ئێمە لە تۆرە کۆمەڵایەتیەکان

ئابوری

بڕیارێك سەبارەت بە عەرەبانە و دەستگێڕەكان دەردەچێت

خەڵك – بەشی هەواڵ
قائیمقامیەتی قەزای كەلار ڕایدەگەیەنێت، بۆ بازاڕ و شەقامە سەرەكییەكان پلانی نوێ بۆ ڕێكخستنەوەی ئەو شوێنانە دانرا، دەشڵێت: “عەرەبانە و لەفە فرۆشەكان نیو كاتژمێر پێش نوێژی مەغریب ڕێگەیان پێدەدرێت بچنە نێو بازاڕ و لە سەر جادەكان بوەستن”.

قائیمقمیەتی قەزای كەلار لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، ئەمڕۆ قائیمقامی كەلار لە گەڵ لایەنەكانی “شارەوانی، پۆلیسی هاتووچۆ، پۆلیسی ئەمنی، سەندیكای كرێكاران، بەرێوەبەرایەتی گواستنەوە” كۆبووەوە و لە كۆبوونەوەكەدا دوای تاوێكردنی چەند پرسێكی تایبەت بە شاری كەلار لە ڕووی بازاڕ و شەقامە سەرەكییەكان پلانی نوێ بۆ ڕێكخستنەوەی ئەو شوێنانە دانرا، كە هاووڵاتیان بە چڕی هاتووچۆی دەكەن.

ئاماژە بۆ ئەوەشكراوە، لەمە بەدوا، عەرەبانە و لەفە فرۆشەكان نێو كاتژمێر پێش نوێژی مەغریب ڕێگەیان پێدەدرێت بچنە نێو بازاڕ و لە سەر جادەكان بوەستن.

ئەوەشخراوەتەڕوو، لە لایەن لیژنەی ئەمنی شارەوانی و پۆلیسی هاتووچۆوە دوو مەفرەزە بۆ ڕێكخستنی بازاڕ دروست دەكرێن لە “شەواندا” كە كاریان چاودێریكردنی چایخانە و لەفە فرۆشی گەڕۆك و هەر حاڵەتی نایاساییە ببێتە هۆی بێزاركردنی هاووڵاتیان یان كاسبكاران.

لە ڕاگەیەنراوەكەدا هاتووە، “شارەوانی كەلار لە ئایندەیەكی نزیكدا پشتەوەی مزگەوتی گەورە بۆ بەردەم شەهیدان و هەروەها پشتەوەی قوتابخانەی لەیلا قاسم و گەنم فرۆشەكان وەكو پاركی سەیارە بەكاردەهێنێت بۆ چارەسەركردنی گرفتی قەرەباڵخی ئۆتۆمبێل”.

ئابوری

نرخی دۆلار بەرانبەر بە دینار جێگیربوون بەخۆوەدەبینێت

خەڵك- بەشی هەواڵ
سەنتەری عیراقی بۆ ئابوری و سیاسی، ئاماژە بە جێگیربوونی نرخی دۆلار دەكات لەبەرانبەر دینار لە بۆرسە و بازاڕەكانی ناوخۆدا.

ئەمڕۆ هەینی، سەنتەری عیراقی بۆ ئابوری و سیاسی ڕایگەیاند”نرخی دۆلاری ئەمریكایی لەبەرانبەر دیناری عیراقی جێگیربوونی بەخۆوە بینیوە، لە بۆرسەی كیفاح لە بەغدا نرخی فرۆشتنی 100 دۆلار 123.500 دینارە و نرخی كڕینی 122.500 دینارە”.

ناوەندەكە دەڵێت”لە بۆسە و بازاڕەكانی دراو لە پارێزگەكان، نرخی فرۆشتنی 100 دۆلار 123.500 دینارە و نرخی كڕینی 122.500 دینارە، ئەمەش لەكاتێكدایە كە نرخی دۆلار لە بۆرسەی كیفاح و لە بۆرسە و بازاڕەكانی دراو لە پارێزگەكان، دوێنێ‌ پێنج شەممەش هەر بە هەمان نرخ مامەڵەی پێوەكراوە”.

