تاوتوێی پڕۆسەی هاتووچۆی خوێندكاران دەكرێت


بەڕێوەبەری پەروەردەی ڕۆژئاوای سلێمانی لەگەڵ لیژنەی هاتووچۆی خوێندكاران لە لیژنە هاوبەشەكانی قائیمقامیەت كۆدەبێتەوە و ڕایدەگەیەنێت، ئامادەین بۆ هەر پاڵپشتییەك لەپێناو پتەوتركردنی پڕۆسەی هاتووچۆی خوێندكاران و دەشڵێت: “دەیەوێت باشترین سیستم بۆ هاتووچۆی خوێندكاران دابنرێت و چیتر گرفتێك نەمێنێت بەناوی كێشەی هاتووچۆ”.

پاشنیوەڕۆی یەك شەممە 4-12-2022 مامۆستا بەناز ڕەمەزان، بەڕێوەبەری پەروەردەی رۆژئاوای سلێمانی بەئامادەبونی هێمن عومەر، لێپرسراوی یەكەی كارگێڕی و خزمەتگوزاری پێشوازی لە لیژنەی هاتووچۆی خوێندكاران لە لیژنە هاوبەشەكانی قائیمقامیەتی سلێمانی كرد.

بەپێی ڕاگەیەنراوێكی پەروەردەی ڕۆژئاوای سلێمانی، لیژنەكە لە كۆبوونەوەكەدا ڕایگەیاندووە، ڕێكخستنی میكانیزمی هاتووچۆكردنی خوێندكاران پێشكەوتنی بەخۆیەوە بینیوە، بەڵام كێشە و گرفتیش هەیە و دەیانەوێت بە هاوئاهەنگی لەگەڵ پەروەردە چارەسەریان بكەن.

لای خۆیەوە، مامۆستا بەناز ڕەمەزان ڕایگەیاند؛ ئەركی لیژنەكە قورسە و ئاسان نییە، بەڵام ئەركێكی پیرۆزە، چونكە ڕاستەوخۆ پەیوەندی بە پاراستنی گیان و ژیانی خوێندكارەوە هەیە و وتیشی، “ئامادەی هەر جۆرە پاڵپشتی و هاوئاهەنگییەكە بۆ باشتركردنی پڕۆسەكە”

جەختیكردەوە، كە چاوپۆشی لە هیچ سكاڵایەك ناكەن لەبارەی پڕۆسەی هاتووچۆی خوێندكاران بە پەروەردە بگات، ڕاستەوخۆش لەگەڵ كارگێڕی خوێندنگەكان و لیژنەكانی ناو ناوەندەكانی خوێندن لە پەیوەندیدان بۆئەوەی هەمیشە دڵنیابن لەوەی پڕۆسەی هاتووچۆی خوێندكاران هیچ كێشە و گرفتێكی نییە.

وتیشی، “دەبێت تێڕوانینی پەروەردە و لیژنەكەش بۆ باشتركردنی پرۆسەی گواستنەوەی خوێندكاران یەكبخرێت و میكانیزمەكە پتەوتر بكرێت”.

 

“بۆ دابەزاندنی بەهای دۆلار بڕیارێك دەردەكرێت”
پێشت “بۆ دابەزاندنی بەهای دۆلار بڕیارێك دەردەكرێت”
مالكی داوای وازهێنان لە سیاسەتی “نیمچە سەربەخۆیی” لە هەرێم دەكات
دواتر مالكی داوای وازهێنان لە سیاسەتی “نیمچە سەربەخۆیی” لە هەرێم دەكات
پەیوەندیدار