ئێمە لە تۆرە کۆمەڵایەتیەکان

کوردستان

كەمپی ئاشتی لە عەربەت زۆرترین هاوسەرگیری تيادا ئەنجام دەدرێت

خەڵك -یەحیا حبیب
قەیرانی دارایی و ئاوارەبوونیان لە شوێن و ناوچەكانیان بۆ باشوری كوردستان ڕێگر نەبووە لە بەردەوامی پڕۆسەی هاوسەرگیری لە ناو كەمپی ئاوارەكان و لە ناویشیاندا كەمپی ئاشتی لە عەربەت.

لە سەردانێكی مەیدانی بۆ ناو كەمپی ئاشتی و لە بەدواداچونێكدا ئەوە بەدیار كەوت، كە دووری لە زێدی خۆیان و قەیرانی دارایی ڕێگر نەبووە لەوەی كە كوڕان و كچانی نێو كەمپی ئاشتی لە عەربەت پرۆسەی هاوسەرگیری ئەنجام بدەن، بە پێی وتەی لێپرسراوی كەمپی ئاشتیش، “ڕۆژانە هاوسەرگیری لە كەمپەكەدا ئەنجام دەدرێت”.

لە میانەی دواندنی بەشێك لەو ئاوارانەی، كە نیشتەجێی كەمپی ئاشتین ئەوە وترا، هەندێك لەوانەی پڕۆسەی هاوسەرگیری ئەنجام دەدەن تەمەنیان نەگەشتوەتە ئاستی باڵغبون و لە خوار 18 ساڵەوەن.

تاریق ئەحمەد، لێپرسراوی كەمپی ئاشتی لە لێدوانێكی تایبەتدا بە (خەڵك)ی ڕاگەیاند، ئاوارەكانی كەمپی ئاشتی وێڕای ئەوەی شوێنی نیشتەجێبونی خۆیان بەجێهێشتووە، بەتایبەتی كەمپی ئاشتی كە پێكهاتووە لە كۆمەڵە نەتەوەیەكی وەك كورد و عەرەب و توركمان و ئاینە جیاوازەكانی وەك موسوڵمان بەشیعە و سوونە و ئێزیدی و كاكەیی، وێڕای سەختی باری ژیانیان، بەڵام هاوسەرگیری دەكەن، شێوازێك لە جێگیربون بە ژیانیانەوە دیارە كە بژێوی ژیانیان دابین دەكەن و هاتوچۆ بكەن بە ئازادی خۆیان.

تاریق ئەحمەد، لێپرسراوی كەمپی ئاشتی وتیشی، زۆرینەی رۆژانی هەینی پرۆسەی ئەنجامدانی هاوسەرگیری لەكەمپەكەدا بوونی هەیە.

ئاشكراشیكرد، ڕۆژی وا هەیە سێ یان چوار هاوسەرگیری لە نێو كەمپەكەدا ئەنجام دەدرێت، بە بەردەوامی هەموو ڕۆژێك هاوسەرگیری تێدا دەكرێت.

تاریق ئەحمەد، لێپرسراوی كەمپی ئاشتی ئاماژەی بەوەشدا، ئێمە هیچ هاوكار نین بۆ ئەوەی كە ئەمانە هاوسەرگیری بكەن، بەڵام گرفتیشیان بۆ دروست ناكەین و كێشەی یاسایشی نییە، هاوكاریش ئەوەیە خێمە و شوێنیان بۆ دابین دەكرێت، بەڵام‌ لەڕوووی مادییەوە ئێمە هاوكار نین و بەڵكو خۆیان خەرجی بۆ پڕۆسەكە دابین دەكەن.

کوردستان

تەم سلێمانی داپۆشی و لە هەندێك شەقام قەرەباڵغی دروستبوو

خەڵك- بەشی هەواڵ

بەرەبەیانی ئەمڕۆ دوو شەممە تەم شاری سلێمانی داپۆشی و لە هەندێك شەقامیش ئاستەنگی هاتووچۆ دروستبوو.

بەپێی پێشبینییەكانی كەشناسی هەرێمی كوردستان ئەو شەپۆلی باران و بەفربارینەی لە چوار هەفتەی رابردووەوە هەرێمی كوردستانی گرتبووەوە ئەمڕۆ كۆتایی دێت.

پەیامنێری (خەڵك) لە سلێمانی رایگەیاند، بەرەبەیانی ئەمڕۆ تەمێكی چڕ شاری سلێمانی داپۆشی و لە زۆرێك لە شەقامەكان ئاستەنگی هاتووچۆی دروست كرد.

راشیگەیاند، لە هەندێك لە شەقامەكان بەهۆی كەمبوونەوەی ئاستی بینینەوە قەرەباڵغی زۆر دروستبووە و تاكو ئێستا تەمە بە چڕی بەردەوامە.

