ئێمە لە تۆرە کۆمەڵایەتیەکان

عێراق

باڵێوزخانەی ئەمریكا لە بەغدا: عیراق سزاكانی لە دژی ئێران پێشێل نەكردووە

خەڵك- بەشی هەواڵ

باڵێوزخانەی ئەمریكا لە بەغدا، رەتیدەكاتەوە عیراق سزاكانی لە دژی ئێران پێشێل كردبێت، تەئكیدیش لەسەر راگرتنی مامەڵەكردنی عیراق بە دۆلار لەگەڵ ئێراندا دەكاتەوە.

باڵێوزخانەی ئەمریكا لە بەغدا، رونكردنەوەیەك لەبارەی لێدوانەكانی هیدز نەویرت وتەبێژی وەزارەتی دەرەوەی ئەمریكا لەبارەی پەیوەندی عیراق بە سزاكان لە دژی ئێران، بڵاودەكاتەوە و تێیدا رەتیدەكاتەوە عیراق سزاكانی ئەمریكای لە دژی ئێران پێشێل كردبێت.

باڵێوزخانەكە لە رونكردنەوەكەیدا رایگەیاندووە”دوای پێداچوونەوە بە پرسیار و وەڵامەكان و لەدوای چاودێریكردنی بابەتەكە لەگەڵ جێگری باڵێوز، ئەم رونكردنەوەیە بەپێویست زانرا:لە وەڵامی پرسیارێك هیدز نەویرت ئاماژەی بەو هەوڵانە كردوو كە بۆ چارەسەركردنی كێشەكانی نێوان حكومەتی هەرێمی كوردستان و حكومەتی عیراق خراونەتەگەڕ”.

هەر لە رونكردنەوەكەدا هاتووە”نەویرت رونیكردۆتەوە هەر وڵاتێك سزاكان پێشێل بكات، رووبەڕووی لێپرسینەوە دەبێتەوە، ئەمەش وەك ئاماژەپێكردنێكی بوێرانە بۆ سزاكانی سەر ئێران”.

بەپێی بەیاننامەكە “هیدز نەویرت دەڵێت، وەك ئاشكرایە سزاكان پەیوەنديان بە مامەڵەكردن بە دۆلارەوە هەیە لەگەڵ ئێران، سەرۆك وەزیرانیش لەو بارەیەوە رایگەیاند كە عیراق مامەڵەی دۆلار لەگەڵ ئێراندا ناكات، كەواتە هیچ پێشێلكارییەك بۆ سزاكان نییە”.

باڵێوزخانەی ئەمریكا لە بەغدا دەڵێت”ئەو هەواڵانەی پێشتر لەلایەن میدیاكانی عیراقەوە بڵاوكرانەوە سەبارەت بە پێشێلكردنی عیراق بۆ سزاكانی ئەمریكا لە دژی ئێران، دوورن لە راستییەوە، پێشتریش هیدز نەویرت وتەبێژی وەزارەتی دەرەوەی ئەمریكا قسەی لەسەر لێدوانەكانی حەیدەر عەبادای سەرۆك وەزیران كردبوو سەبارەت بە بەردەوامی بازرگانیكردن لەگەڵ ئێران و رایگەیاندبوو: پێشێلكارانی سیستمی سزاكان، بۆخۆشیان رووبەڕووی سزا دەبنەوە”.

عێراق

عیراق.. هەشتەم حاڵەتی تووشبون بە ڤایرۆسی كۆرۆنا تۆماركرا

خەڵك – بەشی هەواڵ

وەزارەتی تەندروستی عیراق ڕایدەگەیەنێت، هەشتەم حاڵەتی تووشبوون بە ڤایرۆسی كۆرۆنایان تۆماركردووە.

د.سەیف بەدر وتەبێژی وەزارەتی تەندروستی عیراق ئاشكرایكرد، هەشتەم حاڵەتی تووشبوون بە ڤایرۆسی كۆرۆنایان لە وڵاتدا تۆماركردووە.

وتەبێژی وەزارەتی تەندروستی عیراق ڕوونیشیكردەوە، تووشبووەكە ژنێكی تەمەن 35 ساڵە و لە وڵاتی ئێران گەڕاوەتەوە و ئەمڕۆ لە نەخۆشخانەی كەرخ لە پشكنینی بۆ ئەنجامدراوە دەركەوتووە كە هەڵگری ڤایرۆسەكەیە.

