ئێمە لە تۆرە کۆمەڵایەتیەکان

جیهان

ئەو وڵاتانەی سزا ئەمریكاییەكانی سەر ئێران پشتگوێ‌ دەخەن

خەڵك-بەشی هەواڵ
توركیا و چین هەڵوێستی خۆیان بەرانبەر بە سزا ئەمریكاییەكانی سەر تاران ئاشكرا دەكەن كە دوێنێ‌ سێ‌ شەممە خرانە بواری جێبەجێكردنەوە، ئەمەش لەكاتێكدایە كە وەزیری دەرەوەی ئێران ئاماژە بەو سزایانە دەكات كە ڕووبەڕووی ولایەتە یەكگرتووەكان دەبێتەوە، بەبێ‌ ئەوەی رونكردنەوە لەبارەیانەوە بدات.

فاتح دۆنمیز، وەزیری وزەی توركیا رایگەیاند، وڵاتەكەی بەردەوام دەبێت لەسەر كڕینی غازی سروشتی ئێران، ئەوەش وەك بەردەوامبوون لەسەر ئەو رێكەوتنە درێژخایەنەی لەنێوان هەردوو وڵاتدا هەیە.

دۆنمیز بە كەناڵی (خەبەر)ی وڵاتەكەی راگەیاندبوو”گرێبەستی هاوردنی غازی سروشتی ئێران كە بڕەكەی 9.5 ملیار مەتری شەش پاڵووە، تا ساڵی 2026 بەردەوام دەبێت.

هەر لەو چوارچێوەیەدا، وەزارەتی دەرەوەی چین رایگەیاند، پەیوەندییەكانی پەكین و تاران كراوە و بەرچاوڕوون و شیاون، ئەمەش دوای ئەوەی دۆناڵد ترەمپ سەرۆكی ئەمریكا هەڕەشەی سەپاندنی سزای توندی بەسەر ئەو وڵات و لایەنانەدا كردبوو كە مامەڵەی بازرگانی لەگەڵ ئێران دەكەن.

وەزارەتی دەرەوەی چین لە بەیاننامەیەكدا رایگەیاند، پەكین بەردەوام دژ بە سزا تاكلایەنەكان و “سیاسەتی دەستدرێژیكردنە”.

دوێنێ‌ سێ‌ شەممە سەرۆكی ئەمریكا بڕیاری خستنەوەكاری سەپاندنی سزاكانی بەسەر ئێراندا واژۆ كرد و بەپێی كارنامەكە، لەمڕۆوە سزاكانی سەر ئێران دەكەونەوە كار.

بەپـێی بڕیارەكە سزاكان بە دوو قۆناغ دەسەپێنرێنەوە. قۆناغی یەكەم 7ی ئابی 2018 دەسـتپـێدەكات و لەم قۆناغەدا سزا دەخرێتە سەر بازاڕی دراوی ئێران و قەدەغە دەخرێتە سەر بازرگانیكردن بە زێڕ و كانزاكانی دیكە لەگەڵ ئێراندا و ڕێگە نادرێت هیچ تەكنەلۆجیایەكی پەیوەست بە كەرتی پـیشەسازی و دروستكردنی ئۆتۆمبیل بە ئێران بدرێت.

قۆناغی دووەمیش بڕیارە لە 5ی تشرینی دووەمی 2018وە دەستپـێبكات، لەو قۆناغەشدا هەناردەی نەوتی ئێران و ئاڵوگۆڕی بازرگانی لە ڕێگەی بەندەرەكانی ئێرانەوە قەدەغە دەكرێت.

بیانووی سەپاندنەوەی سزاكان بەسەر ئێران “ڕێگرتنە لە دەستخستنی چەكی ئەتۆمی، و زیادكردنی فشارە دارایـیەكانە لەسەر ڕژێمی ئێران تا كۆتایی بە هەڕەشەكانی بهێنرێن، لەوانە پەرەپـێدانی سیستمی موشەكی و پشـتیوانیكردنی لە گروپە تێرۆرستیـیەكان و كارە نەخوازراوەكانی سوپای پاسداران و بریكارەكانی لە ناوچەكەدا”.

جیهان

بەڤیدیۆ..رەفتاری جیاوازی بەرپرسێكی باڵای یەكێتی ئەوروپا لەگەڵ كچە كارمەندەكان

خەڵك-بەشی هەواڵ

هەڵسوكەوتە سەیرەكانی سەرۆكی كۆمسیۆنی یەكێتی ئەوروپا، پێش كۆنگرە رۆژنامەنوسییەكەی، سەرنجی هەموو ئامادەبوانی بەلای خۆیدا راكێشا.
تۆڕی سبوتنیك بڵاویكردەوە، ژان كلود یونكر سەرۆكی كۆمسیۆنی یەكێتی ئەوروپا لە دووەم رۆژی دانیشتنی سەرانی یەكێتی ئەوروپا بە جوڵە و رەفتاری سەرسوڕهێنەر سەرنجی ئامادەبوانی بەلای خۆیدا راكێشا.
لە تۆمارێكی ڤیدیۆییدا، یونكر دوای ئەوەی رووبەرووی یەكێك لە كارمەندانی بوویەوە دەستی خستە نێو قژییەوە و ماچی كرد و دواتر بە جوڵەكانی ئاماژەی بۆ ئەو كرد كە هەست بە سەرما دەكات.
دواتر رووبەرووی یەكێكی دیكە لە كارمەندەكان بوویەوەو دوای تەوقەكردنی رێزی لە دەستەكانی گرت.
ناوبراو چەندین جوڵەی سەرنجراكێشی دیكە ئەنجام دەدات، بەڵام هیچ روونكردنەوەیەك لەسەر ئەو جوڵانە نادات.
بەپێی زانیارییەكان، سەرۆكی كۆمسیۆنی یەكێتی ئەوروپا بەوە ناسراوە كە لە كۆنگرە رۆژنامەوانییەكانیدا كەسێكی قسە خۆشە و پێشتر و لە یەكێك لە كۆنگرە رۆژنامەوانییەكانیدا لاسایی تێریزا مەی سەرۆك وەزیرانی بەریتانیای كردوەتەوە.

