ئێمە لە تۆرە کۆمەڵایەتیەکان

ئابوری

شكانی لیرەی توركی هەلێكی بازرگانی دەداتە هەرێمی كوردستان

خەڵك – بەشی هەواڵ
ئەندامێكی پێشووی ئەنجومەنی نوێنەرانی عیراق ڕایدەگەیەنێت، دابەزینی بەهای لیرە قەیرانی بۆ هاوڵاتیانی توركیا دروستكردوە و هێزی كڕینیان كەمی كردوە، دەشڵێت: “گرنگە ھەرێمى كوردستان بكرێتە وێستگەی ترانزێت بۆ ناوچەكانی ناوەراست و باشووری عيراق”.

مەسعود حەیدەر ، ئەندامی پێشووی لیژنەی دارایی و ئابووری ئەنجومەنی نوێنەرانی عیراق لە هەژماری خۆی لە فەیسبووك ڕاگەیاندووە، بەھۆی ئەو سیاسەتەی توركیا پەیڕەوی دەكات لە سوریا و چوونە بەرەی ڕوسیا و ئێرانەوە، ململانێكانی نێوان ئەمریكا و توركیا لە ھاوپەیمانێكی ستراتیجیەوە ئاڵۆزتر دەبێت لە سیاسیەوە بۆ فشاری ئابووری بەڕادەیەك لە مێژووی دراوی توركیا ڕوینەداوە بەم شێوە بەھای كەم بكات لە ماوەیەكی زۆر كورت.

دەشڵێت: “بەھای لیرەی توركی چەندین مانگە لە دابەزیندایە و پاش لێدوانی سەرۆكی ئەمریكا بە زیادكردنی باج لەسەر ئەلەمنیۆم و پۆلای توركی لە یەك ڕۆژدا بەھای لیرە ١٣،٥٪‏ كەمی كرد بەوهۆیەوە چاوەڕوان ناكرێت لە حاڵەتی ھێوربوونەوەی پەیوەندیەكانی ئەمریكا و توركیا بەھای لیرە بگەڕێتەوە ئاستی پێشووی”.

ڕاشیگەیاندووە، پەیوەست بە عێراق و ھەرێمی كوردستان؛ دابەزینی بەھای لیرەی توركی ڕەنگدانەوەی نەرێنی دەبێت بۆ سەر بەرھەمە ناوخۆییەكانی عێراق و كوردستان و بازرگانەكان ھاندەر دەبن بۆ ھێنانی شتومەك بە نرخێكی ھەرزان لەبەرانبەردا بەرھەمی ناوخۆیی پاشەكشە دەكات.

ئاماژەی بۆ ئەوەشكردووە، گرنگە ھەرێمی كوردستان پێداویستیەكانی هاوردەكردنی كاڵا و شتومەك دیاری بكات بۆ ئەوەی بەرھەمە ناوخۆییەكان بپارێزرێن، لەلایەكی ترەوە ھەرێمی كوردستان بكرێتە وێستگەی ترانزێت بۆ ناوچەكانی ناوەڕاست و باشووری عێراق.

ئابوری

نرخی زێڕ و دراوەکان

خەڵک – بەشی هەواڵ

 

نرخی زێڕ و دراوەکان بۆ ئەمڕۆ شەممە لەبازاڕەکانی هەرێمی کوردستان بەم جۆرەى خوارەوەیە:

 

نرخی 100 دۆلاری ئەمریكی بەرامبەر 123هەزار و 200 دینارە.

نرخی 100 یۆرۆ بەرامبەر 144 هەزار دینارە.

نرخی 100 پاوەن بەرامبەر 156 هەزار دینارە.

نرخی 100 هەزار تمەن بەرامبەر ٥ هەزار و 750 دینارە.

نرخی 100 لیرەی توركی بەرامبەر 16 هەزار و 500 دینارە.

 

نرخی مسقاڵێک زێڕی عەیارە 18 بەرامبەر 289 هەزار دینارە.

نرخی مسقاڵێک زێڕی عەیارە 21 بەرامبەر 346 هەزار دینارە.

نرخی مسقاڵێک زێڕی عەیارە 24 بەرامبەر 385 هەزار دینارە.

بەردەوام بە لە خوێندنەوە

ئابوری

باندێکی ساختەکاری پارە دەستگیرکرا

 

خەڵک – بەشی هەواڵ

باندێکی ساختەکاری پارە لەڕەواندوز دەستگیرکران، کە لەدەرەوە هاتبوو و دەیانویست پارەى ساختە لەناو بازاڕەکانی هەرێمی کوردستان سافبکەنەوە.

 

حاتم زوبێر بەڕێوەبەری ئاسایشی ڕەواندوز لەکۆنفڕانسێکی ڕۆژنامەوانیدا ڕایگەیاند، باندێکی سێ کەسییان دەستگیرکرد، کە پارەی ساختەیان پێبووە و ویستوویانە ساغیبکەنەوە.

 

ئاماژەى بەئەوەشدا، ئەو پارە ساختانە بەشێوەیەکی زۆر ورد دروستکرابوو، کە زەحمەتبوو پارەکە بناسرێنەوە، بەڵام لەکاتی مامەڵەکردنیان بەپارەکەوە هەستیان پێکراوە، بۆ نمونە بۆ شەربەتێک ١٠٠ دۆلاریان بەشەربەت فرۆشکەداوە.

 

ئەوەشی خستەڕوو، شەو و ڕۆژ لەخزمەتى هاوڵاتییاندان و داوا لەهاوڵاتییانیش دەکات هەر شتێکی گوماناوییان بینی ئاگاداریان بکەنەوە.

 

بەردەوام بە لە خوێندنەوە

ئابوری

نرخی نەوت لە بازاڕەكانی جیهان بەرز بووەوە

خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ شەممە، 19ی ئەیلولی 2020، بەشێوەیەك بووە كە نرخی‌ نەوتی برێنت بە 43 دۆلار و 9 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 40 دۆلارو 97 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

کوردستان