ئێمە لە تۆرە کۆمەڵایەتیەکان

کوردستان

قایمقام: سلێمانی ئامادەی پێشوازیكردنە لە گەشتیاران


خەڵك- بەشی هەواڵ

لیژنەكانی قائیمقامیەتی سلێمانی ڕایگەیاند، بەمەبەستی هەماهەنگی لەگەڵ تیمەكانی گەشتوگوزار و لایەنە ئەمنییەكان، سەردانی مەیدانی بۆ شوێنەكان دەكەن.

لەو بارەیەوە گۆران قادر سەرۆكی لیژنە هاوبەشەكانی قائیمقامیەتی سلێمانی رایگەیاند:” لیژنە هاوبەشەكان سەردانی بازگەكانی پێشوازیكردن لە گەشتیارانیان كردوە كە لەلایەن تیمەكانی بەڕێوەبەرایەتی گەشتوگوزاری سلێمانی بەدابەشكردنی ڕێبەری گەشتیاری و ڕێنمایی پێویست بەرچاو ڕوونی بە گەشتیارن دەدرێت”.

بە وتەی سەرۆكی لیژنە هاوبەشەكانی قائیمقامیەتی سلێمانی” بەمەبەستی دڵنیابونەوە لە ڕەوشی هاتنی گەشتیاران بۆ شاری سلێمانی بە شێوازێكی باش و نەبونی كێشە و گیروگرفت سەردانی بازگەكانیان كردوە، لە بازگەكان بەشێوازێكی شایستە پێشوازی لە گەشتیاران دەكرێت و شارەكە ئامادەیە بۆ پێشوازی لە گەشتیاران”.

گۆران قادر دەڵێت”ئاگاداری هەموو ئەوشوێنانە كراوەتەوە كە لە ڕۆژانی جەژندا بكرێنەوە‌ و پێشوازی لە گەشتیاران بكەن،‌‌ كۆمەڵەی چێشتخانەو میوانخانەكان بەدەم داواكەمانەوە هاتوون و ناوی زیاتر لە سەد ریستۆرانت و چێشتخانەی ناردووە بۆ لیژنەهاوبەشەكان كە‌ لە رۆژانی جەژندا دەكرێنەوە”.

وەك بەرپرسی لیژنە هاوبەشەكانی قائمقامیەتی سلێمانی ئاماژەی پێدەكات، لیژنە هاوبەشەكان بەهاوكاری بەڕێوەبەرایەتی گەشتوگوزار ڕێگری لە گرانكردنی نرخەكان دەكات، بەرزكردنەوەی نرخ بەسەرپێچی ئەژمار دەكرێت و لەلایەن قائیمقامیەتی سلێمانیەوە ڕێكاری یاسایی بەرامبەر ئەو شوێنانە دەگیرێتەبەر كە نرخ بەرزدەكەنەوە.

هەر بە وتەی گۆران قادر، ڕۆژانی جەژن زیاتر لە 35 نانەواخانە و فڕنەكانی سەمون كراوە دەبن و خزمەتگوزاریەكانیان پێشكەش بە هاوڵاتییان و گەشتیاران دەكەن، لەگەڵ كردنەوەی سەربڕینخانەی سلێمانی بۆ ئەوەی‌ قوربانیكاران لە سەربڕینخانەی سلێمانی ئاژەڵەكانیان سەربڕن.

هەروەها ئاماژەی بە پێشوازیی مۆزەخانەی ئەمنە سورەكە و مۆزەخانەی سلێمانیش كرد لە گەشتیاران لە رۆژانی جەژنی قوربانی پیرۆز.

کوردستان

تەندروستی هەرێم: 14 حاڵەتی نوێی تووشبوون بە ڤایرۆسی كۆرۆنا تۆماركران


خەڵك – بەشی هەواڵ

وەزارەتی تەندروستی هەرێم 14 حاڵەتی نوێی تووشبوون بە ڤایرۆسی كۆرۆنای ئاشكراكرد.

وەزارەتی تەندروستی هەرێم لە ڕاگەیەنراوێكدا ڕایگەیاند: لە بەردەوامی پشكنینەكان و گەڕان بەدوای گومانلێكراوان، چواردە تووشبووی ڤایرۆسی كۆرۆنای نوێ COVID-19 لەشاری سلێمانی دەستنیشانكران، كە هەشت ئافرەت و شەش پیاون.

وەزارەتی تەندروستی ڕوونیشیكردووەتەوە، پێنج لە تووشبووان لەناو شاری سلێمانی و پێنجوێن و ساگێز و سیتەك پێشتر گەشتیان كردووە، هەروەها حەوت لە تووشبووان لە دەربەندیخان بەركەوتەی تووشبووانی پێشوون، هەروەك دوو توشبووی نوێ لە شاری سلێمانی پێشینەی گەشتیان نییە.

ك.ج

بەردەوام بە لە خوێندنەوە

کوردستان

هاتوچۆی هەرێم: دەستمان بەسەر 12 هەزار و 796 بەڵگەنامەدا گرتووە


خەڵك – بەشی هەواڵ

بەڕێوەبەرایەتی گشتی هاتوچۆی هەرێم ئاماری 20 ڕۆژی ڕابردووی سەرپێچی و ڕووداوەكانی هاتوچۆی بڵاوكردەوە و ڕایدەگەیەنێت:”دەستمان بەسەر 12 هەزار و 796 بەڵگەنامە و زیاتر لە 657 ئۆتۆمبێلدا گرتووە”.

ئەسعەد مەلا كەریم وتەبێژی بەڕێوەبەرایەتی گشتی هاتوچۆی هەرێم لە ڕاگەیەنراوێكدا ئاشكرایكرد، لە ماوەی 20 ڕۆژی ڕابردوودا لە هەرێمی كوردستان ئامارەكان بەمشێوەیەیە:

– كۆی گشتی ڕووداو 27

– كۆی گشتی گیانلەدەستدان 3

– كۆی گشتی بریندار 25

– زیاتر لە 657 ئۆتۆمبێل دەستی بەسەردا گیراوە

– زیاتر لە 185 ماتۆڕسكیل دەستی بەسەردا گیراوە

– زیاتر لە 12 هەزار و 796 بەڵگەنامە دەستی بەسەردا گیراوە

– زیاتر لە 7 هەزار و 254 سەرپێچی بە ئامێری PDI واتە (SMS) تۆماركراوە لە سەر ئۆتۆمبێلی سەرپێچی كار.

ك.ج

بەردەوام بە لە خوێندنەوە

کوردستان

د.سامان بەرزنجی: هەموو هەڵسەنگاندنەكان وا دەخوازێت ڕێككارەكان توندوتۆڵ و زیاتر بكرێن


خەڵك – بەشی هەواڵ

وەزیری تەندروستی هەرێم لە ڕاگەیەنراوێكدا ڕایگەیاند، بۆ نەهێشتنی تەشەنەكردنی بڵاوبوونەوەی ڤایرۆسی كۆرۆنا، هەموو هەڵسەنگاندنەكان وا دەخوازێت ڕێككارەكان توندوتۆڵ و زیاتر بكرێن.

 

دەقی ڕاگەیەنراوەكە:

هەموو هەڵسەنگاندنەكان وا دەخوازێت ڕێككارەكان توندوتۆڵ و زیاتر بكرێت بۆ نەهێشتنی تەشەنەكردنی بڵاوبوونەوەی ڤایرۆسی كۆڕۆنای نوێ COVID-19.

سوپاس هاوڵاتیانی خۆشەویست بۆ ئارامیتان.

سوپاس بۆ هەموو لایەنە پەیوەندارەكان، تكایە با تەندروستی هاوڵاتیان لەپێش هەر كارێكی تر بێت، بە پابەندبوونمان بە مانەوە لە ماڵ و دووركەوتنەوە لە بەرككەوتنی یەكتر كوردستانی خۆشەویست لە كارەسات دەپارێزین.

د. سامان بەرزنجی
وەزیری تەندروستی
29 ئازار 2020

 

ك.ج

بەردەوام بە لە خوێندنەوە

کوردستان