ئێمە لە تۆرە کۆمەڵایەتیەکان

جیهانی

(پشکنینیان تێپه‌ڕاند) له‌چه‌ند کاتژمێری داهاتودا دووه‌م و سێیه‌م یاریزانی بارسا په‌یوه‌ندی به‌ شینی لیڤه‌رپوڵه‌وه‌ ده‌که‌ن

خه‌ڵک سپۆرت

دوو ئه‌ستێره‌ی دیکه‌ی یانه‌ی به‌رشلۆنه‌ هیوایان به‌ یانه‌ داواکاره‌کانی ئیسپانیا و ئینگلته‌را نه‌ماوه‌ و له‌چه‌ند کاتژمێری داهاتودا به‌فه‌رمی په‌یوه‌ندی به‌ یانه‌ی ئێڤه‌رتۆنه‌وه‌ ده‌که‌ن.

ڕۆژنامه‌ی “موندۆ دیپۆرتیڤۆ”ی که‌ته‌لۆنی له‌زاری سه‌رچاوه‌ ناوخۆییه‌کانی یانه‌ی به‌رشلۆنه‌وه‌ ئاشکرای کردووه‌، دوابه‌دوای گواستنه‌وه‌ی لوکاس دینی فه‌ره‌نسی بۆ ڕیزه‌کانی یانه‌ی ئێڤه‌رتۆن، هه‌ریه‌ک له‌ یاری مینای کۆڵۆمبی و ئه‌ندرێ گۆمێزی پورتوگالی به‌هه‌مان شێوه‌ درێسی شینی یانه‌ زه‌به‌لاحه‌که‌ی شاری لیڤه‌رپوڵ ده‌پۆشن.

به‌پێی ئه‌و زانیارییانه‌ی ده‌ست ڕۆژنامه‌که‌ که‌وتووه‌، مینا و گۆمێز پشکنینه‌ پزیشکیه‌کانی “تۆفیس”یان له‌شاری به‌رشلۆنه‌ به‌سه‌رکه‌وتویی تێپه‌ڕاندووه‌ و چاوه‌ڕوانی کۆتاییهاتنی ورده‌کاری بۆنده‌کانیان ده‌که‌ن تا به‌فه‌رمی له‌ گودیسۆن پارک” پێشکه‌شی هانده‌ران بکرێن.

موندۆ دیپۆرتیڤۆ نوسیویه‌تی: گواستنه‌وه‌ی مینای به‌رگریکاری کۆڵۆمبی به‌شێوه‌ی یه‌کجاره‌کی ده‌بێت دوای ئه‌وه‌ی گفتوگۆکانی له‌گه‌ڵ یانه‌ی مانچسته‌ر یونایتد شکستی هێنا، به‌ڵام گواستنه‌وه‌ی گۆمیز به‌شێوه‌ی خواستن ئه‌نجام ده‌درێت و هه‌ردوو بۆنده‌که‌ش له‌چه‌ند کاتژمێری داهاتودا ئاشکرا ده‌کرێن، چونکه‌ بازاڕی گواستنه‌وه‌کانی خولی ئینگلته‌را ته‌نها چه‌ند کاتژمێرێکی ماوه‌.

جیهانی

لیبه‌رتادرۆس له‌ خاکی ئیسپانیا یه‌کلایی کرایه‌وه‌ و ڕیڤه‌رپله‌یت جامه‌که‌ی به‌رز کرده‌وه‌ !

خه‌ڵک سپۆرت

ئه‌مشه‌و یاریی کۆتایی جامی لیبه‌رتادۆریس (گه‌ڕانه‌وه‌) له‌یاریگای سانتیاگۆ بێرنابیۆی تایبه‌ت به‌ یانه‌ی ڕیاڵ مه‌درید ئه‌نجامدرا و یانه‌ی ڕیڤه‌رپله‌یت بۆ جاری چواره‌م له‌مێژوویدا جامه‌که‌ی به‌رز کرده‌وه‌.

تایمی یه‌که‌م بۆ بوکا

هاوشێوه‌ی یاریی چون، یاریزانانی یانه‌ی بوکا جونیۆرز له‌ تایمی یه‌که‌مدا باڵاده‌ستیان نیشاندا و توانیان له‌ هه‌ردوو باڵه‌کانی راست و چه‌پ و ته‌نانه‌ت سه‌نته‌ری هێرشبه‌ریه‌وه‌ هێرشه‌کانیان بۆسه‌ر گۆڵی یانه‌ی ڕیڤه‌رپله‌یت چڕ بکه‌نه‌وه‌.