بەردەوام بە لە خوێندنەوە

کوردستان

پارتی پۆستەكانی كابینەی نوێ بۆ خۆی و یەكێتی و گۆڕان دیاری دەكات

خەڵك- بەشی هەواڵ

پارتی دیموكراتی كوردستان پۆستەكانی حكومەتی هەرێمی كوردستان لە كابینەی نوێدا دەستنیشان دەكات بۆ حزبە بەشداربووەكان كە هەر حزبە و چەند وەزارەتی بەردەكەوێت.

بەپێی زانیاری مێدیاكانی پارتی، شاندی باڵای پارتی ئەمڕۆ دووشەممە 10/12/2018 كۆبوونەوەیەكی نێوخۆیی دەكەن و دواتر دەست بە سەردانەكانیان دەكەن بۆ لای هێزە براوەكانی هەڵبژاردن.

ئەندامێكی فراكسیۆنی پارتی لە پەرلەمانی كوردستان دەڵێت “پارتی شاندی دانوستاندن لەسەر بنەمای 50 بە50 رەوانەی لای لایەنەكان ناكات و كۆبوونەوەكان كراونەتە دوو پاكێج :”سەرەتا كار بۆ ئەوە دەكرێ پێش كۆتایی ئەمساڵ دەستەی سەرۆكایەتی پەرلەمان و حكومەت یەكلا بكرێتەوە، دواتر وردەكارییەكانی پێكهێنانی حكومەت دەبێتە پاكێجی دووەمی دانوستاندنەكان كە ئەویش لە دوای پشووی سەری ساڵەوە دەستپێدەكات”.

هێڤیدار ئەحمەد، نەرمبڕیی پارتی لە دانوستاندنەكان بۆ ئەوە دەگێڕێتەوە كە پارتی نایەوێ 23ـی حوزەیران دووبارە ببێتەوە و هەوڵی زۆر دەدات بۆ ئەوەی بە رێككەوتن سەرۆكایەتییەكان و پۆستەكان دیاریی بكرێن “بەڵام لەنێو پارتی رایەك هەیە كە حەزی لە بەشداریی كۆمەڵی ئیسلامی نییە، بەڵام ئەوە بڕیاری كۆتایی و فەرمی نییە و شاندی دانوستاندكار بە گفتوگۆ ئەوە یەكلایی دەكاتەوە”.

ناوبراو دەشڵێت “دابەشكاریی وەزارەتەكان بەشێوەیەكە “پارتی 9 وەزارەت و یەكێتی 5 وەزارەت و بزووتنەوەی گۆڕان 3 وەزارەت و توركمانە و كریستیانەكانیش هەریەكە و وەزارەتێكیان بەردەكەوێ، بەڵام هێشتا ئەوە روون نییە كە كام وەزارەتانەیە”.

بەردەوام بە لە خوێندنەوە

کوردستان

یەپەگە كوژرانی 4 چەكداری ئۆپۆزسیۆنی راگەیاند

خەڵك- بەشی هەواڵ

ناوەندی راگەیاندنی یەكینەكانی پاراستنی گەل (یەپەگە) كوژرانی 4 چەكداری ئۆپۆزسیۆنی سوریای لە عەفرین راگەیاند.

یەپەگەدا لە راگەیاندراوێكدا رونیكردەوە “دەستەیەك لە شەڕڤانانی یەپەگە رۆژی ٧ی كانوونی یەكەمی ٢٠١٨ لە دەورووبەری گوندی دێر بەلوت لە ناوچەی جندرێس لە دژی ئۆتۆمبێلێكی سەربازیی چەتەكانی ئەحرار شام چالاكییەكی سابوتاژیان ئەنجامدا. بەهۆی ئەو چالاكییەوە ٢ چەتەی داگیركەر كوژران”.

راشیگەیاند “دەستەیەكی تری شەڕڤانانی یەپەگە رۆژی ٨ی كانوونی یەكەمی ٢٠١٨ لە رۆژئاوای ناوەندی عەفرین لە دژی ئۆتۆمبێلێكی چەتەكانی ئەحرار شەرقییە چالاكییەكی سابوتاژیان ئەنجامدا. لەو چالاكییەدا چەتەكان كوژراو و برینداریان هەبوو، بەڵام ژمارەی كوژراو و بریندارەكانیان روون نەبووەوە، دەستەیەكی تر لە شەڕڤانان هەر لە رۆژی ٨ی كانوون یەكەمی ٢٠١٨ لەسەر رێگای گوندی شێخ ئورزێ لە ناوچەی بلبلێ لە دژی ئۆتۆمبێلێكی سەربازیی چەتەكانی سوڵتان موراد چالاكییەكی سابوتاژیان ئەنجامدا. لەو چالاكییەدا ٢ چەتەی داگیركەر كوژران”.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین