بەڕێوەبەرایەتی ئاو و ئاوەڕۆی هەولێر ڕایدەگەیەنێت ، دواین مۆڵەت بۆ بەستنی پێوەری ئاو 21ی 12ی ئەمساڵە و لەو وادەیە بەدواوە هەر كەس پێوەری نەبێت بڕی هەشتا هەزار دینار مانگانەی لەسەر ئەژماردەكرێت.
بەڕێوەبەرایەتی ئاو و ئاوەڕۆی هەولێر لە ئاگادارییەكدا بڵاویكردەوە، بەگوێرەی دوایین ڕێنمایی وەزارەتی شارەوانی و گەشتوگوزار،لەئێستادا تا بەرواری 21ی 12ی 2022 هەر هاووڵاتیەك ئەگەر پێوەری ئاوی نەبەستوە و پێوەر ببەستێت ئەوا سوودمەند دەبن لەداشكانی كرێی ئەو مانگانەی كە لە سەریانە كە پێشتر بڕی 80 هەزار دینار بوو كرا بە 20 هەزار دینار بۆ ناوەوەی شار و بڕی 10 هەزار دینار بۆ دەرەوەی شارەكان.
ئاماژە بۆ ئەوەشكراوە، كە لەو بەروارە بەدواوە بڕی 80 هەزار دینار مانگانە ئەژمار دەكرێت، بۆیە هاووڵاتیان سوودمەند بە لەو ڕێنماییە و بە زووترین كات سەردانی یەكێك لە بنكەكانیان بكەن و مامەڵەی پێویست ئەنجام بدەن.