گوێرمۆ سکیلیتۆی ڕاهێنه‌ری شین و زه‌ردی بوکا له‌م تایمه‌دا له‌ڕووه‌کانی هونه‌ری و تاکتیکیه‌وه‌ سه‌رکه‌وتو بوو، له‌ کۆتا خوله‌که‌کاندا داریۆ بینیدیتۆ (خوله‌کی ٤٤) گۆڵی یه‌که‌می بۆ بوکا جونیۆرز تۆمار کرد.

تایمی دووه‌م سیناریۆی یاریی چون

له‌ تایمی دووه‌مدا مارسێلۆ گایاردۆی ڕاهێنه‌ری یانه‌ی ڕیڤه‌ر پله‌یت هه‌مان سیناریۆی یاریی چونی دووباره‌ کرده‌وه‌ و به‌هێزه‌وه‌ گه‌ڕایه‌وه‌، له‌باره‌کانی درێژی و پانی یاریگا کۆنترۆڵی ڕووبه‌ڕوبونه‌وه‌که‌ی کرد.

به‌هۆی هێرشی یه‌ک له‌دوای یه‌که‌وه‌ له‌ خوله‌کی ٦٧ لوکاس پراتۆ گۆڵی یه‌کسان کردنه‌وه‌ی ئه‌نجامه‌که‌ی تۆمار کرد و چه‌ندین هه‌لی تریشیان له‌ده‌ستدا که‌ ده‌کرا به‌شێوه‌یه‌کی باشتر کۆتایی پێبهێنرێت.

گایاردۆ ته‌نها به‌ یه‌کسانبون قایل نه‌بوو، به‌ڵکو له‌و تایمه‌دا خوان کینتێرۆی ئه‌ستێره‌ی کۆڵۆمبی خسته‌ نێو یاریگا و که‌شی یارییه‌که‌ی گۆڕی بۆ هێرشبه‌ری ته‌واو و به‌هۆی فشاری به‌رده‌وامی رێڤه‌رپله‌یته‌وه‌ یاریزانانی بوکا ناچاربوون ته‌نها به‌رگری بکه‌ن.

لێره‌دا کاتی زۆر به‌ده‌ست سپی پۆشه‌کانی ئه‌رجه‌نتینه‌وه‌ نه‌ما بۆ تۆماری گۆڵی زیاتر و به‌وهۆیه‌وه‌ په‌نا بۆ کاتی زیادکراو برا.

ڕیڤه‌ر پله‌یت پارێزگاری له‌ ڕیتمی خۆی کرد

ڕیڤه‌رپله‌یت له‌ کاته‌ زیادکراوه‌کاندا توانی پارێزگاری له‌ ڕیتمه‌ هێرشبه‌ریه‌که‌ی بکات، له‌به‌رامبه‌ردا یاریزانانی بوکا جونیۆرز ته‌نها به‌ به‌رگریکردنی توند ناچاربوون به‌رده‌وامی بده‌نه‌ ڕووبه‌ڕوبونه‌وه‌که‌ و به‌هۆی به‌ریه‌ککه‌وتنێکی تونده‌وه‌ له‌ خوله‌کی ٩٢ ویلیام باریۆس له‌ یانه‌ی بوکا جونیۆرز به‌ کارتی سور له‌یاریگا کرایه‌ ده‌ره‌وه‌.

لێره‌وه‌ ڕووبه‌ڕوبونه‌وه‌که‌ هاوسه‌نگی له‌ده‌ستداو ڕیڤه‌رپله‌یت به‌ته‌واوی کۆنترۆڵی یاریگای کرد و له‌ خوله‌که‌کانی ١٠٨ و ١١٩ له‌ڕێگه‌ی خوان کینتێرۆ و گۆنزالۆ مارتینێزه‌وه‌ گۆڵی سه‌رکه‌وتن و یه‌کلاکردنه‌وه‌ی ئه‌نجامه‌که‌یان تۆمار کرد و یارییه‌که‌ به‌ ئه‌نجامی (٣ – ١) له‌به‌رژەوه‌ندی ڕیڤه‌رپله‌یت کۆتایی هات.

