سەرۆکی هەرێمی کوردستان لەگەڵ وەزیری بەرگری فەڕەنسا کۆبۆوە


ئەمڕۆ چوار شەممە وەزیری بەرگری فەڕەنسا گەشتە هەرێمی کوردستان، و لەلایەن نێچیرڤان بارزانی سەرۆکی هەرێمی کوردستانەوە پیسوازی لێکرا.

سەرۆکی هەرێم و وەزیری بەرگری فەڕەنسا لەمیانی سەردانەکەی بۆ هەرێمی کوردستان کۆبوونەوە، و لە کۆنگرەیەکی ڕۆژنامەوانیدا نێچیرڤان بارزانی سوپاسی گەلی فەڕەنسای کرد بۆ پاڵپشتییە بەردەوامەکانیان لە گەلی کورد.

لەکۆنگرەکەدا سەرۆکی هەرێم ڕایگەیاند ، لەگەڵ وەزیری بەرگری فەڕەنسا کۆبوونەوەیەکی باشمان ئەنجامدا، تێیدا تاوتوێی پەیوەندییەکانی عێراق و هەرێم و فەڕەنسامانکرد،

نێچیرڤان بارزانی ڕاشیگەیاند،”ئێمە سوپاسی گەلی فەڕەنسا دەکەین بۆ هاوکاری و پاڵپستی بەردەوامیان لە عیراق و هەرێمی کوردستان”،

شەڕی داعش و مەترسییەکانی ئەوگرووپە بەشێکی تری گفتووگۆکانی نێوان وەزیری بەرگری فەڕەنساو و سەرۆکی هەرێم بوو ، تێیدا هاوکاری بەردەوامی هاوپەمانان و فەڕەنسا باسکرا و نێچیرڤان بارزانی دووپاتیکردەوە کە پشتیوانی و هاوکارییەکانی هاوپەیمانان و فەڕەنسا بۆ ئێمە گرنگە بەتایبەت کە هێشتا داعش مەترسییە بۆ عێراق و ناوچەکە،پێشوازی لە ڕێککەوتنی عێراق و فەڕەنسا دەکەین .

 

هاوکات نێچیرڤان بارزانی ئەوەشی ڕاگەیاند “ئێمە هەرگیز یارمەتی فەڕەنسا لەبیر ناکەی کەبەردەوام پاڵپشتی گەلی کورد و عێراق بووە لەسەرجەم بارودۆخەکاندا”.

ئەم سەردانەی وەزیری بەرگری فەرەنسا لە کاتێکدایە؛ بە درێژایی شەڕی دژی داعش وەزیرانی بەرگریی و دەرەوەی فەرەنسا چەندین جار سەردانی هەرێمی کوردستانیان کردووە. تا ئێستا دوو سەرۆککۆماری فەرەنسا سەردانی هەولێریان کردووە؛ لە ئەیلوولی ساڵی 2014، فرانسوا ئۆلاند، سەرۆککۆماری پیێشووی فەرەنسا سەردانی هەولێری کرد و لە ئابی ساڵی 2021یش ئیمانوێل ماکرۆن، سەرۆککۆماری ئێستای فەرەنسا سەردانی هەرێمی کوردستانی کرد.

 

بەڤیدیۆ؛ کاروانێکی بارهەڵگری ئەمریکی لە هەرێمەوە چووە ڕۆژئاوای كوردستان
پێشت بەڤیدیۆ؛ کاروانێکی بارهەڵگری ئەمریکی لە هەرێمەوە چووە ڕۆژئاوای كوردستان
ناحییەی هەریر بەفەرمی دەکرێت بە قەزا
دواتر ناحییەی هەریر بەفەرمی دەکرێت بە قەزا
پەیوەندیدار