پێشتر، حەوت حاڵەتی تووشبوون بە ڤایرۆسی كۆرۆنا لە عیراق تۆماركرابوون، 4 حاڵەت لە كەركوك و 2 حاڵەت لە نەجەف و حاڵەتێكیش لە بەغدا.

ك.ج

بەردەوام بە لە خوێندنەوە

عێراق

“پارەی ئەم مانگە هاتووە و ڕۆژی 1شەممە لەژێر دەستی هەرێم دەبێت”

خەڵک ـ بەشی هەواڵ

پەڕلەمانتارێکی کورد، لەپەڕلەمانی عیراق دەڵێت: پارە لە بەغداوە هاتوە.

د.ڕێبوار کەریم پەڕلەمانتاری سەربەخۆ، لە پێگەی تایبەتی خۆی لەتۆڕی کۆمەڵایەتی فەیسبوک نوسیوویەتی: پارەی ئەم مانگە لەبەغداوە هاتوەو لە ڕۆژی یەکشەممە (۱_۳_۲٠۲٠) لەژێر دەستی هەرێم دەبێت.

،ئەو پەڕلەماتارە نوسیوویەتی: هەرێم ڕایگەیاندووە ئەو پارەیەی لە بەغداوە دێت بەشی مووچە ناکات و خۆی پارەی تری دەخاتەسەر، کەواتە تا ئەو پارەیە دێت بۆ خۆی لەوەی کە دەیخاتەسەری مووچەی چەند شوێنێک دابەش ناکات.

د.ڕێبوار ئەوەشی نوسیووە”تا کەی بەشێکی زۆری داهاتی هەرێم بەنادیاری دەمێنێتەوە؟
کوا باقیاتی داهاتی نەوت جگە لەو بڕە کەمەی دەدرێتە وەزارەتی دارایی، کوا پارەی داهاتی ناوخۆ کە بەردەوام زیاد دەکات؟
کوا داهاتی ئەو باج و سەرانانەی کە بەردەوام لەسەر خەڵک زیاد دەکات لەدەرەوەی یاساو تەنها بەپێی رێنماییەک”.

لەکۆتایدا ڕێبوار کەریم دەڵێت: هیچ پاساوێك بۆ دواخستنی مووچەی فەرمانبەران نییەو ناکرێ هەرێم لەوەزیاتر سەبری هاوڵاتیان تاقی بکاتەوە.

بەردەوام بە لە خوێندنەوە

عێراق

“سەرۆك كۆمار، دەتوانێت كەسێكی دیكە بۆ سەرۆك وەزیرانی عیراق كاندید بكات”

خەڵك-بەشی هەواڵ

 

پسپۆڕێكی یاسایی ئاشكرایدەكات، سەرۆك كۆماری عیراق دەتوانێت بەبێ گەڕانەوە بۆ كوتلەی زۆرینە، كاندیدێكی دیكە ڕابسپێرێت ئەگەر سبەینێ پەڕلەمان متمانەی بە محەمەد عەللاوی نەدا.
دوای ئەوەی دوێنێ پێنج شەممە پەڕلەمان ڕێژەی یاسایی تەواو نەكرد، بڕیارە سبەینێ پەڕلەمانی عیراق بۆ متمانەدان بە كابینەكەی محەمەد تۆفیق عەللاوی كۆببێتەوە، ئەمەش لەكاتێكدایە كورد و سوننە و بەشێك لە شیعەكان لە عەللاوی ناڕازین و دەنگی پێنادەن.

تاریق حەرب پسپۆڕی یاسایی عیراقی لە ڕاگەیەنراوێكدا ئاماژە بۆ ئەوە دەكات، لەڕووی دەستورییەوە بەرهەم ساڵح سەرۆك كۆماری عیراق دەتوانێت بڕگەی 5 لە ماددەی 76 لە دەستوری عیراق جێبەجێ بكات و بەبێ گەڕانەوە بۆ كوتلەی زۆرینەی پەڕلەمان كاندیدێكی دیكە بۆ سەرۆك وەزیران ڕابسپێرێت.

وتیشی”كاتێك زۆربەی كوتلەكانی شیعە و سوننە و كورد دەنگ بە محەمەد عەللاوی نەدەن و لە پەڕلەمان تێی نەپەڕێنن، سەرۆك كۆمار دەتوانێت ئەو هەنگاوە بگرێتەبەر”.

بەردەوام بە لە خوێندنەوە

کوردستان