ئێمە لە تۆرە کۆمەڵایەتیەکان

جیهان

بەوێنە: نهێنییەكانی لینین و چەند وێنەیەكی نەبینراوی

خەڵك-سەعد مەلا عەبدوڵڵا گوڵپی

ڤلادیمیر ئیلیچ لینین لە ٢٢ی نیسانی ١٨٧٠ لەدایك بووە و لە ساڵی 1924 كۆچی دوایی كرد و بە ڕابەڕی ڕاپەڕینی ساڵی ١٩١٧ و دامەزرێنەری یەكێتیی سۆڤیەتی سۆسیالیستی دادەنرێت.

هاوبەشەكانی لە زانستی ڕامیاریدا بە لینینیزم دەیناسن ‌و بە یەكێك لە ١٠٠ كەساییەتی كاریگەر لەسەر كۆمەڵگا لە سەدەی بیستەم دیاری كرا.

ناوبراو لە شاری سێمبڕسك لە ڕووسیا لە ٢٢ی نیسانی ساڵی ١٨٧٠ دوای تەواوكردنی قۆناغی قوتابخانە دەچێتە كۆلێژی یاسا لە شاری قازان لە ڕووسیا، دوای ئەوەی براكەی لەلایەن دەسەڵاتدارانی قەیسەری ڕووسیا، كە لەلایەن ئەسكەندەری سێیەم پاشای ئەوكاتی ڕووسیا لەسێدارە درا، لینین دەچێتەوە قازان ‌و پەیوەندیەكی بەھێز لەگەڵ ماركسیەكان دروست دەكات، پاشان دەگەڕێتەوە پایتەختی ئەوكاتی ڕووسیا، كە شاری سانپترسبۆرگ بووە، كتێبێك دەنووسێت لەسەر زانستی ئابوری ماركسی ‌و مێژووی فیكری ‌و جووڵەی كرێكاران لە ڕووسیا.

لینین دژی شای قەیسەری نیكۆڵای سێھەم و لە ڕێكەوتی ١٦ی نیسانی ١٩١٧ لەگەڵ كرێكاران دەسەڵاتی قەیسەری لابرد و دەسەڵاتی سۆڤیەتی لەسەر بنەماكانی ماركس و ئەنجلس پێكھێنا.

لینین لە ساتەوەختی گەڕان بە باخچەی كۆشكی كرملین لە ساڵی 1918

ناسنامەی لینین، كە ئەو هەمیشە دەیشاردەوە

پاسەوان لە ساتەوەختی پارێزگاری لە ژووری لینین لە پتروگراد لە ساڵی 1917

لینین لەكاتی قسەكردن لە مەیدانی سوردلوف لە مۆسكۆ لەكاتی مانۆری سەربازی

لینین لە مۆسكۆ لە ساڵی 1919

لینین لەكاتی خوێندنەوەی وتارێك لە دووەمین رۆژی یادی دامەزراندنی سوپا لە مەیدانی سوور لە مۆسكۆ لە ساڵی 1919

لینین لەگەڵ گروپێك فەرماندەی سوپا لە مەیدانی سوور ساڵی 1919

ڤلادیمێر ئیلیچ، لینین لە ژوورەكەی خۆی لە ساڵی 1922

لینین و نادژدا كروپسكایا لە گركاخ لە ساڵی 1922

لینین لە گركاخ لە ساڵی 1922

لینین و جوزف ستالین لە گركاخ لە ساڵی 1922

خوێندكاران لە كاتی پارێزگاری كردن لە گۆڕی كاتی لینین لە ساڵی 1924

شەممەی پاكوخاوێنی لە مۆسكۆ لە ساڵی 2017

ڕێزی هاووڵاتیان بۆ سەردانیكردنی گۆڕی لینین لە مەیدانی سور لە ساڵی 1984

نۆژەنكردنەوەی گۆڕی لینین لە ساڵی 2017

ریکلام

جیهان

3 ملیۆنی وەك خەڵات دیاری كردووە
پەڕلەمانتارێكی ئێرانی داوای كوشتنی دۆناڵد تڕەمپ دەكات

خەڵك-لوقمان غەفوور

ئەندامێكی پەڕلەمانی ئێران پاداشتێكی ڕاگەیاند بۆ هەر كەسێك كە دۆناڵد تڕەمپ تیرۆر بكات یان بكوژێت كە بڕەكەی 3 ملیۆن دۆلارە.

سی ئێن بڵاویكردەوە، تیرۆركردنەكەی تڕەمپ وەك تۆڵەكردنەوەیە بەرامبەر تیرۆركردنی قاسم سولەیمانی بەرپرسی سوپای قودسی پاسداران.
ئەحمەد هەمزە نوێنەرێكی نەناسراوی ئەنجومەنی نوێنەرانی ئێران ئەم پاداشتەی خستۆتەڕوو وەك نوێنەری خەڵكی كرمان كە شوێنی نیشتەجێبوونی قاسم سولەیمانییە.

ڕێككەوتی 36ی ئەم مانگە سێ موشەك فڕۆكەخانەی بەغدای هەژاند و بووەهۆی كوژرانی 7 بەرپرسی عیراقی و ئیرانی لەنێو كوژراوەكاندا، قاسم سولەیمانی بەرپرسی سوپای قودس-ی ئێران و ئەبو مەهدی موهەندس جێگری فەرماندەی گشتی هێزەكانی حەشدی شەعبی تێدابوو.

