ئێمە لە تۆرە کۆمەڵایەتیەکان

کوردستان

هەپەگە وردەكاری تێكهەڵچوونەكانی لە باكور و باشوری كوردستان راگەیاند

خەڵك- بەشی هەواڵ

ناوەندی راگەیاندن و چاپەمەنی هەپەگە لە راگەیەندراوێكدا وردەكاری تێكهەڵچوونەكانی نێوان هێزەكانی گەریلا و سوپای توركیای لە باشور و باكوری كوردستان راگەیاند.

دەقی راگەیەندراوەكە:
لەچوارچێوەی هەڵمەتی شۆڕشگێڕیی شەهید پیرۆز و شەهید ئاگری دا هێزەكانمان لە ١٧ی ئابی ٢٠١٨دا لە دژی سوپای توركی داگیركەر زنجیرە چالاكییەكیان ئەنجامدا و وردەكاریی چالاكییەكان بەمشیوەیەی خوارەوەن.

چالاكی لە لێلیكان

كاتژمێر ٠٨:٤٠ دا هێزەكانمان لە دژی داگیركەران لە لێلیكانی سیدەكان لە باشووری كوردستان چالاكییان ئەنجامدا. لە چالاكییەكەدا سەنگەر و پەناگەكانی دوژمن تێكشكێنران. ژمارەی سەربازانی كوژراو و برینداری دوژمن روون نەبووەتەوە.

لە بارزان ئۆتۆمبلێكی ریۆی سەربازی تەقێنرایەوە و ٤ سەرباز كوژران

هێزەكانی یەژەئاستا لە كاتژمێر ٠٩:٣٠ دا لە دژیی سوپای توركی داگیركەر لە ناوچەی تەپەی خودێ لە ناوچەی بارزان لە باشووری كوردستان چالاكییەكیان ئەنجامدا. لە چالاكییەكەدا ئۆتۆمبێلێكی سەربازیی جۆری ریۆ تەقێنرایەوە و ئەوەندەی روون بووەتەوە لەو چالاكییەدا ٤ سەربازی كوژراون. دوای چالاكییەكە سوپای توركی داگیركەر بە تۆپی جۆری ئۆبیس و هاوەن شوێنی چالاكییەكەیان بۆردومان كرد.

لە چەلێ ٤ سەرباز كوژران

كاتژمێر ١٩:٠٠ هێزەكانمان لە شاخی كۆردینە لە ناوچەی چەلێی جۆلەمێرگ لە دژی سەربازانی سوپای توركی داگیركەر چالاكییەكییان ئەنجامدا. لەو چالاكییەدا هێزەكانمان لە ٧ شوێنەوە لە سەنگەر و پەناگەكانی دوژمنیان دا و چەندین سەنگەر و پەناگەیان تێكشكێنرا و ئەوەندەی روون بووەتەوە ٤ سەرباز كوژراون. لە دوای چالاكییەكە سوپای توركی داگیركەر بە تۆپی جۆری ئۆبیس و هاوەن ناوچەكەی بۆردومان كرد.

چالاكییەكانی ئەیالەتی سەرحەد

هێزەكانمان لە چوارچێوەی هەڵمەتی سەرفرازیی شۆڕشگێڕیدا لە ئەیالەتی سەرحەد لە دژی سوپای توركیی داگیركەر چالاكییان ئەنجامدا. وردەكاریی چالاكییەكانی ئەیالەتی سەرحەد:

٥ ئەندامی هەواڵگریی توركیا كوژران

هێزەكانمان لە ٢٨ی تەمووزی ٢٠١٨دا لەسەر رێگای بازید – ئیدر كاروانێكی سەربازییان خستەژێر چاودێری، كە ئەندامانی هەواڵگریی توركیای تیادا بوو. هێزەكانمان لە كاتژمێر ١٠:٣٠دا لە دژی ئۆتۆمبێلكی جۆری ئامارۆك چالاكییەكیان ئەنجامدا، كە ئەندامانی هەواڵگریی تیدا بوو. لەو چالاكییەدا ئۆتۆمبێلەكە تەقێنرایەوە و ٥ ئەندامی هەواڵگریی تیادا كوژرا. هاوكات هێزەكانمان ئۆتۆمبێلێكی تری كاروانە سەربازی و هەواڵگرییەكەیان كردە ئامانج و لەو ئۆتۆمبێلەی تریشدا ٢ سەربازی تر كوژران و سەربازێكی تریش برینداربوو. لە دوای چالاكییەكە سوپای توركی داگیركەر بە كۆپتەری جۆری كۆبرا كوژراو و بریندارەكانی گواستەوە.

لە تەندورەك سەربازێك كوژرا و ٣ سەربازی تریش برینداربوون

هێزەكانمان لە ئەیالەتی سەرحەد لە بەردەوامیی چالاكییەكانیدا رۆژی ١٥ی تەباخ لە كاتژمێر ١٩:٠٠ دا لە دژی گردێك كە پاسەوانیی بنكەی سەربازیی كەڤرێ شامێ لە تەندورەك دەكرد، چالاكیەكییان ئەنجامدا. لەو چالاكییەدا سەربازێك كوژرا و ٣ سەربازی تریش برینداربوون.

لە كۆمورای سەمسور زرێپۆشێكی جۆری كۆبرا تەقێنرایەوە

هێزەكانمان لە ١٤ی ئابی ٢٠١٨دا لە شارۆچكەی كۆمورا لە پارێزگای سەمسوور (ئادیامان) لە دژی كانێكی مەڕمەڕ كە بۆ دوژمن كاری دەكرد، چالاكییەكیان ئەنجامدا. هێزەكانمان هەموو كرێكارانی كانە مەڕمەڕەكەیان ئاگادار كردەوە و دواتر ١٣ ئۆتۆمبێلی كانەكەیان سوتاند.

لە دوای چالاكییەكە هێزە ئەمنییەكانی توركیا بە زرێپۆشێكی جۆری كۆبرا لە كانەكە نزیك بوونەوە و هەوڵیاندابوو دەستوەردان ئەنجام بدەن، بەڵام هێزەكانمان چالاكییان لە دژی ئۆتۆمبێلەكە ئەنجامدا و بەو هۆیەوە ئۆتۆمبێلە زرێپۆشەكە تەقێنرایەوە. ژمارەی كوژراوان و بریندارانی ناو زرێپۆشەكە روون نەبووەتەوە. سوپای توركی داگیركەر لە دوای ئەو چالاكییانە لە ناوچەكە دەستیان بە ئەنجامدانی ئۆپراسیۆنێكی بەرفراوان كرد.

هێزەكانمان رۆژی ١٦ی ئابی ٢٠١٨ لە دژی یەكەیەكی ئۆپراسیۆنەكەی دوژمن چالاكیی دووەمیان ئەنجامدا. لەو چالاكییەدا چەندین سەربازی دوژمن كوژران و برینداربوون. ئۆپرسیۆنەكە تاوەكو ئێستا بەردەوامە”.

کوردستان

باندێكی دزینی 50 ماتۆڕسكیل لە سلێمانی دەستگیركرا

خەڵك- بەشی هەواڵ
مەفرەزەكانی بەشی پۆلیسی نەهێشتنی تاوانی سلێمانی باندێكی چوار كەسییان دەستگیركرد، كە زیاتر لە 50 ماتۆڕسكیلیان لەناو شاری سلێمانی دزیوە.

بەڕێوەبەرایەتی پۆلیسی سلێمانی لە ڕاگەیەنراوێكدا ئاماژەی بەوەكردووە، مەفرەزەكانی بەشی پۆلیسی نەهێشتنی تاوان زانیارییان لەسەر چەند تۆمەتبارێك هەبوو، كە ماتۆڕسكیلی هاووڵاتیان دەدزن، بۆیە تۆمەتباران خرانە ژێر چاودێری وردەوە و كاتژمێر 4:30 خولەكی بەرەبەیانی ئەمڕۆ توانرا سێ‌ لەو تۆمەتبارانە لەكاتی دزینی ماتۆڕێكدا دەستگیربكرێن و تۆمەتبارەكەی دیكەش هەر ئەمڕۆ دەستگیركرا.

ڕاشیگەیاندووە، تۆمەتباران لەشێوەی باندێكدا دزییان كردوە و بەپێی دانپێدانانی خۆیان تا ئەمڕۆ زیاتر لە 50 ماتۆڕسكیلیان دزیوە و لەدەرەوەی شاری سلێمانی ماتۆڕسكیلەكانیان ساغ كردۆتەوە .

ئاشكراشی كردووە، لەئێستادا هەریەك لەتۆمەتباران، (أ ، ی ، ح لەدایكبووی 2002 و ش ، خ ، م لەدایكبووی 2000 و ش ، ب ، أ لەدایكبوی 2002 و د ، س ، م لەدایكبوی 2004)، كە سەرجەمیان كوردن و دانیشتوی دەرەوەی سنوری پارێزگای سلێمانین بەبڕیاری دادوەر ڕاگیراون و لێكۆڵینەوە لەگەڵیان بەردەوامە.

بەردەوام بە لە خوێندنەوە

کوردستان

یەكگرتوو: ئێمە لە دەسەڵات بووینایە ئەمانزانی چۆن چاكسازی دەكرێت

خەڵك- بەشی هەواڵ
سەرۆكی فراكسیۆنی یەكگرتوو لە پەڕلەمانی كوردستان ڕایدەگەیەنێت، كە قۆرخكردنی ئابوری و بازاڕ و كۆمپانیاكان وای كردووە، ئەوەی دەستڕیشتووی نەبێت هەلی كار و بزنسی دەست نەكەوێت و دەشڵێت: “ئێمە لە دەسەڵات بوینایە ئەمانزانی چۆن چاكسازی دەكرێت”.