بەردەوام بە لە خوێندنەوە

جیهان

بەڤیدیۆ، چەكدارانی داعش ئەمیرەكەیان بەجێدەهێڵن و هەڵدێن

خەڵك- بەشی هەواڵ
هێزەكانی (هەسەدە)، تۆمارێكی ڤیدیۆیی بڵاودەكەنەوە كە ساتی هەڵاتنی چەكدارانی رێكخراوی داعش لە شەڕێكدا لە خۆرهەڵاتی دێرلزور دەخاتەڕوو، لە تۆمارەكەشدا چەكدارەكان ئەمیرەكەیان بەجێدەهێڵن تا دەكوژرێت.

لە پەیجی هێزەكانی سوریای دیموكرات (هەسەدە) تۆمارێكی ڤیدیۆیی بڵاوكراوەتەوە  بە كامێرای جۆری (كۆ برۆ) وێنەگیراوە و لەسەری فەرماندەی گروپەكەی داعش جێگیراوە بەناوی (ئەبو ئەیمەنی عیراقی) كە دواتر لەكاتی پێكداهەڵپژانەكاندا لە ریفی هەجین كوژراوە و تەرمەكەی دۆزراوەتەوە.

پەیجەكە نوسیویەتی”چەكدارانی داعش لە حاڵەتێكی شڵەژاندا دەردەكەون و سەرپێچی فەرمانی ئەمیرەكەیان دەكەن و هەڵدێن و بەجێيدەهێڵن، و  بەهانەی فەرماندەكەیانەوە ناچن، تا گیان لەدەستدەدات”.

ئەبو ئەیمەنی عیراقی، داوا لە گروپەكەی دەكات، پاشەكشە نەكەن و بە گوللـەی تفەنگەكانیان هێزەكانی (هەسەدە) بكەنە ئامانج.

لەو دەمەی (هەسەدە) دەستپێكردنی ئۆپەراسیۆنەكانی بۆ دوایین مۆڵگەی رێكخراوی داعش لە ناوچەكە راگەیاندووە، ناوچەكانی (باغوزی سەرو، و شارۆچكەی ئەبولخاتر، و شارۆچكەی ئەبولحەسەن، و شاری هەجین، و شەعفە، و سوسەی)ی كۆنترۆڵ كردووە، لە شەڕەكانیشدا ژمارەیەكی زۆر لە چەكدارانی داعش كوژراون.

بەردەوام بە لە خوێندنەوە

جیهان

گۆمەكەی شڵەقاند
ئەردۆغان چۆنیەتی كوشتنی خاشقچی ئاشكرادەكات

خەڵك- بەشی هەواڵ
رەجەب تەیب ئەردۆغان سەرۆكی توركیا دەڵێت، لە تۆمارە دەنگییەكەدا، دەكرێت گوێت لە یەكێك لە بكوژەكانی جەمال خاشقچی رۆژنامەنوسی سعودی ببێت كە دەڵێت”دەزانم چۆن پارچە پارچەی بكەم”، ئەو تۆمارە دەنگییەش لەلایەن توركیاوە رادەستی بەرپرسانی ئەمریكایی و ئەوروپایی كراوە.

ئەردۆغان رەخنەی لە دەسەڵاتدارانی سعودیە گرت، سەبارەت بە گۆڕینی شێوازی گێڕانەوەی چۆنیەتی كوشتنی خاشقچی كە لە رۆژنامەی واشنتۆن پۆست دەینوسی و بە رەخنەگرێكی دەركەوتووی محەمەد بن سەلمان جێنشینی شاهانەی سعودیە دادەنرا.

سەرۆكی توركیا لە وتارێكیدا لەبەردەم كۆنگرەی دووی یەكێتی “پەرلەمانتاران لەپێناو قودس” لە شاری ئیستەنبوڵ، رایگەیاند”توركیا ئەو تۆمارە دەنگییەی رادەستی بەرپرسانی ئەمریكا و ئەڵمانیا و فەرەنسا و كەنەدا كردووە، كە زۆر بە ڕوونی تێیدا پیاوێكی سەربازی دەڵێت، دەزانم چۆن پارچەپارچەی بكەم”.

جەمال خاشقچی، رۆژنامەنوسی سعودی لە 2ی تشرینی یەكەمی 2018، بەدەستی تیمێكی 15 كەسی كە لە سعودیەوە بۆ كوشتنی هاتبوون، لەنێو كونسوڵخانەی وڵاتەكەی لە ئیستەنبوڵ كوژرا.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 84%, 32
    32 84%
    32 - 84% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 8%, 3
    3 8%
    3 - 8% هەموو دەنگەکان

کوردستان

دوایین