بەردەوام بە لە خوێندنەوە

ئابوری

نرخی نەوت بەرزبۆوە

خەڵك- بەشی هەواڵ
نرخی نەوت بەهۆی بوژانەوەی داواكاریی لەسەر وزە و كەمبوونەوەی ئاستی عەمباركراوی نەوتی ئەمریكايى، ڕووی لە بەرزبوونەوە كرد.

گرێبەستە دواخراوەكانی برنت بەڕێژەی 0.55% ڕوویان لە بەرزبوونەوە كرد و نرخی بەرمیلێكی گەیشتە 42.17 دۆلار، بە هەمان شێوە گرێبەستە دواخراوەكانی نەوتی خاوی (خۆرئاوای تكساس مامناوەند) بەڕێژەی 0.6% بەرزبۆتەوە و نرخی بەرمیلێكی گەیشتە 40.55 دۆلار.

نرخی نەوت بەهۆی زیادبوونی داواكاریی و بوژانەوەی هیوای وەبەرهێنان ڕووی لە بەرزبوونەوە كردووە، وەبەرهێنەرانیش پێشبینی دەكەن هەندێك لە وڵاتان دەستبەرداریی ڕێوشوێنە توندەكانی كەرەنتینەببن، بەڵام مەترسی هاتنەبەری تەوژمی دووەمی كۆرۆنا لەئارادایە كە ڕەنگە بە هەمان شێوەی بەهاری پێشوو كاریگەریی لەسەر ئاستی داواكاریی لەسەر نەوت دروستبكات.

بەردەوام بە لە خوێندنەوە

ئابوری

سامانە سرووشتییەكان: باشترە عیراق وەك هەرێمی كوردستان بهێڵن لایەنی سەربەخۆ وردبینی لە پرسی نەوت بكات

خەڵك – بەشی هەواڵ

دوای ئەوەی وەزیری نەوتی عیراق ئاماژەی بەوەكردبوو، كەنەوتی هەرێم بەقاچاغ دەبرێت و لەئۆپیك كێشەی بۆ عیراق دروست كردووە، وەزارەتی سامانە سرووشتییەكانی هەرێم ئەو وتانە ڕەتدەكاتەوە.

وەزارەتی سامانە سرووشتییەكانی حكومەتی هەرێمی كوردستان لە ڕاگەیەنراوێكدا ڕایگەیاند:”ئامار و زانیاریی بەرهەمهێنانی نەوت لە هەرێمی كوردستان لەلایەن كۆمپانیای دیلۆیتی جیهانییەوە وردبینیی تێدا دەكرێت و بەشێوەیەكی بەردەوام بڵاودەكرێتەوە، بۆیە باشترە كە حكومەتی فیدراڵیی عیراق وردتربن لە لێدوانەكانیان، باشترە عیراقیش وەك هەرێمی كوردستان بهێڵن لایەنی سەربەخۆ وردبینی لە زانیارییەكانی تایبەت بە پرسی نەوت بكات”.

وەزارەتی سامانە سرووشتییەكان ئاماژەی بەوەشكردووە:” حكومەتی هەرێمی كوردستان دوای ڕێككەوتنی ئۆپيك پڵەس قەبارەی بەرهەمهێنانی كەمكردووەتەوە و كۆی گشتیی بەرهەمەكانی لە ئاستی پێویستدا نین بەراورد بە بەرهەمەكانی بەشەكانی دیكەی عیراق”.

وەزارەتی سامانە سرووشتییەكانی هەرێم بسی لەوەش كردووە:” ئەو ڕوونكردنەوەیان بۆ حكومەتی فیدراڵی وەكو بەشێك لە گفتوگۆیەكی گشتگیرتر لەقەڵەم دەدەن”.

بەردەوام بە لە خوێندنەوە

کوردستان