د. شێركۆ جەودەت، سەرۆكی فراكسیۆنی یەكگرتوو لە هەژماری خۆی لە فەیسبووك ڕایگەیاندووە، “دەستە و تاقمی مافیایی و پیسخۆر دروستبوون، كە دەستڕۆیشتوون و هێزیشیان لە پشتە، ئەوانە ڕێگە لە بازرگانی خەڵك دەگرن و داوای پشك لە سەرمایەگوزاری خەڵكی دەكەن، دەرئەنجام ئەوانە وەكو وەرەمی شێرپەنجەیان لێهاتووە لە ناو جەستەی هەرێمی كوردستان”.

ڕاشیگەیاندووە، قۆرخكردنی ئابوری و بازاڕ و كۆمپانیاكان وای كردووە، ئەوەی دەستڕیشتووی نەبێت هەلی كار و بزنسی دەست نەكەوێت و بكەوێتە ژێرەوە لە ڕكابەرییەكاندا، بۆیە ئەو دەستڕۆیشتووانە لە ماوەیەكی كەمدا لەسەر حسابی خەڵكی هەژار ئەبن بە ملیۆنێر.

دەشڵێت: “ئێمە ئێستا ئۆپۆزسیۆنین هەموو ڕێكارە پێویستەكانمان گرتۆتەبەر بۆ فشارخستە سەر دەسەڵاتداران بۆ ڕەخساندنی هەلی كار و دامەزراندنی دەرچووانی زانكۆ و پەیمانگاكان، ئەگەر ئێمە لە دەسەڵات بوینایە ئەمانزانی چۆن چاكسازی دەكرێت، كە لە زیندوو كردنەوەی بەها و قیمەكانەوە دەستپێدەكەین، تا دەگاتە وەگەڕخستنی پڕۆژەی بچووك و ڕەخساندنی هەلی كاری یەكسان تا هەمووان بتوانن بە دادپەروەری كاریان دەست بكەوێت”.

بەردەوام بە لە خوێندنەوە

کوردستان

وەزیری پێشمەرگە: كۆلێژی ئەركان بەرهەمی خەبات و تێكۆشانی ئەوانە

خەڵك- بەشی هەواڵ
وەزیری پێشمەرگەی حكومەتی هەرێمی كوردستان كۆلێژی ئەركان لە دەروازەی ڕاپەڕین بەسەردەكاتەوە و ڕایدەگەیەنێت، كە كێشە و گرفتەكانی ئەو ناوەندە گرنگە ئەكادیمی و زانستیە سەربازیە چارەسەر دەكەن.

بەپێی ڕاگەیەنراوێكی وەزارەتی پێشمەرگە، ئەمڕۆ ١٨/٢/٢٠٢٠ شۆڕش ئیسماعیل، وەزیری پێشمەرگەی حكومەتی هەرێم، كولێژی ئەركان ـی سەر بەوەزارەتی پێشمەرگەی لە دەروازەی ڕاپەڕین بەسەركردەوە و لەنزیكەوە لەڕەوەشی خوێندن لەو كولێژە و كەموكوڕی و داواكارییەكیانی كۆڵییەوە و هەوڵ و ماندوبونی ئەفسەران و مامۆستایانی ئەو كولیژەی بەرزنرخاند.

ڕاشیگەیاند، كێشە و گرفتەكانی ئەو ناوەندە گرنگە ئەكادیمی و زانستیە سەربازیە چارەسەر دەكەن.

وەزیری پێشمەرگە لەكۆبوونەوەیەكدا لەگەڵ خوێندكارانی خولی حەوتەمی ئەركان، ڕایگەیاند، كۆلێژی ئەركان دەرگای بۆ كردوونەتەوە، بۆئەوەی پەرە بەزانست و زانیاریەكانتان بدەن، دڵخۆشم بەوەی كە لە ٢٠٠٣ وە بەهەوڵی خەباتگێڕان و تێكۆشەرانی دوێنێی كوردایەتی و پێشمەرگایەتی، ئەو كۆلێژەمان هەیە، كە بەرهەمی خەبات و تێكۆشانی ئەوانە.

وتیشی، “جێگەی بایەخ و گرنگی وەزارەتی پێشمەرگەیە، كە كۆلێژی سەربازی و كۆلێژی ئەڕكانمان هەیە و فەرماندە و ئەفسەرانی شارەزا لە بواری سەربازی بەشێوەی زانستی و ئەكادیمی بەرهەم دەهێنن”.

بەردەوام بە لە خوێندنەوە

کوردستان