لە هەولێر سێ بازرگانی ماددەی هۆشبەر بە نیو کیلۆ کریستاڵەوە دەستگیرکران.
ئەمڕۆ دووشەممە، بەرێوەبەرایەتی گشتی نەهێشتنی ماددە هۆشبەرەکان ڕایگەیاند، دوای بەدواداچوونی ورد و وەرگرتنی رێکاری یاسایی سێ کەسیان لە هەولێر دەستگیرکرد، کە کاری کڕین و فرۆشتن بەماددەی هۆشبەر دەکەن.
ڕوونیشیکردەوە کە لە کاتی دەستگیرکردنی تۆمەتبارەکاندا بڕی نیو کیلۆ لەماددەی کریستاڵ و بڕێک لە ماددەی ماریجوانایان پێگیراوە.
بەرێوەبەرایەتی گشتی نەهێشتنی ماددە هۆشبەرەکان ئەوەشی خستەڕوو کە پەڕاوی لێکۆڵینەوە بۆ تۆمەتباران کراوەتەوە و ڕووبەروی یاسا دەکرێنەوە.