ئه‌نجامی کۆتایی فاینه‌ڵی لیبه‌رتادرۆس

یاریی چون: بوکا جونیۆرز (٢ – ٢) ڕیڤه‌رپله‌یت

یاریی گه‌ڕانه‌وه‌: ڕیڤه‌رپله‌یت (٣ – ١) بوکا جونیۆرز

بەردەوام بە لە خوێندنەوە

جیهانی

لیڤه‌رپوڵ تاقانه‌ی ئینگلته‌رایه‌ و گواردیۆلا هۆکاری شکستی سیتی به‌رامبه‌ر چێڵسی ئاشکرا ده‌کات

خه‌ڵک سپۆرت

شه‌وی ڕابردو یانه‌ی لیڤه‌رپوڵ به‌ چوار گۆڵی بێوه‌ڵام سه‌رکه‌وتنی به‌سه‌ر یانه‌ی بۆرنماوس به‌ده‌ست هێنا و ژماره‌ی خاڵه‌کانی له‌م وه‌رزه‌ی خولی ئینگلیزیدا گه‌یانده‌ ٤٢ خاڵ، له‌لایه‌کی تریشه‌وه‌ مانچسته‌ر سیتی به‌ ئه‌نجامی دوو گۆڵی بێوه‌ڵام به‌رامبه‌ر چێڵسی شکستی هێنا.

ئه‌نجامه‌کانی شه‌وی ڕابردو ناوازه‌ بوون، به‌وپێیه‌ی کوڕانی یۆرگن کلۆپ وه‌ک تاکه‌ یانه‌ی ئینگلته‌را به‌بێ دۆڕاندن له‌م وه‌رزه‌دا مانه‌وه‌ و مانچسته‌ر سیتی به‌هۆی شکستی به‌رامبه‌ر چێڵسی-یه‌وه‌ دووچاری یه‌که‌م دۆڕاندن هات و ٤١ خاڵی کۆکرده‌وه‌ (له‌ئێستادا لیبه‌رپوڵ یه‌که‌می ڕیزبه‌ندیه‌ و مان سیتی دووه‌مه‌).

له‌م باره‌یه‌وه‌ گواردیۆلا به‌میدیاکانی ڕاگه‌یاند :” ئێمه‌ لێره‌ نین بۆ ئه‌وه‌ی به‌بێ دۆڕاندن نازناوی خولی ئینگلیزی به‌ده‌ست بهێنین، به‌ڵکو ده‌مانه‌وێت نازناوه‌که‌ بچنینه‌وه‌ به‌هه‌ر ئه‌نجامێک بێت، ئه‌وه‌ی له‌م وه‌رزه‌شدا به‌رامبه‌ر چێڵسی پێشکه‌شمان کرد له‌ڕووی ئاسته‌وه‌ باشتر بوو له‌و ئاسته‌ی وه‌رزی ڕابردو له‌هه‌مان یاریگا به‌بردنه‌وه‌ به‌گۆڵێکی بێوه‌ڵام تۆمارمان کرد”.

هه‌روه‌ها ده‌ڵێت :” چێڵسی به‌ هێرشی هه‌ڵگه‌ڕاوه‌ و تۆپی به‌رز گره‌وه‌که‌یان لێبردینه‌وه‌”، هه‌روه‌ها ده‌رباره‌ی ئه‌وه‌ی هه‌ردوو ڕاهێنه‌ر (گواردیۆلا و ماوریسیۆ ساری) به‌بێ هێرشبه‌ری سه‌ره‌ڕم یارییان کرد، ڕاهێنه‌ره‌ ئیسپانیه‌که‌ به‌ گاڵته‌جاڕیه‌وه‌ ده‌ڵێت :” به‌یانیه‌که‌ی په‌یوه‌ندیم به‌ ساری-یه‌وه‌ کرد و له‌سه‌ر ئه‌وه‌ ڕێکه‌وتین به‌بێ هێرشبه‌ر یاریی بکه‌ین”.

