاند و دەڵێت: “زیاتر لە 180 پەرلەمانتاری كۆكردووەتەوە”.

كوتلەكە لە كۆنفرانسێكی ڕۆژنامەنووسیدا لە پەرلەمانی عیراق ڕایگەیاند، ئەوان گەورەترین كوتلەی پەرلەمانی عێراقن و حكومەتی ئایندە پێكدەهێنن.

كوتلەكە لە نەسر، سائیرون، حیكمە، وەتەنیە، بەرەی توركمانی و ژمارەیەك كوتلەی دیكە كە لە نێویاندا “نەوەی نوێ” تاكە لیستی كوردییە پێكدێت، تاوەكو ئێستاش (كاتی ئامادەكردنی ئەم هەواڵە)، یەكێتی و پارتی و حزبەكانی تری ئۆپۆزسیۆن، بڕیاریان نەداوە بچنە پاڵ كام لەو كوتلانە.

لای خۆشیەوە، دەزگای هەڵبژاردنی یەكێتیی نیشتمانیی كوردستان لە ڕوونكردنەوەیەكدا جەختی لە بەردەوامی گفتوگۆكان كردۆتەوە و ڕایگەیاندووە، تا ئێستا نەچوونەتە پاڵ هیچ بەرەیەك.

کوردستان

وەزارەتی ئەوقاف ئەو هاووڵاتیانەی ناوییان بۆ حەجی ئەمساڵ دەرچووە ئاگاداردەكاتەوە

خەڵك- بەشی هەواڵ
بەڕێوەبەرایەتی گشتی حەج و عومرەی سەر بە وەزارەتی ئەوقاف و كاروبای ئاینی هەرێمی كوردستان، ئەو هاووڵاتیانە ئاگاداردەكاتەوە كە ناویان لەتیروپشكی فەریزەی حەج بۆ ئەمساڵ 2020 دەرچووە، تا ڕەچاوی چەند خاڵێكك بكەن.

بەپێی ئاگادارییەك كە لەلایەن بەڕێوەبەرایەتی گشتی حەج و عومرەوە بڵاوكراوەتەوە””ئەگەر ڕێكەوتی بەسەرچوونی پاسپۆرتەكانیان لە 31/1/2021 بەرەو خوارەوەبێت، دەبێت پاسپۆرتەكانیان نوێ بكەنەوە”.

هەر لە ئاگادارنامەكەدا هاتووە”ئەو پاسپۆرتانەی لە مانگی دوو بەسەرەوەن، دەتوانرێت بەرزبكرێتەوە بۆ سیستمی ئەلیكترۆنی بە مەبەستی وەرگرتنی ڤیزا”.

بەڕێوەبەرایەتی حەج و عومرە دەڵێت”تەمەنی ئەو ئافرەتانەی پێویستییان بە مەحرەم نییە، دەبێت 1975/4/30 بێت، واتا لە مانگی ئایار بەرەو سەرەوە پێویستییان بە مەحرەم دەبێت”.

بەردەوام بە لە خوێندنەوە

عێراق

پەڕەی فەڕمی حەشدی شەعبی لە فەیسبوك داخرا

خەڵك-بەشی هەواڵ

ئەمڕۆ پێنج شەممە میدیاكانی عیراق بڵاویانكردەوە، پەڕەی فەڕمی حەشدی شەعبی كە بەردەوام هەواڵە فەرمییەكانی تایبەت بە حەشدی شەعبی لێوە بڵاودەكرایەوە داخرا.

بەپێی زانیارییەكان پەڕەكە داخراوە و تائێستا هیچ هۆكارێك بۆ داخستنی ئاشكرانەكراوە، بەشێوەیەك كۆمپانیای فەیسبوك خۆی ئەو كارەی كردبێت یان لەلایەن ئادمینەكانییەوە داخراوە.

پەڕەی فەڕمی حەشدی شەعبی یەكێك بوو لە پەڕە ناسراوەكان لای میدیای عیراق و لێدوان و هەواڵەكانی ڕاستەوخۆ گوزارشتی لە بۆچونی فەڕمی حەشدی شەعبی دەكرد.

بەردەوام بە لە خوێندنەوە

کوردستان

سبەینێ‌ تەرمی چوار قوربانی دەریای ئیجە دەگەڕێنرێنەوە سلێمانی

خەڵك- بەشی هەواڵ

وتەبێژی حكومەتی هەرێمی كوردستان لە لێدوانێكدا كە لە پەڕەی فەڕمی خۆی بڵاوی كردووەتەوە، ئاماژەی بەوەكردووە ئەو تەرمانەی لە ڕێگەی فڕۆكەخانەی سلێمانییەوە سبەینێ‌ دەگەڕێنرێنەوە و لەسەر ڕاسپاردەی سەرۆكی حكومەتی هەرێمی كوردستانیش فەرمانگە پەیوەندارەكانی حكومەت كارئاسانی تەواویان كردووە.

دەقی لێدوانەكە:

لێدوانێك لە گوتەبێژی حكومەتی هەرێمی كوردستانەوە‌

ئێوارەی رۆژی هەینی ٢٠٢٠/١/٢٤ كاتژمێر ٨:٤٥ ، تەرمی چوار لە قوربانیانی بەلەمی نوقومبووی دەریای ئیجە بە ناوەكانی (رێبین عەباس محەمەد، رەوەند مستەفا، رێبین محەمەد، سیڤەر ستار و یوسف بابەكر) لەسەر ئەركی حكومەتی هەرێمی كوردستان دەگاتەوە فڕۆكەخانە نێودەوڵەتیی سلێمانی.

هێنانەوەی تەرمی قوربانیان لەسەر راسپاردەی رێزدار مەسرور بارزانی، سەرۆكی حكومەتی هەرێمی كوردستانە كە لە كۆبوونەوەی هەفتەی رابردووی ئەنجومەنی وەزیران وێڕای دەربڕینی هاوخەمی خۆی لەگەڵ بنەماڵە و كەسوكاری قوربانییان، دەزگاكانی حكومەتیشی راسپارد، هەموو هاوكاری و ئاسانكارییەك بۆ گەڕاندنەوەی تەرمی قوربانییان بۆ هەرێمی كوردستان بكەن.

جوتیار عادل
گوتەبێژی حكومەتی هەرێمی كوردستان
٢٠٢٠/١/٢٣

بەردەوام بە لە خوێندنەوە

کوردستان