بەردەوام بە لە خوێندنەوە

جیهان

ژنە داعشێك حكومەتی نەرویجی هەڵوەشاندەوە

خەڵك – بەشی هەواڵ

لەسەر وەرگرتنەوەی ژنە داعشێك كە لەگەڵ دوو منداڵەكەیدا گەڕێنرانەوە ئەو وڵاتە، پارتی پێشكەوتن لە حكومەت كشایەوە و بەوەش حكومەت هەڵوەشایەوە.

سیڤ یەنسن سەرۆكی پارتی پێشكەوتن لەگەڵ ئێرنا سۆلبێرگ سەرۆك وەزیرانی نەرویج كۆبووەوە و دوای ئەوە كشانەوەی پارتەكەی لە حكومەت ڕاگەیاند.

سیڤ یەنسن سەرۆكی پارتی پێشكەوتن ڕایگەیاند:”دەتوانین پێشوازی لە منداڵەكان بكەین، بەڵام سازش لەسەر كەسانێك ناكەین كە خۆبەخشانە پەیوەندییان بە ڕێكخراوێكی تیرۆریستییەوە كردووە. من ئەوە دەكەم، چونكە ئەوە تاكە ڕێگەی ڕاستە بیگرمەبەر”.

سیڤ یێنسن ڕاشیدەگەیەنێت:”نەمتوانیوە بەشی زۆری سیاسەتەكانی لەنێو حكومەتدا جێبەجێ بكات”.

ئەمەش لە كاتێكدایە، سەرۆك وەزیرانی نەرویج كە سەر بە پارتی پارێزگارانە، بەرگریی لە بڕیاری وەرگرتنەوەیان دەكات.

سیڤ یێنسن، سەرۆكی پارتی پێشكەوتنە كە پارتێكی دژە كۆچبەرانە و ڕەخنە لە بڕیارەكە دەگرێت و باس لەوە دەكات، “ئەم بڕیارەی سەرۆك وەزیران سەلماندی كە پارتی پارێزگاران تەنیا و تەنیا بیر لە بەرژەوەندییە بەرتەسكەكانی پارتەكەی دەكاتەوە لەسەر حسابی بەرژەوەندیی گەل و وڵات”.

جێی ئاماژەیە، هەفتەی ڕابردوو ژنێكی نەرویجی كە هاوژینی تیرۆریستێكی كوژراوی داعش بوو، لەگەڵ دوو منداڵەكەی لە كەمپی هۆڵی ژێر دەستی بەڕێوەبەرایەتیی خۆسەر لە ڕۆژئاوای كوردستانەوە لە ڕێگەی ؤەوە برانەوە نەرویج.

ك.ج

بەردەوام بە لە خوێندنەوە

جیهان

ئێران، سێ‌ ملیۆن دۆلار وەك خەڵات بۆ كوشتنی ترەمپ تەرخان دەكرێت

خەڵك- بەشی هەواڵ
ئاژانسی (ئێسنا)ی ئێرانی باس لە تەرخانكردنی 3 ملیۆن دۆلار دەكات لەلایەن ئەندامێكی پەڕلەمانی وڵاتە كە “وەك خەڵات دەدرێت بەو كەسەی دۆناڵد ترەمپ، سەرۆكی ئەمریكا دەكوژێت”.

ئەمڕۆ سێ‌ شەممە، ئاژانسی (ئێسنا)ی نیمچە فەرمی ئێرانی لە زاری ئەحمەد حەمزە، ئەندامی ئەنجوومەنی شورای ئێرانی (پەڕلەمان) بڵاویكردەوە، “لە بری گەلی هەرێمی كرمان، بڕی سێ‌ ملیۆن دۆلاری كاش وەك خەڵات بۆ ئەو كەسە تەرخان دەكرێت، كە ترەمپ دەكوژێت”.

حەمزە لە لێدوانەكەیدا ڕونی نەكردۆتەوە، كە ئایا بڕیارەكە لەلایەن پیاوانی ئاینی حوكمڕانی ئێرانەوە دەرچووە بۆ هەڕەشەكردن لە ترەمپ یان لەلایەن خۆیانەوە.

كرمان، زێدی قاسم سولەیمانی، فەرماندەی فەیلەقی قودسە، كە لە هێرشێكی فڕۆكە بێفڕۆكەوانەكانی ئەمریكادا لە 3ی ئەم مانگە لە نزیك فڕۆكەخانەی بەغدای نێودەوڵەتی كوژرا.

پێشتر تەلەفزیۆنی فەرمی ئێران، خەڵاتێكی بە بڕی 80 ملیۆن دۆلار بۆ ئەو كەسە دیاری كردبوو كە “دۆناڵد ترەمپ، سەرۆكی ئەمریكا لەناودەبات”.

پێشكەشكاری یەكێك لە بەرنامەكانی تەلەفزیۆنی ئێرانی ڕایگەیاندبوو، “دانیشتووانی ئێران كە 80 ملیۆن كەسن، پێویستە هەڵمەتێك بۆ كۆكردنەوەی 80 ملیۆن دۆلاری ئەمریكایی دەستپێبكەن و پێشكەش بەو كەسەی بكەن، كە سەری دۆناڵد ترەمپ، سەرۆكی ئەمریكا دەهێنێت”.

 

أ.ج

بەردەوام بە لە خوێندنەوە

کوردستان