له‌کۆتاییشدا جه‌ختی له‌ لێدوانه‌کانی ساری کرده‌وه‌ که‌ له‌پێشودا ڕایگه‌یاندبوو، چێڵسی له‌ڕووی سراتیجی و ئاسته‌وه‌ پێویستی به‌ ساڵێکه‌ بۆ هاوتا بونه‌وه‌ له‌گه‌ڵ مانچسته‌ر سیتی، له‌م باره‌یه‌شه‌وه‌ “پیپ” ڕایگه‌یاند :” هه‌رچیه‌ک ساری ده‌یڵێت هاوڕام له‌گه‌ڵیدا، بێگومان بۆچونه‌که‌ی دروسته‌”.

بەردەوام بە لە خوێندنەوە

جیهانی

مێسی و به‌رشلۆنه‌ به‌ (٧) ڕیکۆرده‌وه‌ دێربی که‌ته‌لۆنیایان تێپه‌ڕاند

خه‌ڵک سپۆرت

لیۆ مێسی ئه‌رجه‌نتینی ئه‌ستێره‌ی ناوداری یانه‌ی به‌رشلۆنه‌ شه‌وی ڕابردوو دوو گۆڵی له‌سه‌ر یانه‌ی ئیسپانیاۆل له‌ دێربی که‌ته‌لۆنیا تۆمار کرد، توانی یانه‌که‌ی به‌ ئه‌نجامی چوار گۆڵ به‌ره‌و سه‌رکه‌وتنێکی گه‌وره‌ ببات.

بردنه‌وه‌ی لیۆ و ژماره‌ی گۆڵه‌کانی و چۆنیه‌تی تۆمارکردنیان به‌ لێدانی ڕاسته‌وخۆ ته‌نها بردنه‌وه‌یه‌ک نه‌بوو، به‌ڵکو توانی چه‌ندین ڕیکۆردی مێژوویی خولی ئیسپانیا و تایبه‌ت به‌ یانه‌ی به‌رشلۆنه‌ تۆمار بکات، ڕیکۆرده‌کانیش بریتین له‌:

  • بۆ یه‌که‌مجار له‌مێژوویدا لیۆ مێسی له‌ یه‌ک ڕووبه‌ڕوبونه‌وه‌دا دوو گۆڵی به‌ لێدانی ڕاسته‌وخۆ تۆمار کرد.
  • ژماره‌ی گۆڵه‌کانی له‌ دێربی که‌ته‌لۆنیا تایبه‌ت به‌ خولی ئیسپانیا گه‌یانده‌ ٢٠ گۆڵ و له‌ لوتکه‌ی گۆڵکارانی دێربیدا پێگه‌ی خۆی جێگیر کرد.
  • لیۆ مێسی تاکه‌ یاریزانه‌ له‌ ١٣ وه‌رزی خولی ئیسپانیادا ١٠ گۆڵ و زیاتر تۆمار ده‌کات.
  • مێسی بووه‌ گۆڵکارانی ئه‌م وه‌رزه‌ی لالیگا به‌ ١١ گۆڵه‌وه‌ هاوشانی کریستیان ستیوانی.
  • ژماره‌ی گۆڵه‌کانی له‌سه‌رجه‌م دێربیه‌کانی شاری به‌رشلۆنه‌ گه‌یانده‌ ٢٣ و له‌ لوتکه‌ی گۆڵکاراندا جێگیر بوو.

ئه‌و ڕیکۆردانه‌ی په‌یوه‌ندی به‌ به‌رشلۆنه‌وه‌ هه‌بوو:

  • عوسمان دیمبیلی له‌کۆتا هه‌شت رووبه‌ڕوبونه‌وه‌ له‌سه‌رجه‌م پاڵه‌وانیتیه‌کان به‌شداری تۆماری هه‌شت گۆڵ بووه‌ (٣ گۆڵ و ٥ ئه‌سیست).
  • ئیسپانیۆل له‌ ١٩ ڕووبه‌ڕوبونه‌وه‌ی له‌سه‌ریه‌کدا شکستی هێنا له‌سه‌رکه‌وتن به‌سه‌ر یانه‌ی به‌رشلۆنه‌ (٤ یه‌کسانبون و ١٥ دۆڕاندن)، له‌کۆی ئه‌و ١٩ یارییه‌شدا بۆ جاری ١٤ نه‌یانتوانی هیچ گۆڵێک تۆمار بکه‌ن.
بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین