ئێمە لە تۆرە کۆمەڵایەتیەکان

ژینگە

حكومەتی هەرێم لە خەرجكردنی 11 ملیار دینار بۆ تەواوكردنی بەنداوەكان پەشیمان بووەوە

خەڵك- بەشی هەواڵ

رۆژی 24ی حوزەیرانی 2017، بۆ یەكەمجار ئێران بەتەواوەتی ئاوی زێی بچوكی گرتەوە و رووبارەكە لە وشكبوونی تەواوەتی نزیككردەوە، بۆیە حكومەتی هەرێم بەپەلە بڕیاریدا 11 ملیار دینار بۆ تەواوكردنی بەنداوە تەواونەكراوە خەرج بكرێت، بەڵام تائێستا پارەكە خەرج نەكراوە.

ئەكرەم ئەحمەد، بەڕێوەبەری گشتی بەنداوەكانی هەرێمی كوردستان بە (خەڵك)ی راگەیاند، بەشێكی كەم لە پارەكە خەرجكراوە لە سلێمانی، بەڵام لە هەولێر بانكەكان ئامادەنین پارەكە خەرج بكەن.

وتیشی”كاركردن لە دوو بەنداو لە كۆی 22 بەنداو دەستی پێكردووەتەوە، بەڵام ئەوانیش كارەكانیان بەباشی ناڕۆن، بەشێك لە پارەكە لە سلێمانی خەرجكراوە، بەڵام لە هەولێر كاركردنی دەستی پێنەكردووەتەوە”.

حكومەتی هەرێمی كوردستان خاوەنی 20 بەنداوە كە سێ‌ بەنداویان ستراتیژین” دووكان، دەربەندیخان و دهۆك” و هەر سێ‌ بەنداوەكە لەسەردەمی حكومەتی عێراقدا دروستكراون و حكومەتی هەرێمیش 17 بەنداوی بچوكی دروستكردووە.

سەبارەت بە دەستپێكردنەوەی كاركردن لە بەنداوەكاندا، ئەكرەم ئەحمەد وتی”پەیوەندی بە پارەكەوە هەیە، هەركاتێك پارە دابین بكرێت كاركردن دەستپێدەكاتەوە”.

بەبڕوای چاودێرانی جیۆلۆجی هەرێمی كوردستان لەمكاتەدا پێویستی بە دروستكردنی نزیكەی 280 بەنداوی جۆراوجۆر هەیە بۆ ئەوەی بتوانێت بڕێكی باش لە ئاو كۆبكاتەوە.

ژینگە

كەشناسی رێژەی باران بارینی 24 كاتژمێری رابردووی لە هەرێمی كوردستان بڵاوكردەوە

خەڵك-بەشی هەواڵ

بەڕێوەبەرایەتی كەشناسی و بومەلەرزەزانی هەرێمی كوردستان رێژەی باران بارینی لە 24 كاتژمێری رابردوو بڵاوكردەوە.

بەپێی زانیارییەكانی كەشناسی هەرێمی كوردستان، زۆرترین رێژەی بارین باران لە شارۆچكەی سەرسەنگی سەر بە پارێزگای دهۆك بە بڕی 72 ملم باریوە.

بەپێی ئەو پێشبینیانەی كەشناسی لەسەر باران بارین بڵاویكردووەتەوە، ئەمڕۆ پێنج شەممە باران بارین بەردەوام بێت و سبەینێ هەینی ئاسمانی شارەكانی هەرێمی كوردستان هەور و هەتاو دەبێت.

بەردەوام بە لە خوێندنەوە

ژینگە

كەش و هەوای ئەمڕۆ و سبەی شارەكانی هەرێمی كوردستان

خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێم كەش و هەوای ئەمڕۆ و سبەینێی بڵاوكردەوە.

بەپێی پێشبینییەكانی كەشناسی هەرێم، ئەمڕۆ پێنج شەممە بەرزترین پلەی گەرما لە هەولێر 14 پلە و لە سلێمانی 12 پلە و لە دهۆك 12 پلەو لە كەركوكیش 18 پلە دەبێت‌و لە سەرجەم شارەكانی هەرێمی كوردستانیش باران دەبارێت و لە ناوچە شاخاوییەكانیش بەفر دەبارێت.

هەر بەپێی پێشبینییەكانی كەشناسی، سبەینێ هەینی بەرزترین پلەی گەرما لە هەولێر 15 پلە و لە سلێمانی 13 پلەو لە دهۆك 13 پلەو لە كەركوكیش 19 پلە دەبێت و ئاسمانی شارەكانی هەرێمی كوردستانیش هەور و هەتا دەبێت.

بەردەوام بە لە خوێندنەوە

ژینگە

وێنەو ڤیدیۆ.. پایزی سەرچنار

خەڵك-

فۆتۆ: هەرێم بەهادین

هاوینەهەواری سەرچنار لە شاری سلێمانی لە كەشێكی پایزی سەرنجڕاكێشدایە و دیمەنێكی نایاب پێشكەشی سەردانیكەرانی دەكات.

هاوینەهەواری سەرچنار بەهۆی شەپۆلی باران بارینەكانی رابردووەوە سەرجەم كانیاو و سەرچاوەكانی تەقیون و هاژە و خوڕەی ئاو تێكەڵی رەنگی ئاڵتوونی دار و درەخت و گەڵا هەڵوەریوەكان بووە.

سەرچنار بە هاوێنەهەوارێكی دێرینی باشووری كوردستان و شاری سلێمانی دادەندرێت و رۆژانە و ساڵانە گەشتیارێكی زۆری نێوخۆیی و دەرەكی سەردانی دەكەن.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین